بنات الخاله

15

ذكيه : متسبنيش يا بدر أنا بحبك اوى
عصام : أهدى يا ذكيه أنا مش بدر ونامى بدل منروح فى داهيه إحنا الاتنين
عصام بدأ يهديها وينيمها تانى وهيا متعلقه فى رقبته
رجعت تنام وهو النوم طار من عينيه خرج البلكونه يشرب سيجاره كان بينفخ دخانها كأنه بيطلع غضبه فيها
خلص السيجاره وقعد على الكرسى ونام
تانى يوم
صحيت لقت نفسها لوحدها خرجت البلكونه تشم هوا الصبح لقت عصام نايم بدأت تصحيه اول ما فتح عينيه ولقاها قدامه قام مفزوع
عصام : إيه فى إيه
ذكيه :أهدى يا عصام انا ذكيه مالك لازم كابوس ما طبعا مش نايم فى البلكونه انت ايه اللى نيمك هنا
عصام اتنهد بارتياح أخيرا الليله دى خلصت:اوووف ابدا لقتنى حران المهم انتى عامله ايه دلوقتى
ذكيه :الحمد لله
عصام :كويس نفطر و جهزى نفسك للسفر
ذكيه :ليه انت مش هتيجى معايا
عصام :لأ كفايه اللى حصل امبارح
ذكيه:امبارح؟
اطمن عصام لما فهم انها مش فاكره : اه شغلى اتعطل ولو سافرت هتبقى مشكله
ذكيه :انا اسفه اوى انى عطلتك عن شغلك
عصام :بطلى هبل انتى ذى رانيا بالظبط عموما انا هركبك السوبر جيت وهما هيستقبلوكى فى القاهره
ذكيه :تعبتك وتعبتهم معايا
عصام :بيتهألى انى لسه قايلك أنك ذى رانيا ماشى مش كل شويه اسفه شكرا وروحى جهزى شنطتك يلا
ذكيه :حاضر
عصام وصلها وركبها
ذكيه وصلت مصر لقت رانيا وريم و نوال مستنينها
كلهم سلمو عليها وحضنوها واخدوها معاهم البيت من غير كلام
بعد ما وصلو البيت
نوال : حمدالله على السلامه يابنتى
ذكيه: الله يسلمك يا طنط ماكنش فى داعى تتعبو نفسكو عشانى
نوال: تعب ايه بس دا ولا انتى مش زى ريم و رانيا ولا يمكن معتبرانا غرب
ذكيه: لا أبدأ والله ربنا اللى يعلم انتو ايه بالنسبه ليا
ريم: لا يا جماعه انا كده هعيط والنبى تغيروا الفيلم التراجيدى دا هيا مش ناقصه مرار
رانيا: عندها حق انسى الزعل وعيشى و لا يهمك
نوال: بطلو رغى البت جايه من سفر وتعبانة حبيبتى الاوضه اللى تعجبك اختاريها
ذكيه :اى حاجه مش فارقه
ريم :الله متفكيها كده انتى هتنامى فى اوضتى فيه فيلم حلو نسهر له يعنى مش هضايقك
رانيا: دا بعينك مفيش سهر عشان متطلعيش روحى فى صحيانك بدرى
ريم: انا فى اجازه ولا نسيتى
ذكيه :ألف سلامه عليكى انا ماخدتش بالى هيا رجلك مالها
ريم:لا بسيطه وقعت من عالسلم
ذكيه :طب مش تحاسبى يا ريم
ريم:حاضر المره الجايه هبقى احسس على الارض وانا ماشيه
رانيا :بطلى لماضه
نوال: بااس انتى وهيا حبيبتى انتى هتنامى فى اوضه ريم (ريم : هاااا ) وريم هتنام مع رانيا
ريم و رانيا ايه وبصوا لبعض ورجعوا بصولها بسرعه وفى صوت واحد : لأ
نوال و ذكية :ههههههه
(((((((******)))))))
هشام: تصدق انت تستاهل اللى بيجرالك
كريم: ليه بقى هو انا سىء اوى كده
