اليوم ويانة قصة جديدة اتمنا ان تنال اعجابكم
.............................................................
الفساد
بارت1
بسم الله الرحمن الرحيم قصه اليوم تختلف عن اي قصة ممكن تقروها عن واقع مر بيه العراق والقصه للعبره والموعظه ولانقصد الاساءه لأي جهة اوحزب اوطائفه السياسي فقط نضع القصه بين ايديكم ونترك الحكم لكم ونذكر هي قصة حقيقيه وجميع الاسماء مستعاره نتمنى لكم وقت ممتع
السلام عليكم اخواني اني عبير عراقيه انولدت بالعراق في الشاميه ابوي من عائله كانت معارضه للنظام بيهم الي انسجن والي انعدم والي هاجر كان طالب كليه اخر سنه علوم سياسيه من وصل عنه اي تبليغ عن طريق الاتحاد الطلبه بالكليه ابوي اسمه عدنان حققوا وياه وحذرواه بعد ميمشي ويه كم شخص بالكليه عدنان مكان يحب السياسه والنضال وهاي الشعارات بس انولد بوسط عائله تردد هاي الشعارات ويمكن تأمن بيها هذا التحذير كان كافي يخليه يبتعد عن أصدقائه مو بس هاي يترك الكليه همين مرت سنه راح العسكريه باليوسفيه معسكر هناك حب بنيه اسمها حياة شافها بالكراج وتعرف عليها واهله راحوا على اهلها وتزواجوا وصار عدهم اول طفل احمد اخوي وبعدين اني عبير انولدت سنه ٩٠خلص ابوي عسكريه وگعد بمحل ابوه عدنان واخوه صادق اخر ماتبقى من اولاد في هذي العائله وامهم وابوهم حجي غالب البقيه لو معدوم لو منعرف وينه صادق كان سياسي وميخاف ويكره الحكم بالعراق حتى من يصير عيد ميعيد ويانه ماادري ليش وميخاف وكم مرة الحزب اجواي على حجي غالب وگللوله ابنك يسمع اذاعات بيها...........
الجيران يگولون خلي يبطل لا يلحگ القبله بس حجي غالب ما بيده شي مرت الايام كان عمري ست سنين نايمين بالسطح وندگت الباب الدگه توحي بالموت والخوف صادق كان خال الراديو بالحديقة ويسمع سمعنا الصوت
ابن الكلب صاير متخاف اليوم انشعل صفحة الخلفوك خلي يفيدك ال........الي جاي تسمعه شوفوا اخوه وين وجيبوه وهذا الشايب المخرف هم صعدوه بالسياره .
عمي اني رجال چبير وين ماخذيني
ماخذيك تونس ولدك هناك جوا بسرعه شوفواعدنان وين
عدنان كان بالسطح والبيت ريفي مو عالي جيت وانهزم بالبستان صعدوا حياة ختلت بكومه سعف عدنا فوگ السطح يم التنور لان چانت ملابسها مال بيت مامستوره شافوا الفراشات اربعه سالوا اخوي احمد
لك وين ابوك الجبان وامك وين
احمد گام يبجي واني غمضت عيوني ودخلت جوا الغطى رگوع احمد راشدي واني رفسني واحد منهم ونزلوا اخذوا صادق وحجي غالب وطلعوا...يتبع
