بنات الخاله

16

كريم : يعنى كنت لسه صغير دلوقتى بقيت عادى
(كريم هيفرفر من الضحك بس ماسك نفسه علشان يشوفها هتوصل لفين)
ريم:عادى مين ياابنى دا أنت بقيت مز البنات بتقطع نفسها عليك دا الشبان هيبورو ومش هيلاقو واحده تعبرهم بسببك يخربيتك أنت كل ما تكبر تحلو أرحم بقى شويه
فجاءه انتبهت ريم انها بتعك ملقتش حل غير انها تغير الموضوع بسرعه بدل متحرج نفسها أكتر
ريم:قولتلى بقى غلطه ازاى
كريم فهم انها محرجه فمعلقش ورد بهدوء:كانت واحده من معجباتى بس الفرق انها كانت معرفه كنا زمايل فى الكليه وفضلنا على اتصال على اعتبار أننا زومله وكنت بتعامل معاها عادى جدا بس كانت أوقات لها تصرفات غريبه مقدرتش افسرها ابدا لكن فهمتها بعدين
ريم :غريبه ازاى
كريم:يعنى مثلا لو ورايا حفله تصمم تركب معايا العربيه ومتروحش مع حد تانى وطبعا أول ما انزل بفتح لها باب العربيه عادى لكنها كانت أول ماتنزل تتشعلق بسرعه فى دراعى بطريقه مستفزة توحى للكل أن فى حاجه بينا ماكنتش بعلق عشان الناس واحراج ليا وليها
ريم:وبعد متكونو لوحدكم ليه مسألتهاش
كريم:ماكنتش بتدينى فرصه أول ما الحفله تنتهى تختفى على الأقل أسبوع ولما تظهر بتجنب نكون لوحدنا
ريم:طب ما انت فاقسها اهوه اومال طبيت ازاى
كريم:عليكى شويه ألفاظ عجب
ريم: الفاظى مالها دا حتى أنا كويت
كريم:هههههههه كيوت ههههههه مين دى انتى هههههه
ريم:اه كيوت عندك مانع وبعدين مش أنا اللى اتكعبلت على بوزى لما انت عارف كل دا مبعدتش عنها ليه ولا الحكايه كانت عجباك
كريم:عجبانى يا مسكينه انتى مش عارفه حاجه بعد ما كانت تقرب وتبعد قال عشان فاكره بكده انها بتلخبطنى ففكر فيها واحبها ولما لاحظت أفعالها قررت أسافر بعيد لأنها مش هتسيبنى طول ما انا فى مصر
ريم:ايه هتهج وبعدين ما هيا ممكن تسافر وراك بطل ضحك انا عاوزه اعرف بتضحك على ايه
كريم:ههههههه ولا حاجه ههههه لا ياستى مش ههج هههههه كانت جوله فنيه فى بلد تانيه معروضه عليا ووافقت وهيا مش هتقدر تيجى ورايا لأن عليتها ناس لها برستيجها وهترفض سفرها ورا حتة مطرب
ريم:نعم حتة مطرب
كريم:طبعا ما هما بيبصو للناس من فوق ولاد ذوات وأصل بشوات وعنجهيه فارغه
ريم:ايه دا هو فى لسه الناس دى انا فكرتهم انقرضو
كريم:لا اطمنى التناكه والغرور موجوده فى كل وقت
ريم:طب لما انت وافقت وهيا مش هتيجى وراك طب ايه اللى حصل ازاى اتجوزتو
كريم:لا ما انا بعد ماسافرت وخلصت الجوله وتقريبا نسيتها تماما رجعت بعد غياب ٦ اشهر واتفاجأت بيها بتستقبلنى عادى فى المطار وطبعا الصحافه موجوده وبتصور ودى كانت فرصه كبيره ليها اتصورت كم صوره معايا اللى فى حضنى واللى بتبوسنى وبتدلع عليا اتحرجت اصدها وطبعا بعد الصور دى الصحافه ماصدقت والاشاعات انتشرت وكل ما يكلمونى عن الموضوع أرد بأنها مجرد صديقه وكانت بتستقبلنى عادى متكبروش الموضوع قلبى لسه فاضى لكن هيا كل ما حد يسألها ترد تقول متكسفونيش او دا شىء يخصنى ردود كلها توحى بأن فى حاجه بينا وفى نفس الوقت محدش يقدر يلومها كعيلتها مثلا او انا كانت عارفه انها بتستفذنى كده فهحاول اقابلها واكلمها وعملت فيها البت التقيله وبتتهرب منى بس الاشاعات ضايقتنى وحاصرتنى روحت لها بيتها ولما اخوها شافني
