البارت الرابع عشر
ايهم : فتحت عيني كلها من الصدمه عبالك واحد دار عليه مي بارد ظليت صافن بوجهها وفاتح حلكي عقلي مداايستوعب الي كالته ..
بعدها عفت ايديها على كيفي وبعدني مصدوم كوه كتلها .. شنو متزوجه ؟!!
ياسمين : اني دااغلي من تصرفه شلون هيج يجرء رفعت ايدي كدام وجهه وكتله ... اذا انت مشفت حلقتي هذا غلط منك مو مني تريد الزواج مني وانت متعرف عني اي شي ارجوك خلي حبك بكلبك ولنفسك لان اني مااحب غير شخص واحد بس وماابدله ابد وارجو المعذرة هسه اني لازم اروح .
ايهم : عافتني وراحت بكل بساطه واني من الصدمه مدااكدر اتحرك من مكاني عافتني وحدي احترك من الي سمعته عقلي وكف ونار بصدري ..
يأذي كلش شعور انت فقدت روحك بينما هي ساكنه بجسمك .. اذا اني اتأذيت قبل بس هسه دااموت ودااحترك بعد مااتحمل الي بداخلي عطت بأعلى صوتي ... لااااااااااااااااااااااااااا .
ياسمين : كمت امشي سريع وابجي انهاريت .. بس اني مداابجي على فقدان كريم داابجي على فقدان ايهم ..
جنت دااتأذه لان بعد مراح الكه ظروف مالته .. ومالكه الي يسمعني وميشفق عليه مراح الكه ايهم الصديق الي يخليني اضحك من كلبي .. من وفاه كريم صارت ضحكاتي كلها مصطنعه بس ويه ايهم حسيت دااضحك من كلبي بدون مااعرف شلون ..
منتبهت اني وين وصلت لحد موكعت بالكاع وانهاريت من البجي كمت اصيح وابجي ..
اسفة والله اني اسفه اعرف اني اذيتك هوايه ومحد راح يكدر يواسيك اتوسل بيك سامحني بس اني مااكدر اخون كريم اني كتله حياتي كلها ملكه وراح تظل ملكه ..
كمت كووه ومشيت للشارع وكفت تكسي ورجعت لشقتي .
ايهم : رحت بسرعه لسيارتي صعدت بيها وسقت بسرعه توجهت لشقه حازم جنت مااشوف بعيني من العصبيه ..
وصلت وصعدت لشقته واني الغضب الي بيه اريد اهد العماره بأكملها .. دكيت الباب واول مفتح الباب حازم قبل ميكول شي ضربته بكل قوتي وكع بالكاع .
حازم : كمت وكفت ومتفاجئ شبي ايهم كتله .. ايهم شبيك اتخبلت ؟!!!!
ايهم : عطت بوجه .. شنو اني واحد غبي بنظركم لهل درجه ضاحكين عليه .
حازم : شنو الموضوع والله مداافتهم شي .
ايهم : لزمته من ياخه قميصه وعطت بي .. لك ليش !!!!!!! ليش محد كلي ياسمين متزوجه اني كلت كدامكم كلكم اني احبها وراح اتقدملها من نسافر للعراق وحتى حجيت ويه ابوها بهل شي ليششششش محد كلي .
حازم : افتهمت شبي وخرت ايدة مني وكتله .. تعال اكعد ايهم اكعد واهدء شويه وراح احجيلك كل شي .
ايهم : سؤال واحد هي صدك متزوجه ؟!!!
حازم : جانت .
ايهم : ضحكت وكتله .. وشنو هسه دتعيش على ذكرى حبيبها .
حازم : هو مات قبل العرس ب٤ اشهر .
ايهم : .. شنووو ؟!!
حازم : تعال اكعد وراح احجيلك كل شي .
ايهم : كعدت وكتله .. احجي .
حازم : كعدت كدامه وكتله ... جان ابن عمها من اول مأجتي للدنية وهي محجوزة اله .. بس مجان بس ابن عمها جان بينهم حب يكبر يوم ورة يوم .. ومن صارت ياسمين ١٨ سنه كطعوا مهر حتى تصير كدام الناس مرتبطه .. بس كريم جان يريد يسويها زفه هو جان اكبر من ياسمين ب٣ سنين بس عمي عبدالله مقبل وكال ماكو زفة لحد متكمل دراستها وهذا الي صار .. بس قبل العرس ب٤ اشهر مات ..
وهي من ذاك الوقت وهي هيج حزينه ومتبالي بأي شي صارت منغلقه على نفسها بالبدايه جانت تتصرف بطريقه غريبه كأنه مصاير شي بس الطبيب كللنه هاي من الصدمه هيج دتتصرف بس وراها بدت المشاكل كامت تعيط وتبجي واي شي تشوفه يخص كريم راسا تنهار ويغمى عليها لهذا سفرها ابوها لهنا يم عمها ابو محمد بس هي عاندت الا تعيش بشقه وحدها وهم مرادوا يعاندوها حتى لتنتكس بس ورة فترة انتبهنه عليها صارت هادئه وكلنه كلنه بدت تنسى بسبب تغير المكان بس محمد مقتنع ابد جان ملاحظها تنام هوايه وهدوئها المفاجئ مقلق وبيوم من الايام جان يمها بالشقه جرح ايدة بالسجينه فراح حتى ياخذ معقم لكه عدها هوايه مهدئات وادويه منومه فراح بسرعه لغرفتها لكه هناك الادويه محطوطه بالمجر الي يم فراشها .. ومن ذاك اليوم ومحمد كام يبقى وياها بكل حركاتها حتى مترجع للادويه مرة لخ حتى هو قدملها بالجامعه حتى متكعد بالبيت وتلتهي لهذا صار شغلها كلش مهم بالنسبه الها هذا كل شي .
ايهم : جنت اسمع حازم واني دااحترك عليها كل هذا فات عليها واني مااعرف شلون جانت وشلون صارت .. ظليت ساكت وراها كتله .. شلون .. شلون مات ؟!!
حازم : بحادث سيارة كريم جان من محبي السرعه والمخاطرة وبيوم جان ديسوق السيارة بسرعه وحاول يسوي بيها حركات ومكدر يسيطر عليها وانكلبت بي ومات .
ايهم : وشنو دخل هذا الي اسمه احمد بالموضوع من شافته بالبدايه رادت تكتله ؟!! .
حازم : احمد جان صديق كريم وجان يشجعه على هاي الشغلات هو هم جان مهووس بيها لهذا ياسمين بدت تلوم احمد من مات كريم وهو هم كام يلوم نفسه رغم هو مجان ويه كريم بذاك اليوم
ايهم : سكتت اريد استوعب هاي الشغلات كلها ورة شويه كمت وردت اروح بس وكفني حازم .
حازم : من كلك عمي عبدالله انه تنتظر تجي لبغداد حتى تتفاهمون جان يقصد انه راح يحجيلك هالشي لان اقناع ياسمين راح يكون كلش صعب لانها تعتقد اذا تابعت حياتها هاي تعتبر خيانه لكريم وبماانه انت راح تعوفها هسه اريد منك تنطي خبر لابوها قبل منروح لهناك .
