حبيبي دائما

٧

#حبيبي_دائما
اماسي الليل
الجزء٧
بكر : دخلت للغرفه لگيت كيس فتحته  بفضول شفت بداخلها قطعه ملابس تركتها و  تمددت على الفراش حاولت انام مكدرت .. تحركت من فراشي
فتحت الباب
ناديت
الاء تعالي طلعيلي الملابس الي اروح بيهن حتى تكويهن
الاء:هند بس ديري بالج على التمن هسه اجي بس اشوف بكر شنو رايد 
وصلت عنده
لگيته واگف باب الغرفه من تقربت  يمه
اسأله
رايد شي
جرني وسد الباب
بكر: نيميني
الاء: شنو
بكر: والله نعسان ومدا اعرف انام
الاء:بقيت صافنه بوجهه ... تحججت
شلون مو التمن على النار
بكر: هند مو بالمطبخ
الاء: اي
بكر: تمددي بصفي حركي اصابعج على شعري  احد ما انام و روحيلها
ألاء: ارتبكت وخجلت  مو اخاف بيه ريحة طبخ
بكر: ريحه العافيه بيج  تعالي
الاء: لا والله !!
تمددت بجانبه وايدي جوه راسي همستله
انت دتضحك على عقلي بهذا الاسلوب  
بكر : ليش هيج تحجين 
وغلاة عيونج كل الكلام الي تسمعي يشهد الله عليه قلبي وعقلي ينطقون بي
صدك هاي  انت مشتريتها
الاء: شنو
بكر: القطعه الي بالكيس 
الاء: يا قطعه 
گومي طلعيها
رحت فتحت الكيس  طلعتها
التفتت عليه خجلانه هاي اختاريتها لهند وهي اشترتها
بكر :لعد اخذتها الج لان عجبتج
الاء : لا لان بيومها  گلتلي اخذيها بس جاوبتها شسوي بيها
جاوبني وهو يبتسم بطريقه مغريه ونظراته وقحه
بكر : ليش حبيبتي شتسوين بيها ترى انت كبرتي على لبس البجاما  بهالغرفه
رايدلنا طلعه تشترين بيها جهاز عروس  واكيد تعرفين هالامور وسامعتها من رند
بدليل  اقترحتي على هند تاخذ هالقطعه واكيد تعرفين وين تلبسها غير بغرفتها 
انت هم البسيها هنا
الاء :متت من الخجل
راح اروح اشوف التمن 
طفر من الفراش لزمني
-وين رايحه
_بكر عيب هند وحدها بالمطبخ
ماشي روحي بس جديات ماطول امي ورند موجودات اطلعي وياهم
اشتري النيشان وجهاز العروس اني ما اعرف بهالامور بس حنطي خبر لامي
هي تساعدج
_ ان شاء الله
طلعت رحت للمطبخ وقلبي يدك اول مره احس بعينه تتفحصني بنظرات مو عاديه اول ما دخلت للمطبخ وصارت بوجهي هند
طيح الله حظج هاي شجايبه بالكيس 
ضحكت
هند: مو عجبتج عرفتج مراح تاخذيها اخذتلجياها ثانيا تعالي
انت اظاهر صدك ماشين بالاتفاق وبعدكم مثل ما انتو
الاء:وانت منو صخم وجهج وكلج اني اريد البسها  وطبعا بعدنا مثل ما احنه
هند : زين ليش متلبسيها ثانيا انت موگلتي ما افكر افسخ العقد ومكملين سويه
ولج انت شكد غبيه هذا اخويه لعد شكد يحبج بحيث مقتنع بهالوضع الي بينكم
لحد الان
اشوف عيونه وراج طول الوكت اثاري يا حقيره يخاف يتجرأ بتصرف وحضرة جنابج تزعلين لو تنفرين منه ويمكن يخاف تطلبين من جدو يفسخ العقد
الاء:هههههههههه ولج انت صايره حماة براسي
وكعدتي تفترين عليه اني بعدني اخجل منه وهو متفهم هالشي ومراعي
بس والله ما بدر منه شي وصديته وبدليل صار مرتين يجي ينام يمي بالغرفه
ينيمني على ايده
هند :ليش هو وين ينام
الاء:بالغرفه الثانيه ،
هند :وبالفندق
الاء: ابتسمت نام مره على القنفه ورگبته تشنجت
گتله تعال على الفراش بين ما نستأجر
بس والله ما بدر اي شي منه
هند : انت صدك هيج فاهيه شكو تحلفين هو رجلج و انت حلاله