اخوها:انت بتعمل ايه هنا مش كفايه الفضايح اللى حصلت بسبب علاقتك بريماس جاى عشان تاكدها بس دا بعدك دى ابعد لك من النجوم دور على واحده من مستواك اللى بترسم عليه مش هيحصل
كريم:خلصت الفيلم اللى انت حافظه قبل ما تتكلم لم أختك عنى وقولها لو البنات خلصت من الدنيا مش هتجوزها لأن اللى تترمى على واحد رافضها وميخصهاش تبقى رخيصه ومتربتش وانا النوعيه دى بتقلب معدتى خليها تبطل تنشر الاشاعات بدل ما احرجها علنى انت فاهم
كريم:وسبته ومشيت وانا خارج خبطت فيها فرحت فكرتني جاى اخطبها
ريماس:كريم بتعمل ايه هنا قابلت بابا
كريم مليان غضب وغيظ منها:لا قابلت اخوكى وبلغته نصيحه ليكى ياريت تاخدى بيها وإلا انتى اللى هتندمى
ريماس قلقت:مالك يا كريم هو حد هنا زعلك
كريم:بصتلها من فوق لتحت بقرف وسبتها ومشيت
ريم:وبعدين ايه اللى حصل أحكى بقى انت هتنقطنى
كريم:مش قبل ما تفهمينى ايه حكايه عصام دا
ريم:يا سلام طب مش قايله انا مبتهددش
كريم:وانا متفرقش معايا ومش هتعرفى باقى الحكايه
ريم:يوووه دا انت رخم كمل وهحيلك لما تكمل
كريم :وعد
ريم :ولزومه ايه الوعد بقى
كريم: أصلك متضمنيش ممكن اكمل وبعدها مترضيش تقوليلى
ريم :ويفرق معاك الموضوع دا فى ايه
كريم :شوفتى أديكى بتلفى وبتدورى يعنى عاوزة تضحكي عليا دا بعدك يا توعدى يا مش هكمل وعشان اريحك الموضوع يفرق معايا زى موضوع ريماس ما يفرق معاكى أظن وصلت
ريم:ااا ال ممممء احم موضوع ريماس هيفرق معايا فى ايه يعنى دا مجرد فضول عموما وعد ياسيدى اقولك ايه قصه عصام لما تخلص لى قصه ريماس
كريم:تمام كده اكمل وانا مطمن بس على فكره ماءماءتك دى معناها انى على حق بس ما علينا
ريم :على حق فى ايه بقى أن شاء الله
كريم يصلها بجنب عينه وشد دراعها ناحيته اوى وقرب من ودنها وقالها : رغبتك فى إنى أكمل مش فضول دى غيرة عاشقه
وبعدين سابها ورجع شدها ليه تانى :أظن كده فهمتى أنا ليه عايز اعرف حكايه عصام دا إيه
حاليا ريم احمرت واخضرت واصفرت كمان و بتتمنى الأرض وتبلعها
كريم حس بيها محرجه جدا فغير الموضوع
كريم :ها مقولتليش ايه حكايه عصام دا بقى
ريم قررت تنتقم منه عشان احرجها دا رأيها مع إن الحقيقه هيا عايزه تغيظه عشان تشوفه بيحبها و هيغير ولا لأ
ريم :عصام دا يبقى ابن عمى
كريم: أيوه وبعدين
ريم :هو ايه اللى بعدين ابن عمى
كريم: معرفنا غيره تصرفاته معاكى ونظراته ليكى مش مجرد ابن عم دا واحد معجب
ريم :انت أخدت بالك
كريم: ريم متنرفزنيش ايه حكايه سى زفت ده
ريم عايزه تضحك بس ماسكه نفسها ليفقسها:لا حكايه ولا روايه ابن عمى وكان عايز يتجوزنى بحجه أنه أولى من الغريب
كريم :أولى ايه هيا لحمه
ريم: مش دى المشكله المشكلة انه كان بيعتبر نفسه خطيبى وماما كان عاجبها الفيلم دا قوى
كريم : يا سلام وسيادتك فين بقى من دا كله
ريم: وانا هعمل ايه يعنى بصده دايما وبحاول أفهمه أننا اخوات وانى مش هرتبط غير بإنسان اكون بحبه وبيحبنى فى الآخر قالى ماشى بس لو محبناش نتجوز ومين عارف يمكن مع الوقت نلاقى الحب اللى بندور عليه مع بعض
كريم: لا والله انتى للدرجه دى هبله هو الحب بميعاد لو مجاش النهارده يبقى خلاص افرضى حبيتى وانتى مخطوبه له او الأسوأ وانتى متجوزاه مش معنى ان مفيش حب دلوقتى يبقى مفيش بعدين بس يا ترى بعدين دا امتى الله أعلم
