حبيبي دائما

٨

#حبيبي_دائما
اماسي الليل الجزء ٨
بكر : ابتسمتلها
روحي افتحي المحفظه وشوفيها
تحركت بعيد عني 
اخذت المحفظه  فتحتها  ابتسمت من شافت  صورتها و هي صغيره 
الاء: هاي انت الي اخذتها
  بكر: ابتسمت
تعالي احجيلج الجريمه وانتي بحضني
هاي الصوره اخذتها مره من غرفة جدي من الالبومات  بوقتها الصراحه جنت متحجج بداخلي ان صوره عجبتني
شافتني عمتي رباب خليتها بالمحفظه وگلتلي شفتك شنو اخذت وگتلها مو تحجين لاحد بروح بيبيتي  وبقت الصوره  بالمحفظه سنين بفكره  ان من اكبر هاي بنتي
سوالف مراهقه ما جنت اعرف حقيقته شنو
فد  يوم اختفت من محفظتي وكعتها بالبيت  دورت عليها ماكو  تركت موضوعها  لان اعتبرت هالفكره سوالف مراهقه وانتهت وبوقتها
جنت ملتهي بغير امور وهمت نفسي ان هي حقيقيه
الاء:اي لكتها هند من دتمسح جوه القنفه الي بالهول وخليتها على مراية ميز التواليت  الي بغرفتنا شلون رجعت اخذتها
بكر :تذكرين بيوم عرس رباب صعدت عصبي فتحت باب غرفتكم وجنتي دتبدلين ملابسج من شفتج ارتبكت كتلج ثوله وسديت الباب بسرعه  بقيت افكر بيج ثاني يوم التهيتوا بالعرس دخلت ادور  شغله  بغرفتكم  شفت الصوره على المرايه اخذتها واخذت شغله منج وطلعت
الاء:شنو اخذت
بكر : راح بوكته شي
الاء: اريد اعرف شنو
بكر : شريط حرير جنتي تخلي على شعرج من تطلعين ومرات اشوفج ترفعين شعرج بي  من عندها عرفت  اني احبج بس وضعج ويايه وعلاقتنا الفاتره من سنين
تيهت قناعتي بهالمشاعر
الاء:بكر دتصدمني  مامتوقعه انت هيج رومانسي لهدرجه تحبني
بكر :شسويلج حبيبتي جان دماغج ثگيل وفتره جنتي معقده وجنت اعرف السبب بس بحياتي مشفتج محلوه چنتي دائما بعيوني حلوه
وحتى لمحتلج بعرس رباب من جنتي مسويه شعرج  گتلج انت بالكيرلي بعيوني احلى بس انت حبيبتي چنتي لو ثوله  لو تغلسين
الاء:لا والله حسيت بوقتها بس مردت افكر بهالشي ويطلع مو صدگ
بكر : المهم صرتي الي  وايدي هسه ابد مو وكتها تنكسر
حبيبتي انت مرتي يعني حلالي اي شي يبدر مني اتقبلي
الاء: بكر بشنو جنت ملتهي  
بكر : مافهمت
الاء: انت گلت جنت ملتهي بغير امور وهمت نفسي ان هي حقيقيه
بكر : علاقات
الاء: قصدك جان عندك علاقه ببنيه وتحبها
بكر : جنت متوهم حب بس هو اعجاب واول ما حسيت بهالشي
ماردت اظلم البنيه ويايه وتبقى تتأمل صارحتها بمشاعري ونهينا الموضوع
بعدها بمده تعرفت على ولد بغير قسم وصارت بينهم علاقه ومن تخرجنا انخطبت
الاء: وانت شلون عرفت كل هالامور معنى جنت متابع اخبارها
بكر : لوله البنيه بشعبتي واول فتره جانت متحجي ويايه وكارهتني بس وراها
رجعت علاقتنا زملاء لحد ما تخرجنا  وحتى الولد الي خطبها عرفته علينا
بفتره من الفترات صار صديقنا
الاء: وانت من شفتها صارت لغير انسان ما صار عندك مشاعر ان خسرتها او
اتندمت
بكر : لا بهالفتره جنت ملتهي اطرد عرسان الي احبها و مكابلها بالبيت وكاعد
اندب حظي على فهاوتها وافكر شلون احرك احساسها المعدوم واخليها تنتبه
لتصرفاتي وياها وتفهمها
الاء: تدري اني اليوم فكرت بالسبب الي خلاني ما احس بمشاعرك سابقا
لان جنت حاكمه عليك بصوره ماحاولت اغيرها دائما مفكره ان انت تحب تغثني وتستفزني وتتعامل ويايه بجديه وحديه لان تريد تفرض كلمتك علينا بالبيت
بكر اكو فتره جنت اكرهك بيها والي هي بعد عرس عمتي جنت ارتاح منك من تطلع احس بالحريه طول ما انت بالبيت اتجنب اي تصرف يخليك تنتقدني او تذمر منه وتعصب
اتذكر مره دخلت الهول الظهر جنت اني كاعده وحدي اتفرج مسلسل
انت اجيت تمددت على القنفه 
بكر: ابتسمت بقيت اباوع عليج جنت ناوي احجي وياج بس شفتج
وگفتي وكلتيلي تريد اغيرلك القناة لان اني حروح انام  جاوبتج انت
شو كل ما تشوفيني تتهزمين اكو شي مضوجج مني
جاوبتيني لا بس نعسانه
الاء: جنت منتبهه عليك دتباوع عليه فكرت ماعاجبتك شغله او سويت شي زعجك بيومها او قبلها وتريد فرصه
ترزلني عليها بقيت كاعده متوتره تالي كان خاف هذا ديباوع عليه يريدني
احس هو يريد يغير القناه  فقررت اروح الغرفه
حتى من كلت تتهزمين فهمتها دشك مسويه شي وخايفه منك لان انت بهالفتره
شديت ويانا وبالخصوص ويايه من سمعت الولد كرايب رجل خالتي سمعني حجي بالعرس
بس هسه اريد اعرف شنو جنت ناوي تحجي ويايه
بكر: والله من دخلت ولگيتج كاعده وحدج ومخليه ايدج جوه خدج
نعصر قلبي من شفتج وحدج وحسيت بيج شي لو حاسه بوحده ومتملله
اجى بالي دتفكرين باهلج الله يرحمهم هاي صافن عليج احلل حالتج
وافكر شلون افتح وياج الموضوع بطريقه محترمه
فكرت اكلج  لوله اني من اشوفج تنغثين انغث
اذا بيج شي احجيلي واني اصيرلج ام واب  كلت هيج تفهم وبنفس الوقت
ما اكون حجيت كلام محلو بحقها وبحقي يخليها  تفهمني غلط
الاء: انت صدك صرت الي ام واب الله يخليك الي
بكر: ويخليج الي
بقينا  بهالايام
نتقرب لبعض خلال فتره مرضي  كأنه فتره خطوبه
ورا
كم يوم كاعد بالهول ويا امي  التفتت عليه سألتني
هناء :  ماما اني اريداسألك وبنفس الوقت ما اريد ادخل بخصوصياتكم
انت ومرتك خصوصا بعد ما قررتوا تكملون سويه بس البنيه يتيمه والها حق عليك مهرها لازم تنطي الها
بكر:  يمه انت خايفه على بنت اختج من ابنج لا ياكل حقها
لو تريدين تعرفين زواجنا تم لو بعد لان انت اكثر وحده تعرفيها لمرتي تربات ايدج بعد اكيد حسيتي وخمنتي بعدها بنت بنوت