#حبيبي_دائما
الجزء٦
اماسي الليل
بكر:افترينا اني وصمد على اكثر من شقه هو لگى شقه چبيره للايجار واتفق ثاني يوم يتكاتب عليها
اما اني فلگيت اكثر من شقه بس ردت الاء تشوفها يله اتكاتب
ورا كم ساعه رجعت للفندق دخلت للغرفه لكيتها متمدده صافنه على السگف
الاء: هلو لكيت شقه
بكر: هلو .. بدلي خلي نروح نشوف كم شقه ومنو الي تعجبج نتكاتب عليها
طلعنا وبقينا نفتر من شقه لشقه اخر شي استقرت على شقه ارضيه چبيره بيها ٥غرف نوم ومفروشه اتكاتبنا ويا صاحبها واتفقنا ثاني يوم العصر نستلمها
رجعنا للفندق تغدينا سويه بمطعم الفندق واتفقنا المغرب نطلع كلنا نفتر .
بعد ساعات كلنا دنمشي بالشارع همستلها
لوله اذا محتاجه شي اخذي ماطول اكو محلات فوتي انت وهند تفرجي
الاء : اي والله بكر محتاجه كم شغله
بكر: روحي انت وهند
الاء: دخلنا لمحل ملابس
هند اخذت ملابس تجهيز عروس
اني اخذت دشاديش فانيله وبجايم رحت شفت دشداشه شيفون وستن عجبتني لهند سألتها
ليش متاخذين هاي حلوه
هند: لا هاي طويله اني احب القصيرات
الاء:ولج شوفي بيها چاكات على طول الرجل بالجوانب حلوه
وافقت تاخذها دفعنا الحساب وطلعنا
بكر : اخذتي الي تريدي
الاء: اي اخذت
بس اريد امر على محل مستحضرات تجميل وعنايه
استغربت منه من وافق وبقى يدور ويايه
ابدا ما اله علاقه ببكر الي ببغداد
دخلت للمحل ويايه هند اخذت فرشه ومعطر وكريم وشامبو احتياجات يوميه
طلعنا
بكر: اذا محتاجه اغراض نطلع غير يوم اني وياج اخذي الي تريدي
الاء: بكر اكلك شي بس مو تزعل
مدا اعرفك شنو هالطول البال صاير تخليني على راحتي
بكر:ابتسمتلها اولا لان مرتاح انت ويايه وصرتي الي ثانيا الج بذمتي مهر
ونيشان
انتبهت عليها خجلت
يله حياتي اذا بعد ماعندج شي خلي نگلهم نرجع اني تعبت ورگبتي دتأذيني
الاء: لا ماعندي شي
بكر: يا جماعه خلي نرجع اذا ماعدكم شي
صمد : دمشي خلي ناكل بمكان ونرجع
بكر:الكل وافقوا دخلنا التفتت عليها ويا هند اشرت الها تجي تكعد بصفي
الاء- سألني اي كرسيين نختار
جاوبته بكيفك
اخذ ايدي بأيديه جنت خجلانه من الكل من تصرفاته حتى بعد ما كعدت بجانبه ماتركها
وبدا يمازحني
بكر : اني ترى والله حبيتج وناوي اجيكم من الباب وغايتي شريفه يا بت الناس
الاء_ ابتسمت لا احد يسمعك
بكر :شسوي غير اريدج تحسين بيه
تريدين اكتبلج رسائل وادزها بيد زيد اليوم بالبيت
احجيلج على الي مسويته بيه صار كم سنه حتى اهلج كلهم عرفوا وانت لا
من ملحتي وياج انتبهوا انجبرت احجيلهم حتى يحجزوج الي
الاء: مره وحده حسيت انت تقصد شي بيوم عرس عمتي بس شلت هالفكره من راسي لان انت مجنت تحسسني بهالشي دائما تتعامل ويايه بحديه وجديه
بكر: وغلاتج حرص وغيره عليج جنت بس ادخل للبيت وتصيرين كدامي
اگول ياربي هم يجي يوم وهاي الفاهيه تحس بيه وتحبني مثل ما احبها
