البارت السابع
شلت راسي اشوف الكل يباوع عليه وصافنين ابتسمت وكتلهم .. ماشي بماانه خلصنا راح نروح هسه .
ايهم : اوكي ومن باجر راح يكون الشغل منا .
حازم : ماشي .
ياسمين : وصلت لبيت عمي وقبل ماادك الجرص ظليت ادعي الله يمرر هاليوم على خير .. دكيت الجرص فتحت الباب مرت عمي داليا راسا حضنتني وهي فرحانه رغم اني اختنكت من حضنتها بس فرحانه دائما جانت داليا صديقه واخت وام اليه .
داليا : نورتي بيت عمج يا بنت عبدالله مجنت اعرف انتي تحتاجين لعزيمه حتى تجين .
ياسمين : لتضوجين جنت كلش مشغوله هاي الفترة .
داليا : مشغوله عني ميخالف شلون الومج واني ولدي نفسهم مااشوفهم .
ياسمين : لعد اني مو وحدة من جهالج .
داليا : حضنتها مرة لخ وكتلها .. الله وحدة يعرف انتي اغلى من ولدي عندي .
ياسمين : ضحكت .. اعرف يله مراح ندخل لو راح انظل اليوم كله هنا .
داليا : لا شلون تعالي فوتي حبيبتي جنت اسويلج الاكل من الصبح ومراح اطلعين منا لحد متكملي كله .
ياسمين : بهتت من سمعت حجايه داليا بس لزمت نفسي وابتسمت خرب اتورطت .. كعدنه ضحك وسوالف لحد مااجى عمي وشذى ومحمد رحنه كلنه كعدنه على سفرة وكلنه واحد يباوع على الاخ وداليا تخلي الاكل كدامنه وفرحانه .
محمد : ديدا حبيبتي انتي سويتي كل الاكل ؟!
داليا : ابتسمت .. لا سوت ام ايمن النص واني النص .
محمد : ضحكت .. صدك يا جزء انتي سويتي ؟!
داليا : ابتسمت كلش فرحت ابني سئل على الاكل الي اني سويته اكيد ايريد ياكل منه .. اشرتله على الاكل الي سويته .
محمد : ابتسمت اني سالت حتى ابتعد على الجزء الي طبخته هي كلت على كيفي .. جيد على الاقل الوحد يكدر ياكل من الباقي بدون اضرار عمري صار ٣١ سنه وامي بعدها فاشله بالطبخ .
ياسمين : اني وشذى سمعنه حجيه وضحكنه .. واذكرت كريم ..
.
مرة عزمتنه داليا حتى ناكل يمهم وكريم جان رافض يروح .
كريم : محمد حباب عوفني اخر مرة اكلت بيها اكل مرت عمي الا شويه اروح للمستشفى من الالم .
محمد : .. مو صوجي هي حلفت انه نروح كلنه .
ياسمين : محمد لزم ايد كريم ويجر بي وكريم يدفعه واني ميته ضحك عليهم .
كريم : ماشي ماشي خلينا ننتفق على شي .
محمد : شنو مو كل مرة نظل ساعتين نقنع بيك .
كريم : اخذني اني وعوف حبيبتي ام عيون الجكليته مااكدر اضحي بيها خلي نعوفها تلحك على روحها .
محمد : ضحكت .. والله مااسويها لو نعيش كلنه لو نموت كلنه ماكو هزيمه .
كريم : لزمت ايد ياسمين وكتلها .. اني راح اموت واعوفكم كلكم .
.
.
ياسمين : دمعت عيني من اذكرت حجايته جانت هاي الزيارة الاخيرة لبيت عمي .
محمد : كلنه انتبنه على ياسمين شاردة وراها كامت تنزل دموعها .. عرفت بشنو شاردة بس ظلينه ساكتين .
ياسمين : صحيت من شرودي وراسا مسحت دموعي وابتسمت وكلت .. يله خلي ناكل شدتنتظرون ..
من دااكل دك تليفوني باوعت لكيته رقم العميد الجامعه عكدت حاجبي وجاوبت ..
مرحبا سيدي .
العميد : مرحبا دكتورة ياسمين كيف حالك .
ياسمين : بخير سيدي ولكن هل يوجد شيء ؟!
العميد : نعم .. لقد اتصلت بك لكي اخبرك انك سترجعين للعمل غدا