هشام :لا يا فالح انت مش سىء انت غبى بقى بعد اللى عملته دا كله ولسه متمسك بيها
كريم: ياسيدى لا متمسك ولا زفت دا أنا نفسى أخلص منها النهارده قبل بكره بس مش عايز افترى عليها
هشام: امشى يا كريم أنا مش ناقص عبط يعنى كانت بتستغلك طول الوقت وقلنا ماشى بتدلع عليك ومضتك على ٢٥فى الميه من ارباح الشركه الام من غير ماتدرى وعدناها وكانت هتموت داده فتحيه وقلنا معلش مش قصداها و حذرتها انها تضايقها ومسمعتش الكلام والنتيجه ريم وقعت على رجلها مستنى ايه تانى
كريم: اووووف كله باوانه يا هشام متستعجلش
(((((((*****)))))
فريده: يعنى هنفضل كده لامتى؟
بدر :لحد ما ربنا ياخدنى ويخلصنى
فريده: بعد الشر عنك يا ابنى
بدر :انا مش فاهم ليه دا كله هو انا مش ابنه والمفروض فرحتى تهمه
فريده :هو طول عمره كده انا اللى واجع قلبى ذكيه الغلبانه دى راحت فين وايه اللى جرى لها
بدر: دا أنا اللى هتجنن بتصل عليها وتليفونها مقفول ومش عارف نمره حد من أصحابها
فريده: طيب وبعدين هنعمل ايه
بدر: مش عارف انا خلاص تفكيرى اتشل
فريده :منك لله يا صالح مبهدلنا معاك على طول
بدر: مش قادر انسى نظره الشماته اللى شوفتها فى عينيه وهو مستنى ذكيه ترفضنى بس تصدقى على اد مافرحت بردها على اد ما خفت لحبها ليا يكون رد جميل او تعود
فريده: ايه الكلام دا دى بتحبك اوى
بدر: وانا والله بس ازاى قدرت توافق وتتمسك بحقها فيا مع انها قبلها رفضت الموضوع كله ايه اللى غيرها كده
فريده :انا
بدر: انتى ازاى؟
فريده: مهو مش هتفرج واسكت بعد ما اتخانقتو سيبتك ورحتلها بس الظاهر محدش شافنى وإلا ماكنش أبوك عمل ملعوبه الاهبل ده
ذكيه: اتفضلى
فريده: بقى دا اسمه كلام تعيطى وانا موجوده
ذكيه: غصب عنى بحبه بس مش قادره أكون معاه
فريده: ليه بقى ايه عيبه
ذكيه: عيبه ابوه دا قلهالى فى وشى( عمرى ما هنويلك اللى فى بالك ابدا بكره هيتجوز وانتى تترمى فى الشارع اللى يستاهلك)مش قادره انسى نظرته ليا مش عارفه هو بيكرهنى ليه
فريده: عارفه ياذكيه انا يوم ما ابويا جالى وقالى هجوزك صالح دا بنى آدم كويس وافقت عشان مفيش حد فى قلبى وقلت هحبه مع الوقت وزى ما إنتى شايفه عشيتنا كده
ذكيه: يعنى عمره ماعاملك كويس
فريده:الكدب خيبه كان حنين وكويس اوى معايا وربنا رزقنا ببدر وأخواته وكنا كويسين بس فجاءه لقيته بيبعد عنى وطول الوقت مضايق وبيتلكك على اى حاجه عشان يتخانق معايا لحد ما بقينا أغراب
ذكيه: ومسألتيهوش عن السبب
فريده:لسانى نشف من السؤال وكل مره يتعصب عليا ويسبنى ويمشى بس كان أوقات بيرجع زى الاول ودا كان بيدينى الأمل اللى اختفى بعد ظهور امك فى الصوره
ذكيه: أمى أنا ليه