ريم: تصدق اه
كريم : لا يا شيخه قومى يابت قومى أنا مش ناقص فرسه
ريم :الله ومالك قلبت على ماما كده ليه
كريم :انتى كمان هشام يقول قلبت على خاله فتحية وانتى تقوليلى قلبت على ماما
ريم:اديك عرفت حكايه عصام ومكملتيش ايه اللى حصل مع ريماس
كريم: مفيش مشوفتش وشها لحوالى اسبوع وافتكرت ان أخوها بعدها عنى والموضوع خلص لحد ما ظهرت فى حفله عيد ميلاد بوسى
ريم : بوسى مين؟خطيبتك؟
كريم: وهو فى غيرها واقفلى بقك احسن ما دبانه تدخل ولا حاجه
ريم: انت قليل الذوق
كريم: الله يسامحك
ريم :الله ياخدك هيا بوسى دى فى كل مصيبه
كريم : ههههههه تقريبا كده هيا كانت صديقه ريماس و ريماس اللى عرفتها عليا ومتعرفيش ازاى بقت جزء من حياتى وخصوصا بعد أفعال ريماس هيا دايما اللى كانت بتبقى جنبى تواسينى وتساعدنى
ريم: ماشى ماشى هنشوف حكايتها بعدين خلينا دلوقتى فى ريماس
كريم: شفتها فى الحفله عملت روحى معرفهاش وفضلت لآخر الحفله وبوسى لخمتنى بكذا حاجه ودا عيد ميلادى وخليك شويه لما الحفله خلصت وفجاءة ضلمة
ريم : نعم ايه الكهربا قطعت
كريم : الكهربا بتاعه دماغى اللى قطعت مش فاكر اى حاجه لحد تانى يوم الصبح حاولت كتير افتكر مش لاقى الهوا
ريم : غريبه اوى دى طب وبعدين
كريم : صحيت تانى يوم لقتنى انا وريماس نايمين عريانيين فى السرير وهيا الملايه بس اللى مغطيانا مع انى عمرى فى حياتى مانمت كده مبحبش أنام عريان
ريم : يالهوى انت عملت ايه
كريم: ولا أعرف صحتها افهم منها ازاى دا حصل اول ما صحيت فضلت تصرخ وتضرب فيا وفجاءه لقيت الباب بيخبط اوى شديت أقرب حاجه ليا ولفيت وسطى بيها ولقيت الباب مقفول بالمفتاح من جوه فتحت لقيتبوسى فى وشى
ريم: بوسى تانى
كريم: أنا من الصدمه ما أخدتش بالى انى فى مكان غريب
ريم: ليه انت كنت فين
كريم: فى شقه بوسى
ريم: نعم
كريم: أهو دا اللى حصل وحاولت استفهم من بوسى قالت لى انى قعدت أشرب كاسين انا وريماس ونتكلم وهيا سبتنا براحتنا وشويه ولقتنا داخلين الاوضه ندهت مرضناش راحت ورانا سمعت الباب بيتقفل فمشيت بس
بوسى: كنت سامعه طول الليل أصوات ضحك وهزار شكلك ظبتها
كريم: انتى بتقولى ايه انا انا مش فاكر اى حاجه
ريماس :وهيفيد بايه تفتكر ولا متفتكرش انت خلاص دمرتنى
ريم: ها وبعدين
كريم :لفت نفسها بالملايه واخدت هدومها من الأرض ودخلت الحمام أخدت دش وغيرت ومشيت من غير ما تنطق وانا عملت زيها وفضلت أسبوعين هتجنن بحاول افتكر اى حاجه ابدا
ريم: يظهر أنك شربت لما بقيت طينه
كريم: المشكله بقى انى مبشربش اصلا ومش فاكر انى شربت آخر حاجه فاكرها بعد ما أكلت حته من التورته وشربت شويه عصير انى حسيت بصداع وشويه دوخه قعدت فى اول كرسى لقيته و بعدها ولا الهوا يعنى لو شربت كنت افتكرت على الأقل بدايه الشرب
ريم: غريبه اوى الحكايه دى
كريم: الأغرب اللى اكتشفته يوم الفرح احساسى بالذنب خلانى اطلبها للجواز أهلها رفضوا اضطريت أعرفهم الحقيقه طردوها واتبروا منها وبقى ذنبها فى رقبتى رسمى جعلنا بالجواز ويوم الدخله كانت كلها توتر ازاى هتعامل معاها كزوجة بعد كل اللى حصل
