.
.
.
.
.
.
دَمْعٌ جرَى فقضَى في الرَّبْعِ ما وجَبَا
لأهلِهِ وشَفَى أنّى ولا كَرَبَا
عُجْنا فأذهَبَ ما أبْقَى الفِراقُ لَنا
منَ العُقُولِ وما رَدّ الذي ذَهَبَا
سَقَيْتُهُ عَبَراتٍ ظَنّهَا مَطَراً
سَوائِلاً من جُفُونٍ ظَنّها سُحُبَا
دارُ المُلِمِّ لها طَيفٌ تَهَدّدَني
لَيلاً فَما صَدَقتْ عَيني ولا كَذَبَا
أنْأيْتُهُ فَدَنا، أدْنَيْتُهُ فنَأى،
جَمّشْتُهُ فَنَبَا، قَبّلْتُهُ فأبَى
هامَ الفُؤادُ بأعرابِيّةٍ سَكَنَتْ
بَيْتاً من القلبِ لم تَمدُدْ له طُنُبَا
مَظْلُومَةُ القَدّ في تَشْبيهِهِ غُصُناً
مَظلُومَةُ الرّيقِ في تَشبيهِهِ ضَرَبَا
بَيضاءُ تُطمِعُ في ما تحتَ حُلّتِها
وعَزّ ذلكَ مَطْلُوباً إذا طُلِبَا
كأنّها الشّمسُ يُعْيي كَفَّ قابضِهِ
شُعاعُها ويَراهُ الطّرْفُ مُقْتَرِبَا
مَرّتْ بنا بَينَ تِرْبَيْها فقُلتُ لَها
من أينَ جانَسَ هذا الشّادِنُ العَرَبَا
فکستَضْحَكَتْ ثمّ قالتْ كالمُغيثِ يُرَى
ليثَ الشَّرَى وهوَ من عِجْلٍ إذا انتسبَا
جاءتْ بأشجعِ مَن يُسمى وأسمحِ مَن
أعطَى وأبلغِ مَنْ أملى ومَنْ كَتَبَا
لوْ حَلّ خاطرُهُ في مُقْعَدٍ لمَشَى
أو جاهلٍ لصَحا أو أخرَسٍ خَطَبَا
إذا بَدا حَجَبَتْ عَيْنَيكَ هَيْبَتُهُ
وليسَ يحجبُهُ سِترٌ إذا احتَجَبَا
بَياضُ وَجْهٍ يُريكَ الشّمسَ حالكةً
و دُرُّ لَفظٍ يُريكَ الدُّرَّ مَخْشَلَبَا
وسَيفُ عَزْمٍ تَرُدّ السّيفَ هِبّتُهُ
رَطْبَ الغِرارِ منَ التأمُورِ مُختَضِبَا
عُمرُ العَدوّ إذا لاقاهُ في رَهَجٍ
أقَلُّ مِنْ عُمْرِ ما يَحْوِي إذا وَهَبَا
المتنبي
.
.
.
كان يقود سيارة.. لـ يرن هاتفه ويمد يده ويجيب..
جمال: هلا والله بـ زيد.. حي ها الصوت والله
زيد: هلا بك يا جمال الحق علي..
جمال: وش فيك.. الله يستر عليك
زيد: عمك يبينـي بـ الغصيبة اتزوج بنت عم جدتي.. انا وش لي بها..
جمال: اذكر الله.. يا اخوك اصبر.. قصدك شادية
زيد: انا ابي اكون عزوبي وش لي بـ السجن.. وبعدين من حلاة الاسم شادية..
لـ يضحك جمال: يا حليلك والله.. انك تضحك اسمع روح ورا شور ابوك ما انت ضايع..
زيد: هذا وانا ابيك عون صرت فرعون..
لـ يقاطعه: زيد انت من رحت لـ خوالك وعلومك متغيرة.. اركد وانا اخوك وتزوجها وإن شاء الله علومك بـ تزين
زيد: تأيدني بـ تدبيسه الزواج.. الا كيفه معك
جمال يـ تجاهل سؤاله: والله اني زعلان منك.. اجل ما تحضر زواجي..
