حبيبي دائما

١٠

#حبيبي_دائما
الجزء١٠
اماسي الليل
بكر : بعد ما انتهيت من مكالمه عمتي
كانت الاء طالعه من الغرفه
كلت خلي انطيها مجال تحرر الي بداخلها ... المهم رجعت ويايه للبيت
غفيت من التعب
فزيت ويا اذان المغرب صليت طلعت لكيتهم كالعاده بالحديقه
كعدت وياهم برغم سألتني كدامهم
الاء: اسويلك اكل لو شاي
بكر : لكن عيونها تتهرب مني طلبت الشاي
جابته مو مثل عادتها تخلي بايدي خلته على الطاوله كدامي
ورجعت لمكانها بدت تسولف ويا رند
لليل ترخصت تروح تنام اني بقيت ويا عمي قيس وصمد
بعد اكثر من ساعه دخلت الغرفه لگيتها نايمه ومبين عليها جانت تبچي قبل متنام 
تمددت بجانبها حاولت انام ما كدرت  فتحت التلفون بقيت اقرى بالمسجات
الي تندزلي ردت  احذفهن واني اسال نفسي ليش لحد الان مبقيهن بتلفوني
نسيت تمسحهن لو صرت تدمن تقراهن كرغبه قبل لا اغلق التلفون ردت احذف الرقم بس كلت اريد اعرف بأسم منو
التفتت على الاء
........
الاء:برغم رجعت للبيت وقلبي اطمئن هو بخير ما بي شي
وبقيت استمع لكلامه ويا عمتي رباب انقهرت منه لان احتال عليه حتى يرجعني بسبب حجايه خالتي هناء وتحدي عمتي رباب
مو لخاطري لو الي خاطر عنده مجان مرر ال٣ ايام من دون ما يتصل عليه او يجي لبيت عمتي او حتى يتصل بعمتي يطمئن عليه
للعصر كعدت ويا رند نسولف فهمت منها مجان يتواجد بالبيت برغم هو ذكر كان ويا عمي قيس بس فهمت بيوم من هالايام عمي قيس وصمد بالبيت
وبكر طالع وحده ما رجع الا لليل
بقيت طول اليوم ما اكدر اباوع بوجهه حسيته يعرف وحده ومكدرت اتحمل الفكره
لكن لليل بعد ما دخلت غرفتي حاولت انام
بقت الافكار تراودني
(  هو بلحظه غضب اعترف ان صاين الي بيناتنا معنى ماعنده علاقه وممكن كلامه يكون صحيح و
مايعرف صاحبه المسجات
ما لازم انطي مجال لوحده  تهدم حياتي وزواجي واني اعرف يحبني  ومرجعه الي
  الاحساس بالقلق والتفكير بهالمرآه المحتاله والجريئه سببتلي احباط
نزلت دموعي واني اتحسب على هالانسانه المريضه
(هاي منين طلعتلي
الله ينتقم منها سلبتني الراحه وزرعت بداخلي الشك ) غفيت من تعب التفكير
بليل حسيت عليه  يهمس بأذني كلمات  حلوه ويتغزل ماميزت حقيقه لو حلم
الا من بدا يقبل خدي
صحيت على صوته
حبيبتي كومي غسلي وجهج وتعاليلي اريدج
الاء: شكد الساعه
بكر: بعدها  ب ٤ ادري عندج دوام بس مكدرت انام
الاء:  لا ما اداوم باجر بس دا اسأل اشوفك ليش كاعد لهسه
  بكر: بالاول  صحصحي وتعالي بحضني وبعدين افهمج
غسلت وجهي برغم نعسانه لكن حاولت اسمعه
بكر:  اريد احجيلج شي بس والله وداعت امي اني ما عندي علم بالشخص
لا اسم ولا شكل بس دا اشك بشي
الاء:  شنو احجي شكو بكر ترى مناقصني مغثه
بكر: هاج التلفون شوفي هاي المسجات ويشهد الله ردت امسحهن بس
ردت تقريهن اعرف ممكن تنغثين من الكلام الموجود
بس حتى ترتاحين وتعرفين اني ما عندي تواصل ولا بيوم فكرت مجرد تفكير
اخذ واعطي وياها
ركزي بكلامها مراح تلگين كلمه تبين اني متواصل وياها اسلوبها من خيالها وحدها
الاء:بقيت اقرا المسجات وكف شعر راسي من المكتوب بدون ذرة حياء يعني اني المره تأثرت بالتفاصيل والحركات المكتوبه.
