حبيبي دائما

٥

#حبيبي_دائما
الجزء٥
اماسي الليل
الاء:سمعت كل كلامه وماعرفت اجاوبه بس حسيت بدكات قلبي ويا كل هالمشاعر صارت سريعه وحرارة جسمي ارتفعت كان افضل حل ان ادعي النوم  غمضت عيني و بقيت افكر ب اعترافه وبمشاعري تجاهه  ما محدده  مره ما اطيقه  ومره احسه قريب عليه
  ما اعرف سبب هالمشاعر على الاغلب مو حب لان ما اتخيله رومانسي واكدر احبه
حتى من اعترف بمشاعره جانت بصيغة جديه وتحصيل حاصل لهالظروف وعيت بلحظتها على وضعنا الحالي
اني على ذمته  يعني هذا الي نايم بصفي صار رجلي على سنه الله ورسوله
فكره الواقع الي حسيته ربكتني لان جنت ماخذه الموضوع بخوف وقلق
من دون ما احسب حساب اي شي كأنه الموضوع وسيله فقط حتى اكدر اطلع
لعمان قررت ان اترك التفكير بهالموضوع و اخلي لوقته  لان  حاليا فكري مشغول بالسفره وفراگ اهلي
ثاني يوم الصبح 
بكر :كعدت الصبح لگيتها بعدها نايمه وكفشتها منثوره مثل الطفل بوستها من كصتها  بقيت كاعد وصافن عليها احجي ويا نفسي
يعني الاء هسه مرتي حلالي ولازم اعتبرها بحكم الغريبه الى ان
تقرر تبقى على ذمتي او ترفض
واني من كل عقلي اقترحت هالاقتراح عليها وعلى جدي ... يعني شنو اذا
طلبت مني اطلگها راح اطلك
استنشقت الهوا وزفرته بتنهيده ... محتار بهالفكره ردت اطلع من التفكير
والشعور السلبي الي صابني
خطيت بركبتي قريب منها ومشاعري تغويني وتذكرني هي حلالي
ابتسمت على نفسي وهي تتحين الفرصه استهديت. ورجعت بخطواتي الورا
بعيد عنها همستلها
الاء الا ء يله كومي دننزل  لان جعت  ورباب اكيد نايمه بعدها
بدت تتمطى
الاء :صباح الخير /
بكر :  صباح النور يله ترى ميت جوع
الاء: ليش شكد الساعة
بكر: بثمانيه
الاء:  بعد اكثر من ربع ساعة جنت كاعده اني ويا بالمطبخ نتريگ ونسولف
بكر:  لازم نرجع  من وقت حتى نلحك نرتب كل امورنا ونشوف شلون راح نرتب موضوع الفلوس وياصمد وين نخليهن
الاء: بعد كم ساعة  رجعنا للبيت ما كدرت اتحمل فكره  جدي وعمي ومرته وخالتي يبقون واحنه نسافر ونفترق عنهم بقيت ابچي وخالتي ورند يبچون وراها اجتي هند  دتودعهم  
ام بكر ( الخاله ) :   ألو حبيبتي ديري بالج على بكر وزيد وهند اني اعتمد عليج  بين ما اني اجي اريدج زيد وبكر تخليهم بعيونج  
الاء:  خاله ابد لاتفكرين  اخليهم بعيوني والله بس انت هم ديري بالج على جدو والله قلبي راح يطلع لان راح افارگكم 
الخاله:  الله كريم حبيبتي مثل ما راح نفترق ربج قادر يجمعنا بسلامه
الاء: لليل  اجى صمد اخذنا  لبيتهم من ودعونا اهلنا ،فقدت اريد اسيطر على دموعي وشهكاتي مكدرت  و زيد هم بقى يبچي  طول الطريق على  خالتي حضنته انداريت على بكر شفت الدموع الي دتنزل  من عينه انصدمت
برغم الموقف جان كلش صعب بس ما اعرف ليش ابد ما تصورته عاطفي يمكن لان ولا  مره بحياتي شفت دمعه منه  حتى من توفى عمي حسيته قوي وصابر بس فكرت ممكن يكون جان يختلي ويا نفسه ويفرغ هالالم بالدموع
واليوم الوضع غير ماكو مكان يخبي دموعه عنا ،
  اما صمد بقى طول الطريق يهدي  بينا وصلنا لمكان  اتفقنا كلنا نجتمع بي 
اجتي السياره صعدنا  ناس لازكه بناس عمو ابوصمد كعد ليكدام يم السايق  والخانه الورا خاله ام صمد وابنها الثاني  وزيد اصرت تكعده يمها حتى
اهتم بي وتخفف عنه غياب خالتي
