حبيبي دائما

١١

#حبيبي_دائما
اماسي الليل
الجزء١١

الاء:
جان الي مصبرني اكو موبايلات اكدر اتصل بي وبقيت كل شويه اتصل عليه وراها بكم ساعه ادك ماكو تخبلت والبيت كله يدك عليه ماكو بقينا منهارين ما نعرف عنه شي
ولا نعرفله   خبر
وصلت مرحله فقدت الصبر والتعقل
طلبت من جدي وعمي
اروح لبغداد ما ابقى انتظر
جدي وافق
جدو : اخذج ونروح بس نشوف حجز او جمسي نطلع لبغداد
اني خلال هالايام بديت احس بتعب ودوخه شكيت اكو حمل بس ما اكدر
ابلغ احد لان  اعرفهم مراح يخلوني اروح لبغداد
ثاني يوم الصبح كعدت نزل دم عرفت اجهضت
بقيت ابجي لان انقهرت على الطفل خالتي وعمتي رباب اخذوني للدكتوره
بس من رحت الدكتوره گلتلهم صح اكو اجهاض بس بعد اكو طفل وكيس حمل
خالتي بقت  تبچي انهارت شكد ما جانت متحمله
هناء: متروحين هذا ابن بكر اني اريده
الاء: بداخلي انقهرت عليها و افتهمت قصدها
(يعني اذا بكر صار بي شي. الله يعوضها بأبنه اني من سمعت كلامها بقيت ابچي وياها)
خاله عفيه لتگولين هيج بكر يرجع والله اموت اذا صار بي شي بعيد الشر
الخاله: لا ماما لتخافين اني صح ابچي وقلقه بس قلبي مرتاح يعني ابني عايش قلب الام ميكذب من الله
بس ابني واكع بشده والله يطلعه منها حلمت بي ((ورا ما سافر
ملتفه عليه اشواك  اذته
بس رحمة ربج كدر يطلع منها ويكمل طريقه.))هذا الحلم اكد لي ابني
بشده وعايش
الاء: الله يسمع منج ويرده النا سالم
بعدها بيومين
سافر
جدي راح وحده مقبل احد يروح وياه
وبقى ويانا على اتصال يوميه مابقى مكان ولا واسطات يريدون يندلوله مكان ... ماكو
يومه جنت اكعد صلاة الفجر ادعي
واحجب ويا رب العالمين لان محد غيره يسمعني ولا احد غيره يكدر يفك كربتي ويفرجها عليه
( ربي لا تحملني اكثر من طاقتي ياربي نفسي جزعت من الانتظار بس ما جزعت من رحمتك الهي رجعلي بكر مثل ما رجعت يوسف للنبي يعقوب ربي لا تيتم الي بطني مثل ما اني تيتمت ياربي انت اعلم بحالي وبمناجاتي ياربي أرني عجائب قدرتك وردلي حبيبي كن فيكون )
بهذا اليوم اتذكر من هلكد ما دعيت وبچيت بقيت ٣ ايام عندي ألم بمعدتي
اخذوني الدكتوره
واتضح عندي التهاب القولون العصبي
الدكتوره نصحتني ابتعد عن التوتر واي نوع اطعمه تسبب الحاله
بلحظتها نزلت دموعي بين وألم وبين انقهرت على نفسي والطفل
ليش تبجين ماما
هناء: مو هي زوجها بشده ما تعرف اخبار عنه  ونفسيتها لتتعب من التفكير
الدكتوره : الله يعينها شلون خليتوا يروح
هو احنه طلعنا برواحنا اني الي دتشوفيني كدامج تركت بيتي وغراضي وحتى سيارتي وطلعت بليله ظلمه جنت اداوم بمستشفى الطفل المركزي
وبيني وبين الموت شعره هي طلقه ما ادري شلون اجتي بجنطتي
من الفزع طبيتها وصرت اركض مثل المخبله
ومن دون وعي وكفت رجال توسلت بي يوصلني
وبرغم الضروف وانعدام الامن والناس صارت تخاف
لكن الرجال صعدني ووصلني لبيتنا وخلال الطريق عرف اني دكتوره
نصحني اطلع من العراق لان گلي عمو ترى هالمره السره عليكم
ديغتالون الدكاتره
اني هم وصلت للبيت ورا يومين اني بعمان شوفي بنتي الانسان ربج هو القادر يحمي