بس وضعج ويا محيرني اخاف انت متحبي لبكر
الله عليج انت تعرفين اني ما احجي الي يدور بيناتنا حتى لامي انت اختي
مثل ماهو اخويه
راح اسألج سؤال جاوبيني انت عندج قلق او تردد من ان تكملين بهالزواج
ومن حجيتي ويا جدو جان الموضوع خطرانيه للكل  او ممكن مفكره اذا
الامور تستقر تطلبين من جدو يفسخ هالعقد  مثل ما اتفقتوا بالبدايه 
الاء: بمعوده حيلج حيلج  گلبتيها دراما
اصلا ماكو شي خطر على بالي من الي فكرتي بي
اني من عرض عليه جدي الموضوع اول مره ببغداد وافقت على العقد من سمعت كلام جدي وخوفه عليه وحتى من انطاني  حق الاختيار بعد ما اوصل لعمان نفسخ عقد الزواج مافكرت بهالاحتمال ولا اصلا خليته ببالي
والصراحه من  عقدنا لا اراديا تصرفات بكر ويايه حسستني العلاقه بيناتنا تغيرت وشويه شويه اخذت عليه تعلمت على فكره هو رجلي  لان قبل ما نجي لعمان  صارحني جان يحبني و رايدني وجدي وعمي قيس عدهم علم 
هند :وانتِ تحبي
الاء:والله هند ما اعرف  افسر مشاعري حب  او ارتياح ومأمنه على نفسي ويا هالانسان او يمكن صله الدم مقربته مني
لان هو كدام عيني من اني صغيره اكو تعويد بيناتنا يعني ما اعرف افرق اذا حب او تعويد بس من شفته شايل همي وطلعني وياه لان خايف عليه صرت احس بالامان وعندي سند والصدك اكو شي تغير بداخلي احس صرت انتمي
لانسان هو ولي امري امون عليه اكثر من الكل
هند اني اكو شي مجنت حاسه بي وياكم كلكم انتو اهلي وسندي والكل عاملني
بطيبه وحنيه وما بيوم حسيت اني يتيمه الام والاب  بفضل الكل واولهم خالتي
وعمي الله يرحمه وجدي وعمي قيس وعمتي رباب الكل صارلي ام واب
بس من يوم الي تزوجنا حسيت هالانسان صارلي ام واب واختزل دور الكل وحده  تعرفين حسيت اني شكد جنت ظالمته والوم نفسي ليش جنت مخليته صوره بدماغي ومصره عليها لسنين
من يوم الي عقدنا لليوم اني دا احس نفسي دا اتعرف على شخص بالجديد
ما اعرفه قبل من الداخل ولا مركزه بشخصيته وايجابياته 
هند : تمام هذا الكلام كله ايجابي
بس  لازم تفهمين هو زوج  اله حقوق عليج بالشرع مو ابن عمج  وعلاقتج بي تستمر على هالوضع
انت هم الج حقوق عليه لازم تساعدي يشيل الحواجز ويحس انت متقبلته ومقرره عن قناعه ان هالزواج حقيقي من البدايه ويستمر لاخر العمر
الا: اكيد تخبلتي شنو مثلا اروحله اگله خلي نشيل الحواجز  واني اريد اصير زوجتك
انت حيري برجلج وعوفينا هيج مرتاحين
رند :ها يا بنات شلونكم تحتاجون مساعده
الاء:لا تعالي اكعدي ويانه دنسولف
رند : شلونه الزواج يا بنات
هند:احجي بس ويايه الاء بعدهم اخوه
الاء:احجي عن روحج ما الج علاقه بيه
راح اروح اكعد الكل بين ما انتو تحضرون السفره
كعدت الكل
دخلت الغرفه  لگيته  فاتح الكنتور
ما نمت
_لا غفيت شويه 
حبيبتي بعدين رتبي ملابسي  عمي قيس لمهن من كنتور غرفتي الي اختاروها
وشمرلياهن على الفراش گلي هسه عرفت بت اخويه سباعيه
منيمتك بغير غرفه 
تالي بقى ينصب عليه ويگلي هاي جيتنا فادتك لوله راح تنجبر تلفيك يمها بغرفتها
الاء : ان شاء الله ارتبهم  ورا الغده يله تعال صبينا الاكل
قبل لا يطلع همستله بكر لا تكعد يمي على السفره استحي من جدو وعمي