والورا بكر واني وهند وصمد  /بقينا اني وهند نبجي  طول الطريق والولد يهدونا اخر شي  صمد حضن هند  بكر داير وجهه على الشباك  كل ما نبتعد عن بغداد اشوفه  يصعد ايده على وجهه عرفت هاي دموع الفراگ للوطن والاهل
و ميريد احد يشوفها .بداخلنا جان خوف من فقدان الناس الي نحبهم وهالوداع يكون الاخير بيناتنا
وراها  اندار عليه  كان هادئ حاول يطمني
بكر:  كافي هالدموع  حاولي تنامين
الاء:  لف ايده على چتفي واخذ راسي خلاه على صدره وخله خده على راسي  وبقى يهديني  وهو صوته مبين تعبان 
بكر:  ان شاء الله ميطولون ويجون ورانا
الاء: نقهرت عليه حضنته  غفيت
بعدها ما عرفت شكد مر وقت  الى ان صحيت  ورفعت راسي لگيت بكر بعده كاعد
بكر:  ارتاحيتي شويه
الاء:  اي انداريت لگيت هند ورجلها  والكل نايمين بس عمو ابوصمد كاعد  رجعت باوعت لبكر   انت ما نمت
بكر:   ميجيني نوم الى ان نوصل 
الاء:  تعال نام على چتفي حاول ترتاح
بكر:  لا ما اكدر من انعس اكلج 
الاء: ورا نص ساعة بقينا نسولف  خلى راسه على چتفي ونام  الى ان   وصلنا الحدود الاردنيه خلصنا كلشي ختموا الجوازات صعدنا للسياره
اهل صمد جانو فرحانين  بس احنه بقينا ما مرتاحين لان تركنا اهلنا
بعد كم  ساعة وصلنا لعمان نزلنا بفندق بين ما اندور شقه للايجار اخذنا كل ٢بغرفه  المتزوجين... و زيد واخو صمد عمار ( طالب جامعي ) $$$$بغرفه اثنينهم
صعدنا اني وبكر للغرفه اول ما دخلنا گلي
بكر : فوتي اسبحي بين ما اطلب اكل حتى افوت وراج 
طلعت ملابس ودخلت اسبح  نسيت نفسي بالحمام من التعب دك بكر عليه الباب
بكر :يله الاء وين صرتي اريد افوت اسبح قبل ميجي الاكل 
الاء:هسه  جففت شعري  وبدلت ملابسي طلعت  ، سألته
اتصلت  على زيد يجي ياكل ويانا خطيه
بكر:  اتصلت عليه ما قبل  يجي راح يطلبون هو وعمار اكل بالغرفه  لان تعبان گلي
الاء: دخل بكر للحمام  وطلب مني
بكر : لوله طلعيلي ملابس ما فتحت الجنطه لان  بيها ملابسج  
طلعتله ملابس  سمعته صاح الملابس
انطيتهيا من ورا الباب
اجى الاكل  اكلت شويه  اتذكرت لمتنا كلنا يوميه وكت الاكل  مكدرت بعد اكمل ، شبعت الحمد لله
عرف انقهرت
بكر:   كملي اكل ولاتضوجين ان شاء الله شغلة ايام ويجونا وصيت السايق يمر يطمنهم علينا وصلنا بسلامه..... ويتفق وياهم على موضوع طلعتهم/ 
الاء:  ان شاء الله يجون ونرتاح كلنا
وننجمع من جديد
بكر:  ان شاء الله  الاء راح انام اني على القنفه وانت نامي  على الفراش لبين ما نأجر  شقه جبيره  وكل واحد ينام بغرفته  باجر اطلع ادور اتفقت ويا صمد
الاء : تصبح على خير  /
بكر:وانتِ من اهله  نمت على القنفه شكد ما تعبان ذبيت نفسي عليها   مو مريحه بس نمت
كعدت الصبح رگبتي متشنجه  وتأذيني
ناديت
الاء  الاء
فتحت عينها
  طلعيلي ملابس دا انزل  متواعد ويا صمد   نروح ندور شقه
وعود ارجعي نامي  
الاء: كعدت صبحت عليه طلعتله  ملابس
تحتاج شي اريد ارجع انام 
بكر: لا ما اريد بس اذا جعتي اطلبي اكل لو روحي على هند اتريكوا سوا مو تنسون زيد
الاء: يله بكر والله افتهمت اطلع اريد ارجع انام
بكرا :ام كفشه طالع ،راح امر على الصيدليه محتاجه شي 
الاء: لا سلامتك بس ليش راح تمر على الصيدليه 
بكر :اجيب علاج لتشنج رگبتي مدا اكدر احركها
الاء:هاي من ورا نومة القنفه  مو مريحه صح 
بكر: لا  ممريحه  افرشلي لحاف اليوم احسن يله اني طالع ارجعي نامي
الاء:يله الله وياك