بنات الخاله

10

· حلقه انهارده توصل لل 400 ممكن 😭😭🙄

هشام بعد اللى حصل روح البيت وعمال يلف حوالين نفسه هيا رفضته لأنها مبتحبوش طيب هو زودها ماكنش لازم يضربها دماغه هتنفجر من التفكير خرج يلف بالعربيه شويه يمكن يهدى ماشى فى الشوارع مش عارف رايح فين ولا هو فين بس ماشى
لمح رانيا ماشيه لوحدها قرب بالعربيه يزمر مرضتش راح قافل عليها الطريق بالعربيه بصتله وسابته وكملت طريقها حس من نظرتها بالوجع خصوصا بعد ما القلم ورم وشها ركن العربيه وراح واقف قدمها
هشام : إنتى كويسه
رانيا:ايوه (كملت مشى)
هشام لحقها: لأ واضح جدا انك كويسه يا بنت الناس مالك متقلقنيش انتى زعلانه منى على اللى حصل انا
قاطعته رانيا :لا مفيش حاجه عايزه امشى ساكته ينفع
هشام حس الكلام مش جايب همه: طيب ينفع امشى ساكت معاكى
رانيا :ماشى
فضلو ماشيين ساكتيين هيا باصه قدامها بترمش بالعافيه وهو كل شويه يبص ناحيتها على أمل انها تنطق
بعد شويه
رانيا وقفت فجاءه تحت شجره وسندت عليها زى متكون خايفه تقع
هشام: شكلك ماشيه من بدرى وبدأتى تتعبى تحبى اروحك
رانيا :لأ
هشام: طب تحبى نروح اى مكان لحد ما أعصابك تهدى
رانيا بدأت تنفعل عليه :باااس كفايه روح مطرح متروح بس سيبنى فى حالى وامشى بقى انا مش نقصاك
هشام أتضايق جدا منها وسابها ومشى
بعد ما هشام ما مشى قعدت على الارض تعيط سندت دماغها على رجلها وهيا ضامه رجليها باديها واللى حرقها اكتر انه مشى فعلا رغم انها زودتها بس نفسها يستحملها ويصبر عليها
شويه و شافها واحد فاضى: الحلو زعلان ليه
من اللى هيا فيه مكنتش مركزه ومنتبهتش له
الفاضى لقاها مبترضش قال يستغل فرصه ضعفها قرب منها ولسه هيمسك ايديها لقى ايد قويه مسكت ايده بعنف والتفت لقى هشام بيبرق له وعنيه بتطق شرار
الراجل خاف منه وحاول يدارى
:ايه اا يا يا جدع سيب ايدى
بدأت رانيا تحس بحركه حواليها رفعت راسها وبدأت تبطل عياط: فى ايه
هشام: صح النوم يا هانم توت ما فوقتى عمال من الصبح اتحايل عليكى نمشى من هنا ولا تتنيلى تنطقى وانتى ولا انتى هنا
رانيا :انت اتجننت بتزعقلى كده ليه
هشام غضبه بيزيد :وانتى لسه شوفتى حاجه
الفاضى: حقك عليا انا يا بيه وتوبه ان كنت ابص لوحده تانى بس سيبنى امشى ربنا يبارك لك(بص لرانيا) يامدام استهدى بالله وقومى روحى مع جوزك دا راجل سكره
رانيا :مين ده وماسكه كده ليه متسيبه
هشام سابه الفاضى بعد مانفد: يا استاذ متحايلش هتدلع اكتر الصنف دا ميجيش الا بالسك على دماغه
هشام اتعصب وكان هيجرى وراه :غور يا ابن ال (سكت والتفت لها )عجبك يا هانم
رانيا :طب وانا مالى
هشام :قومى يلا من هنا
رانيا: سيبنى فى حال (ملحقتش تكمل شدها من ايدها وركبها العربيه وربط لها الحزام وركب وساق مقدرتش تعلق على اللى حصل لأنه واضح أنه جاب آخره وممكن يفتح نفوخها)
كل شويه يبص على خدها الوارم ويتندم اكتر وهيا مبتتحركش خالص
هشام وصلها لحد بيتها بعد ما روحه طلعت معاها محايله لا اتكلمت ولا بصتله نزلت من عربيته ودخلت البيت من غير ما تبصله اتعصب ونزل وراها هشام لحقها فى المدخل ومسك دراعها ولفها ليه وبعدين لفها تانى بقى شعرها للباب وهو قريب منها رغم عصبيته لكن كان واضح أنه حزين وبيتالم
