Sa mga sumunod na araw ay parang normal na ang lahat ng pagiging sweet nila Kath at Daniel sa isa’t-isa.
Nasa canteen sila sa kasalukuyan at kumakain ng merienda.
"Kath.”
“Hmm..” Sumubo siya ng paborito niyang banana cue.
“May sasabihin lang ako.”
“Ano?” Patuloy pa rin siya sa pagkain.
“May victory party kami ngayong Sabado pagkatapos ng game. Gusto ko, sumama ka.”
Napaharap siya dito. “Gusto mong sumama ako?”
Humarap din ito sa kanya. “Oo. Bakit? Ayaw mong sumama?”
“Ha?”
“Maraming girls doon. Baka akitin ako.”
“At magpapaakit ka naman?”
“Eh, kung hindi talaga maiiwasan – Aw!”
Sinapak niya ito sa braso. “Hoy! Huwag kang magkakamali! Uukutin ko iyang eyeballs mo. Saktan ko iyang ears mo, eh.”
Tumawa lang ito. “Joke lang. Grabe naman 'to. Hindi talaga ako magpapaakit. Pero kung ikaw ang aakit, why not – Aw!”
Sinapak na naman niya ito sa braso. “DJ!!”
Tumawa pa ito nang malakas. “Joke lang. Ano ka ba? Napaka-sensitive talaga.”
“Huwag kang magpapaakit sa kahit sinong babae.”
“Paano kung hindi ko maiwasan?”
“Iwasan mo!”
“Magseselos ka?”
Nalunok niya nang wala sa oras ang banana cue niya. “Ha? Anong pinagsasasabi mo diyan?”
“Ba't ayaw mo akong payagang magpaakit sa ibang babae?”
“Siyempre! Dahil b-boyfriend kita.”
Nginitian siya nito. “I like the sound of that.”
Juice ko po! Heto na naman ang tibok ng puso ko.
"Basta, sumama ka ha? Aasahan ko iyan. Excited pa naman silang lahat na makita ka."
“Ah, oo. Sige, sasama na ako.”
Lalo pang lumapad ang ngiti nito. “Talaga? Yes! Susunduin kita sa bahay ninyo.”
“Ah, huwag na. Ako nalang ang pupunta para hindi ka na maabala. Saan ba ang victory party ninyo?”
“Doon sa restobar malapit sa school.”
“Ah, sige. Alam ko kung nasaan iyon.”
“Sige, salamat talaga Kath ha?” Hinalikan siya nito sa pisngi. Kahit na parang normal na gawain na sa kanila ang ginawa nito, hindi pa rin nagiging normal ang pagtibok ng kanyang puso.
“Napapansin ko, madalas na ang pagba-blush mo ano?” natatawang sabi nito.
Sinapak lang niya ito sa braso. Tumawa lang ito ng malakas.
"Bakit na naman? Nagsasabi lang ako ng totoo. Nagba-blush ka dahil sa akin noh?"
“Ha? Hindi, ah! Natural iyan.” Kahit na tama ito, ayaw pa rin niyang aminin dito. Baka kasi mabuking nito ang nararamdaman niya dito.
"Hindi mo ako maloloko," pabulong na sabi nito.
"Ha? Anong sinabi mo?"
"Wala. Sabi ko, mahal kita."
BINABASA MO ANG
When I Fall In Love
FanficPara makamit ni Kathryn ang lalaking matagal na niyang inaasam, nakipagsabwatan siya kay Daniel, and matagal na niyang matalik na kaibigan na inagawan ng girlfriend ni Enrique, ang prince charming niya. Kailangan nilang magpanggap na may relasyong n...