ريم: المهم وبعدين
كريم: خلاص بقت مراتي ودا حقها كملت عادى بس الصدمه اللى ماكنتش عادى
ريم :صدمه ايه تانى
كريم: طلعت بنت بنوت
ريم : ن_ع_م
كريم: اومال انا اعمل ايه ساعتها حسيت كأن حد ضربنى على قفايا
ريم: وعملت ايه
كريم : ودى فيها عمايل ما أدبست واللى كان كان بس الحقيقه كان باين عليها الصدمه زيى وأكتر ماكنش ينفع اطلقها على طول كانت هتبقى فضيحه ليها وهتروح فين بعد ما اهلها اتبروا منها وفضلنا عايشين مع بعض أغراب وبعد فتره هيا بنفسها طلبت الطلاق
ريم: مش يمكن تكون ظالمها يمكن حصل حاجه ومكملتوش عشان اغمى عليكو من الشرب
كريم بدا يفكر باقتناع : هه يمكن عموما ريماس موضوعها اتقفل من زمان
ريم :كان المفروض تديها فرصه تانيه
كريم: لا تانيه ولا تالته هيا جوازه كانت غلط من الأول
ريم: إيه الانانيه دى مبتفكرش إلا فى نفسك مفكرتش جرى ليها إيه طب بلاش هيا فكر فى بنتك على الأقل
كريم مصدوم ومش مستوعب هيا قالت : ايه بنت مين
ريم : بنتك
كريم: مين
ريم :لوجى بنتك ايه انت فقدت الذاكره ولا ايه
كريم: بنتى انا
ريم : أيوه يا عم بنتك انت و ريماس
كريم بفزع :ايييه ريماس انتى بتخرفى بتقولى ايه ريماس مخلفه منى بنت
ريم : أيوه انت هتستعبط ما انت عارف باماره لما جولك وطردتهم
كريم :هما مين اللى جم انتى جبتى الكلام دا منين
ريم : من ريماس طبعا
كريم: وانتى تعرفى ريماس منين اصلا
ريم : مستأجرة عندنا فى البيت
كريم : أنهى بيت
ريم : بيتنا
كريم : والكلام دا من امتى
ريم: يوووه من زمان دى احنا حتى صحاب بس انا زعلت منك اوى لما عرفت منها أنك الأب الندل اللى اتبرا من بنته ازاى تعمل كده ازاى مش معنى أنك زعلان منها أنك تبهدل بنتك كده
كريم: لا والله وحضرتك بقى قررتى تادبينى صح تقربى منى وتمثلى البراءة لحد ما أحبك وتزلينى مش كده
ريم كملت زى الهبله ماخدتش بالها انه قالها انه بيحبها
ريم:ايه الخيال دا كله وهو انا فاضيه للدرجه دى ثم انى ماكنتش عارفه انى هشتغل معاك وبدأت تحكيله اد ايه كانت معجبه بيه وفرحتها بتوقيعه على صورته اللى معاها دايما ووجعها لما عرفت انه أبو لوجى ومن يومها كل متصادف بيه بقت تتعصب لأنها بتفتكر كلام ريماس واد ايه بتلوم نفسها على انجذابها ليه
كريم حس انها صادقه معاه خصوصا أن نص كلامها دموع
كريم : طيب أهدى بس واخدها فى حضنه بيحاول يهديها مع ان هو اللى عقله محتاج يهدأ هينفجر معقول عنده بنت ميعرفش عنها حاجه وازاى ريماس تخبى حاجه زى دى والالعن امتى هو طردها إذا كان ميعرفش حاجه عن الموضوع من الأساس
بوسى جت (الله يخرب بيتك ايه اللى جابك ) فتحيه لمحتها وراحت تحذرهم اصلها كانت متابعه الفيلم من اوله وبتتمنى ريم تبقى من نصيبه
فتحيه احم احم بوسى جت يا ريت تقومو تتمشوا من هنا بدل ما تنكد عليكو
كريم ايه الكلام ده يا داده وانا هخاف من بوسى تيجى ولا تغرق
فتحيه يا ابنى مش قصدى انا قصدى أن الحاجات دى بتتنظر وانتو لسه فى الاول ودى واحده بومه
فتحيه فعلا خايفه عليهم من بوسى بس مش من عينيها زى ما قالت دا من مخها لو بوسى حست بحاجه هتبعظ ريم بأى شكل حتى لو هتلبسها مصيبه كريم ميعرفش حاجه ولا ممكن يتخيل اد ايه بوسى دى بشعه بس ريم فهمت فتحيه وجارتها فى الكلام عشان كريم ميتعصبش والحكاية تتنيل كانو فاكرين انها عدت على خير بس للأسف بوسى كانت شافتهم ومتكلمتش عشان محدش ياخد حاره منها وقررت أن ريم لازم ترحل
