📞
ဆူညံတာမကြိုက်သည့် သူ့အတွက်
ringtone သံသည်
တုန်ခါမှုဖြင့်သာ ပြဆိုသည်။
ရေသုပ်လက်စ ပဝါကိုကုတင်ပေါ် ပစ်တင်ရင်း
မခြောက်သေးတဲ့ခေါင်းကို လက်ထိုးဖွလိုက်သည်။
Screen ပေါ်တွင်ပေါ်နေသော နံပတ်ကို သူမသိပေမယ့် ဘယ်သူဆိုတာ သိနေပြီးသား ။
" ကိုကို ....ပြော"
" ဟား ... ညီ
ကိုကိုမှန်း ဘယ်လိုသိလဲ ? "
" ညီ့ ဖုန်းကို မြန်မာပြည်က ဆက်တာဆိုလို့
ကိုကိုကလွဲပီး တခြားသူမှ မရှိပဲ "
" ဒေါ်လေးမေတို့ မဆက်ဘူးလား "
" ဆက်တယ် .. နားညီးမခံနိုင်လို့
Noပြောင်းလိုက်တာ ညီ့ ph no
ကကိုကိုတစ်ယောက်ပဲသိတာ "
" ha .. ဟုတ်ပါပြီကွာ ... ဘယ်လိုလဲ
အဆင်ပြေရဲ့လား "
" ပြေပါတယ် ကိုကိုရော နေကောင်းလား
အလုပ်တွေရောအဆင်ပြေလား "
" မပြေဘူး အလုပ်တွေရှုပ်လို့ အရမ်း
ပင်ပန်းနေပြီ .. ခင်ဗျားလေးကျုပ်ကို
အလုပ်တွေကူသင့်နေပြီလို့မထင်ဘူးလား ဟမ် "
" ကိုကို တစ်ယောက်လုံး
ရှိတာပဲဗျာ .. ကိုကိုကတော်ပြီးသားပါ
လုပ်နိုင်ပါတယ် ဟုတ်တယ်မှတ်လား "
" ဒါပေမယ့် .. ဒါတွေက မင်းနဲ့လည်း
သက်ဆိုင်တယ်လေ ညီ .. အခုကိုကို တာဝန်ယူ
ထားရပေမယ့် .. အမွေတွေက "
" ကျနော်မလိုချင်ဘူး "
" ညီ "
" လိုလဲမလိုအပ်ဘူး.. . ကိုကိုလဲ
တဖြေးဖြေး ဒေါ်လေးမေ အတိုင်းပဲ ..
အဲ့ကိစ္စတွေပဲပြောမယ်ဆို .. ကျနော်နားမထောင်ချင်တော့ဘူးဗျာ "
တိတ်ဆိတ်သွားပေမယ့် ဇ ဖုန်းချလိုက်မှာမဟုတ်မှန်း သူသိသည် ။
သာလွန်းဇ ... ကျနော့်ရဲ့အဖေတူအမေကွဲညီ ...။
ဇ ကမာနကြီးတယ် ၊ အတေးအမှတ်လဲကြီးတယ်
မှတ်မိသေးတယ် ဇ ကို ဖေဖေအိမ်ခေါ်လာတဲ့နေ့တုန်းက မေမေနဲ့ဖေဖေ စကားများကြတာ ။
ဖေဖေက ဇ အမေအပေါ် မှားခဲ့မိလို့ တာဝန်ယူ
လက်ထပ်ခဲ့ပြီး အိမ်တစ်လုံးနဲ့သီးသန့်ထားပေးခဲ့တယ် ။
ဇ အမေက အစကဖေဖေ့ကို အိမ်ထောင်ရှိမှန်းမသိခဲ့ဘူး ဖေဖေကလဲမပြောပြခဲ့ဘူး ...ဘာလို့ဆို
ဇရဲ့အမေကိုတစ်ကယ်ချစ်မိသွားခဲ့လို့တဲ့
မာနသိပ်ကြီးတဲ့ဇရဲ့မေမေက
သူမှာအိမ်ထောင်ရှိမှန်းသိရင် ချက်ချင်းကွာရှင်းမှာကြောက်ခဲ့တယ်တဲ့ ဒါပေမယ့် ဇကိုမွေးပြီးချိန်မှာတော့ ဖေဖေ့မှာ
အရင်အိမ်ထောင်နဲ့ သားတစ်ယောက်ရှိမှန်းသိသွားပြီး ဖေဖေ့ကို အတင်းကွာရှင်းခဲ့တယ်
နောက်ဆုံးသူဆုံးပါးခါနီးကြမှ ဖေဖေ့ကိုပြန်ဆက်သွယ်ပြီး ဇကို စောင့်ရှောက်ခိုင်းခဲ့တာတဲ့ ။
မေမေက မိဘတွေသဘောတူလို့ ဖေဖေ့ကိုယူခဲ့ရတာမို့ ဂရုမစိုက်သလို နေချင်ရာနေ သွားချင်ရာသွား လုပ်နေခဲ့ပေမယ့် သူမကို အသိမပေးပဲ ခုမှငါ့သားဆိုပြီး ခေါ်တင်လာရမလားဆိုပြီး ရန်ဖြစ်ကြတာ ။
