الفساد
بارت 10 زينب الموسوي
ماتحملت الي گالته امي سألتها
احمد وين كوليلي احمد وين ابوي وين هسه احرگ نفسي واموت ياابو ناصر ياحظي الاسود عوع رجال اكبر من ابويه احفاد الف واحد
شبيچ عبير مو گلتي موافقه
موافقه على منو يمه اوافق على الموت ارحم يمه كم روح عندي ابو ناصر اصلا كلمة عمو مالايكتله هذا جدو صخام بوجهي ومرة شلون تقبل
عدها شروط يله وافقت
چماله شروط
اخذت التلفون اتصلت باحمد هسه تجي والله اگلب الدنيا
اتصلت بابوي هستوه واصل للمطار بعده مواصل البيت
وصل احمد اخذني لغرفتي
شبيج عبير شصاير
متدري شصاير احمد تريدون تزوجوني ابوناصر وايهاب انت مو متفق وياه ليش هيچ كم اخت عندك احمد متريدون ايهاب ميخالف بس مو ابو ناصر
على كيفچ خلي نتفاهم انتي تعرفين منو ابو ناصر حزبنا كله بوزرائه بفروعه بمحافظينه بنفوذه هذا ابو ناصر اسم ايهاب اذا سمعه يفنيه هو أهله تفاجاءت بالموضوع مثلچ شتتوقعين ابوي يرفض ابو ناصر علمود ايهاب
ماريد ايهاب بس لاتزوجوني من ابو ناصر الله يخليكم
وشنگله شنو سبب الرفض
مجرم حرامي شايب اني سامعته وهو يحرض على القتل والتفرقه نسيت احمد لو صرت واحد منهم
انتي هم واحد منا عايشه ويانا وگاعده بقصورنا اجى دورچ حتى تضحين
اضحي علمود منو
علمود ابوچ واني وانتي وايهاب الحزب هذا ساترنا ولامنا ونطانه لازم ننطيه تدرين اذا رفضتي اول رگبة تطير ايهاب وابوچ يطردوه واني نفس الشي واذا نطردنا شكو جريمه راح الاحزاب تذبها بروسنا والحزب راح يوگف ضدنا عبير مااسمحلچ توصلينا لهذا الحال وايهاب اذا تحبيه لاتجيبين اسمه ترى والله يمثلون بيه تمثيل
مااصدگ انت احمد لو احلم اني تقبلها تبيعوني حتى تغطون جرائمكم وحتى ابو ناصر لايفضحكم
الشغله مو بدينا كلنا احنا ناس متسترة على ناس ليش لعد ام ناصر وافقت لان اخوها حرامي وأبو ناصر لازم عليه ادله وليش امي ساكته على ابوي لان هذا البيت مال الدوله وابوي سجله باسمها
بس اني مالي علاقة بحزبكم
لچ والله يلگون الف سالفة عليچ اسكتي ومشيها شايب وعجبتيه بلكي شهر ويعوفچ اعتبري نفسچ فصليه
احمد فدوه لعينك احلفك بخوتنا لاتبيعوني اني اختك داخلة عليك والله ماعندي غيرك خلصني گولولها مريضه
لچ ابوي مكيف وامي حطت الشروط انتي شدتحچين عبير اسكتي وارضي بنصيبچ
وأبو ناصر نصيبي وايهاب شلون مواخذ منك كلمه
الخاطر الله ايهاب لاتجيبه بالطاري ترى والله هسه يطلعون عليه يترسون جسمه طلقات اتحبيه خليه يعيش احمدي الله محد يدري بيه رايدچ غيري والله مايطلع عليه الصبح
كافي عبير انوار تسمع صوت بچيچ وتگل لابوها الله اذا اخذ خبر ايهاب اليوم تسمعين خبره بالتلفزيون جثة مجهولة الهويه ديري بالچ تتقربين منه حذرتچ ولاتطلعين گدام ابوي تحچين هذا الحچي ترى حسابنا نصفيه وي ايهاب
هم اني وهم هو ليش
شسويلچ متفتهمين هسه اريد اسمع موافقتچ
احلفلي محد يتقرب من ايهاب وياذيه احلف ايهاب اذا صار عليه شي انهزم وافضحكم بالفضائيات
هذا هو معلمچ هذا الحچي بسيطه اني اراويه
لا متتقرب منه هذا شرطي تحلف على القران محد يمسه واتزوج هذا الكلب
احلف يعني موافقه
لا مموافقه اتزوجه مغصوبه حتى الله بيوم القيامه يحسبني من ضمن جرائمكم مشكورة خويه احمد ماقصرت انتظرت يومين ابوي بلغ موافقتي لابو ناصر مع اني مگلت موافقه اتصل ايهاب طلبت منه اشوفه رحت عليه للتلفزيون حچيتله الصار وموقف احمد
امشي وياي للبيت مترجعين الهم همه عدهم خياس يريدون يغطوه انتي شعليچ
ايهاب لو نروح للسما يجيبونه ويكتلونه لاتورط روحك اشو العراق صار الهم
لاتصيرين جبانه نروح للشمال نتزوج نهاجر مااعوفچ تروحين لغيري
خلص اني رحت فدوه لعينك انساني وفكر بامك مابيها حيل تسمع. موتك
لاتخوفيني بالموت اول وتالي نموت بس مو رجال الي يعوف حبيبته لواحد ثاني امشي وياي هسه ولايخوفوچ ابوج يموتوه وهذا الحچي محد يموت الا بيومه
مااگدر مااسويها والله ميبقونا اثر حتى اهلك واخوانك
گتلچ متخوفيني بالموت شلون تگدرين تصيرين لغيري شلون تعيشين وياه وانتي بالچ واحد ثاني لچ الموت ارحم
خلص اعتبرني متت اني رايدته لابو ناصر اني مااريدك روح
لو تريديه ماوگفتي گبالي تبچين وخايفة عليه
لعد شسويلك افتهم موبيدي
مااگلچ روحي وعوفيني لو اموت
بس اني راح اعوفك واروح
راح اگول عنچ خاينه واشتكيچ ل الله
كافي ايهاب حب غيري وانساني
من تحبين غيري وتنسيني
لك فدوه اروحلك كافي...يتبع
