حبايبى الحلوين 😍🌺
حبيت أفرحكوا مره تانيه مع إنى مكنتش ناويه إنى أعلن أصلا حاليا بس يلا عشان خاطر عيونكم بس 😘
....................
طبعا عينيكم وقعت على الغلاف فمش محتاجه أشرحه 🙈✌💃
إيه ده جزء تانى من " ما بين الحب والرغبه " 😲
أه جزء تانى🙊😄✌
طيب ليه ؟!
عشان أسباب كتير
اللى هى ؟!
أولا : أثناء الجزء الأول وبالتحديد فى الحلقات الأخيره بنوته سألتنى
" هو ليه الستات بردو بيقرفوا ؟! .. مازن وساجد مش شهوانين عكس حسن فليه المقدمه كانت بتتكلم عن الشهوه ففكرناها لكل الأبطال "
إجابتى وقتها كانت إن بعض الستات بتقرف وده اللى ناقشته الروايه وفى ستات تانيه بتقرف لأسباب تانيه كتيره
ووقفت وقتها عاجزه عن الرد أكتر لأنى مكنتش عارفه أشرحلها سبب قرف بعض السيدات على الملأ كدا وبدأت من بعدها أفكر إن فى حالات متناولتهاش الروايه الجزء الاول فقررت أتناولها فى الجزء التانى
ثانيا : إلى الأن الناس مش راضيه بنهايه الروايه .. لما الروايه إنتهت كتابيا مكنش عندى النيه مطلقا من كتابه جزء تانى بس ظهرت كفكره فراسى من بعد نزول الروايه ولما شوفت تعليقاتكم وإتكلمت معاكم
ثالثا : الكومنتات الكتيره أوى اللى بيسأل فيها الناس عن ساجد ووعد ونغم والناس الكتيره اللى بتكلمنى وطالبين يعرفوا حصل إيه واللى أخر ردودى على أحد القراء كان إن نغم شخصيه خياليه مش موجوده فى الواقع
رابعا : واللى كان المفروض يتكتب أولا هو حبى للروايه دى بشكل خاص وفرحتى بنجاحها اللى حلمت بتحقيقه والحمد لله ربنا خلاه واقع قدامى .. هدفى اللى كان السبب الاول فى تفكيرى فى الروايه دى من البدايه والإصرار على طرحها وهو إنى أساعد الناس اللى بتواجه نفس المشاكل واللى بفضل الله بردو إتحقق 💙💪
طيب ده معناه إن ساجد ووعد ونغم فى الجزء التانى ؟! 😃
مش عقولكم 😃
طيب فى حد من الأبطال بتوع الجزء الأول مكمل فى الجزء التانى ؟!
مش عقولكم بردو 😃😜
كل اللى هقدر أقولهولكم
إستنونى فى الجزء التانى من " ما بين الحب والرغبه " مع قصص أكثر واقعيه وتشويق ومتعه 🙈🏻💪
.........
هنبدأ فيها إمتى ؟!
بعد إنتهاء المراهقه الصغيره إن شاء الله هحدد المعاد حسب الظروف بردو .. وده غير مرتبط بمعاد محدد عشان محدش يحددلها معاد فيكلمنى عليه ويقولى
" أنتى قولتى بعد المراهقه الصغيره .. فين بقى "
طيب المقدمه بتاعتها ؟!
قريبا بردو
........
" شهوه بإسم الحب " الجزء التانى من " ما بين الحب والرغبه " ... قريبا ✌
#هدير_الصعيدى
#بنوته_شقية
#سلطانه_الرومانسيه
#شهوه_بإسم_الحب
#مابين_الحب_والرغبه
#قريبا
أنت تقرأ
شهوه بإسم الحب " الجزء التانى من ما بين الحب والرغبه "
Romanceهل للقلب أن يُخطىء يوماً في من وهبهُ حُبه ؟ , هل يتحول الحب بداخل القلوب لِكره مهما إشتدت الخلافات ؟ , هل مازالت هناك تلك المشاعر بين الأزواج أم أن الشهوه قد تغلبت على الجميع فلم يعد مكان للحب بيننا ؟! لن أنتظر تلك المرة إجابة محددة فالشهوه عند الب...
