حبيبي دائما

٣

#حبيبي_دائما
اماسي_الليل
الجزء٣
الاء: لا بعدهم...  تركته و صعدت  لغرفة عمتي دخلت فتحت چنطتها دا اتأكد من الغراض /انفتح باب الغرفه ودخل بكر عصبي 
ها بكر محتاج شي
وگف گبالي
بكر :  شدعوه مستعجله على الزواج وحايره شلون تهتمين بنفسج وتلفتين الانتباه
الاء:  ارتبكت وخفت منه
هالشي مو بالي بس اظاهر انت عندك مشكله ويايه وتتقصد تغثني البارحه الكل عجبهم شعري الا انت گلت  محلو
بكر: ما كلت  محلو گلت المنگر  احلى عليج بعيوني معليه بالناس شلون تشوفج  المهم عندي تبقين بعيوني مثل ما اريد.
الاء: بقيت متعجبه من اجابته ما اعرف شنو يقصد او حاولت افتهم بس مصدكت ... جاوبته بخوف لكن ادعيت القوه
المهم عندي شلون اني اشوف نفسي واقتنع بيها
بكر:  يعني انت هسه مقتنعه بنفسج وبهاي الفتحه 
الاء: اي مقتنعه
بكر:  خلص لعد مثل متغثيني تحملي مغثتي
الاء: ركع الباب وطلع  بقيت اباوع على الباب مدا افهم الي ديصير ليش ينغث ما اريد افكر بشي ويطلع مو صحيح يمكن لان يعتبرني مثل اخته ويغار عليه  خلصت جنطة عمتي واخذت القرآن وطلعت لگيته متمدد على القنفه بالهول سويت نفسي ما انتبهتله مريت
بكر :  بصوت ناصي اياج اسمع بيج راگصه بالقاعه  وبلغي ذيج هم
الاء: تركته  ودخلت الصاله بدون ما اجاوبه  انطيت لعمتي القرآن ورا شويه دخلت هند ورند  يهلهلون وخالتي جابت الجكليت وحلويات وزعت على الموجودين  وبعدها اجتي الزفه  دخل زوج عمتي اخذها وطلعنا بالكراج  بقت الفرقه ادك وكرايب زوج خالتي يركصون  دا اصفك ما اعرف حسيت
بأحساس غريب كأنه بكر ديباوعلي من مكان
رفعت راسي لگيته واگف يتفرج  علينا من شباك غرفة خالتي
من صارت عيني بعينه عقد حاجبه
غلق  الستاره 
طلعت الزفه انتبهت على شخص  لح ويايه بالنظرات ويبتسملي وين ما اباوع الگاه كدامي من وصلنا للقاعه لكينا الناس كلها واصله دخلت عمتي ورجلها زفوها للكوشه
  اني واهلي كانت  طاولتنا  قريبه على العرسان بداية القاعه ويانا اهل العريس  ...... بعد دقايق انتبهت على هالشخص  كعد گبالي  بنفس الميز
سلم  على خالتي هناء وزوجه عمي
نكزتني هند
هند : هذاالكاعد  گبالج سيف كرايب رجل عمتي  رباب  هسه فهمت من الحجي 
الاء:  شسويله
التفتت اتفرج على العرسان والناس الي بالقاعه
بعد ها علنوا رقصه العرسان  توجه بعض الاقارب يشاركوهم 
عمتي رباب التفتت علينا 
خالتي امرتنا نروح يم عمتي نشاركها
هناء: رند الاء وهند روحو خطيه  ويا رباب
وگفت ادندن ويا الاغنيه
سمعت صوت يهمس قريب مني شكد گالولي حلوه بس بالحقيقه احلى انداريت لكيته سيف
ديركص ورايه ابتعدت وراها ركصنا چوبي حلقه چبيره جنت لازمه عمتي رباب بأيد وهند بأيد اجى سيف فتح ايد عمتي وصار بيني وبينها انزعجت  لان ماسك  ايدي بقوه  حسيته متقصد يضايقني  /حس بيه اجر بأيدي ابتسم بوجهي
سيف:  شلون اركز بالركص لو اركز  بايدج  
الاء: جريت نفسي ورجعت للميز الولد كلش حلو وأنيق وشخصيته حلوه بس 
كلش ذب ميانه ضايقتني
ماحسيت بأي مشاعر اعجاب تجاهه
  انتهت  الحفله
طلعنا لكيت سيف واگف ينتظرنا  متبرع   يوصلنا للبيت 
خالتي هناء اتشكرت منه  .... وصلنا لباب البيت
نزلت اني وهند مستعجلات لان خالتي ومرت عمي بقوا واگفين ويا سيف وامه   بالباب
ما انتبهنا بكر كاعد ويا ولد صديقه بالحديقه 
دخلنا 
هند دتضحك عليه لان الحذاء اذى رجلي  واني هم وكفت ارزل بيها
خلعته وشلته بأيدي مشيت  حافية بالكراج الى ان صعدت للغرفه دا ابدل انفتحت الباب عبالي هند بس من سمعت شكد ثوله والباب نسدت سريع عرفت هذا صوت بكر  توترت وخجلت
جاوبته  بقلبي انت الاثول متعرف ادگ الباب
بكر :بقيت طول الوقت متكدر  وما اعرف ليش انغثيت من شفت الاء صار يومين طالعه كلش حلوه  اقنع بنفسي هي مثل اختي واني احب بنيه ويايه بالكليه / بس  انتبهت صار يومين شغلتني مراقبتي لالاء عنها
حتى ما اتصلت عليها  غير مره  عشر دقايق وتحججت عني شغله لازم انهي الاتصال
حتى اليوم  طلعه من البيت مكدرت اطلع بقيت انتظرهم يرجعون ومن فاتت للكراج و دنگت نزعت حذائها فتحة الفستان بينت ساقها 
