الفساد
بارت6
وليش اسمچ عبير ليش انتي ناسيه زوجة منو
شتريديني اسمي الفيس ام عبير المعقده
والله يمه مادري شگلچ والتاليه شنو هسه عيب من احمد ابنچ
ليش هو احمد مو يشوف صديقات ابوه ميحجي على الاقل اني بس سوالف ابوچ. مطبق عملي والمكتب صاير لمواعيده
شدتگولين ماما بابا هيچ يسوي
اي حبيبتي بابا عنده زوجه بعقد وعرفت وسكتت وعنده صديقة ارمله موظفه عبالچ ماادري عندي موظفين يجيبولي الاخبار
وليش ساكته لعد متواجهيه
حتى يصير زواجه علني وتلطش الفلوس والبيت خلي تأخذه مدام كلشي باسمي يعني ماتهتمين لرجلچ مهتمه للفلوس
اكلچ روحي عن وجهي لچ العراق كله انگلب وانتي تريدين تحاسبيني على اسمي بالفيس
رحت على احمد اكدلي ابوي متزوج بس بالسر عباله امي متدري رحت على غرفتي ابچي ليش هيچ ديصير بينا وشنو هذا الوضع الغريب الي يخلي زوجه ترضى زوجها يعرف غيرها بس كون الفلوس تبقى الها تعبت من التفكير يعني معقوله اني صح والكل خطا........
حسيت كلمة عائله بعد متنطبق علينا بقى بس اخوي احمد الي وبقيت اصلي اليل كله وادعي يارب نجيه وابعد عنه السياسه
الصبح امي رادت تطلع اني ماعندي شي ظليت بالبيت ماطيقه اباوع بوجه امي هي الي دفعت ابوي لهذا الطريق بطمعها وحبها للمادة دگ الموبايل ايهاب
السلام عليكم
وعليكم السلام هلو ايهاب
بيش الساعه اجي عليچ
ماعندي شي اليوم صديقاتي العصر يجون يمي على الدورة اخذ راحتك
خالتي ام احمد هم گالت العصر يله ترجع للبيت ليش تبقين وحدچ بالبيت خلي امر عليچ واوديچ لاي مكان يعجبچ
توديني للامام قريب عنا
هسه اجي عليچ
خابرت احمد گتله رايحه الكاظم تريد شي مناك
بس ادعيلي عبوره
هو اني رايحه عنايه علمودك احمد اني داحس بابا وماما ضاعوا
لاتكبير المساله ابوي تزوج لا اول واحد ولا اخر واحد
وصل ايهاب عرف ضايجه
شوفي عبير اسمحي الي ادخل انتي طول مامسويه السادس ازمه وتدعين ومتطلعين ترى مراح دبريها اعتبريه امتحان عادي
الله كريم انشالله
محچيت وياه چنت اقرا دعاء والطريق ازدحام من دخلت للامام كل دعائي كان لاخوي وطلعت ايهاب شاف عيوني مورمه من البچي راح جاب موطا وهم فتح موضوع السادس
ايهاب الشغلة مو يم السادس اني خايفه على اخوي شوف الوضع بالعراق قتل وعبوات اغتيالات احزاب تصفي حسابات بيناتهم واخاف احمد يروح بيها
لا ما معقوله عمي عدنان يعرض حياة ابنه للخطر لو اكو خطورة چان مخلاه وياه بعدين انتي بنت رجال مناضل شريف المفروض تصيرين قويه مثله مو خوافه
عرفت ايهاب بعده مامكتشف حقيقة ابوي. ونضاله يبيع ويشتري بالمناصب وصديقات وثارات بين الأحزاب ونعم النضال
ظل ايهاب يخطب براسي لحد مادخت
عبير اليوم النهائي مال كاس اسيا احنا والسعوديه تتوقعين نفوز
مامتابعتها بس لا دعيت الامام على اللعبه
اكيد هذا فريقنا شلون ماادعيله واذا فزنا يرفع علم العراق والناس تحتفل بالشوارع ونحس احنا ايد واحده وماكو تفرقه لاتگولين متحبين الطوبه
والله لااحبها ولااكرها
لا لازم تحبيها لخاطري وتابعي اللعبه
انشالله اشوفها
زين انتي تگولين نفوز لو لا
اذا انت دعيت الامام اكيد نفوز
شوفي اذا فزنا راح اخابرچ باليل ونسولف
واذا خسرنا هم خابرني حتى أرفضه واقهرك اكثر
ليش هالخبث شمسويلچ تقهريني
حتى مرة ثانيه متدعي الامام على لعبه
مو قصه لعبه علمود العراق
اي صدوگ العراق يستاهل ندعيله
هسه اذا فزنا اتصل بيچ
اتصل عادي انت مو الصبح اتصلت بيه تابعت اللعبة وتمنيت العراق يفوز وفاز العراق الاحتفالات ترست الشوارع والناس فرحت اول مرة تتوحد وتنسى خلافاتها وايهاب اتصل بيه ١١باليل چان فرحان وگلي