هشام: انا آسف انى مديت ايدى عليكى بس انتى عصبتينى ومديتى إيدك الأول عارف انه مش مبرر بس انا اللى فهمت غلط واتسرعت فى مشاعرى تجاهك ومجاش فى بالى أنك تكونى مبتبادلنيش نفس المشاعر من النهارده هبعد عنك نهائى لو دا يريحك
رانيا زقته باديها الاتنين : ابعد ابعد ابعد بعيد إشمعنى انت اللى هتبقى ماكلهم سابونى ومشاعر ايه انا مش بوسى هتشترينى بشويه فلوس عن إذنك وطلعت تجرى على فوق بس مراحتش عند خالتها راحت شقتها وفتحتها وفضلت تنفض وتخبط وتروق فيها اهى بتطلع غضبها فيها وصممت تقعد لوحدها من هنا وجاى ومحدش اعترض لأنها واضح انها منهارة سابوها لما تهدى
((((((((******))))))))
هشام بعد اللى حصل كان متلخبط ومش فاهم حاجه
هشام :ومال بوسى بالموضوع انا مش فاهم حاجه كريم مفيش غيره يلحقنى
ساق عربيته وراح لكريم
هشام: عاوزك فى موضوع مهم
كريم: سألت عليك العافيه
هشام : مش وقتك يا كريم انا عايزك فى حاجه مهمه
كريم :واضح بدليل أنك لحد دلوقتى منتبهتش انى كنت فى مكتبك ومشيت وأنت ما سالتش
هشام: اه صحيح اه اعمل ايه من كتر البلاوى اللى انا فيها
كريم: خير مالك شكلك فيه مصيبه
هشام حكاله على اللى حصل كله من ساعه ما سابه لحد ما وصلها بيتها
كريم: يخربيتك بالقلم وأنت ايديك مرزبه دا انا لما بتتعصب وتضربنى بعمل كمادات يومين دا كويس انها لسه عايشه ثم ايه علاقه بوسى بالحدوته دى
هشام: اومال انا جايلك ليه مهو عشان تفهمنى
كريم :مش أما افهم الأول بوسى مش هتوصلنا لحاجه انت تتصرف تقابلها وتفهم منها
هشام: أقابل مين بوسى
كريم: لا يا أخى رانيا
هشام:خلاص استنى بكره فى الشركه انت بقى ايه اللى مشاك
كريم :هووهوووه دا حصل بلاوى
هشام :برضه
كريم: اه وحكاله كل حاجه
فات يومين ورانيا مبتجيش الشركه وحابسه نفسها فى شقتها مباتكلمش حد غير ريم بالعافيه وهيا جايبه ليها الاكل وفى يوم بابها خبط
رانيا : أيوه جايه يا ريم
ذكيه : رانيا وحشتيني واخدتها بالحضن
* ذكيه كانت زميله رانيا وريم فى المدرسه كارثه ماشيه على الأرض ومحدش بيقدر عليها اول مره قابلت رانيا لقتها مسكينه وغلبانه كانت العيال بيعيروها بامها ويضربوها ويسرقوا سندوتشاتها لما كانو بيغيروا منها فى مره ذكيه شافتهم راحت لها
ذكيه: انتى يابت انتى وهيا مالكم ومالها
سوسن: ملكيش دعوه انتى يا ذكيه
ذكيه :لا ليا لا والله اقول للناظر
سوسن :كده ماشى ومشيت سوسن وعصابتها
رانيا: مش كنتى عملتى كده هيضيبوكى كده
ذكيه: لا متخافيش انا أقدر اضربها بس آخر مره الناظر قال لو حد ضايقك قولى لى مش تضربيه عشان مش يقول لعمى وعمى هيضربنى
رانيا: ليه انتى مش عندك بابا
ذكيه؛ عندى بس سافر عند ربنا وامى سافرت عند جوزها وسبونى لعمى بيضربنى ويجيب حاجات حلوه لولاده وانا لا وانا قلت له هاتلى زيهم قالى لأ هم ولادى انتى لا ودايما بيضربنى ويزعلنى
رانيا: مش تزعلى انا معاكى
ذكيه :لو سوسن ضربتك قوليلى وانا اعضها
رانيا: جدعه يا ذكيه من النهارده احنا صحاب
ذكيه: هييييه
رانيا: مش فاهمه ليه سوسن مش بتحبنى
ذكيه :عشا ن انتى حلوه وهيا لأ
رانيا :ما انتى كمان حلوه ليه انا تضيبنى