اني كتلج قصتي وانت افتهمي ان رب العالمين كان كاتبلي عمر
انت قلبج شنو يحس
الاء: اني قلبي مرتاح برغم متأذبه بس احس بي عايش
الدكتوره اكو دعاء يرجع المفقود  راح اكتبه الج
الاء كتبتلياه و اني بهاي حالتي ومريضه بقيت اقرا وابجي وخاله تبچي ويايه
رب العالمين يسبب الاسباب دخلت للمستشفى حتى اشوف الدكتوره وحتى تعلمني هذا الدعاء
ورا يومين دك عليه رقم عراقي غريب 
فتحته
سمعت صوت الو الاء اني بكر
ما صدكت كمت ابچي بكر انت عايش
بكر : اي الحمد لله الله سلمني
الاء: بكر جدو ببغداد ديدور عليك
گلي اني وسكت /
بكر : الاء خلي يتواصل ويايه على هذا الرقم
حتى نرجع لعمان بأسرع وقت
الاء انقطع الخط
اتصلت ب جدي وبلغته بالرساله
صار بينهم تواصل
ورا ايام وصلوا لعمان جنت مثل الميت الي رجعتله روحه من شفت بكر.... على الي صاير بيه بس حمدت ا لله ان هو عايش
يمشي محني ظهره معرفت شنو بي الا من دخلنا الغرفه وراد يسبح
شفت ظهره مجرح من الضرب والتعذيب
فزيت مفزوعه هاي شنو ليش هيج صار بيك
بكر : الاء خلي ارتاح واحجيلكم كلشي
الاء : بعدها طلعنا بالهول التمينا وبدا يروي قصته
بكر: بالطريق الروحه وگفتنا سيطره وهميه
نزلت اني والي ويايه بدًا يسألونا
انت سني لو شيعي اني اسمي شفعلي وبقيت لليوم عايش ما كدروز  يعرفوني سني لو شيعي   واللقب هم حيرهم
والشغله الثالثه لان بيتنا بي من الطائفتين مجنت فاهم شنو الموضوع الا من بدوا يسألوني بقيت اتذكر بعض الامور واجاوب
ما عرفوا هويتي شفت الي انقتل والي بقى مثل حالي عايش
اخذونا لمكان
بدوا يعذبونا حتى نعترف 
بعدها عزلونا  كل واحد بمكان
سمعت بيهم حيقتلوني بديت اتشاهد وادعي رب العالمين
مر الوقت وما بيهم احد دخل عليه
الى ان سمعت يم الباب واحد يگلهم  اجى امر نبقي عايش
بقيت اركز بسوالفهم
افتهمت حيدزوني لبغداد يم جماعتهم
يجهزوني حتى يلبسوني  حزام ناسف  بالاول أمنت كلت بس يلبسوني الحزام ويذلوني بالشارع اروح على سيطره ابلغ  كلت او يتلاحگولي ويفكون الحزام
او اذب نفسي بمكان مابي اوادم وناس حتى محد يموت ولا يتضرر
بقيت استمع الهم هنا نزل عليه الكلام مثل الصاعقه
فهمت حينطوني جرعه مخدر اكون مو بوعيي  وياخذوني بسياره لمكان
بي تجمع ناس اسواق او قريب دائره حكوميه
ينزلوني ويبقون بعيد احد منهم عنده جهاز تحكم يفجرني
بقيت مفجوع  ماعندي عقل بين خوف وبين رهبه وبين افكر بيكم وبين هالعالم الي حتموت واهلهم يسبوني ويدعون عليه وما يعرفون اني مظلوم
حالي حال الي راحوا وحيروحون
بقيت اطمن نفسي بأيات رب العالي مااعرف الوقت ولا كم يوم مر عليه
الى ان
رحمة الله شملتنا اني والي ويايه من المخطوفين
ما نسمع بس رمي واصوات عاليه والي الارهابيين من رهبه الموقف بس نسمع عياطهم وفلان نقتل وعلان اتصوب  بعدها بمده  دخلوا عليه اشخاص
بس اسمع اصواتهم وكلامهم باللغه الانكليزيه
فمت ذولي  جنود امريكان
( قاعدة امريكيه سوت هجوم على المنطقه )
اخذوني مربط العين
ركبوني السياره