مو عاد رجال التفتت  بكر شلون انت ماعندك تواصل بيها وهي تعرف اني
وحدك بالغرفه بيوم الي دا ادرس وصارت المشكله بيناتنا
بكر: هذا الي بدا يقلقني لان اول البارحه جنت بالبيت ويا عمي قيس وصمد بعدها طلعت ويا ولد جاي من بغداد عندي شغله ويا  طلعنا للمطعم للوحده تقريبا
رجعت لان وصلته على الاوتيل بالدوار الاول
بهاليوم شوفيها شنو كاتبتلي
الاء:  كاتبتلك ((اعرف بيك متضايق وعندك مشاكل متكدر تحجيها لاحد
بس اني مستعده اسمع لك المهم انت تكون مرتاح وتنسى اي شي او اي شخص يحاول يعكر مزاجك  انت سلبتني قلبي وعقلي من يوم الي التقيتك
وصدك يوم الي تحبني  حكون محظوظه بيك  وما اريد اي شي من الدنيا غير
ساعة بحضنك ))
التفتت عليه متفاجئه !!!!
بكر بدل التلفون اخاف هاي وحده اخذت رقمك من القطع الي تخلوها على الشقق المعروضه للبيع او زبونه لان هي ملتقيه بيك
وممكن ماره لعندكم بالمكتب وشايفتك تعبان وعارفه عندك مشكله وله مامعقولة
تعرف كل هالتفاصيل وانت ما اعرفها وتكول ما حاجي وياها
بكر هاي الانسانه قريبه منك وحولك
بكر:  والله ما ادري اني هم فكرت بيها بس شكيت اليوم من بقيت  افكر واركز ببعض الكلام الي تكتبه بالمسجات
والي بي امور تخصج
مثلا كاتبه اني اركض وراك وانت تركض ورا مرتك. وكم مره تگلي عايفتك وملتهيه عنك  وكم مره تعرف اني وحدي بالغرفه
الاء انت حجيتي ويا احد بالتلفون  بامورنا الخاصه ومشاكلنا
منو يعرف غير اهلنا انت بيت عمتي 
الاء:اي دكت عليه غسق اول البارحه  سألتني كم شغله وگلتلي دروحي اخاف رجلج يمج گتلها لا اني يم عمتي
سألتني شعجب
سولفتلها لان اني اعتبرها مثل اختي وهي دائما تنصحني والصدك ردت منها
تستنسخلي المحاضرات الي فاتتني اول يومين لان ما داومت
بكر: ويوم المشكله من جنتي بالمطبخ هم جان بينكم اتصال
الاء: بكر اني وياها يوميه يصير بيناتنا اتصال فاكيد بيومه  متصلين
دقيقه تذكرت
جنت دا ادرس بالمطبخ ومرت رند فتحت الثلاجه وغسق على الخط
سألتني رند
شوكت تطلعون انت وبكر لوله
رند : بالضبط ما اعرف بس على الاكثر اكمل قرايتي وراها اروح للغرفه
اصحي بين ما ياكل ويشرب الجاي نطلع گولي للمغرب
ليش محتاجه شي
رند: اريد من  للصيدليه اختبار حمل من دون ما اي احد يعرف
بعدها طلعت رند وكملت اتصال ويا غسق
بكر :الاء اوعديني اذا اكلج شي متسوين مشكله ولا بعد تتواصلين ويا هاي البنيه  وتقطعين علاقتج بيها بدون اي مشكله لان الي مثلها تخوف تروح تسببلج مشكله ولو تذبلج تهمه بالكليه  الساقطه تخوف
الاء:بكر تقصد غسق لا مستحيل بالعكس هي تنصحني ما اقصر وياك
بكر :الاء هي غسق ماكو غيرها اكو شغله صارت بحفلة عيد ميلادج اني نبهتج منها بس مكتلج لان مردت اضوجج بوقتها
ترى من دنركص اكثر من مره اطخني ووراها گلتلي ادري من الاء انت حلو بس ما ادري جمالك گله بجسمك وطولك
ومن شافتني مغلس كتبتلي رقمها  وما اخذته منها ويمكن كدرت تحصله
وتكون هي صاحبه المسجات
الاء: بكر اني انطيتها رقمك طلبته مني بحجة اذا تلفونج مغلق شلون اتواصل وياج، جنت موصيتها كتاب وردات رقم ثاني تتواصل بي عليه اذا ما حصلتني او تلفوني مغلق
گتلها ماعندي خط ثاني گلتلي رقم زوجج 
واني بكل ثول انطيتهيا
خجلت واني اعترف له وخايفه لا يعصب عليه
بكر هي حتى تفاصيل هوايه من حياتنا  تعرفها
بكر :وهو هذا الغلط لان اطيتيها مجال تستغل الثغرات بيناتنا
الاء:بكر مدا اصدك غسق تكتب هالحجي اني مرتك ما اكدر احجي وياك هيج
بكر :بس اني اريدج تحجين ويايه هيج حتى متنطين مجال لوحده تلعب بدماغي 