زيد: ابد ما هو بوقت عتاب.. انشغلت بالمزرعة.. وراه ما يخليني عزوبي..
جمال: شوف يا زيد.. لزوم تتزوج.. كافي انك تحصن نفسك
زيد: اسمع وش يسولف.. اركد يا زيد أنا اخترت لك من بيت اجاويد.. وازيدك من شعر بيت ان ابوهم اقشر
لـ يقهقه جمال: كافي يا زيد.. فقعت ابو مرارتي
زيد: على هونك.. انا مكدرني سالفة الزواج بكبرها.. مدري ليه مستعجل على الزواج لاحق على القرادة.. ومير الله يسلمك البكر ولزوم اتزوج واعيل..
جمال يكتم ضحكته: هدي يا زيد.. خلك سمح مع عمي.. دين يقولك .. قال تعالى: ( ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْهُمْ بِالَّتِي هِيَ أَحْسَنُ ۚ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ ۖ وَهُوَ أَعْلَمُ بِالْمُهْتَدِينَ ) صدق الله العظيم .. سورة النحل الاية 125 .
لـ يهمس بهدوء: خذ الأمور بروية وهذيلا اهلك منك وفيك.. وخير الأمور اوسطها
زيد بقهر: ونعم بالله.. غثيتك بـ علومي.. بس وين الي يقنع أبوي؟!
جمال: وش علوم جدتي.. والله لي فترة طويلة ما زرتها
زيد: أي ام علي تشره عليك.. هقوتي بـ تسوي عزيمة كبيرة لك ولــ بنت العم.. عاد انتم الغالين عندها
ابتسم جمال: يا حبي لها ..بالله سلم لي عليها.. وإن شاء الله قريب ازور القصيم
زيد: الله يحيك.. اندزلع..
لـ يقهقه: طيب يا حيوان.. اذلف لا اشوفك تدق مرة ثانية لا تزعجني تراني عريس
زيد: يا حوول.. اقول بو صالح اندزلع عند زوجتك ابرك لك
.
.
.
جمال بـ قهر: شف الحيوان قفل الخط بوجهي..
وهم: يا حي القصيم.. جمال ودني لجدتي عهدي بها يوم وفاة ابوي الله يرحمه..
جمال: من جدك ما زرتي جدتي..
لـ تزفر وهم: ما كنت اخرج من البيت.. يا دوب اداوم بالجامعة وارجع للبيت
جمال: إن شاء الله نزورها قريب..
لـ يطل على المقاعد الخلفية ويبتسم: لولو.. وش تبين من السوق
لولوة: ابي ماما.. مابي السوق
جمال: حبيبتي ماما اليوم جايه.. عشان كذا نبي نشتري لها ورد وحلاوة
.
.
.
في الجانب الآخر
القصيم
زيد: ام علوي هماي قايلن لتس.. لا عمرتس تزاعقين بـ ها القايله.. تراتس بزعاقتس تعكرين مزاجي كله..
ام علي: هاااااااو ما بغينا نخرج..
أم زيد: هاااااااو!!! ما بعد طلعتوا.. جعلكم للصلاح الحين متى يمديكم توصلون لـ عمكم.. وانتي يا سوير بيمديتس تروحين لجامعتس..
ساره: الله يهديتس يا ميمتي ما عندي دوام اليوم.. يمدينا نسير على عمي
أم زيد: ابوتس وينه..
زيد بخبث : يبه الله موفقك يوم انك اخذت ميمتي
لـ يدخل ابو زيد الصالة ،ويجلس بجانب زوجته
أبو زيد ضحك: ونعم بـ امك ليت خواتك يوصلون لـ ها المواصيل.. ام زيد جهزي نفستس بـ نسير على بيت أبو مفلح
أم زيد: ابشر
زيد: يبه ما يصير!!
أبو زيد: اسكت يا ولد.. تتزوج يعني تتزوج.. شف ولد عمك البارحة كان زواجه.. متفشل من اخوي ما باركت له.. كله من ها السيارة بـ بيعها الله لا يعوقني بشر..