وتصير من قسمتي
الاء: ههههههه احاول
جاوبني مبتسم مازحني بتهديد
بكر:شنو تحاولين غصبا عليج تحبيني صرت رجلج
لوله تدرين عندي احساس هالكم يوم راح نشوف الباقين ونجتمع بهذا المطعم وياهم
الاء: ان شاء الله بكر انفتحت شهيتي اريد اطلب سكالوب ،
بكر: طلبنا الاكل وتعشينا
رجعنا للفندق دخلت تغير ملابسها بالحمام
غيرت وكعدت اتفرج من الشباك على ليل عمان
التفتت عليها من طلعت
اشرت الها تجي تقربت مني
سحبت ايدها كعدتها على رجلي حسيتها مرتبكه ومارتاحه
تونسني اليوم
الاء: كلش
بكر:يعني اني خوش رجال ماسويت شي يضايقج
الاء: لا ورده
بكر: زين لعد ماطول طلعت حباب
خليلي دهن على رگبتي واضغطي على مكان الالم شويه گلي الصيدلاني
حيفرق ويايه الالم خلال يومين
الاء: وين العلاج
بكر: اوگفي خلي اخابر الرشبشن يصعدولي لحاف شلت التلفون دا اطلب لحاف اضافي حتى افرشه بالگاع بس جان الموضوع بالنسبه الي حجي لسان كأنه جنت متأكد راح تخلي الامور طبيعيه بيناتنا لان تصرفاتها ويايه بهالايام جان بيها نوع من الميانه والقبول
الاء: بكر ماكو داعي تعال بجانبي نام على الفراش مؤقتا بين ما نروح باجر نستلم الشقه
واكعد خلي اخليك العلاج
بكر:ما ناقشتها او اعترضت بعد ما خلتلي العلاج ووزعته على رگبتي
عاشت ايدج خلي انام اني ميت تعب من خبصة الصبح
تمددت
حسيتها مرتبكه وخجلانه بقيت اراقبها
بالاول اجتي كعدت على الفراش تسألني على الشقه وراها تربعت بكعدتها
حسيت بيها نعست
سهلت عليها الوضع بعد ما كملت كلامها
تصبحين على خير التفتت ونطيتها ظهري
حسيت بيها تمددت بقيت صاحي صار عندي ارق افكر باهلي وامي
مكدرت انام التفتت لكيتها غافيه زحفت قريب منها احتضنتها حسيت مرتاح ومأمن عليها وهي قريبه مني بقيت افكر بيها الى ان غفيت
الاء :صحيت لگيت نفسي نايمه على ايد بكر وايده الثانيه محتضنتني بعدت ايده
دخلت للحمام اغسل وجهي وبعدها بديت الملم الغراض وارجعها للجنطه
بعد ما كملت رحت لعنده
بكر بكر ترى الساعه ١١اليوم مو عوايدك تبقى نايم لهسه
ابتسملي
بكر:صباح الخير
الاء: صباح النور
بكر: الحمد لله البارحه نمت مرتاح
الاء: شلونها رگبتك اليوم
بكر: الحمد ان شاء الله احسن يله خلي ننزل نتريگ حتى نخلص امورنا
ب ٤ اتفقت وياصاحب الشقه نستلم المفاتيح اريد اروح اشتري چراچف جديده واغطيه ومخاد لكل الغرف ونتسوك كم شغله للثلاجه
الا: يله لعد خلي ننزل نتريگ بسرعه حتى اصعد اتأكد من الغراضاخاف نسيت شي .
أنت تقرأ
حبيبي دائما
Short Storyقصة فتاة يتيمه .... تمر بمراحل ... حتى تجبرها الظروف بالزواج من اكثر شخص بالعائله تكرهه وهو ابن عمها بكر ... زواجهم فقط بالورق .... لكن المشاعر ممكن تتغير .... ويتحول الى زواج حقيقي ... تابعوا احداث القصه