فريده: من يوم ما ابوكى جابها يعرفها علينا وقال انه هيتجوزها وصالح مش على بعضه من ساعه ما شافها وهو بيكرهها وكان عايز الجوازه دى تبوظ بأى تمن بس معرفش ومن ما دخلت البيت دا لحد ما خرجت منه مشفتش منه معروف وكان دايما بيقوم أمه عليها ودى من أبو لمس مابتصدق حد تطلع غلها فيه
ذكيه: ليه هيا أمى عملتله ايه ادا كله
فريده: ولا أعرف كل اللى اعرفه انها كانت السكرتيره بتاعه ابوكى وهيا وابوكى حبوا بعض واتجوزوا دا أنا حتى سألتها قالتلى انها متعرفش كانت معمالتها معاه فى حدود الشغل وعمرها ما اتعدت حدودها فى الكلام معاه عشان يكرهها كده دا حتى بعد موت ابوكى طلع عينيها ولما اتجوزت خدك منها بس عشان يذلها
ذكيه :وليه دا كله
فريده: معرفش انا اللى اعرفه انى لو انا وهو بينا حب مش تعود كانت حياتنا اختلفت على الأقل مكناش هنخبى على بعض حاجه دا لو انا لو حبيت كنت اتجوزت اللى بحبه ولو هناكل طوب ولو هيموتونا بعدها بس أكون بقيت معاه ولو مره مش أفضل ااجل من الخوف لحد عمرى ما يخلص ولا الاقيه من اليأس فى حضن غيرى
ذكيه: ايه؟ قصدك ايه؟
فريده: انتى فهمانى كويس بدر خايف ليكون حبك ليه رد جميل عشان واقف فى صفد ضد ابوه ولا مجرد اعتماد لو الحكايه كده يبقى لازم ينساك ويعيش
ذكيه: ايه الكلام ده اعتياد ايه ورد جميل ايه دا أنا بحلم باليوم اللى نبقى فيه سوا
فريده: خلاص اتجوزوا واللى مش عاجبه يخبط رأسه فى الحيط هتستنو لامتى
ذكيه: عندك حق
بدر :وانا خيبت أملها وسيبتها تمشى بس انا خفت عليكى منه ولو جيتى معانا كنا هنتبهدل كلنا انا محتاج وقت أرتب امورى
فريده: واحنا فيها انت لما تسافر ابدا ظبط أمورك من غير ما حد يحس ولما كل حاجه تجهز هنمشى من هنا
بدر: و ذكيه
فريده: أكيد راحت لأصحابها فى مصر لما نرتب أمورنا اتجوزوا وعيشو بقى
((((((****))))))
عصام رجع مصر وراح يزور مرات عمه اتفاجىء بهبه هناك
هبه: حمد الله على السلامه مش كنت تقول عشان نستقبلك بالورود
عصام: انتى بتكلمى كده ليه انا كنت هاجى عندكم بالليل
رانيا: جرى ايه يا جماعه دا بدل متفرحونا بيكم بتتخانقو
هبه ما انتش شايفه عمايله
ذكيه :لا يا هبه دا عصام بنى ادمةمحترم جدا وشهم دة انة من غيره كنت اتبهدلت وانا لوحدى (بصت لعصام)انا مش عارفه أشكرك ازاى يا عصام على وقفتك جنبى
عصام :انا معملتش حاجه
لا ازاى كفايه مسبتنيش طول الليل ووافقت تبات معايا وتتاخر على شغلك
رانيا مبرقه وفاتحه بقها
هبه: بات معاكى؟ فين
ذكية :الاوضه كنت خايفه واترجيتو ووافق
هبه:لا والله وعرفتو تنامو ولا حد قلقكو
ذكيه:بالعكس انا متخيلتش انى هعرف أنام بس يظهر من التعب مقدرتش اول ما دماغى خطتها على المخده نمت على طول
ذكيه مش واخده بالها انها بتخربها على دماغ عصام
رانيا حاولت تساعد اخوها :انا بقول ايه تعالى يا ذكيه
نعمل عصير
هبه :مش كنت تقول ابعتلك برقيه واكتبلك فيها صح النوم ولا اقولك صباحيه مباركه احسن
