البارت الثامن عشر
بقيت وحدي
أراقب الصراع بين قلبي وعقلي
فعقلي قد كبر مع شكلي
وربما سبق شكلي بنضجه..!!
وقلبي لازال يعيش طفولته
يريد أن يلهو ويلعب
يبحث عن الحنان ويحب الاحتضان
يثق في كل من حوله ويحبهم بصدق
وعقلي قلق على قلبي يخالفه في كل شيء ويخشى عليه من كل شيء
عقلي حذر الى أبعد الحدود،،
لكن قلبي عنيــــــــــــد كعناد تلك الطفلة التي تسكنه!!
مريم : طلعت ردت اشتري هدية عيد ميلاد لياسمين .. ومن داادخل للمحل انركعت بواحد .. فشلت راسي حتى اعتذر منه
احمد : اهلا مريم شلونج ؟!
مريم : هاااا ..........
احمد : شنو نسيتيني اني احمد كرايب ياسمين .
مريم : اي اي اذكرك بس اني توقعت انت متتذكرني لهذا اتفاجئت شويه .
احمد : ليش اكوو واحد ميذكر هذا الوجه الحلوو .
مريم : .. شكرا هذا من ذوقك .
احمد : اني دااحجي صدك مو دااجاملج بس انتي شدتسوين هنا .
مريم : البارحه جان عيد ميلاد ياسمين لهذا فكرت اجيبلها هديه .
احمد : من محل تحف ؟!!!
مريم : اي ليش اكوو مشكله ؟!!
احمد : لا بس تحف لياسمين شويه الموضوع غريب هي متحب هالشغلات .
مريم : صدك هو منو ميحب هالشغلات بعدين ويه شخصيتها كلش ترهملها اكيد هي تحب هيج شغلات .
احمد : لا مو من محبين التحف وهي شخصيتها مو قويه بس لسان طويل .
مريم : .. لعد شتحب ؟!!
احمد : تحب الشغلات البسيطة لهذا حاولي تكون هديتج بقيمتها مو بسعرها .
مريم : ماشي ..
احمد : انتي تحبين التحف ؟!!!
مريم : كلش هووايه .
احمد : جيد طلع عدنه شي مشترك .
مريم : ليش انت تحبها همين ؟!
احمد : تكدرين تكولين اني عبرت مرحله الحب وهسه وصلت لمرحله العشق .
مريم : .. هسه اعذرني لازم اروح والكه هديه مناسبه الها .
احمد : شنو رأيج اساعدج انه تكلين هديه مناسبه بما انه اني اكثر خبرة منج .
مريم : بس اني مااريد اأخرك على شغلك .
احمد : لا ماعندي شي يله امشي حتى لنتاخر .
مريم : اوكي يله .
ياسمين : وصلنه للعمارة الي اعيش بيها سلمت على ايهم ونزلت طبيت وقبل مااصعد رحت اشوف البريد مالتي لكيت صندوق مكتوب عليه " الى الجميله ياسمين عبدالله " ..
ضحكت وعرفت هاي الهديه من احمد هو ابد مينسى عيد ميلادي اخذتها وصعدت لشقتي دخلت بسرعه وكعدت بالصالة بالكاع وفتحت الصندوق لكيت بداخله رسالة والبوم صور .. اخذت الرسالة وبديت اقراها
ياسمينة الحلوة اتمنالج حياه طويله وسعيدة .. اعرف انتي استغربتي ليش مخلي رسالة ويه هاي الهدية .. هسه راح اجاوبج على هالشي ..
هاي اخر هديه كتب عنها كريم بدفترنا لهذا فكرت اكتبلج .. اني كلش مقهور من هالشي بس اوعدج اني راح انفذ وصيته وادزلج كل سنه باقة من ورد ياسمين هو كلج قبل اذا ملكه شي يقدمه الج راح يقدملج احلى باقة من ورد الياسمين لهذا اني راح اسوي بوصيته دائما هو اخوية الي مجابته امي لهذا راح اسوي اي شي يفرحه ..
اما هاي الهديه هو راد اخلي احلى صور النه سويه كل صورة النه اذا جنه سويه او لا .. بس كلش تعبتني وخصوصا اقناع امج بأن مااشوفها الالبوم لحد متشوفي انتي جان اصعب شي صدكيني ..انتي تعرفيها اشكد هي لحوحه ...
اريد منج تشوفين الالبوم كله من يوصلج .. وبنهايه الالبوم اكوو رسالة صغيرة من كريم ارجوج لتقريها لحد متخلصين كل الصور .. وارجوج لتبجين من تشوفين هذا الالبوم .. وبالنهاية ان شاء الله تعيشين بسلام وسعادة دائما ابدي من جديد وعيشي حياتج .....