زيد: يا يبه مابي ادخل السجن..
أبو زيد: أي سجن.. نعنوبك يا المقرود بـ تدخل القفص يا المهبول..
زيد: يا يبه والله انه السجن .. برفع رايتي البيضاء..
أبو زيد: اندزلع عن وجهي..
لـ يبتعد زيد ويتحرك بخطوات سريعة لـ يغلق الباب بكل قوة
أم زيد: الله يهديك يا ابو زيد.. هون عليك.. و زيد بـ يكبر عقله وبـ وافق!!.
أبو زيد: غصبن عليه.. عيال آخر زمن.. ان ما يبي شادية عنده ياسمين وهي اولى من الغريب..
أم زيد: وسع بالك يا علي.. ياسمين مطلقه ،و ولدي عزوبي ما بعد دخل حياة..
بعناد: يا مره.. ياسمين ألف من يتمناها.. هو حاصله ولدك يأخذ بنت الشيخ أخوي عندك اعتراض على اخلاقها
أم زيد: مير البنت اديبه مؤدبه.. ما لها حس.. هي من زود الأدب ما عندها الا يا عونك ولبيه وحاضر..
أبو زيد يقاطعها: دام ما عندك اعتراض.. نتوكل على الله ونخطبها له..
ساره تقفز بفرح: يبه عزمت خلاص.. ما بغينا يكون في زواج.. احنا ما صدقنا يصير عندنا عريس..
أم زيد: طالع لك حس يا سوير.. اندزلعي عن وجهي..
ساره بضيق: يا ميمتي علامتس علي.. بفرح لأخوي..
أم زيد: وراه ما تسمعين الهرج
ساره: إن شاء الله.. بـ اندزلع عن وجهتس..
أم علي: سوير.. تعالي
ساره وهي تجلس بجوارها: آمري يا ميمتي وش بغيتي
أم علي: شغلي ها الراديو..
أبو زيد: يمه يا الغالية بروح الرياض، وانتن بعد معي.. تجهزن .. هذا هو بروح اصلي العصر واجي إذا ما لقيتكم خالصين روحت عنكم
أم علي: ابشر يا امك.. رح يا عسى توافيق بطريقك..
قبل رأسها: اللهم آمين..
.
.
.
الرياض
بالمساء..
دخل باب جناحه لـ يجدها واقفة أمام الشباك وتركت الستائر لـتلفت لـه
وهم: وصلوا..
جمال وهو يلقي نظرة على صورته العاكسة بـ المرآه
ويضبط شماغه ويضع بعض العود تحت أذنيه.. ثم أغلق اكمامه بكبك فضي..
لـ يردف: أي هم على وصول.. لأنهم ما حضروا عرسي.. عاد هالله الله بـ سنع..
لـ ترفع حاجبها اليسار: ايه تأمر حبيبي.. ولا يهمك اصير لك ذربه كان تبي..
امسك بها لـ يعانقها: تتطنزين مدام منشن..
وهم: يا سلام صرت منشن الحين.. انت ليه تحب تعصبني!!
ابتسم بخبث: شكلك يكون احلى..
لـ تكتف يديها: لا والله.. وخر عني..
بعناد وهو يقبل جبينها: بطلي توتر.. واتركي الافكار السيئة عنك..
وهم بتعب: ملاك متى بـ تخرج من المستشفى؟؟ ابي ازورها..
جمال: سفرتنا تأجلت.. بودي ملاك تتعالج بـ المانيا..
وهم بخوف: وش بها؟! جمال تراك خوفتني..
لـ يزفر ثم اردف: ظهرها موجعها.. ولازم في اقرب فرصة اروح..
وهم: يا حبيبتي يا ملاك.. والله اني مقصرة معها.. خلاص تم.. سافر معها.. لكن بروح معك مابي اجلس بروحي..
جمال: بعدين نتفاهم في ها الموضوع..
لـ يخرج ويهبط لدور الارضي.. وهي تتأنق بـ فستان لون العنَاب وتبخر رأسها بـ رائحة العود ،وخُتمت بـ احمر شفاه...
