إنفجر ضاحكاً وهو يستمع لحديثه الذى يقصه عليه منذ أن جاء قبل عدة دقائق مما أغضب مُحدثه فهم بالنهوض فأسرع بالإمساك به قائلاً وهو يكتم ضحكاته
- خلاص خلاص مش هعمل حاجة
ما لبث أن أنهى عبارته حتى إنفجر ضاحكاً مجدداً ولكنه صمت وهو يجد الشرارات النارية التى تنطلق من عينى مُحدثه
- خلاص والله هسكت .. قولى بقى حد منهم كلمك من ساعتها ؟
أجابه ببعض الضيق
- لا محدش إتكلم .. عندى فضول غريب أوى أعرف كانت فرحانة كدا ليه لما عرفت بنزول البيبي
لكمه بكتفه قائلاً
- يا بنى بطل تحشر نفسك فى اللى ملكش فيه .. أنت حشرى كدا ليه ؟!
أجابه بجدية
- مش عارف .. بس أنت لو كنت معايا وشفتها وهى بتتكلم كانت هتثير فضولك
ربت على يده قائلاً بسخرية
- لما تشوفها إبقى إسألها
ضحك بإستهزاء قائلاً
- وهشوفها فين يا ظريف .. بقولك محدش منهم كلمنى عشان أى حاجة لا تعويض ولا أى حاجة خالص وعدى 3 شهور أهو .. تفتكر هيفتكروا ويكلمونى دلوقتى
أجابه ببعض الملل
- دور عليها علي الفيس شوفها يمكن تكون من الناس اللى بتكتب قصص حياتها فى بوستات يومية
حك ذقنه قائلاً بضيق
- والله عملت كدا بس دورت فى المشاكل المكتوبة على البيدجات .. لو كنت أعرف إسمها كامل كنت بحثت عنها .. كل اللى أعرفه إن إسمها صافى .. فاكر إسمها من بطاقتها اللى كانت فى الشنطة بس باقى الإسم مش فاكرة خالص
ضرب يامن كف على كف وهو يتابعه بعدم تصديق قائلاً
- ده أنت حالتك بقت صعبة أوى على كدا .. لازم نجوزك يا بنى مينفعش كدا
نهض من جلسته قائلاً بضيق
- تصدق إنك تافه وأنا غلطان إنى قاعد معاك .. أنا رايح لساجد
خرج من الغرفة بخطوات غاضبة وهو يشيح بيده فى ضيق غير عابئاً بنداءات يامن له , توقف قبل أن يدلف بالممر المؤدى لمكتب ساجد وهو يلمح إحداهن واقفة أمام مكتب ساجد تُحادث سكرتيرته , مال برأسه قليلاً محاولاً رؤية وجهها وكأنها كانت تشعر به فإستدارت قليلاً تتطلع لما حوله ما إن دلفت السكرتيرة إلى الداخل فإتسعت عينيه بغير تصديق والإبتسامة ترتسم على ملامحه وهو يخطو تجاهها
وصل إليها فتنحنح كى تنتبه له فإستدارت تطالعه بإستغراب فى البداية ولكنها ما لبث أن تذكرت ملامحه فهتفت قائلة بغير تصديق
- أنت
أجابها بإبتسامة واسعة
- مش معقول الصدف الفظيعة دى .. أكون لسه بتكلم عليكى أطلع ألاقيكى قدامى كدا
أنت تقرأ
شهوه بإسم الحب " الجزء التانى من ما بين الحب والرغبه "
Romanceهل للقلب أن يُخطىء يوماً في من وهبهُ حُبه ؟ , هل يتحول الحب بداخل القلوب لِكره مهما إشتدت الخلافات ؟ , هل مازالت هناك تلك المشاعر بين الأزواج أم أن الشهوه قد تغلبت على الجميع فلم يعد مكان للحب بيننا ؟! لن أنتظر تلك المرة إجابة محددة فالشهوه عند الب...