بكر : لا بله  رند وهند وين يكعدن
انت نفس الشي
الاء: ما ناقشته دخلنا للمطبخ لكيت الكل ملتمين ينتظرونا وينتظرون صمد
هند راحت تصحي
بهالاثناء كعد بكر وخلى ايده على الكرسي الي بصفه ناداني كدامهم
يله لوله تعالي اكعدي تغدي
جاوبته هسه بس اطلع اللبن من الثلاجه
التمينا على الغده وهو بدا يحرجني كدام  الكل اخذ  صحني يخليلي اكل 
اهمسله اني اصب يتجاهلني
بكر : هنود هذا الاكل انت مشاركه بطبخه لو مرتي طبخته وحدها 
هند : لا مرتك طبخته اني شاركت اسولف وياها 
بكر : عاشت ايدج حبيبتي جدو هذا البرياني لخاطر عيونك سوته مخصوص
الجد: عاشت ايدج حبيبتي
الاء: بالعافيه 
هناء : هي ألو فدوه لعينها   مرتبه بكل شي والله من دخلت البيت وشفته شلون مرتب ونظيف على ايدها وزيد سولفلي من رايحه مشتريه النواقص ومغيره الشراشف والاغطيه  فرحت لان لاهي ولا هند معتمده عليهم قبل حتى اعرف
بيهن هيج شاطرات وامهات بيت
هند : هنو ترى احنه نعجبج بس انتي ما ادري ليش قبل ماخذه علينا فكره
فاهيات  ومندبرها
هناء: والله اشهد اتفاجئت بهالايام الي فاركتكم الكل متغير ما ادري كبرتوا
ما ادري من صرتوا وحدكم حسيتوا بالمسؤوليه بس والله حسيت هاي اول حسنه
بهالسفر والغربه
قيس : والله لوله طلعت مو هينه
بكر : شفت عمي قيس يسولف ويبتسم لي  اني هم بادلته الابتسامه
بعد ما انتهينا من الغده 
والتمينا بالهول انتبهت عليها مو ويانا
التفتت على هند
الاء وين
بعدها بالمطبخ
شدسوي
والله ما اعرف
اذا دتنظف گليلها تعالي ارتاحي وبعدين نظفي
لاكملنا تنظيفه اني وياها
هسه اروح اشوفها
لا خليج اني اروحلها
دخلت المطبخ لگيتها كاعده على الكرسي وحدها كدامها كوب الشاي
ليش وحدج كاعده ما اجيتي ويانا
الاء: بكر والله دا استحي من عمي قيس وشايله هم شلون بالليل كدامهم
اني وياك بغرفه
كعد بصفي
بكر : الاء احجي ويايه بصدق انت ما مرتاحه لوضعنا وتريدين ننفصل بس مستحيه مني او من جدي او البيت كله
احجي واني الي يريحج اسوي لان اني مال تبقين بهالوضع ما ارتاح
لان هم اريد افهم حياتنا حتكون طبيعيه مثل اي اثنين متزوجين
لو انت ما متقبله هالفكره وتريدين يبقى وضعنا مثل قبل ما نعقد
نظرتلي بطريقه اخذت قلبي بيها
نظرات خوف وقلق وهي تسألني
االاء: ليش انت تريد تفسخ عقد الزواج
بكر: اني الي انت  تريدي اسوي ماطول يريحج بس احجي حتى افهم
الاء: يعني انت مو گلت تحبني والكل يدرون  بهالشي
بكر : احبج  واموت عليج والكل ما يهموني بكد ما انتي تهميني
بس هم الي تريدي اني اسوي لخاطر عيونج  شنو الي يريحج
الاء: اي خلص نبقى مثل ما احنه
بكر : يعني شلون  قصدج ننفصل
الاء: لالا اقصد عاقدين
بكر : لا بوضعنا احنه متزوجين هذا العقد اخر خطوه بظرفنا
الوضع ما يسمح نسوي عرس حالنا حال صمد وهند
الاء: تمام
بكر : شنو التمام
الاء: يعني انت شلون تريد تكون حياتنا اني موافقه بس اذا تريد
تفسخ العقد  وتريد الموضوع يطلع مني كدام جدو گلي واني احجي ويا
بكر : تدرين وحق يوم الحق لو موجدج لو انت رايده تنفصلين وكل اهلنا
ما اطلك ولا يصير هالشي
من اول يوم عقدنا واني ما ناوي اطبق الاتفاق ويا جدي  لذلك كل  الحجي الي ابلغج  بي جدي قبل  ما نعقد  جنت اسايسكم بي بالخصوص انت خفت ما تتقبلي كلت اطمنها 
