It's All About You Baby

Kayo

Makukuntento nalang akong panuodin ka, panuodin kang pinapanuod sya.

Nakakatawang isipin na ang dating TAYO ay napalitan na ng masayang KAYO

Pero ano nga bang magagawa ko? Paulit-ulit ko na lamang babalikan ang ala-alang tayo.

Marahil ay masaya ka,

Masaya kayong nagmamahalan na dalawa.

Yung pinangako nating hanggang dulo?

Hahaha wag kang mag-alala ihahatid ko pa kayo.

Sana sa paglipas ng panahon,

Ako’y tuluyan ng makaahon,

Makaahon sa pangako at ala-alang pilit akong binabaon.

Yung sakit? Mawawala din to.

Yung pait? Mawawala din to.

Kaso hindi ‘sing bilis ng pag-iwan mo.

Noong tinanong kita kung ano ang mas gusto mo,

Ang mapag-isa o may kasama?

Ang sabi mo’y mas gusto mo ng may kasama, yung kasama sya.

Ngunit ako? Gusto kong mapag-isa,

Mapag-isang muli ang puso nating dalawa.