الفساد
بارت8 زينب الموسوي
اقترب دوام المدارس ايهاب يوميه اشوفه اخذني اني ونبأ لمكتب بابا اخوها معتقل وتريد تعرف وين
ابوي ساعدها وعرفت اخوها بالبصره جيت فد يوم ويه ايهاب سلمنا عليها اخذتني الحمامات وگالت
اذا اكو واحد حقير فهو ابوچ
شكو شصاير ليش تغلطين مااسمحلچ
ويطبچ مرض لاتسمحين شنو هالوساخه الي عايش بيها ابوچ واذا تعرفيه ماعنده شرف ليش وديتيني عليه
اني موديتچ عليه انتي الي ردتي تروحين تشوفيه ليش متحچين الصاير
لچ ابوچ يساومني على شرفي حتى يطلع اخوي ويگلي عقد ليلتين وينطيني فلوس لعد وين خطبه بالتلفزيون والصلاه والديانه
اني آسفة نبأ اعذريني اني ادري ابوي غيرته السلطه والسياسيه بس عبالي يراعي انتي صديقتي والله مااعرف شكولچ احسبيها عليه
لاتبچين انتي مالچ علاقة ومو بس ابوچ ترى هيچ افترينا مكاتب الاحزاب كلها نفس الفساد والخيسه
نبأ راح احچي ويه احمد يمكن يگدر يساعد
لا سدي الموضوع الاحزاب صارت مافيات نار الي يقترب منها لازم ينچوي اخوي رجال يتحمل والله يفك سجنه
حچيت ويه ايهاب ردت ارجع شافني ابچي حچيتله سالفه ابوي وكلشي اعرفه عن الأحزاب رد ايهاب كان
ادري بكلشي الاحزاب ريحتهم فاحت والشعب عرف الفساد واصل للهامه لعد ليش اريد اترك الشغل وياهم واتجه للاعلام لازم واحد يحچي يفظحهم كلهم مو بس حزب واحد
من شوكت تعرف انت تگول عن ابوي بطل ومجاهد
عرفت من اقتربت اكثر من الحزب ورادوني اشتغل بالمكتب اعتذرت بحجه اريد اسافر اي واحد يشتغل وياهم لازم يورطوه حتى ميفتح حلگه ويحچي
معقوله ابوي مجرم
عبير مو بس ابوچ كلهم الي ميكتل يبوگ الي ميبوگ يزور الي ميزور يفرق الي ميفرق يبع مناصب انتي حابسه روحچ بهالبيت ومتدرين الناس ودها تشرب من دمهم
وانت شوكت تترك الشغل اتركه اليوم لايگتلوك
اني باقي على مودچ اريد اطلعچ من هالزمرة التعبانه بس مااعرف شلون
ايهاب الشغل اني مهما كان وحده منهم مياذوني
عبير اني احبچ وخايف عليچ اكثر من روحي ياريت تقببلين اخذچ ونسافر
لاتسكتين ردي عليه لا تگولين اني هم احبك بس انطيني حل خايف عليچ تروحين بوحده من صفقاتهم
ماافتهم شدتگول شلون يعني
تذكرين حچي امچ من كالت تزوجج واحد من جماعه ابوچ
بس اني مااتزوج بكيفها
عبير يوم الي يصير زواجچ بيه مصلحه الهم يزوجوچ لو لمجرم سفاح
احمد ميخليهم
لچ احمد محتار بروحه ويحاول يحافظ على اديه نظيفة من الدم
يمه سوده عليه احمد شلون عرفت
كلشي نعرف الحمايات تحچي والي يشتغلون وياهم
گوليلي عبير شسوي
ايهاب حچي امي لاتاخذ بيه اني ماخليها تزوجني بكيفها المهم انت هسه توصلني وتروح للمكتب تنهي علاقتك وياهم
زين وشوكت تردين عليه
على شنو ارد
گتلچ احبچ شوفي مراح اخابر ولا اشوفچ إلى أن تردين عليه يله اوصلچ للبيت
سالت احمد على الي دتگوله الناس رد عليه
اشاعات أحزاب تريد تشوه سمعتنا ليش ميگولون كم الف عينه والجيش والشرطه الي بنيانها من جديد الرواتب الي زادت الاكل الي گام ينذب بالزباله عمي العراق بخير هو بس الامان ناقص وانشالله يتغير ويصير احسن
حلفته هو ماله علاقه بجرائم وحلف
ايهاب ترك الشغل وبدا يعد برامج لكن برامج بعيد عن السياسه بدت مدرستي واني مامتصله بيه ولاراده جواب مو طبعي اخابر احد واگله أحبك مع اني احب ايهاب ولان اعرف هو الي راح يخابر ويسأل على الرد مو يگول يحبني الي يحب يسال وفعلا خابر
السلام عليكم عبورة
وعليكم السلام ايهاب شلونك
اگلج كل هذا تفكير وماوصلتي لرد
تعرف الرد مو اله تسمعه
وشلون اعرفه يجوز اني غبي ماافتهم بسرعه
اني اگلك شلون تعرف كم اسم شخص بقائمه الاسماء بموبايلي غير اهلي وصديقاتي واحد بس رقمك وكم واحد يتصل بيه بنص الليل واجاوبه انت بس وكم واحد اطلع وياه وافتر بغداد مع أن اني حتى امي مااطلع وياها انت بس عرفت الرد لو بعدك
عرفته بس اريد اسمعها منچ
شتريد تسمع مثلا
مو گتلچ احبچ لازم تجاوبيني
واني هم احبك ايهاب اول مرة ارتاح لشخص غير احمد
زين امي تريد چنه بالبيت
بعد وكت على هذا الحچي خلي انجح ويصير خير
اول مرة بحياتي افكر بزواج وايهاب من عائله بسيطه وگرايب ابوي وعنده وظيفه واحسن طريقة اطلع من بيت اهلي وابتعد عن تصرفات امي وابوي...يتبع