عصام:ايه الهبل دى زى رانيا ولو مش مصدقه روحى اساليها هيا نامت على السرير وانا على الكرسى
هبه : يعنى كانت نايمه قدامك عالسرير وأنت قاعد عالكرسى تتفرج
عصام: اتفرج على ايه دى كان حالها بالبلا ومن تعبها عصام: نامت بهدومها وعلى العموم احتياطى سيبت الاوضه ونمت فى البلكونة يارب تهمدى بقى
هبه: يا سلام يعنى كنت بتشاور عقلك
عصام: ارحمنا يارب اشاور عقلى ايه انتى كمان دى كانت عايطه ومبربره وحالتها حاله
هبه: يعنى أيه لو كانت كويسه كنت خنتنى معاها
عصام:ايه دا ؟انتى ركبتيها ازاى كده؟
هبه:ايه فاكر انى مش هكشفك
رانيا: فى ايه يا جماعه صوتكم جايب آخر الشارع
هبه :انا ماشيه
عصام:استنى هنا لما نخلص كلامنا وتفهمى الموضوع صح
هبه:لا انا ماشيه
عصام:كده طب أمشى وشوفى مين بقى هيسال فيكى
رانيا: ايه دا يا عصام ميصحش تعالى معايا يا هبه
رانيا حاولت تهديها وذكيه كمان حاولت تشرح لها الوضع وأنه وافق بس لانها اترجته كانت خايفه وتعبانه ومحتاجه اى حد جنبها ولأنه شخص أمين فهيا كانت مطمنه معاه فمفيش داعى للمشاكل
هبه:لا فيه انا عايزه اعرف هو فاكرنى ايه تحت أمره مش عشان بحبه ومبرضاش ازعله يبهدلنى ويخلينى على الرف
رانيا:ايه الكلام دا
هبه:ايه مش دى الحقيقه البيه بياخد قرارت تخصنا لوحده وانا المفروض أنفذ من غير تفكير بيرتب كل حياته بما يناسب شغله لكن انا طظ
عصام سمعها وفهم
عصام:رانيا لو سمحتى عاوز اتكلم مع هبه لوحدنا
خرجت رانيا وذكيه وسابوهم لوحدهم
هبه: نعم عاوز ايه تانى
عصام مسك دراعاتها الاتنين وشدها ليه
هبه : إيه دا أنت اتجننت أنت
مقدرتش تكمل شفايفه اللى كملت ساب دراعها وضم وشها وبعد شويه وهو بيتأمل ملامحها ولون الخجل مزينه
عصام : بحبك
هبه: وأنا كمان
عصام: تتجوزينى
هبه: أنت بتهزر
عصام: لأ بس نفسى اسمع موافقتك عليا وانتى فى حضنى وعيونك الحلوه دى بصالى
هبه :موافقه
عصام: لا شغلى ولا الدنيا اهم منك بس انا عايز اتجوزك فى أقرب وقت ممكن وفى نفس الوقت عايز اظبط شغلى عشان شهر العسل ابقى كلى ليكى
هبه :خلاص اللى تشوفه
عصام: هنخلى كل حاجه زى ما هيا بس هناجل أسبوع واحد بس وبعدها بشهر الفرح موافقه
هبه: أيوه بس انت ايه اللى غيرك كده
عصام: كنت مشتاق ادوق شفايفك كان حلم بحلمه من يوم ما شوفتك وكنت مستنى لما تبقى مراتى بس قدرتى على الصبر خانتني خصوصا بعد اللى حصل مع ذكيه
هبه: ذكيه؟
عصام: أيوه فضلت هيا بدر سنين صابرين على أمل واديكى شوفتى اللى حصل دا غير أن العمر مش مضمون
هبه: بعد الشر عليك
عصام :انا بحبك اوى وأسف لو كنت زودتها عارف انه مش من حقى بس مقدرتش دا غير انك ماكنتيش هتسكتى غير كده
هبه خبطته فى كتفه:رخم
عصام: بس حبيبك ههههه
____________
ريم خفت ورجعت شغلها واول ما وصلت فتحيه وكل الناس اللى فى الفيلا رحبو بيها جامد
