بنات الخاله

18

·
بوسى: مالها بوسى ياسى هشام وانتى عامله طيبه وانتى عماله تبخى سمك فى ودانه
هشام😡: بوسى الزمى حدودك
بوسى: قول لنفسك عموما انا ماشيه وجودك فى نفس المكان بيخنقنى
((((((****))))))
(البنات جهزت الفطار واكلو كلهم وبيشيلو الأكل)
نوال :يوه دا نسيته وقامت بسرعه راحت الحمام
رانيا :هيا أمك مالها
ريم :هتلاقيها تقلت فى الفول
نوال :هو خرج امتى
ريم :مين دا؟
نوال:كريم يامسطوله
رانيا: كريم؟
ريم: يا خبر دا انا نسيته خالص
رانيا :هو كان هنا ياختتتتى يبقى سمعنا
نوال: سمع ايه هو انتو كنتو بتلكو فى ايه
رانيا :أأ ال ام يعنى بصراحه كنا بنقطع فى فروته وهلهلناه
نوال:الله يكسفكو أكيد زعل ابقى اعتذرى له يا ريم دا شكله محترم وابن ناس
ريم :ربنا يسهل يا ماما
نوال سابتهم ومشيت
رانيا: وبعدين هتعملى ايه
ريم: ولا حاجه انا كده كده هسيب الشغل
رانيا: صحيح هيا فين لوجى
ريم :فى الدرس
رانيا: درس ايه دا المدارس لسه مبدأتش
ريم: مدارس مين يا حجه دا اول ما النتيجه بتبان تلاقى الدروس بدأت مبتلحقش تاخد نفسها لا ولسه لما المدارس تبدأ من الدرس دا للدرس دا للمدرسه عقبال ماتخلص واجباتها بتاعة الدرس والمدرسة اليوم بيخلص لا بتلحق تذاكر اللى خدته ولا بتلحق ترتاح
رانيا: دا عذاب كده مبلاها الدرس وتذاكر اللى بتاخده فى المدرسه
ريم :مين دى يا ماما دول لو مخدتش درس المدرس يصطقصدها دا غير أن معظم المدرسين مبيشرحوش كويس بيعتمدو على الدرس قليل مدرس عنده ضمير وبيشتغل بذمه حتى دلوقتى الكتب الخارجيه بقت أهم من كتاب المدرسه
رانيا :والله البنت دى صعبانه عليا بس تصدقى كده احسن طول ما هيا مشغولة فى دراستها مش هتفكر فى غياب امها صحيح هو ايه اللى جابه ؟
ريم: معرفش انا اتفجأت بيه وانا راجعه من السوق قال ايه جاى يطمن عليا قالولو انى عيانه أكيد ست زفته اللى قالت له كده إلهى تعيا عيا الحمير
رانيا: ههههه حمير انتى ازاى كنتى بتشتغلى هناك بالفاظك دى
ريم: ومالها الفاظى اللى يسمعك يقول الإتيكيت واخد حقه معاكى الله يرحم
نوال: متمسكو فى خناق بعض احسن يلا انتى وهيا ورانا شغل عاوز يخلص
ريم :شغل ايه؟
نوال :غسيل يا روح أمك
رانيا: طب استأذن انا بقى لسه شقتى متروقتش
نوال: على فين يا حلوه خدى البلوه دى معاكى تلمى انتى وهيا غسيلك من شقتك وترجعى تلمو غسيلها اكون لميت غسيلى ولما نخلص نشير الهدوم تبقو تروقو الشقتين يلا انجزو ولا فالحين فى الكل والرغى ريم: ليه كده بس يا نوال
نوال: نوال فى عينك وقلعت شبشبها وحدفتهم بيه طبعا طاروا على شقه رانيا يلمو الغسيل و رجيلهم فوق قفاهمم
(((((****)))))
كريم روح لقى هشام وحكاله على اللى سمعه وهشام قاله على الكلام اللى قالته فتحيه واتضح لهم ان بوسى دى وراها كوارث ولازم يتعاملو معاها بحذر لحد ما يلاقوا حل
وبعد ما لمو الغسيل من شقه رانيا رجعو
نوال: حبايبي النهارده أنا مشرفه فقط أما أشوف شطارتكم
رانيا وريم: نعم
رانيا: خالتى حبيبتى هو احنا لينا لازمه من غيرك
نوال :عارفه عشان كده هشرف عليكو بطلى اونطه مبكلش منها مش الهانم واخده اجازه وانتى كمان من غير متعرفونى اشربوا بقى مهو انا مكنتش بجروكو فى شغل البيت عشان تعبانين لكن دلوقتى قاعدين قلت أستفيد منكم بقى
ريم :انتى مش كنتى رافضه شغلنا ايه اللى جد