.
.
.
فتح الباب.. ليرحب بهم بحرارة
أبو جمال: يا مرحبا يا الغالية.. اقلطوا.. حياكم الله في بيتكم..
دخلت أم علي أولاً من ثم ابو زيد..
أبو جمال: يا مرحبا يمه.. حي الله ها الوجه..
أم علي: الله يبقيك.. والله المشوار طويل رجيلاتي ما عاد تحمل عنا المشاوير..
أبو جمال: الحين ادهنها لك بزيت الزيتون.. وش اخبارك يا اخوي؟.
أبو زيد: بخير انت وشلونك عساك طيب..
أبو جمال: طيب.. المفروض تجون من زمان الرياض!!
أم علي: والله يا ولدي اشغلتنا دنيا.. الله لا يشغلنا إلا بطاعته..
أبو جمال: حياكم يبه البيت بيتكم..
ساره وهي ترفع نقابها.. ثم تقبل جبينه وأنفه وتنحني لـ يديه وتقبلها: شلونك عمي عساك طيب؟.
ابتسم لها: يا هلا بنت الغالي.. هلا بـ سوير.. انا طيب علومك انتي؟؟
ابتسمت له بهدوء: طيبه يا عم..
أبو جمال: اقلطوا بداخل.. أم جمال بالمجلس تنتظركم..
.
.
.
بالمجلس الحريم
أم جمال: حي الله أم زيد.. يا هلا ومرحبا..
أم زيد: الله يسلمتس يا فاطمة.. بالمبارك يا وخيتي..
لـ تبتسم أم جمال: الله يبارك فيك.. العقبة على زيد وسارة..
أم زيد: آمين يا فاطمة.. ليته يركد ها الولد مشقيني الله يهديه بس..
أم جمال: عندنا وعندك خير.. إلا خالتي وينها؟!
أم زيد: جلست بصالة مع الرجال..
ساره: وشلونك خالتي..
أم جمال: يا مرحبا بـ سارة.. ما شاء الله تبارك الله وش ها الزين..
.
.
.
بعد دقائق
دخلت ياسمين بـ عصير المانجو لـ تضعها أمام الطاولة.. ثم سلمت على ام زيد.. وساره وام علي " هند" ثم تبعتها وهم..
أم زيد: علومتس يا عروس..
ابتسمت بخجل: بخير خالتي جعلك بخير..
ثم تحضن ساره..
لـ تهمس بهدوء: يا محلتس.. وهم ما هقيت ان زواج يحلي.. الا يحصل لي اخذ اخوك المملوح سلمانوه..
لـ تضحك وهم: سوير وحشتيني..
سارة: ايه باين يا التسذوب.. من نقلتم للرياض وعلومكم ضاعت..
وهم: جد والله فقدتك.. انتي باقيه على الكلية؟!
سارة: أي ما غير احوس به الكلية.. الا ما حنيتي لأيام الخوالي..
بضحكة: من جدك سارونه.. باين انك مواصلة ما نمتي..
سارة تضربها على كتفها: الله يرجتس يا شيخة.. صبي القهوة..
ياسمين: الله يفشلك ساره اقصري صوتك وجع..
سارة: وشووووو ياسمينة يا العصلة.. هذا بيت عمي وشوله اتفشل!!
وهم: سوير وش فيك انتي اليوم.. ما انتي صاحية ابد.. صوتك عالي..
ساره: ما عليكم فيني.. هماه قايلن لتس.. صبي القهوة..
ضحكت ياسمين: وربي غبار.. على ها اللهجة.. بصب لك يا نشبه..
ساره: أي علومكم ما به احد بطريق!!؟
بوجع: سوير اعقلي.. كأن جنانك زاد..
ساره: يا ملحي بس.. اقول وين عشاتسم عصافير بطني عم تووصص..
لـ تكتم ضحكتها: أجل بطنك يوصوص..
ياسمين: ما انتي صاحيه..
