حبيبي دائما

٩

#حبيبي_دائما
اماسي الليل
الجزء٩
ومن هالمشاكل مره من المرات دخل للغرفه يغير ملابسه  حتى  يطلع
انتبه عليه  دا ادرس
بكر: انت منتبهه على نفسج صايره حتى مترفعين راسج  من ادخل الغرفه وانت تدرسين
عندج الدراسه ونفسج اهم من عندي اني اخر شي يجي على بالج
وترى هالوضعية مامصرفتلي  وافتهما هالكلمه فكري بيها 
الاء: لان كنت احبه ومتعلقه بي ما اخذ كلامه بزعل ولا عصبيه لان اعرف
هالعتب من محبه واهتمام
تركت الي بيدي ورحت العنده  مبتسمه برغم هو وجهه عابس
لفيت ايدي على رگبته
شعندي غيرك انت امي وابويه وكلشي حلو بحياتي
بس اريد اخلص الجامعه حتى بعدها نسوي طفل
بكر  والله اني  دا ادرس لخاطرك
لان اعرف دتدفع اقساطي واقساط زيد كلها بتعبك لاتضوج مني قلبي والله دراستي صعبه واعرف ملتهيه عنك بس انت شويه تحملني 
لوله ما تستاهل تصبر عليها وتمشيلها 
حسيته خجل من كلامي وهدأ
رجع  طبيعي حضني وبوس خدي
بكر : لا حياتي  ما ازعل بس اني مرات من ضغط الشغل والتعب
اتنرفز  اجي اطلعها بيج
انت ما مقصره  ويايه بس اني دا احبج اكثر من قبل ولان اغلب وقتي برا البيت تشتاقلج اريدج  دائما الي وويايه
الاء: بعدها صرت انتبه عليه يكعد مرات بالحديقه والتلفون دائما بأيده بس الي خلاني ما انتبه او اشك 
ما شفته بيوم يكتب او يتصل فقط سرحان ومرات يفتحه يلقي عليه نظره ويغلقه
يخلي بصفه
بوقتها خمنت عنده مشكله بالشغل ،
وبمره  يوم جمعه بعد الغده
الكل دخلوا غرفهم ينامون وهو من ضمنهم
اخذت كتبي وكعدت  بالمطبخ ادرس جنت مركزه دا اكتب موضوع مطلوب مني
ما سمعت خطواته لا انتبهت هو واگف صافن عليه باب المطبخ الا من
گلي 
بكر: تعالي واتركي  القرايه
الاء: هسه بس  ارتب الورق واكبسه  حتى ميضيع
تقدم لعندي بعصبيه
اخذ الملزمه من ايدي وشگها  شمرها على الميز باتجاهي بطريقه  تبعثرت حتى على الارض انجرحت بهالتصرف 
اكثر من تصرفه وهو يشگ الملزمه
بقيت مصدومه وكتمت قهرني حتى لا تنزل دموعي بعد ما حسيت بوجهي
يطلع نار واني اسمع الكلام الي ديحجي بعصبيه 
بكر: بس شوفي النسوان شلون افكر براحه الرجال
واني اركض وراج  وانت ولا يمج  بس مو صوجج صوج الي لهسه صاين الي بيناتنا وما مدور وراج  سوالف مكسره ونسوان 
الاء: هنا انهاريت من الداخل حسيته اعتصر قلبي  بألم اختنكت
لو ما دموعي تفرج عني وتخفف هالالم ما اعرف شنو كان صار بيه او شنو تصرفت بس تحركت من مكاني بديت  اجمع الاوراق الي بالارض
خفت لا احد من اهلي يدخل ويشوف الي صاير وينقهرون وممكن تكبر المشكله
واني ارفع الورق افكر هذا شنو الي قلب حاله قبل ساعه جان يضحك ويايه
وعنده علم حدرس ورا الغده 
التزمت السكوت  احد   ما طلع من المطبخ
طلعت بالحديقه اذب الاوراق بالسله
كعدت على المرجوجه ابجي وافكر  ويا نفسي
( ليش هيج متغير  اني الي دا اكدر عليه دا اسوي والكل يدري بيه دا اتعب اصحى  الصبح  دوام الجامعه  ارجع  اكمل اموري وامور بكر (غسل ملابس وكوي ) وادرس  ولازم قبل الساعة ٦ اكون مرتبه نفسي وغرفتي نظيفه ومرتبه واخصص ساعة  اله اهتم بي من يرجع  من الشغل  بعدها ايدي  احضر العشه ((لان خالتي تطبخ ورند تنظف البيت الصبح من اني بالدوام
قبل مجان مطلوب مني اساعدهم لان عمتي رباب وياهم
لكن   من سكنت بشقتها  علمود اولادها كبروا
صار الشغل  والريوگ على رند
ولان ما احب استغل طيبتها قسمت وياها الشغل عليه ( تنظيف البيت العصر والعشا ))
ثانيا اني ما قصرت ويا بأي  حقوق ولا يوم رفضته او امتنعت عنه
ليش كل هالكلام وهالحجج
بقيت استرجع الاحداث (هو صارله فتره من تغير ويصفن بيده التلفون
وهسه گلي  موصوجج صوج الي صاين الي بيناتنا  
معنى ديأكد ماكو شكوك ادور حوله بشغله خيانه