نوال :ولا حاجه كل ما فى الموضوع انى كنت رافضاه عشان اعلمكم شغل البيت لكن عملتو فيلم وصممتو تشتغلو واقنعتونى ولا نسيتو
ريم :لا منسناش
نوال: لا شكلكم نسيتو أنكم دبستونى فى جمعيه بحجه انها تساعد فى جهازكم لا وايه كنتو بتخطتو اول متخلص تشوفو واحده تانيه فاكرين ان الشغل لعب انا حذرت وانتو مسمعتوش الكلام الطمع وحش قلت ندخل باسم كل واحده نص لا ازاى تخلونى ادخل باسمين بمرتباتكم دا احنا لسه مقبضنهاش ودى لسه طوووووويله ايه يروح علينا المبلغ ابدا هتشتغلو إيراد البيت ومعشات ابهتكم يادوب مكفينا بالعافيه وخصوصا بعد ماذدتم واحده ولا نسيتى لوجى يا ست ريم
ريم: لوجى أمها سايبه لها فلوس
نوال: نعم يا روح أمك الهانم أمها سايبه ٥٠٠ جنيه من اكتر من شهر فات ويا عالم هترجع امتى فلوس الدروس والكتب الخارجيه اللى جبناها لها عدت ال٣٠٠
دى بتاخد فى كل الدروس المواد ولسه فى أولى اعدادى اومال فى الثانوى هتعمل ايه دا غير اكلها وشربها ومصروفها وهيا راحه الدرس الست ريماس معوداها على كده المصروف لوحده كوم تانى دا انا بديها خمسه جنيه كل درس ومش عاجبها أمها كانت بتديها عشره بتعلم البنت الفلاتان بدرى بدرى قال واعزم صحباتى ازاى دا الساندوتشات اللى بتجيبها اسعارها نار واخده على كده مش راضيه بأكلنا ولا الهباب الدليفرى اللى بتدبسنى فيه دا كوم لوحده
رانيا: خلاص يا خالتى أديها على قدها وامنعى الدليفرى وأما أمها تيجى قوليلها احنا دا أسلوب حياتنا
نوال: اما برفض بتروح تتصل وتطلب من ورايا
رانيا: شيلى التليفون انا مش فاهمه ازاى عيله فى السن دا وتشيل موبايل بتعمل بيه ايه
نوال : ماخدته فضحت الدنيا صريخ وكانت هتنط من البلكونة وتجبلى مصيبه ماهديتش إلا أما خدته وفوق منه كارت شحن
رانيا :ايه دا امتى ده
نوال: بعد سفر أمها وانتى وريم كنتم فى شغلكم ولمت عليا الجيران وأما ريم رجعت هزقتها مهيا السبب واحده ومسافره تتنيل تاخد بنتها مش تسببها وتروح تلف فى مصيبه تاخدها وأما جيتى تحوشينى ماكنش معايا دماغ أكلم فى تفاصيل
رانيا :اااه افتكرت يومها ريم قالتلى أنك مش عارفه تتفقى انتى ولوجى ومهتمتش اعرف اكتر كنت راجعه خلصانه من الشغل بس كده مش هينفع أمها مش قالت شهر اتأخرت ليه
ريم :الكارثه بقى انها قافله موبايلها
نوال: ياما حذرتك منها وقلتلك متقربيش منها اوى كده انا من ساعه ماشفتها مرتحتلهاش
ريم: يوووه يا ماما اللى جرى بقى
رانيا: طب بس قفلو على السيره احسن البت تيجى وتسمعنا
ريم:اااه ياضهرى مش قادره
نوال:اومال انا اعمل ايه شويه غسيل وترويق وبتفرفروا انا بروق الشفتين كل يوم دا غير المواعين والطبيخ ويوم الغسيل بيبقى المسح فوق البيعه
رانيا: انتى بتربينا يعنى طب ما تسحبى مقصوفه الرقبه الصغيره اقطمى وسطها وهيا هتمشى على العجين متلخبطوش
نوال: مين لوجى قولى للست ريم اللى عملالها محامى
ريم: يوووه يا ماما أخى عندك انا مش هدخل تانى
نوال: أما نشوف
لوجين: هاااى ايه دا سايبين الباب مفتوح ليه
رانيا:هااى انتى كنتى بره للساعه دى
لوجين: وفيها ايه
نوال: الدرس بيخلص الساعه ٣ العصر والطريق ربع ساعه الساعه بقت خمسه كنتى فين
لوجين: كنت بوصل صحبتي وعزمتنى عندهم روحت وقعدنا شويه
نوال بتكلمها بهدوء وعنيها بتبرق وتطق شرار