حتى توافق وحتى هسه الي حجيته وياج اني عارف جوابه منج  مسبقا  وسمعتج تحجين ويا جدي لذلك حلفت بغلاتج وعيونج  وذولي ما احلف بيهن كذب
بس من هاللحظه انت موافقه نكمل زواجنا لاخر العمر
الاء: ان شاء الله
بكر : معنى ماكو داعي تستحين  انت مرتي كدام  الله ورسوله
ووضعنا حيكون مثل اي اثنين متزوجين مثل عمي قيس ورند وهند وصمد وامي  وابويه  الله يرحمه وكل الناس وكل النسوان بالاول مثلج بعدين يتخطون
الخجل ويعتادون الحياة الزوجيه سواء بينهم او كدام الناس 
وهسه يله حياتي گومي اكعدي يمنا  اني ما يحلالي الكعده بمكان الا وانت بي
الاء: يله
دخلنا خلاني براحتي كعدت بصف هند من كعد غمزلي مبتسم
بقينا ملتهين بالسوالف والضحك حسيت بي ارتاح من انتبه عليه  اضحك ومتونسه على الكعده
مر الوقت الى ان صمد نبهنا ان هم يله يروحون هو وهند يغيرون ملابسهم بين ما احنه هم نتحضر حتى نطلع كلنا نغير جو
دخلت الغرفه
اكوي ملابسي وملابس بكر
هو اخذ المنشفه ودخل للحمام يسبح  لحظات وسمعت طبه وصوته فزيت رحت دكيت الباب سمعت صوته يتألم  دخلت متوتره
من شفته متمدد بالگاع عطت حاولت اساعده مكدرت بقيت اصيح على عمي قيس وزيد
دخلوا مفزوعين شالوه خلوه على الفراش ديتألم وراسه ينزف دخلت
خالتي هبطت
لگتني
البسه ملابسه بين ما زيد  يطلب  تكسي ياخذوا للمستشفى
من الخوف والقلق بقيت بالحديقه انتظر الى ان رجعوا مخيطين  راسه وايده مكسوره
اول ما دخل تحركت من الكرسي خطيت بأتجاههم
عمي قيس انتبه على وجهي وعيوني حاول يطمني
قيس : ماكو شي لاتخافون خلي يدخل  يرتاح ........ ألو اخذي للغرفه بدليله قميصه كله دم
الاء: انتبه بكر عيني مورمه من البچي
بكر : ليش هالدموع مابيه شي مو دا امشي كدامج
الاء: رحنا للغرفه كعد على الفراش
واني واگفه كدامه اغيرله  قميصه ودموعي تنزل
بكر : وتالي ليش هالبچي
الاء: مو بيدي مدا اكدر اسكت من الهبطه عبالي صار بيك شي
اندگت باب الغرفه دخلت خالتي
هناء _ها حبيبي خو مو دتتألم /
بكر: لا انطوني ادويه وابر مسكنات ودوا  التهابات الاء تنطينياهم
لايضل بالج
خالتي : الو  ابقي يمه معليج بالبيت اخاف يحتاج شي
هم زين تعرفين تنطي الابره
الاء :لايضل بالج خاله اني يمه ....طلعت خالتي
طلعت الادويه وقريت وقتها
ليش متنام وترتاح مو ما نمت الظهر
بكر: عبالي اخذج سينما اليوم
الاء: ان شاء الله من تصير زين نروح
بكر: ولج شوفي خشمج صاير احمر گومي غسلي وجهج
الاء: انت شلون وكعت اصلا
بكر: دخلت البانيو وفتحت الدوش ردت صابونه دا اطلع اجيبها من المغسله تزحلگت انضرب راسي بحافة البانيو وايدي انكسرت لان ثكل جسمي كله عليها صار بالوكعه
بس ما ادري بيج هيج راح تخافين عليه جان من زمان متزحلك
الاء:اسكت بكر والله روحي رادت تطلع من شفت الدم هذا القميص راح اذبه بالزباله كله دم
بكر :ذبي وسويلي شي اكله لان جوعان
الاء:هسه اسويلك
رجعت بعد ما جهزت الاكل
لگيته غافي تركته يرتاح
وطلعت بالحديقه الكل ملتمين ماعدا زيد وصمد طالعين 
سألوني عن بكر گتلهم نايم كعدت يم هند
