واضح إن كلكوا ناسيين أبطال الجزء الأول .. فبناءً على إقتراح بعض القارئات بعمل بوست تذكيرى بسيط ليهم هقولكم شوية معلومات عنهم كلهم سواء كانوا مكملين معانا أو لا
حبيبة ومازن : شخصيتين كانوا واخدين أكتر إهتمامكم فى البداية ونالوا إعجاب قراء كتير منكم , حبيبة الست الخجولة اللى كانت معلوماتها قبل الزواج تكاد تكون منعدمة وبالتالى إتصدمت ليلة الزفاف ومن وقتها وحياتها الزوجية بقت متوترة لحد ما قابلت رهف وساعدتها وشوية بشوية بفضل الله حياتها بقت أحسن ومازن ساعدها على كدا بس كل ده كان بدون علمه , حبيبة ومازن كان عندهم 3 أطفال فى أعمار متقاربة ماعدا الطفل الأخير اللى كان الفرق بينه وبين أشقاؤه كبير شوية
سلمى وحسن : كانوا جيران حبيبة ومازن وسلمى كانت صديقة حبيبة المقربة تقريباً بإعتبار حبيبة أصدقائها قليلين خالص , كانت حياتها روتينية مملة بعد قصة حب كانت بينها وبين جوزها بالبداية وبمرور الفصول إبتدت تحاول ترجع قصة الحب بينهم وحياتهم الرومانسية من تانى , كان عندهم ٣ أطفال
وعد وساجد : واللى خدوا إهتمام كبير منكوا أوى ويمكن دول أكتر ناس أنتوا فاكرينهم , وعد كانت الزوجة المستغلة لزوجها , عارفة إن نقطة ضعفه زى أى راجل فى إحتايجه ليها فإستغلت ده لحد ما هو قرف منها وطلقها مره وبعدها إضطر يرجعها عشان إبنهم ونهايتهم كانت مفتوحة فى الجزء الأول , كان عندهم طفل واحد وهو مالك
رهف ويامن : رهف كانت تعتبر هى طوق النجاة بتاع حبيبة وربنا وضعها فى طريقها عشان تكون سبب فى مساعدتها , رهف عملت جروب كان إسمه دردشة نسائية وكانت بتساعد عن طريقة كل ست بتواجه مشكلة فى حياتها الزوجية عموماً , حصل بسبب ده مشكلة بينها وبين يامن وهو لما قرأ مذكراتها وعرف إن سبب جوازها منه كان الجروب وإنها كانت عايزة تعرف سبب نفور الزوجات من أزواجهم وساعتها ساب البيت فترة ورجع تانى وعندهم طفل واحد
نغم : البنوتة اللى كانت بتشتغل عند ساجد فى المكتب وكانت بتكنله مشاعر كبيرة " حب وليس إعجاب " وهو إبتدى يتشدلها خصوصاً بعد بُعد وعد عنه وإنتهت حكايتهم بالجزء الاول بإنها بعدت عنه وإستقالت تماماً
كدا أعتقد جبتلكم نبذات مختصرة عن الأبطال كلهم فى الجزء الأول .. لو فى مشكلة قدام حد ياريت يقرأ الرواية بقى إذا الأمور لسه مش واضحة قدامه
#هدير_الصعيدى
#آسره_القلوب
#شهوه_بإسم_الحب
#٥_يناير_٢٠١٩
أنت تقرأ
شهوه بإسم الحب " الجزء التانى من ما بين الحب والرغبه "
Romansaهل للقلب أن يُخطىء يوماً في من وهبهُ حُبه ؟ , هل يتحول الحب بداخل القلوب لِكره مهما إشتدت الخلافات ؟ , هل مازالت هناك تلك المشاعر بين الأزواج أم أن الشهوه قد تغلبت على الجميع فلم يعد مكان للحب بيننا ؟! لن أنتظر تلك المرة إجابة محددة فالشهوه عند الب...
