الفساد
بارت4
بقيت على هذا الوضع لحد الصيف بديت ادرس بالعطله السادس
لكن امي ماعجبها وضعي بتها معقدة لحد الان ماخليت عيني على احد طاگ من جماعة ابوي مثل ماهي توصيني دائما قررت تقلب حياتي من الصبح گعدتني
اكعدي عبير گومي اخذچ للصالون تحفين ويعلموج تخلين مكياج شويه خليني احسن عندي بنيه
ماما ماعندي وكت تدرين دورة بعد ساعه
خابرت الاستاذ وأجلت الدورة باليل يجيچ
اخذتني سحل مااعرف شلبست والحجاب بس لفيته لف
صعدنا السيارة عمو ابو كريم ماموجود بداله ولد شاب اسمر گعدنا امي سلمت عليه شلونك ايهاب
اهلا بيچ ام احمد وين اوديكم
اطلع للمنصور وبعدين اني ادليك شوف طريق مو زدحام
استحيت من البهذله الي اني بيها لا وحچي امي گدامه من شافتني اعدل حجابي
محسوبه على البنات الامافد يوم شفتج فتحتي شعرچ خليتي مرطب بحلگچ صبغتي اظافرچ شتعدلين يحظي انتي يرادلچ حملة اعمار مو صالون
الولد يسمع وحابس الضحكه ويباوع بالمرايه واني وجهي صار يچوي من الخجل وادغ بامي وهي. لا عبالك اكو رجال
من اليوم اذا شفتچ تطلعين بصايه لو جبه الا اشگها عليچ اني اشتريلچ ملابس اضهري انوثتچ وامشي مثل البنات كافي صابر ه عليچ لا وچماله تريد تدخل كليه من تخلص سادس لچ شايفه بنات الكليه وحدتهن تنگرط
ماما كافي ترا منا لمن نوصل المنصور راح تخليني احس اني قرد
لا مو قرد بس مو بنيه لچ الشباب مرة بالعمر ويخلص بسرعه والي داير مداير ابوچ الي تاخذهم تظل شباب على طول شخسرانه هي شويت حمرة وكحله وانصب على واحد منهم وانتي ترى ماحاسه بروحچ حلوة لچ اني ابوچ شافني مرة واحده تخبل
ماما لخاطر الله كافي ترى احنا مو بيتنا كافي
ايهاب مو غريب بالله ايهاب شتگول هسه هاي الي يشوفها مو يگول اني اصغر منها
صحيح ام احمد انتي مبينه اصغر
ماادري ليش من گال هاي الحچايه بچيت امي رادت تسكتني وايهاب كل شويه يباوع بعدني ابچي لو لا
ودوتني امي للصالون لعبت بخلقتي وگصت شعري وفرتني كم محل ملابس وكله بناطير وتشيرتات قصيره وكت وستر كابوي تغدينا اني وياها اتصلت بيها صاحبتها خابرت ايهاب يجي علينا صديقتها چانت قريبه اني ردت ارجع للبيت وصل امي لصديقتها واخذني للبيت
وين تريدين تروحين .
للبيت مو سمعت امي گالتلك ودي هاي المعقدة للبيت
اي سمعت بس اذا متريدين تروحين اوديچ لغير مكان
ماعندي غير مكان ونصي الاغاني مااحبها من تصعد امي و ياك شغللها اغاني
صار ترى موقصدي الصبح اضوجچ من كلت امچ اصغر
اد.ري هي مصدگه بروحها خليها المرة ليش تكسر بيها واني ميهمني هاي السوالف صغيرة جبيره حلوه مو حلوه
هذا دليل الثقه بالنفس
ماادري بس اني راضيه بروحي اجاري امي من باب الطاعه ومااحب المشاكل شوف طريق مختصر الله يخليك لان عندي دورات
والله هذا اقرب طريق بس هي كلها مسدوده وازدحام انتي سادس
اي سادس الله يساعدچ هي اصعب مرحله دراسيه هاي تقرير مصير
اي والله صدوگ انت شنو مخلص
علوم بس ماكو تعيين اشتغلت يم عمي ابو احمد
يعني ابوي عمك
مو عمي اخو ابوي بس من العمام والكرايب
اگول لان ابوي ميخلي احد غريب يوصلنا وعمو ابو كريم وين
يسوي عمليه لعيونه
خطيه رجال حباب
اني هم حباب
مبين عليك حباب من امي تقسم وانت تضحك
لعد شسوي امچ تضحك
لعد اهل ابوي ميگولون لعد
اني واهلي عايشين بغداد بالشعب اني مولود بغداد
ليش متسمعين اغاني
من الصغر اروح للجامع اسمع قران وتعودت على تلاوته
يعني ابد متسمعين اغاني
امي تفتح روتانا بالبيت واضطر اسمع ومرات احفظ بس من اني وحدي مااسمع عفيه مو صلنا والله تاخرت
انشالله عشر دقايق
وصلت للبيت اندار عليه
لاتباوع تريد تقارن بين الصبح وهسه
لا والله اريد اعتذر على الي گلته الصبح
ماگلت شي مجبور على الگلته روح الله وياك
مااعرفت اسمچ
عبير الله وياك
چانت اول مرة احچي وي ولد غير اخوي احمد وابوي وأبو ناصر والباعه الي تعرفهم امي بمواضيع خاصه
ايهاب شكله مرتب يعني اكو فد شي بداخلي تحرك هذا الشي الي يخلي الواحد دايخ وميركز وينتبه على روحه يبتسم بدون ميدري شي يسال يمتى اشوفه مرة ثانيه....,يتبع