وهي مامنتبهه اكو احد بالحديقه
حسيت الدم صعد براسي  برغم كعده الولد بالحديقه منطقين ظهرهم
لباب البيت ميشوفون الي يدخل
بعد عشر دقايق ما تحملت  ما ارزلها هي واختي
صعدت لغرفتهن
بعصبيه من دون تفكير  فتحت الباب شفتها  دتبدل ملابسها سديته بسرعه ونزلت  مرتبك من الموقف والفشله
بعد ها رجعت يم جماعتي بالي مو وياهم
الى ان كل واحد راح لبيته
دخلت  سمعت صوتها  بالهول ويا امي ومرت عمي وهند ديسولفون على الحفله  و رند تمدح بهذا الي اهله طلبوا الاء
رند: هذا سيف شكد حباب بالاول انتبهت عليه يباوع على الاء بعدين من عرفت كرايب رجل  رباب الي امه رادت الاء  كلت من هاي يباوعلها
هناء ليش متقبلون يخطبها ترى خوش قسمه الولد صيدلاني واهله ميسورين وهو خلقه واخلاق
هناء : اني شعليه بكيف عمامها وجدها وبكيفها هي 
الاء: لا ما اريد ارتبط هسه همي دراستي اريد ادخل جامعه  واعيش حياتي واتوظف   يله افكر اتزوج
هند :تدرون هو تحترس بيها گلها  شكد كالو عليج حلوه بس بالحقيقه احلى 
خزرتني الاء ضحكت وسكتت
هناء : ابتسمت هاي من رجعتي للميز وسألتج ليش اجيتي ما بقيتي ويا البنات 
الاء :اي ضوجني وخفت لا احد يشوفه رجعت كعدت
بكر :دا اسمع حجيهن
واحجب ويا نفسي متحلفلهن مصدوم
( ذني  الاء وهند  كبرانات
وفاهمات هالامور
بس العتب مو عليهن على امي وهاي مرت عمي لان قريبه على عمرهن ومتزوجه دتفتح عينهن على هالسوالف بسيطه  )
بعد اكثر من ساعة لمحت  امي دخلت لغرفتها رحت وراها  دكيت الباب ودخلت  اغلي
يوم 
شنو هالكلام الي سمعته
هاي عود دازين وياج البنات حتى تحافظين عليهن  كل هذا صاير  وانت عادي
هناء :شكو شبيك
بكر :شبيه مخليتهن يركصن وواحد يتحارش بيهن وانت كاعده عادي تستمعين
هناء :واذا ركصوا عرس عمتهم ووحدها خطيه گتلهم اركصوا وياها وهذا الولد اني ما ادري بي حاجي هيج واذا حجى اني عندي ثقه ببناتي واعرفهن مربايات واكبر دليل كلشي يسولفولي لو عدهن شي جان   الاء  انطته مجال بس  البنيه  عاقله اجتي كعدت بصفي بعد تركت  مكانها الى ان رجعنا
بكر :لا عايزه بعد تنطي مجال والله اكسر راسها
هناء :ترى هاي زايده منك ابني انت ما الك سلطه عليها جدك وابوك هم اولياء امرها عيب لحد يسمعك
بكر :ماشي طلعت من غرفة امي اريد انفجر بلحظتها  لو ينطوني الاء اجلدها بالحزام
احجي ويا نفسي متحلفلهن بسيطه  يصير خير وهاي اختي هم طالعه عينها 
صعدتلهن للغرفه دكيت الباب ودخلت
انت وياها ترى  سمعت كلشي صاير بالحفله اظاهر امي وابويه منطيكم عين اني منا ويجي راح اربيكم من جديد من اليوم
رند علاقتكم بيها بحدود اياج انت وياها  اسمعها تحجي وياكم بسوالف اكبر من عمركم حتى لو شقى
ويا هند والاء خلي وحده متمشي بالحجي الي حجيته  هسه
الحزام اشطبه على جلدها فهمتوا
وانتي ( الاء) حسابج بعدين لان وصيتج انت وهاي متركصون وركصتوا  يصير خير ثانيا من تفوتن للكراج بيكم عمى بعيونكم متشوفون اذا اكو احد بالحديقه انت افنديه رجلج كلها طلعت من نزعتي الحذاء وهاي الثانيه تتمضحك  صخمتوا وجهي كدام الولد الله يطيح حظكم بسيطه والله لا اطلعها من خشمكم
هند : نزل بكر ورا ما حصلنا من عنده رزاله وتهديد بحياتنا مماخذين مثله لج الاء
  والله خفت منه لو امرنا بيده  جان يمكن صدك ينزع الحزام وشطب جلدنا بي   الله أليستر
الاء:برغم هاي اول مره تتعرض لهيج موقف من بكر لكن بالفعل
نفذ تهديده وصار يحاسبنا حتى على الضحكه و جدي طابك وياه اذا ردنا نطلع ويا خالتي
وبكر يرفض
  خلص محد ياخذنا نبقى بالبيت واذا لبسنا شي وگال هذا متلبسوه خلص منلبسه
مره من المرات عمي قيس رزله لان شافه گلي امشي بدلي هاي البجامه متشوفيها  ضيگه  
قيس:   وهو منو اكو خليهن براحتهن 
بكر:   عمو خليها تبدلها بعدين نحجي  
الاء: صعدت غيرتها ونزلت سمعت
هند ضحكت بصوت عالي ويا زيد هم رزلها
بكر: شنو هالسفاهه دخلي اسمع صوتج عالي  بعد
قيس :هسه الاولى افتهمنا الثانيه شتريد منها خليها تضحك 
بكر:   ابتسمت لا مو هن وحده تكمل الثانيه مينطن عين