نوال: من غير ما تستاذنى تروحي بيت ناس غرب وتعدى دا كله
لوجين: هما مش غرب دول أهل صاحبتى وبس بقى أنا تعبانه عاوزه انام
نوال: طيب ياروحى تصبحى على الهنا بس موبايلك كنت عاوزه اعمل مكالمه وهعوضهالك
لوجى: اوكاى وأبقى اشحنيه كهربا وفلوس وهاتيه الصبح ماشى
نوال: ماشى
رانيا: ياشللى ايه دا
نوال :الصبر حلو بس وحياه أمك يا ريم لو ادخلتى ليبقى سنينك معايا سواد
ريم: خلاص مليش دعوه يارب تولعو فى بعض
*ومن يومها ونوال بدأت كورس تربيه من اول وجديد للوجى علمتها تمشى على العجين متلخبطوش والتليفون اتمنع والخروج بحساب وبقت تساعدها فى شغل البيت
__________
ذكيه ركزت فى شغلها ونفسها وحاولت تنسى حياتها القديمه وشخصيتها القديمه واتغيرت ١٨٠ درجه وبقت واحده تانيه
____________
هشام راح الشركه وعرف ان رانيا مجتش من اصله و
ريم بعد الاشغال الشاقه مع امها راحت تستقيل تانى يوم واول ما وصلت لقت كريم قاعد على كرسى هزاز ومستنيها
كريم: صباح الخير
ريم :صباح النور يعنى صاحى بدرى النهارده
كريم: تجديد وانتى بقى جايه بدرى ليه النهارده
ريم: تغيير عن اذنك
كريم: على فين العزم ان شاء الله
ريم: هاخد شويه حاجات تخصنى واسلم على داده فتحيه
كريم: وانا ايه مليش لازمه
ريم :ازاى دا أنت البيه وكلنا خدمك
كريم قام من الكرسى مندفع إليها وعينيه بتطق شرار مسكها من كتافها بعنف
كريم: دى أول وآخر مره هحذرك أوى عمرك تكلمى معايا كده انا مش بيه وانتى عمرك لا كنتى ولا هتكونى خدامه لا عندى ولا عند أى حد أنتى ملك نفسك وبس انتى فاهمه
ريم: ححاضر اا أنا أأسفه مش هقول كده تانى بس سيب دراعى وجعتنى
كريم: لأ مش هسيبك والاستقاله اللى ناويه عليها تنسيها انتى فاهمه
ريم: ححاضر بس دراعى آه
كريم ساب دراعها لكن صوابعه علمت صباع صباع
ريم جريت من قدامه وهو واقف يتابعها احد ما غابت عن عينيه وهو كل اللى بيفكر فيه انها كانت من ثوانى بين ايديه واتمنى يحضنها
_____________
كريم قرر يبحث فى موضوع ريماس وكلف ناس تجيب معلومات عنها من ساعه ما اتطلقت لحد الان والنتيجه كانت صادمه فعلا ريماس مخلفه منه بنت وتعبت كتير لحد ما استقرت لان اهلها رفضوها وملقتش اللى يساعدها والانيل انها مسافره تقضى شهر العسل او شهور العسل مش فى شغل زى ما الكل فاهم
__________
بوسى عرفت برجوع ريم ومقدرتش تتصرف لان كريم عرف فقررت تهدى اللعب احسن تنكشف
هشام مش عارف يتلم على رانيا وهيا كل شويه تخترع حجه عشان تهرب منه
____________
الوقت مر وفات والفرح على الابواب لسه خطوبه وهبه
موقفاهم على رجل واحده الكل فرحان
ذكيه كانت صاروخ لفتت انتباه كل الرجاله وتصرفاتها كانها بتتعمد تجننهم بضحكها ودلعها
عصام لاحظ وفهم انها عامله زى الغزاله المجروحه بتحاول تثبت انها اقوى من جرحها بس هو متأكد من حبها لبدر وحب بدر ليها فاتفق مع رانيا من وراها تجيب نمره بدر وتديهاله
فتحيه ونوال اتصاحبو على بعض ومبطلوش رغى طول الفرح
___________
هشام كانت فرصه ليه يكلم رانيا وياخد منها ميعاد تانى ولانها مشتاقه ليه مقدرتش ترفض المره دى وخصوصا بعد ما عرفت عازمها على ايه
هشام : عازمك على أكله سمك إنما ايه تجنن عمرك ما هتنسيها
رانيا:ايه سمك اااه أشوف فيك يوم
هشام :ايه دا انتى متحبيش السمك ولا ايه خلاص بلاش منه
رانيا:بلاش ايه دا أنا اقتلك