حيرني هالرجال شنو الي قلب حاله 
اني لازم انتبه على كل التفاصيل حتى اعرف شنو الي غيره
بعد نص ساعة
طلع بكر  الحديقه صار كدامي
ماهانت عليه نفسي يشوف دموعي مسحتها 
بكر : تعالي فوتي لا تبقين  وحدج
الاء : مدلي  ايده وتعابير وجهه خجلان على ندمان وحاسس بالذنب 
اني جنت كلش متأذيه منه ومن كلامه
تحركت من يمه بدون ما انطي ايدي  او حتى تكدر اباوع بوجهه
دخلت
دخل  ورايه  خطواته قريبه مني همسلي بروح اهلج لا تكرهيني
دخلت الغرفه 
دخل ورايه سد الباب
توجهت الكنتور فتحته
صار بصفي
التفتت عليه  بعصبيه مقهوره وبنفس الوقت محافظه على صوتي هادئ حتى محد يسمع وينقهرون
اني بعد لهنا وخلص انتهت وياك 
من وصل بيك تتمنن عليه لان صاين عهد بينك وبين الله بعقد هالزواج ،
من اجيت وتزوجتني مجان الك مكان بقلبي وجنت تتمنى احبك واصير الك
وهسه من صرت تبطرت وهاي الحجج والمشاكل الي تفتعلها ما اسامحك عليها ليوم  الدين لان اني كدام  رب العالمين اعرف مامقصره وياك ولا ويا احد
ودا اجاهد لخاطرك بدراستي وصاينه نفسي ومحترمتها ومخليتك كدام عيني بكل تصرف وكلمه وانت شوف شنو سويت وشلون دتجازيني 
جرني لحضنه حاولت  اتحرر منه لكن شدد احتضانه
بكر:  منو يخليج تنتهين ويايه ليش اني اكدر بلياج وهو بكيفج تخلصين مني
والله متخلصين لاخر يوم بعمري
ما عاش ولا عساه ينكتبله عمر الي ينزل هالدموع من هالعيون الحلوه
ادري لوصت وقهرتج
ساعة شيطان  لعب بعقلي ما جنت حاس على تصرفي والله من رجعت الغرفه
حسيت راسي حينفجر من شفت وجهج احمر وبديتي تبچين وتذكرت الحجي الي حجيته  والله قلبي انقبض من فكرت شكد قهرتج  بس وغلاة عيونج
ومن شفتج مركزه وما انتبهتيلي والله غرت عليج حزت بقلبي حسيت بطلتي تحبيني انقهرت تالي سويت هالتصرف بغلاتي عندج اتحمليني
ومن تشوفيني ملهوف عليج اتركي كلشي وخليج ويايه لاتخليني احس انت نافره مني
الاء: ليش بكر شنو الي سويته وخلاك تحس اني نافره منك شنو الي ردته واني مسويته لو لگيتني مقصره بي
وحتى لو اقصر اني بشر عندي طاقه مرات اتعب واقصر مو معناها انت متفضل عليه بعدم الخيانه هذا شي بينك وبين ربك اني ما الي علاقه بي
ولا اي حجه تبرر الحرام ولا اي شخص يكون سبب بأثم انت تريد تسوي
الانسان من يريد يخون ومخلي هالشي براسه راح  يسوي ويفتعل اي حجه حتى يبرر ويحلل لنفسه الخيانه بس يم رب العالمين مكشوف  
بكر انت تعرف عليه وحده وگالبه وضعك ويايه ووراح تنهي الي بيناتنا بسبب تصرفاتك
بكر: وروح ابويه
وغلاة امي وغلاتج ما اعرف وحده  ولا سويتها بيوم
انت فكري بيها يعني اني لو اعرف وحده  اجي  ملهوف عليج لو  اعصب من اشوفج ملتهيه عني بالعكس
اكيف حتى اخذ راحتي اطب واطلع وياها وانت متدرين 
بس اكو شي راح احجي بس تحلفين من تسمعي تتفهمي مو تكبر  المشكله بيناتنا
قبل  فتره اجاني مسج بي كلام غزل واعجاب تجاهلته بس بعدين صارت المسجات عباره عن  وكلام جريئ ونكت كلها خلاعيه وايحاءات
الاء: يعني شنو ادزلك
بكر : اخاف من احجي تنغثين
الاء: لا احجي  حتى لو  انغث اريد اعرف الي قلب حالك 
بكر : محد يكدر يقلب حالي وياج لازم يكون عندج ثقه بهالشي
شوفي دزلي مسجات
تصورلي نفسها هي ويايه بالفراش  حتى الحركات تكتبها حتى تصرفاتي بخيالها وشلون اني متجاوب ومرتاح وياها .....
خبلتني صرت اتخيل نفسي صدك وياها واحس بلذه من اقرى المسجات والتلفون ما يوكع من ايدي ...بنفس الوقت بقيت دايخ هاي منو الي ادز المسجات ومنين تعرفني ومن وين تعرف مرتي ملتهيه عني مرات حتى تعرف اني وحدي بالغرفه وتكتبلي تخيلني اني وياك هسه وتكتب تفاصيل علاقة بين رجل ومره .......
اني ولا مره مجاوبها او دازلها شي