ساره: والله قهرانه ما حضرت زواجتس يا وهوم.. سيارة ابوي مقربعه من ايام الأولين،، أقوله يا يبه بيعها لكن.. وين الي يسمع !!
لتضحك وهم: طيب ورآه ما جيتي مع زيد؟!
ساره: لا تحومين تسبدي.. زيد مين راح لخوالي وعلومه ضاعت بمزرعته.. مير الله يسلمتس مدزبله جدتي.. بس ما شاء الله يا ملحتس وهووم صورتي..
ابتسمت لها: اي حمدلله.. بـ تشوفين صوري.. ابي اسلم على عمي وجدتي..
.
.
.
بمجلس الرجال
جمال: حي الله زيد وشلونك؟!
ابتسم بضيق: الله يبقيك... علومي تسرك انت وش علومك وعلوم الحبيبة!؟
ابتسم: حمدلله.. ورآه متضايق..
زيد: ودي اهج برا الديرة.. يخي كبدي دبلت وانا اقول مابي زواج لكن وين الي يسمع... عمك ها المره مقفل أذنيه..
ضحك جمال: يخي وسع صدرك..
.
.
.
ابو زيد: والله يا اخوي علومي تسرك.. وإن شاء الله ما ترفض طلبي..
ابو جمال: والله لو تبي عيوني المركبة.. ما تغلى عليك يا ابو زيد..
ابو زيد ابتسم: الله يسلمك.. أنا جاي اليوم اكمل الفرح و اخليها فرحتين..
زيد وقلبه يخفق بشدة لـ ينصدم من كلام ابيه..
يشعر بضيق شديد ،ويرافقه صداع..
ابو زيد: ولدي زيد تعرفه عنده مزرعة.. ويحب ركوب الخيل اجودي يعجبك في وقت شده.. رجال السبع وكلن يعتمد عليه..
ابتسم ابو جمال: وانا اشهد يا علي..
ابو زيد: وانا ما ألقى أحسن من بنتي ياسمين لولدي زيد..
صدمة.. شد أطرافه والغضب يستعمر بكل خلية به..
يحاول ان يمسك جمام غضبه لكي لا ينفجر..
نظر لـ جمال الذي تغير لونه..
ابتسم ليردف بـ اتزان: يا عمي يشرفني اطلب يد بنتك على سنة الله ورسوله..
ل تتسع عيني جمال بصدمة ثقيلة ثم أردف: اختي ما هي لعبة زيد.. تطلقت من حسين لان ما ثمنها ولا هو عارف قدرها.. مابي تطيح مرة ثانية من جديد.. واسمح لي يا عمي.. ان
لـ يقاطعه زيد بغضب: قلت لك موافق.. يا جمال وش علومك انت فهمت السالفة غلط.. خل أفهمك سالفة.. أنا اقول يا عمي تشاور بنت العم ما عليك من جمال..
ثم ابتسم: يا عم لا تحرمني منها.. العقد أنا اعتبره عقد حب ووفا..
احتار ابو جمال ثم نظر لاخيه..
ليردف بهدوء: والله يا اخوي.. زيد ولدي وينشرى.. لكن على قولته أشاور البنت لكن ما يمنع ان أخذ رأي أخوانها.. جمال انت شايف شيء على ولد عمك.. الكلمة الي تستحي منها يا أبوك بدها..
جمال: ماني شايف منه الا كل خير.. بس.....
ابو جمال: وانت يا بدر وش قولك؟!
ابتسم بدر: ما عقب كلامك شيء يبه.. أنا موافق..
ابو جمال ابتسم: بالبركة يا ولدي..
ابتسم زيد: الله يبارك فيك عمي..
.
.
،
على الجانب الآخر
وهم وهي تقبل انفها وعيناها ثم يدها: يا ميمتي والله فقدتك يا الغالية..
ام علي: يوم انتس فازدتني وراه ما تسيرين علي..
وهم: يا الغالية انت اعلم بظروفي.. والله يا ميمتي يا دوب أعطي دروسي للبنات ومن البيت للجامعة..
ام علي: همااااه قايلن تعيشن عندي..