هند :لج شلونه بكر هسه دخلت گلولي الي صار ردت اشوفه بس امي گلتلي اخاف نايم
الاء:اي نام خطيه
هند :انت هم مبين عليج تعبانه ليش متروحين تتمددين بصفه
الاء:اي والله هند لهسه جسمي من الهبطه تعبان وراسي مصدع
هند :الاء تدرين  الي يشوف وجهج ووضعج يفهم شي
الاء: شنو
هند: انت حبيتي  اني منتبهه عليج وعليه من اجينا لعمان لليوم علاقتكم بيها مشاعر وكلش تغيرتوا بس من سمعت كلامج بالمطبخ اليوم كلت يجوز لعد اني متوهمه وصدك واحد متعود على الثاني
بس هسه لا تأكدت اخويه مو هين عرف شلون يسلب قلبج ويخليج تحبي بسرعة
الاء:ادري ،هذا الموقف خلاني  عرفت اني احبه  حسيت روحي طلعت من شفته متمدد وراسه بي دم ويتألم قلبي يوجعني من اتذكر بس الحمد لله ربج لطف
اوكفي خلي اشوف بيش الساعه يمكن صار موعد الابره
اي والله موعدها خلي اروح اكعده
دخلت للغرفه لگيته بعده نايم رحت اكعده
بكر بكر گوم عيني عندك ابره
بكر : اضربيها واني متمدد مابيه حيل اگوم
الاء:كوم قلبي  حتى وراها تاكل الكل برا كاعدين مكانك خالي
بكر :ابتسمتلها ام كفشه اليوم مدللتني لو ادري لسانج راح ينطلق ويغرد كل ما اتأذى چان هسه اني معوق
(قصدت يوميه اسوي بنفسي مصيبه حتى ادللني )
بس لوله صدك اليوم عجبتيني من اداركتي الموقف  قبل ميدخلون الولد للحمام ويشيلوني معناها انت سبعه وتفكرين صح بهيج مواقف اريد اسألج سؤال
شو صارت اخدودج حمر المفروض بعد ماكو بيناتنا خجل يله
اضربيني الابره وبعدين اسألج
الاء: يله خلصت
كوم خلي نطلع  للمطبخ بالاول اكل وبعدين نكعد يمهم بالحديقه
بكر :بالاول راح اسألج وتجاوبيني بصراحه
انتي حاسه بيه شكد احبج
الاء :اي حسيت بيك من شفتك خايف عليه ببغداد وتأكدت اكثر بطريقنا لعمان
بكر :اني اليوم حسيت انتي تحبيني صح .
الاء:اي صح قبل مجنت اعرف لان متعوده عليك بس الي صار خلاني اميز مشاعر الحب الي بداخلي تجاهك
بكر : لعد انت عبالج اني هين كل هالتخطيط حتى اجيبج للدرب
وتصيرين حلالي وبموافقتج  وبدون مشاكل
لان احجيلج الصدك اخر كم سنه من شديت وياج لان اغار عليج وسمعت
كم مره يخطبوج تلفت اعصابي حسيتج نافرتني وتجنبيتي هنا جنت مقرر اتزوجج بالغصب وبعدين اخليك تحبيني من تعرفين كل هالسؤالين الي سويتها لان جنت احبج واغار عليج
الاء:جدو ميقبل تغصبني على الزواج
بكر : جدج اكثر واحد جان متأمر عليج ويايه ومستقتل حتى اني
اخذج  راد يأمن عليج ويايه  وهو اول واحد شك بتصرفاتي وياج
وراها حب 
الاء:  هسه اخذت الجواب الي تريده 
يله نطلع 
بكر:هي اجابه وحده جنت منتظرها صار سنين وعرفتها ، يله  نطلع
الاء:تحتاج اسندك تكوم
بكر :لا اكدر اعتمد على ايدي اليمنى بسرعة وكفت ولزمتها صارت هي بيني وبين الحايط
الاء: يله خلي نروح يمهم
بكر: نطلع بس ورا ما  تقربت على شفايفها
دفعتني من ايدي المكسوره
شوغتها لروحي من شافتني تأذيت بقت تتأسف ومقهوره
الاء: والله اسفه موقصدي بدون ما افكر دفعتك
بكر دتتأذى
بكر: شكد ما دا اتألم بس حبيت ارتباكها وخوفها عليه حاولت ما اقهرها
الو مو گلنا خلص اني وانت واحد وشنو يبدر مني تتقبلي بالي يرضي الله 
اجتي حضنتني
الاء: لاتكذب انت دتتأذى
بكر: لفيت ايدي على ظهرها قربتها