((((((****)))))
هبه وعصام طبعو الدعوات وهبه أخدت شويه منهم وزعت على زمايلها وأدت اتنين لريم عشان تعزم كريم وفتحيه وهما رحبو اوى وفرحو لهبه ومحدش قال لبوسى عشان الليله تبقى حلوه دا غير ان الموضوع ميخصهاش بس هيا عرفت واضايقت جدا وفهمت ان كريم بيبعدها شويه بشويه فكان لازم تتصرف وريم حكت كل اللى حصل لرانيا
رانيا :انتى غبيه فى حد يعمل كده ازاى تقوليله انك مخطوبه لعصام
ريم: أهو اللى حصل بقى بس هو هيعرف الحقيقه قريبا
رانيا: ايه هتروح تقوليله ها انا ضحكت عليك
ريم :لا يا فالحه انتى ناسيه ان الخطوبه هتبقى الأسبوع الجاى وهو معزوم
رانيا: ولزومه ايه الكدب من الاول
ريم :انا مكدبتش دا مجرد مقلب خفيف
هبه استنت لما هشام جه الشركه و أخدت دعوه تديهاله
هبه :اتفضل انا كنت مستنيه حضرتك عشان اديهالك شخصيا
هشام: ايه دى
هبه: دعوه فرحى
هشام: ايه دا بجد مبروك وايه فرح على طول مفيش خطوبه ولا طنشتى تفرحينى
هبه: وانا أقدر دى دعوه خطوبتى وكتب كتابى الفرح لسه بعد شهر

هشام: ودا مين سعيد الحظ دا حد نعرفه
هبه: مش متأكده بس انت شوفته قبل كده اول مره كان معانا فى الرحله واتعرفنا انا وهو والتانيه فى الحفله كنا خلاص اتفقنا بس مطولش فيها كتير كان مشغول
هشام: اه ما أحنا فى عصر السرعه بس دا معاناه انه معانا هنا فى الشركه
هبه: ياريت دا شغله بعيد وكله سفر
هشام: عموما ياستى ألف مبروك ايه دا الحروف الأولى؟
هبه: أيوه ما دى الموضه
هشام: ياما لسه هيخترعو اصلى مشوفتش دعوه فرح من زمان H و E
هبه: H هبه E عصام
هشام: عصام؟ لحظه قصدك الشاب اللى كان معاكى انتى وريم ورانيا
هبه: أيوه هو بالظبط أصله قريبهم وبالصدفة كان جاى يطمن عليهم فى الرحله واتقابلنا
هشام: اااه وفى الحفله كان بيوصلكم صح كده
هبه :أيوه فعلا
هشام: بس انتى مغرتيش عليه
هبه: ليه يعنى
هشام: يعنى هما قرايبه بس برضه بنات وانتى سيباه يرقص معاهم عادى
هبه:لا حضرتك مش فاهم ما هى واحده بنت عمه ومتربى معاها يعنى لو هيحصل حاجه كانت حصلت من قبل ما يشوفنى والتانيه أخته يعنى متجوزلوش أصلا
هشام: لحظه مين بنت عمه ومين أخته
هبه: ريم بنت عمه ورانيا أخته
هشام زرع بايديه على المكتب وقام مفزوع :إيييه
هبه: خير يا هشام بيه فى إيه
هشام: أنا أنا آسف م مش قصدى اقعدى وفهمينى كده ازاى رانيا وعصام اخوات هيا مش تبقى بنت خاله ريم مش بنت عمها يعنى عصام مش اخوها ولا قصدك زى اخوها
هبه :لا يا هشام بيه رانيا وعصام اخوات بس فى الرضاعة لكن معاملتهم لبعض كأنهم أشقاء
هشام: يعنى إيه ؟ وجع القلب الوقت اللى فات دا كله كان على الفاضى
هبه : أنا مش فاهمه حاجه هو انا قلت حاجه غلط
هشام: بالعكس دا انتى قلتى الصح كله هيا رانيا فين
هبه: فى مكتبها
هشام: ابعتيهالى حالا
هبه: حاضر عن إذن حضرتك
هبه بعتت لرانيا بسرعه وهشام رايح جاى فى المكتب متوتر جدا فرحان طلعت مظلومه كالعاده وزعلان طلع ظالمها كالعاده معقول هتسامحه
رانيا: متعرفيش عاوزنى فى ايه
هبه: الله أعلم ادخلى بسرعه
رايكم