وهم: قلبي ما يطاوعني اسيب بيت ابوي.. والله ان جيتك يا ميمتي تسوى كنوز دنيا وما فيها...
ام علي حضنتها: ما عقلتي البلا اللي براستس.. دودهتي ولد عمتس.. مير عنادتس يدافع البلا..
وهم: يا ميمتي لا تذكريني بالي راح.. يكفي زواجي ما حضرتيهه..
ام علي بعتاب: انتِ اعلم يا وهيم..
.
.
.
بعد ساعة
ابو جمال: يا ابوك زيد ولد عمك تعرفينه ولا تجهلينه.. رجال يعجبك.. اليوم جاء عمك وطلبك مني يا ابوك لا تردينه..
بـ شحوب وبصدمة: يبه طلبني أنا.. بس يبه أنا بعد حسين عفت الزواج.. وش الي يضمني انه ما هو مثله..
ابو جمال: يا بنتي ربك ما كتب لك نصيب مع حسين.. لكن زيد والله رجال وكل المجالس تهابه.. وما ظنتي يا ابوك تجهلين علومه...
ام جمال: على البركة يا بنتي.. زيد ونعم فيه وانا اشوف نظرات حصة لك..
ابو جمال: أنا مابي اجبرك يا ابوك.. لكن أستخيري وربك يكتب ما فيه الخير لك..
لـ تصمت ياسمين ،وذكريات الماضي تندفع بشكل سريع لـ تغمض عينها بوجع..
.
.
.
بالماضي البعيد
حسين بضحكة: شوفي ابيك تجبين لي درزن عيال.. ابيهم كلهم حولي لا كبرت هم الي يشلوني..
ياسمين تضع يدها على رأسها: حرام عليك.. شايفني آلة عندك.. حدك بنتين ،و ولد غير كذا ما فيه..
حسين: أنا قلت لك احب الأطفال.. ابي 15 اولاد وبنات..
ياسمين: احلف بس.. لا والله ما انت صاحي اجل 15 احلم زين حبيبي..
في اول ليلة زلزل كيانها دمر ما تبقى من فرحتها..
لـ يرزق عينيها الوجع أضعاف..
حسين بكره: انقلعي عن وجهي..
بصدمة: حسين وش تحس فيه.. أنا ياسمين يا حسين.. ياسمين الي تحبها وتحديت خالتك عشان تأخذني..
حسين بقرف: قلت لك لا تقربين.. ما تفهمين انتي..
بوجع: ان كان ما تبغاني ترى الروح ما تنجبر يا حسين.. بس تأكد شيء واحد انك غلطت بحقي.. لا تجي في يوم وتطلب مني السماح..
حسين: يا بنت الناس روحي عن وجهي لا تخليني أذيــك..
لـ تنهار على الارض بـ فستانها الثقيل..
اي طعنة هدرت منه.. اي غدر تذوقت به!!
مرارة وَ انشطار حبه.. لـ قطع أشلاء ورود منثورة..
كان بقرب من المنضدة لـ يمسك بالعطر لـ يرميه خلفها ،و يـصدم الحائط انكسر لـ ينتشر رائحته بكل نفوذ..
بغليان: ما ابيك يا بنت الناس.. دقي على ابوك يجي يأخذك..
ويسحب الهاتف من جيب ثوبه.. ثم اتصل على جمال..
.
.
.
كان يقود سيارة.. ويسلك طريق العودة لـ قصره
جمال بضحكة: زيد الله يأخذ ابليسك اهجد..
ثم نظر على زيد: هذا حسين يدق عساه خير إن شاء الله
زيد بهدوء: ارفع الخط وشوف وش الي صار؟!
لـ يجيب جمال: يا هلا بالعريس عسى ما نسيت شيء..
حسين: تعال وخذ اختك.. ما عاد لي لزوم فيها..
تتسع عيني جمال بصدمة ثم هتف ببرود وخلف الصقيع بركان خامد
جمال: وش قصدك من ها الكلام.. حسين انت بعقلك. اختي وش فيها وش مسويه لك؟!