ذكيه :عشان انا بقدر اضربها وانتى لأ بس مش تخافى
انا معاكى
ومن يومها بقو أصحاب دى حتى اتعرفت على ريم لما كانت بتقابل رانيا بره المدرسه واتصاحبت عليها مع انها اصغر منهم سنا استمرت علاقتهم لحد تالته اعدادى عم ذكيه سافر وهيا معاه عاشو فى اسكندريه لكن المراسله بينها وبين رانيا وريم متقطعتش وريم قالت لها على حاله رانيا فجت فورا
رانيا: يااااه يا ذكيه والله وليكى وحشه
ذكيه: مهو باين بأمارة مابنتكلم على الباب
رانيا :يا خبر حقك عليا المفجاءه لخبطتنى اتفضلى
ذكيه :وياترى مفاجاءه حلوه ولا
رانيا :حلوه جدا استنى أما أفتح الباب أكيد ريم هتفرح اوى لما تشوفك فتحت الباب لقتها ريم رانيا شوفتى مش :قلتلك ريم
ريم :بتكلمى مين
رانيا :مش هتصدقى ادخلى الصالون وشوفى بنفسك
ذكيه: ريم بالحضن
ريم: مش معقول ذكيه وحشتينى
ذكيه: انتى اكتر
ريم :حماتك بتحبك يلا نتغدى
ذكيه: بس ابنها مجننى
رانيا :ايه دا ايه دا دا حصل فى الأمور أمور وانا معرفش
ذكيه :أما نتغدى هقولكم كل حاجه احسن انا واقعه من الجوع
بعد الغدا قعدوا يشربو الشاى ويتكلمو
ذكيه :بعد ما خلصت المعهد دورت على شغل بدل قعدت البيت كل شويه عمى يسم بدنى ملقتش إلا بياعه فى محل اشتغلت فتره فيه وسبته
ريم :ليه
ذكيه: صاحب المحل اسمه محسن بنى آدم بارد ورزل وغتيت فاكر نفسه أمله ومبيسبش واحده فى حالها
رانيا: احسن أنك مشيتى
ذكيه: انا بقول كده برضه ومن غيظه كل ما اروح اشتغل فى محل يلف ويدور لحد ما اترفد فى الاخر زهقت وقلت لمرات عمى حكت الموضوع كله لبدر
ريم : بدر مين
ذكيه :بدر ابن عمى
رانيا :انتى مش كنتى بتقولى أنه بيحبك متجوزتوش ليه ولا انتى مبتحبيهوش
ذكيه :انا بتمنى اليوم اللى نبقى فيه سوا وهو كمان وأمه تتمنى بتقول مش هتلاقى احسن منى على الأقل هيا اللى مربيانى
رانيا : طب فين المشكله مش فاهمه
ذكيه : عمى (رجل أعمال كبير بس ضمير مفيش)
ريم : يييييه هو الراجل دا ايه لا بيرحم ولا بيسيب رحمه ربنا تنزل
رانيا : ربنا يعينك دا راجل فظيع
ذكيه : وعياله شبهه بدر الوحيد اللى طالع طيب ذى أمه دايما كانت تحوش عنى وتقف فى صفى وبدر يهرب الاكل واللعب من وراه اول ما كلهم ينامو يجى اوضتى ونقعد نلعب سوا هما اللى صبرونى على همى
ريم : ومحسن عملتى معاه ايه
ذكيه :ولا حاجه بدر شافلى شغلانه فى مول كبير محسن كبيره يرفدنى من محل لكن مول ميقدرش واهى ماشيه
رانيا : هو بدر بيشتغل ايه
ذكيه : يابنتى انا مش قولتلك قبل كده أنه ظابط فى الجيش
ريم : عشان كده مظبطك
رانيا : يعنى يقدر يستقل بذاته ليه متجوزتوش وبعدتو
ذكيه : مينفعش عمى العزيز له ناس فى كل مصيبه وحبايبه فى كل حته ممكن ياذيه فى شغله او فيا انا
ريم :أعوذ بالله دا ابنه
ذكيه : وايه يعنى المهم يبقى تحت سيطرته
رانيا : سيبك من السيره دى المهم وحشاني اوى انتى جيتى فى وقتك
ذكيه : مانا عارفه
رانيا : عارفه ؟ عارفه ايه
ذكيه : ريم قالت لى متبصلهاش احنا مش اخوات ولا ايه رانيا : ماكنتش عايزه اشغلك كفايه عليكى همك
ذكيه : ياستى سيبيها على الله
رانيا : ونعم بالله
ذكيه : واهى فرصه أرتاح من عمى وقرفه
ريم : تصدقى عندك حق وبعدين انتى وحشتينا اوى دا حتى رانيا رجعتلها ضحكتها لما شافتك وماما هتفرح بيكى اوى