ترى لاعيب ولا حرام المره تشيل كل الحواجز ويا رجلها وتتفنن حتى تغري  ومتخلي يشوف غيرها اني لو مو احبج لدرجه تمنعني افكر بغيرج
جان تأثرت بكلامها واغرائها وهي البنيه هم جميله ومغريه الشكل اللبس بس انت عندي احلى  بكل تفاصيلج يعني لو تلبسين مثلها اني اول واحد ابقى اركض وراج
الاء:انت تريدني اللبس مثلها اطلع اكشف تفاصيل جسمي باللبس
بكر :حتى اكسر راسج 
الاء:ليش تكسر راسي مو عاجبتك وحافظ تفاصيلها
بكر :حالي حال اي رجال  من يشوف شي يجذبه يبصبص
بس ردت اصير صريح وياج بكلشي حتى نطوي هالصفحه من حياتنا وللعلم اني اصلا دا افكر اطلع من اهلي
اخذ شقه وحدنا حتى انتي تتحررين باللبس واخذ راحتي وياج اكثر لان اريدج تلبسين الشغلات الي ما اقبل تلبسيها برا
اللبسيها كدامي بالبيت العصر 
الاء:  بكر
بكر : عيونه لبكر
الاء: طالعه عينك ويا طلعة الشمس
بكر: مو زين تطلع عيني يمج مو برا اني احب هالسوالف انت طلعيها من عيني
وسويها
واني بالمقابل اجيبلج مساعده حتى تتفرغين للدراسه وألي   اتفقنا
الاء: ان شاء الله
بكر شلون  راح اكدر اباوع بوجها واتحمل ويجوز مو هي
بكر : شنو حجيت وياج
خلص هو انت من حتقطعين علاقتك بيها مراح تعرف شي عنا
وراح يبين هالشي من ادز لا راح تعرف اني طالعه ولا عندنا مشكله ولا من وحدي بالغرفه وبهالطريقه حتتأكدين هي
الاء:  خلص والله ما احجي وياها ولا اواجها بس انت غير تلفونك واني هم راح اغيره
بكر:  ماشي باجر اشتري خطوط جديده وهم   اشوف شقه قريبه على اهلي 
الاء:  مو اخاف يزعلون 
بكر:  محد يزعل يعرفون مصيرنا نطلع ويصير عدنا بيت واطفال
قابل طول العمر نبقى يمهم
يله هسه نامي لاتفكرين بشي لان الظهر  عازمج اغديج برا بعدها ندخل سينما
الاء:ماشي
طلعنا الظهريه ما تفدينا دخلنا السينما
فلم رومانسي   /البطل بنهاية الفلم يگلها  للبطله ستكونين في قلبي دائما  من يرتل عهد الزواج
بكر اندار عليه
بكر : ستكونين في قلبي دائما لوله   ......
الاء: بعد اشهر نعرضت شقه للايجار بعمارتنا
(بالوقت الي كان بكر ينتظر يخلص مشروعهم وناخذلنا شقه من المكتب  بالاقساط )
لحيت عليه ناخذها حتى نبقى قريبين على  اهلنا 
اخذناها
وانتقلنا شبه انتقاله
لان على كد ارجع من الجامعه اغير ملابسي وانزل عند اهلي ابقى يمهم الى ان
يرجع بكر ياكل ويا عمي قيس
نبقى لليل يمهم يله نصعد لشقتنا 
جنت مقرره من اتخرج نخطط للحمل
لكن من سكنا وحدنا علاقتنا وحبنا رجع  مثل قبل
وبعصريه   كاعدين بالبلكونه  گتله بكر دا افكر  ب طفل
بكر: والكليه شلون
الاء:  خاله موجوده اخلي يمهم والشغاله هم تساعدهم بالبيت
اريد اجيب بنيه لحمودي ابن هند ياخذها صدقه لقلبه من اشوفه احب الاطفال
بكر :اذا تشبه امها اكيد يطلع على خاله يحب الحلوات ويستقتل وياخذها
ذكرتيني اني نهاية الشهر اروح لبغداد
الاء: اكيد دتشاقى
بكر: لا والله  عندي شغل لازم اروح
الاء: ادز احد غيرك انت
بكر: ما ارهم لازم اني اروح
الاء :
بقينا كم يوم مشاكل علمود شغلة روحته ل بغداد وخاله وجدي هم ما قبلوا بس هو قافل 
لحد قبل ليله من السفر
دنحضر ملابسه
بكر يعني هاي الشغله اهم من حياتك ومني ومن اهلك وامك وجدي
بكر : الله الحافظ حبيبتي الي الله كاتبه حتى لو ابقى هنا هم يصير
كل شي مقدر بعلم الغيب عند  الله وبحكمته
فلا تبقين قلقه خلي عندج ايمان ويقين بهالكلام
بيوم الي سافر بكر قلبي انقبض بقيت احاول اهدي نفسي
واتوسل بي ما يسافر مقبل
بكر : فدوه لعينج خليني اتوكل على الله بدون ما يبقى بالي يمج
ان شاء الله ما اتأخر اكمل شغلتي وارجع