حسين: الله يستر عليها.. بس اختك ما ابيها تعال وأخذها..
زيد بتوتر: جمال الله يأخذك وترتني وش الي صار؟؟؟
جمال بغضب: وش قصدك من ها الحركة يا الخسيس.. انت توصل مواصيل اختي يا الحيوان..
زيد: جمال هدي سرعة تبي تموت موت بكيفك.. اقول لك هدي سرعة مو بايع عمري..
رمى الهاتف لـ يصدم الزجاج الذي أمامه ويرتد لـ يسقط بين أقدامه..
جمال: يهين اختي الحقير.. والله لا اشرب من دمه والله لا اعلمه ان الله حق..
زيد بغضب: هدي سرعة وفهمني وش الي صار.. وش قال لك حسين وانفعلت .. اختك بها شيء؟؟!
جمال: الملعون يبي يشكنني بـ اختي.. يخسى الي هو.. ما احد يشكنني بـ أخلاق اختي..
زيد: دام انه ما يبيها ليه تقدم.. طيب هدي تبي تأخذ اختك وبـ ها السرعة.. هدي يا جمال..
.
.
.
وقف سيارته في المواقف لـ يترجل ،وبخطوات سريعة دخل الاوتيل ومن ثم للجناح.. طرق الباب بعنف..
فتح له الباب حسين لـ يمسكه من ياقته ويدفعه للحائط ويضربه بعنف
جمال بغضب: انت واثق من هبالك.. تحسب بنات الناس لعبة عندك.. من كلمة توافق وفي لحظة ترفض..
ليضربه على بطنه: والله لا تشوف الموت بـ عينك يا الخسيس..
زيد امسكه: جمال اذكر الله وخر يدك عنه وشف اختك..
ابتعد جمال ويركل باب الغرفة لـ يجدها تبكي بقهر.. جلس بقربها لـ يحضنها..
ياسمين بوجع: جمال والله يا اخوي ما سويت له شيء.. والله يا اخوي انه وثقت فيه مره وكسرني ،وثقت فيه مره ثانيه وندمت..
لتضحك بألم: وثقت فيه مره ثالثة وبكيت يا اخوي.. بكيت.. قلت المره ثالثة ثابته.. لكن وثقت فيه مرة رابعة قالت لي امي أنهبلتي ،وثقت فيه مره خامسة ودمرني يا اخوي.. يقول انه ما يتغير علي.. ضحكني على غبائي وضحك زمن علي..
جمال: امسحيها ها المره بـ وجهي.. والله لا أخذ حقك منه.. لا تبكين يا اخوك..
احتضنت أخيها وببكاء: دمرني يا اخوي.. كسر الامل الي فيني.. وش سويت له عشان يجازيني بـ عطايا ماني لها..
جمال: خلاص يا عيون اخوك.. امسحي دموعك..
ياسمين: وش يقولون الناس عني!!
جمال بغضب: يقولون الي يقولونه اهم ما علي انتي وآخر اهتمامي الناس.. قومي ورأسك مرفوع.. وانا أعلمك فيه..
ياسمين بقهر: ابيه يبكي دم.. ذبحني يا اخوي ما راح أنسى حركته طول عمري..
جمال حضنها لـ ينظر لكحلها الذي شوه ملامحها الحزينة..
.
.
.
بالوقت الحالي
فتحت عينها وبوجع؛ يبه قوله ما في نصيب.. أنا ما استاهله يشوف نصيبه مع غيري..
ابو جمال: يا ابوك لا توجعيني بـ ها الكلام... انتي من حقك يكون لك زوج وبيت وأطفال.. أصابع يدنيك ماهي مثل بعض.. ان كان تبين رضاي يا ابوك تفكرين في الموضوع وتستخرين الله سبحانه وتعالى يقول: ( وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ ) صدق الله العظيم.. سورة فصلت الاية 34
ياسمين بهدوء: ونعم بالله.. ان شاء الله يبه بفكر
لـ تقف وتبعتد ثم تصعد لغرفتها لـ تغلق الباب بكل قوة
لـ وتنهار وتبكي بوجع: ليه يا زيد.. تبي تأخذني شفقة.. أنا وش سويت بـ حياتي..