((((((*****))))))
هشام دمه محروق ومش قادر يشتغل ولا يركز وبقى عصبى اوى
هشام: هبه تعالى
هبه: حاضر استر يارب انا عارفه ماله بقى عصبى كده ليه
هشام : هيا رانيا لسه مرجعتش
هبه: لا لاهيا ولا ريم
هشام : ريم مين
هبه : ريم آل اللى اتعينت معاها
هشام : ودى مجتش ليه دى
هبه : ما ماهو يعنى بيتهيألى عندهم ظرف عائلي
هشام : بمعنى
هبه : ماهو مادام الاتنين مجوش ولا طلبوا اجازه ببقى أكيد فيه مشكله كبيره فى البيت منعتهم يجو انا كنت هزورهم بس قلت اتصل الاول ريم قالتلى بلاش لأن رانيا تعبانه ومش هتقدر تقابل حد واما تبقى كويسه هتقولى
هشام : ايه تعبانه معرفتيش مالها
هبه: لا بس ريم قالتلى انها قافله على روحها لابتخرج ولا بتشوف حد من آخر يوم كانت فيه هنا
هشام : طب لما الموضوع كده مقولتليش من الاول ليه بدل ما انتى عماله تدشى ظرف عائلي ومشكله فى البيت لزومه ايه دا كله
هبه: أأ اصل بصراحه كنت خايفه من حضرتك
هشام : ليه بعض روحى ياهبه الله يرضى عليكى
خرجت هبه وهو قعد هيتجنن من القلق على رانيا بس خايف يروحلها ترفض تقابله وخايف يكون هو السبب فى تعبها فقرر يستشير كريم اخد نفسه وراح لكريم
((((((((******)))))))
نوال :ريم انتى يابت اصحى بقينا الضهر
ريم :ولما نبقى العصر يعنى هقوم اعمل ايه
نوال : النوم الكتير وخم بطلى كسل وقومى مدمتى مش رايحه شغلك ساعدينى فى شغل البيت
ريم : يعنى بدل متقوليلى ارتاحى يابنتى
نوال : يا قلب أمك بس كده (راحت نوال جايبه المنفضه وهات يا ضرب على ريم)
ريم اتفزعت وطلعت تجرى من السرير على الصاله وهيا بتصرخ شقه رانيا قصاد شقتهم فسمعت صراخها جت رانيا وذكيه يجروا
رانيا : فى ايه مالك يابت بتصرخى وتتنطتى كده ليه
ريم : اه اه ياعضمى
ذكيه : فى ايه ماله عضمك
نوال : ابدا دا أنا كنت بعملها مساج عشان تصحصح وتفوق كده
ذكيه ورانيا : هههههههه
ريم : ااه وبتضحكو ماشى شوفولكو حد غيرى بقى يتسوق
نوال : ياريت على الأقل مينسفش مصروف البيت
ريم : بقى كده يا ماما
رانيا : خلاص يا جماعه انا اللى هتسوق فرصه أخرج قربت انسى شكل الشارع
ذكيه : حلو هجى معاكى
رانيا : تيجى فين هو انا طالعه رحله خليكى هنا عشان تفضى اى اشتباك
ذكيه ضربت تعظيم سلام: تمام يا فندم
رانيا :انا هجيب فطار وارجع وبعدها نشوف عايزين ايه من السوق ونبقى نتسوق
((((((((******))))))
هشام :الو يا كريم زورى وجعنى بقالى ساعه بقول الو
كريم :اعمل ايه نايم الفجر ومشبعتش نوم
هشام : طب فوق كده ونتقابل فى النادى عايزك فى موضوع مهم
كريم :نادى هتروح النادى الصبح ودا من أمتى هيا الشركه ولعت وأنت مخبى عليا
هشام :مش طايق الشركه ولا عايز أشوف حيطان قدامى حاسس انى مخنوق
كريم : لا دا الموضوع كبير هفوق واجيلك سلام
هشام : بس متطولش سلام
((((((((((*******)))))))
بدر قاعد فى اوضته على سريره وماسك صوره ذكيه
بدر: يا ترى عامله ايه وحشتيني اوى
الباب فتح فجاءه
بدر: اااه يا قلبى رعبتينى يا ماما مش تخبطى
أم بدر(فريده) : حقك عليا يابنى ايه دا صورتها خبيها أبوك لو شافها هيولع فينا
بدر : حاضر اهوه خباها فى درج الكوميدينو اللى جنب السرير