بعد هالحضن وهالحب والله خف الالم بس اذا تصيرين كريمه ويايه يروح الالم
الاء: قرب وجهه غمضت عيوني مستسلمه
احساس حلو من تصير انت والي تحبه شخص واحد وتنكسر كل الحواجز الي بينكم بالحلال
رفع وجهه ارتبكت من نظراته واني افتح عيوني متبعثره مشاعري
بكر يله نطلع حتى تاكل ابتسم
بكر: روح بكر
الاء:طلعنا للمطبخ لگيت الولد جايبين المشاوي وينتظرونا صحت على هند حضرنا كلشي وطلعنا الاكل برا تعشينا كلنا بس طول الوقت كل متصير عيني بعين بكر يبتسم ويدزلي حركه بشفايفه لو بعينه من يحسهم ملتهين
بس الظاهر عمي قيس منتبه عليه
قيس: ها بكور شو اليوم متوكح اظاهر وكعت الحمام  جتك من الله 
الكل ضحك
صمد : مو اكو مواقف الواحد لازم يستغلها متتعوض قابل يوميه مكسوره ايده
الاء: بقوا ناصبين على بكر وهو يضحك ويباوعلي
خالتي :هسه كلكم عقال بس ابني الوكح
( توكح حبيبي يغارون منك لان هم صاروا عتك وانت بعدك عريس جديد
بكر : جدو شو ساكتلهم
ضحك جدي
  الجد: والله دا اشكر رب العالمين جمعنا من جديد الكل فرحان ويضحك الله يسعدكم جدو اني احجيها كدام الكل شكد جنت قلق على الاء وشايل مسؤوليتها واخاف عليها من كلشي لان مسؤوله مني انت شلت كل هذا عني وريحت بالي من گتلي جدو اني احبها واريدها اطمنت اذا يصير بيه شي انت سندها وشكد بقيت مقهور لان خليتك تزوجها بسرعه وهي وافقت لان اني قنعتها بالزواج لمصلحتها بس من وصلت اليوم الحمد لله وشفتها مرتاحه وياك وانت شايلها بعيونك ارتاحيت الحمد لله رب العالمين يسبب الاسباب للخير
انت وياها واحد يستاهل الثاني وثنينكم غالين على قلبي
الاء: عمتي رباب ضحكت گالت
رباب:اني عرفت بالسالفه من شفت صوره الاء بمحفظته
بكر : عمه هاي عود وعدتيني متحجين لاحد
رباب :ههههه لا مو الوعد خلص اكسبايره صارله كم سنه
قيس :مشتغل حبچي الاخ منذ نعومة اظافره
صمد :والله طلع النسيب خبره واني عبالي فقير وسواها من باب الشهامه وتزوج بت عمه وخالته ثاري مخطط
قيس : بدلوا الموضوع مو علمود هذا( بكر )
علمود ألو صارت طماطه
بكر : عمو صدگ روح باجر ويا صمد اسألوا على اجازه السوق  وافتروا على سيارات رايدلنا سياره جوا ايدنا
وزيد والاء هم لازم نشوفلهم مدرسه حتى يكملون
هند :واني شو محد فكر بيه
بكر :انت امرج بيد رجلج اذا يقبل تكملين
صمد :ماعندي مانع خليها تكمل
الاء:اي عفيه عمو اسأل قبل ميبدي الموسم الدراسي هنا
قيس :طلع السانح ألو علمود المدرسه بس علمود هالمسكين شكد حصل تصنيف بقيتي ساكته
بكر :عمو انت اطلع منها اني قابل بسكتتها
قيس :يويل مو صوجك عبالي احنن قلبها عليك يطبك مرض
الاء:لا عمو اسم الله عليه خطيه
جدو :لحد يداهرها
رند :ها شوفها من جبت سيرة رجلها مبقت ساكته هههه
جدو :يله اني افوت تعبت تصبحون على خير
صمد :احنه هم نترخص اتأخرنا يله تصبحون على خير
قيس :دبقى يمعود ننصب على بكر ماطول ابويه دخل 
بكر :اني اخذ مرتي وافوت للغرفه تعبان ابقوا انتو وحدكم تصبحون على خير
اخذت الاء ورحنا للغرفه دخلت للحمام غيرت ملابسها واجتي خجلانه تحاول تتخطى هالخجل  وهي تنام  على ايدي و بحضني
الاء: يا صوره مخلي بالمحفظه
بكر:ابتسمتلها