لـ تمسح دموعها وتدخل دورة المياه لترى ملامح قد آكل دهر بها.. عينيها الخالية من لمعة الفرحة جدائل شعرها تريد رحمة ورفق بها ،وثغرها الذي غاب الابتسامة عنها طويلا.. ملابسها الداكنة تعانق الحزن منذ زمن بعيد..
رمت المياه الباردة لوجهها ثم توضت.. خرجت بخطوات مُتعبة مدت السجادة لـ تصلي ركعتين
ثم أردفت: ربي إني مسني الضر وانت ارحم الراحمين..
.
.
.
بعد ساعة ونصف
ارتدت قميص ليللك ثم فوقه روبه ، وشعرها يتناثر على كتفيها بنعومة .. جلست على الكرسي ثم وضعت بعض الكريم المرطب.. بكفوفها لـ تنظر له وتلتفت: جمال حبيبي وين سرحت!!
فتح عينيه لـ ينتبه على زهرته نظر لها وبتعب: زيد يا وهم.. حيرني ساعة يقول ما يبي زواج واليوم اتفجأت انه يبي اختي ياسمين..
ابتسمت بفرح واقتربت منه لتعانق كفيه ونظرت لـ عينيه..
وهم: جد يا جمال.. زيد ما غيره ولد عمي علي.. يبي ياسمين..
جمال: اي الي مستغرب منه.. ان قبل كم ساعة اتصل علي.. ورافض فكرة زواج نهائياَ..
وهم: طيب ليه متضايق.. زيد رجال ولو انه بداوته زايدة حبتين.. لكن تنبلع ،وياسمين بـ تغيره..
جمال: مابه شيء.. بس عشانه جاهل بـ علوم الإتيكت والحضارة العريقة.. تحبون المظاهر يا النسوان..
وهم: شوف يا كثر ما تشتكي سارة منه.. بس ما عليه اكيد ياسمين بـ تغيره..
جمال يسايرها: والله احتيفني شلون؟!
ابتسمت بـ خبث: لا ما بقول شيء.. انتم تجهلون عنه يا رجال المستقبل..
لـ يضحك بوجع: اجل رجال المستقبل ها،.
ابتسمت له: اي كذا اضحك ترى ابد الحزن ما هو لابق لك.. تدري والله في قلبي كلام كثير بس مو عارفة كيف أوصله لك..
ابتسم بحب لـ يعانقها ويضع أنامله بـ شعرها الليلي: قولي يا شيحية..
لـ تبعد عنه وبضيق: جمال لا تقول شيحية.. أنا لو ما احبك كان ما تضايقت على سالفة الحمل...
زم شفتيه ومن بين أسنانه: أنا ما قلت لك اطوي ها الصفحة.. انتي شنو ما تفهمين ليه ما تثقين فيني.. مو قلت لي في الصباح بفتح صفحة جديدة ،وإلا عندك كلام النهار يميحه الليل..
بوجع: جمال مدري وش فيني.. أنا تعبانه نفسياَ.. عقلي مو راضي يستوعب الي صار.. تحبني وانا ابعد ابدالك نفس الشعور.. بس فجأة اكتشف ان........
لـ يبعدها بقرف: تراني مليت.. للصبر حدود وانت رميتي كل صبري ورآ ظهرك.. متى تفهمين؟؟ الي صار الله محلله متى تفطنين؟؟ ان عمر شكليات و ها العادات الي انتي اخترعيتها ومن بنات جنسك كلها تفاهات متى تقتنعين؟؟ 3 سنين متزوج وموب متزوج والبركة في حضرتك.. ابوي وأمي متشفقين على حفيد وانت على عقليتك التعبانه..
لـ يضحك بوجع: ياما رجال دخلوا على حريمهم وطلقها وجالسة علة بكبد أهلها.. أنا من حبي لك صبرت لكن وين الي يستحق ها الشيء مافي.. اجل لا تلومني لا أخذت عليك مره..
.
.
.