ردت اجي عليج اخذچ تشوفين الاحتفالات
لعد ليش مااجيت
گلت اخاف درسين
لا مدرست تابعت اللعبة حلوة چانت والهدف حلو
وانتي هم حلوة عبوره
سكتت مارديت عليه
ليش سكتي
انت ثاني واحد يگول عليه حلوه
ليش منو الاول
حمودي اخوي
عبالي بس انتي بيچ شي ناقص
شنو الشي الناقص بيه
عايشه على أطراف الدنيا متحبين دخلين للحياة وتعرفيها لاتطلعين لاتهتمين بشي غير اهلچ والخوف عليهم طوبه متابعين اغاني متسمعين تحبين تنعزلين وتتفرجين من بعيد
هذا طبعي حاولت اتغير ماگدرت والعراق مو امان تخاف تطلع تخاف تفرح
شوفي عبير امي عمرها بالسبعين ورجلها انعدم وشافت ضيم بس من تگعدين يمها تنسين الهم تضحك وتسولف اغاني ياس خضر كلها حافظتها شوفي الناس يصير انفجار ورا نص ساعة تطلع وتشتري وحتى من تحزن تلبس احسن الملابس السودا
صحيح حچيك بس اني مااعرف شلون اتغير امي تحچي عليه واحمد كلهم يگولون تغيري
زين اسمحيلي اني اعلمچ شلون تعيشين وتستمتعين بحياتچ
ماعندي مانع بس اي شي خارج عن الدين مااسويه
شگالولچ يهود احنا ترى الدين يسر مو عسر وبعدين اني مباقي على طول وياكم
ليش وين حتروح
ابو كريم يرجع الشغل واني راح ادخل دورة مال اعداد برامچ بفضائيه واشتغل عدهم
والله احسنلك تستاهل كل خير
يعني متضوجين اذا رحت
ليش اضوچ حرامات شهادتك وتظل سايق بالتلفزيون احسن
مو هذا الجواب الي ردته اسمعه بس ميخالف اني اجاوب اي راح اضوج لان مراح اشوفك يوميه ايهاب
بعد سنه مااگول هيچي
بعد السنه نشوف تگولين لو لا باچر الصبح اوصل خالتي ام احمد وانتي وياها
وين نروح
باچر تعرفين
طلعنا الصبح وصل امي رحنا لدورة إعداد مذيعين ومعدين بيها معلومات حلوة شلون نستفاد من تعابير وجهنا وشلون نتعامل مع المواقف المحرجه ونعد تقارير وبيها بنات ولد من عمري واكبر مني حلوه من رجعنا رحنا لبغداد الجديده اشترينا لفات فلافل بالطريق صار انفجار عبوة ناسفة وجام السيارات تطشر على الناس والدم والجثث وصريخ اني شايفه قبل انفجار وايهاب همين ظليت اصرخ وابچي على الناس الواگعه شنو ذنبهم والله حرام السياسين ملتهين مناصب وفلوس ونسوان وعايفين الشعب ياويلكم من الله
رجعنا على البيت وخابرت احمد اطمئن عليه
ورا شويه اجتي امي ودخلت الغرفه مالتها سمعتها تحچي ويا رجال كلام سخيف فتحت باب غرفتهاوظليت اعيط عليها
عيب عليچ خافي الله منو هذا الي تحچين وياه
سدت التلفون وشمرتني العفو بالشحاطه
بعد اكثر من هذا الفساد مااعتقد اكو بالدنيا اذا ام تنسى نفسهاودينهاوشرفها وتمشي ورا نزوات شبقى يستحق الواحد يعيش رحت فتحت اليوتوب على سورة النور بصوت عالي وخليته يم بابهاطلعت الي
لچ اني زانيه بنت الكلب روحي شوفي خياس ابوچ صار عشر ايام ملافي للبيت
واذا ابوي ميجي للبيت تخونيه والله والشرف والناس
لچ شخنته هو موبايل اسولف بيه
والحچي السمعته ويامن
وانتي شعليچ ابوي امي لو بيچ خير صيري مثل امل بت محمود زرگه وحفلة وحده چابت وكيل وزارةاخذها وانتي ظالة وراي ليش تخابرين وليش اسمچ عبير امداچ وأمد حظي
امي مصرة هي ممسويه شي انتظرت الغروب لان ابوي ميفوت فرض صلاة فقبل الغروب يجاوب تلفون خابرته
السلام عليكم بابا
وعليكم السلام عبورة
بابا مشتاقتلك تعال اليوم اشوفك وماما هم تسال عليك
اليوم مااگدر اجي باچر اخلي ايهاب يجيبچ الي الصبح نتريك سوا
وامي بابا
اي خلي تجي هسه اخابرها اگلها تعاي عندي هديه الچ تجي ركض بس تعالوا من وكت...يتبع