ريم: ايه دا هو كريم بيه لسه مصحيش
فتحيه: لا صحى بس قوليلى انتى عملتى ايه
ريم: عملت ايه فى ايه مش فاهمه
فتحيه: فى كريم دا من ساعه ما راح يوصلك بعد ما وقعتى وهو عصبى اوى ومش طايق حد
ريم افتكرت كلام رانيا انه احتمال يكون بيحبها وأنها لازم تتكلم معاه وتفهم الحقيقه
ريم: طيب وهو فين دلوقتى
فتحيه: روحى شوفيه لو مش فى الجنينه يبقى فى خرج
ريم راحت تدور عليه لمحته خارج بالعربيه
كريم كان عارف أن اجازتها انتهت وهترجع النهارده فقرر يهرب لأن غيابها كان معصبه بس حضورها بيعصبه اكتر
ريم جريت بسرعه ولحقته ووقفت قدام العربيه فاتحه دراعاتها ومغمضه عينيها
كريم :روحى انتحرى بعيد عنى
ريم :انا مش عايزه انتحر
كريم: اومال واقفه قدام العربيه تعملى ايه تتشمسى
ريم :من غير تريقه انا جايه معاك
كريم : جايه فين انتى عارفه انا رايح فين
ريم :مش مهم المهم ابقى معاك
كريم خرج من العربيه وسابها وراح شمر رجل بنطلونه وقعد على حرف البيسين ورجليه فى المايه
ريم فتحت عين واحده لقت العربيه فاضيه فتحت التانيه وبتدور لقته عالبيسين راحت شمرت وقعدت جنبه
كريم: عايزه ايه انا مش خارج
ريم: احسن دا حتى الجو هنا حلو اوى
سكتو شويه
كريم: ممكن أسألك سؤال
ريم :اتفضل
كريم :انتى ليه بتكرهينى اوى كده انا اذيتك فى ايه
ريم: بس انا مبكرهكش
كريم : يعنى لما تبقى شيفانى بالبشاعه دى يبقى ايه
ريم: يبقى عندى خلفيه عن تاريخك الاسود عاملى فيها دنجوان حضرتك
كريم: انتى بتخرفى تقولى ايه انا عمرى ما عملت حاجه غلط مع واحده والوحيدة اللى لمستها كانت مراتى دى حتى بوسى خطيبتى من سنين وعمرى ماعملت معاها علاقه مع انها حاولت تغرينى كتير ولو مش مصدقانى اسألى داده فتحيه ما دمت انا مش أهل ثقه انا مش ملاك انا ليه اخطاءى بس بخاف ربنا
ريم حست انه صادق بس ريماس هتكدب عليها ليه دى احسن فرصه تعرف الحقيقه
ريم: هو انت ليه طلقت مراتك
كريم: مش كل واحد طلق معاناها انه وحش ساعات لأن مفيش وفاق
ريم: وليه مفيش وفاق مش كنت بتحبها
كريم :ومين قالك انى كنت بحبها اصلا
ريم:اومال اتجوزتها ليه
كريم:تصليح غلطه
ريم:نعم
كريم:دا اللى كنت فاهمه او هيا فهمتنى كده لحد يوم فرحنا اكتشفت انى أكبر مغفل بس كانت خلاص بقت مراتى
ريم:أنا مش فاهمه حاجه خالص
كريم:افهمك وقتها كنت مطرب مبتدأ وليا معجبات بنات ويعنى وسيم حبتين و
قاطعته ريم:وسيم حبتين دا انت كنت قمر انا شوفت اغانيك القديمه
كريم:يعنى كنت لسه صغير دلوقتى بقيت عادى
(كريم هيفرفر من الضحك بس ماسك نفسه علشان يشوفها هتوصل لفين)
ريم:عادى مين ياابنى دا انت بقيت مز البنات بتقطع نفسها عليك دا الشبان هيبورو ومش هيلاقو واحده تعبرهم بسببك يخربيتك انت كل ما تكبر تحلو أرحم بقى شويه
توقعاتكم للحلقات الجايه