"ဟေး လာနေပြီ .. လာနေပြီ "
ခနအကြာ အခန်းဝမှာ တာဝန်ခံမှူးမမညာ ပေါ်လာသည်။
အခန်းထဲမှာရှိတဲ့သူတွေ မီးကိုရေနဲ့ငြှိမ်းလိုက်သည့်အလား တိတ်ဆိတ်ညိမ်ကျသွားကာ
မမညာ ပြောလာမယ့် စကားသံကိုသာ နားစွင့်နေကြသည်။
" အားလုံးပဲ ....... သတင်းကောင်းပြောစရာရှိတယ်....အဲ့ဒါကတော့ အခုNew project အတွက်
Meeting မှာ တို့ဌာနက Shoe အရွေးခံရတယ်
နမူနာအားလုံးကို သဘောကျကြပေမယ့်
တစ်စုံတစ်ယောက်ရဲ့ ဒီဇိုင်းသုံးခုစလုံးကိုပဲ
သဘောကျပြီး ရွေးလိုက်ကြတယ် ..
အဲ့ဒါ ဘယ်သူလဲဆိုတော့ "
မမညာက ပြောနေရင်း စကားခနရပ်သွားသည်။
အခန်းထဲလူတွေ သူလိိုလိုကိုယ်လိုလိုနဲ့ အရွေးခံရဖို့ ဘုရားတနေကြသည်။
"Congratulations ဖန်ဆင်း ...
မင်းရဲ့ဒီဇိုင်းတွေကို အထက်ကသဘောကျကြတယ် ၊ မင်းရဲ့ဒီဇိုင်းတွေက သေသပ်တယ်
လှပပြီးဖက်ရှင်ကျတယ် ..
အလုပ်ဝင်တာမကြာသေးပေမယ့် မင်းက
အရည်အချင်းရှိတဲ့ သူတစ်ယောက်ပဲ ဖန်ဆင်း
ဆက်ကြိုးစားပါ "
" ဝမ်းသာလိုက်တာ con con ဖန်ဆင်း..
ရွှေဇင်တို့ကို တစ်ဝိုင်းကျွေးရမယ်နော် "
" ဟုတ်တယ် ဟုတ်တယ် .. ဖန်ဆင်းရဲ့
လက်ရာတွေက ရိုးရှင်းပြီးစမတ်ကျတယ် .. အခု
အရွေးခံရတာလဲ အရည်အချင်းရှိပြီး
တော်လို့ပဲ ဘာပဲဖြစ်ဖြစ် ဝင့်ဝါအရွေးမခံရပေမယ့်လဲ ကိုယ့်ဌာနက အရွေးခံရတာမို့ ပျော်တယ် ဟီး.."
ဝင့်ဝါကပါ ဝင်ထောက်ခံလာသည် ။ အားလုံးဝမ်းသာနေကြသလို သူကိုယ်တိုင်လဲမယုံနိုင်လောက်အောင်ပင် ဝမ်းသာမိသည်။
တစ်ပတ်လုံး အပင်ပန်းခံခဲ့ရကျိုးနပ်ခဲ့ပြီ။
သူ အလုပ်ဝင်တာ ၂လလောက်သာ ရှိသေးသည် ၊
အိမ်မှာ စီးပွားရေးက အရင်လိုမဟုတ်တော့ ၊ ဆေးရုံအတွက်
ကုန်ကျစရိတ် တွေများလာတာနဲ့အမျှ အိမ်ရဲ့ဘားဂျက်ကလဲ
ထိခိုက်လာသည် ၊ ဖေဖေ့ထံမှ ဘာစကားမှမကြားရပေမယ့်သူသိသည်၊ အိမ်မှာအဆင်မပြေမှန်း ၊ အလုပ်လုပ်မှဖြစ်တော့မည်ဟု တွေးမိတော့ ဆေးရုံနဲ့ပတ်သတ်ပြီး ဘားမှမသိသည့် သူဝါသနာပါရာတတ်ကျွမ်းရာကိုသာ
ပြန်လုပ်ဖြစ်ဖို့ ဖြစ်လာသည် ၊ လခစားပေမယ့် အိမ်အတွက် အနည်းငယ်တော့ အထောက်အကူ ဖြစ်သည်လေ ။