بعدها دخلوني مكان كل هذا من انخطفت لحد لحظه الي دخلت بيها
الغرفه عند الامريكان اني معصوب العين لكن رخولي العصبع صرت اشوف بصيص خفيف
بعدها رفعوا عني الصعبه شفت ولد شاب عربي ويا شخص امريكي
بدا الشاب يسألني باللغه العربيه
السلام عليكم
وعليكم السلام
اسمك
بكر ، عمرك ، كثير تفاصيل واخرها طلبوا مني اروي قصتي كامله
رويت القصه وبعدها جاوبوني على مستشفى تقرير فحص طبي
وراها تأكدوا اني مخطوف بعدها  حولوني علاج طبي
بعدها بقوا يروحون ويرجعون عليه مره يطمأنون ومره يستفسرون عن امور
مثل بأي مكان السيطره جانت من لزموا هو والي ويا من الركاب
بعدها منو يعرف او يتذكر من اسماء الركاب
عدد الاشخاص الي قتلوهم على الهويه
بعدها المترجم من عرف اني عايش بعمان وهاي اول مره ادخل العراق من بعد ال٢٠٠٣
وتوسلت بي بس يوصلون خبر لاهلي يطمنوهم عني ان اني عايش
وعدني يقدم هالطلب
بعدها بأيام  دخل عليه هو ومجند امريكي انطوني تلفون اتصلت عليج
ومن فهمت جدي ببغداد
بلغت المترجم وطلب منه الاذن ان زوجتي توصل هذا الرقم
لجدي حتى يتصل عليه لان هو ببغداد
الولد ترجم كلامي .... سمحولي  ان اي اتصال يوصل لهالرقم  يوصلوا بيه
بنفس اليوم اتصل عليه جدي  جابولي التلفون الى ان تمت كل الاجراءات عندهم وتأكدوا من سلامتي الصحيه وما كان عندهم اي مؤشر سلبي بالاعترافات او بالقصه الي رويتها وبعد ما تأكدوا من صحه كل هالمعلومات الي بلغتهم بيها 
اتصلوا على جدي يجي يستلمني  لان بلغوني احتاج كم شهر اتعافى نفسيا
ومن صدمه التعذيب
دعاء عظيم لرد الغائب
" أصبحنا في امان الله وأمسينا في جوار الله "

يا راد يوسف على يعقوب، يا كاشف ضر ايوب، يا غافر ذنب داود، يا رافع عيسى بن مريم من ايدي اليهود، يا مجيب نداء يونس في الظلمات، يا مصطفي موسى بالكلمات، يا من غفر لآدم خطيئته، ورفع ادريس برحمته، يا من نجأ نوحاً من الغرق، يا من اهلك عاداً الاولى وثمود فما ابقى وقوم نوح من قبل انهم كانوا هم اظلم واطغى، والمؤتفكة اهوى، يا من دمر على قوم لوط، ودمدم على قوم شعيب. يا من اتخذ ابراهيم خليلاً، يا من اتخذ موسى كليماً، واتخذ محمداً صلى الله عليه وعليهم اجمعين خليلاً وحبيباً. يا مؤتي لقمان الحكمة، والواهب سليمان ملكاً لا ينبغي لأحد من بعده، يا من نصر ذا القرنين على الملوك والجبابرة، يا من اعطى الخضر الحياة، ورد ليوشع نور الشمس بعد غروبها، يا من ربط على قلب ام موسى، واحصن فرج مريم بنت عمران، يا من حصن يحيي بن زكريا من الذنب، وسكن على موسى الغضب، يا من بشر زكريا بيحيي، يا من فدي اسماعيل من الذبح، يا من قبل قربان هابيل وجعل اللعنة على قابيل، يا هازم الاحزاب، اللهم صلي على محمد وآل محمد، وعلى جميع المرسلين، والملائكة المقربين، واهل طاعتك اجمعين. اسئلك بكل مسألة سأل بها احد ممن رضيت عنه، فحتمت له على الاجابة، يا الله يا الله يا الله، يا رحمن يا رحيم، يا رحمن يا رحيم، يا رحمن يا رحيم، يا ذا الجلال والاكرام رحيم، يا ذا الجلال والاكرام رحيم، يا ذا الجلال والاكرام