البارت الحادي عشر
الجميع يعتقد اني سعيده☺️
وهم لا يعلمون ان في قلبي نار🔥
ان خرجت لاحرقت هذا العالم البائس😔
هذا العالم المليء بالحزن والفراق💔
ياسمين : فات علينه الاسبوع بسرعه جنه كلش مشغولين .. من منخلص شغلنه ننجمع ونروح للسوك نحضر للخطوبه .. اما بالليل جنت اروح للشاط صار الظرف شي مهم بحياتي ..
صار يوم الخطوبة واحنه البنات مخبوصين نتحضر بغرفه بالفندق الي راح يصير بي حفل الخطوبه .. والشباب جانوا يتحضرون بغرفه ثانيه .
محمد : اليوم خطوبتي وجنت كلش فرحان وممصدك واصدقائي كلهم موجودين يمي بالغرفه .
مراد : لك محمد ليش تسوي هيج نفسك انت بعدك صغير على هالتعب .
حازم : .. اني كتله بس هو ميسمع حجي عوفوا هو راح يعرف احنه شدنعاني .
محمد : هي تختلف هوايه عن باقي البنات لهذا لتقلقون .
مراد : .. كلنه هيج حجينه بالبدايه بس طلعوا كلهم يتشابهون .
حازم : لا مراد اني مو وياك اكوو ياسمين تختلف عن الكل .
ايهم : من كال هيج حازم راسا باوعت عليه وكلت بكلبي هي صدك تختلف .
محمد : ظلوا الولد يحجون وناصبين عليه واني التوتر كاتلني .. عفتهم وطلعت دااوكف بالبالكونه شفت احمد كاعد يدخن كتله .. احمد ليش كاعد هنا ؟!!
احمد : محمد اعتقد انه لازم اروح شراح يصير اذا شافتني ياسمين .
محمد : مراح يصير شي صدكني بعدين انت صديقي ومراح تروح الا لمن تكمل هاي الليله كلها وجرب تروح وكتها تصير كتلتك على ايدي .
احمد : اني مااريد اسوي مشاكل بينك وبينها .
محمد : مراح تصير مشكله وهسه يله امشي خلي ننزل راح تبدي الحفله .
احمد : ماشي يله عريسنه .
محمد : اخذت احمد ودخلنه يم الولد حتى ننزل كلنه جوة .
ياسمين : كل البنات يفترون مثل النحل بالغرفه واني الوحيده نايمه على الفراش وداليا مرت عمي تلعب بشعري جتي امي شافتني هيج كامت ادردم .
سلوى : كومي ياسمين وسوي شي بدل نومج هذا .
ياسمين : ميكفي اني هنا هذا وحدة شرف للكل .
سلوى : ليش باله منو حضره جنابج ملكه انكلترا واني ماادري .
ياسمين : يكفي اني بنت عبدالله زوجج لو نسيتي .
داليا : ضحكت على اسلوب ياسمين .. دائما جانت علاقه ياسمين بأمها علاقه صداقه ابو ياسمين وامها ازوجوا هم وصغار وبسرعه جابوا لهذا العمر بيناتهم مو هوايه وعلاقتهم كلش حلووة .. الشي الوحيد الي يخرب علاقتهم هو انه امها تريد تشوفها عروس وهذا الشي يحول ياسمين من انسانه هادئه لوحش .
سلوى : هو هذا الي اخذته منج بس طوله اللسان .
ياسمين : وشلون عرفتي انه طويل وهو بداخل حلكي .
سلوى : تعالي هسه اكلج شلون عرفت .
ياسمين : جتي امي عليه اني راسا طفرت وختلت ورة داليا مرت عمي .
داليا : هههه .. كافي عوفيها راح تخربين فستانها واحنه لازم ننزل بعد ١٠ دقايق .
سلوى : لا خلي اعلمها الادب هسه .
ياسمين : كافي ماما اكوو ناس غربه هنا عود من نرجع للبيت تكدرين اتسوين الي تردي .
سلوى : باوعت على داليا وكتلها .. دتسمعين شتكول هي حتى ممهتمه بس شكول هذا اخر دلالكم الها .
ياسمين : كمزت من الفراش وحضنت امي وكتلها .. هو اني اكدر على زعلج حبيبتي انت كمر والباقي نجوم .
سلوى : اي احنه مناخذ منج غير بس هالججي .
ياسمين : حبيبتي انتي ماماتي يله امشي خلي ننزل لنتاخر .
