الفساد
بارت13 زينب الموسوي
طلبت من ابو ناصر اطلع اروح للصالون كييف وگلي اريد ارجع الگه عروس گدامي الصبح اخذت سايق وخليته يطلع على صالون قريب من الشعب گتله هذا الصالون متعوده عليه وفهمته يروح وميجي الى ان اخابره راح اتصلت بايهاب واجى عليه اخذني بسيارة اخوه
لچ عبير ميت على شوفتچ ليش هيچ متغيرة
ظليت ابچي لان حتى مااگدر اباوع بوجه وداخلي اعرف الي اسويه خطا گتله ماطايقة الوضع وأبو ناصر مچلب ميقبل يطلگني وانت تلح انهزمي ومااعرف شسوي يوميه اموت الف موته
وليش متحمله هذا كله هسه نروح لاربيل وينتهي هذا العذاب لو انتي تخافين على اهلچ
اي اخاف عليهم ذولي اهلي وبالشمال هم يگدرون يوصلونه
نفسه حچيچ والخوف ترى بالعراق الموت على اي ساعه وحتى المسؤولين هم نهايتهم قريبة لاتضلين دورين حجج
ايهاب كافي تحچي براسي گتلك ماانهزم
لعد امشي اوصلچ ارجعي ليش جايتني
اني صوچي اجيتك وديني للصالون
اي روحي للصالون حضري نفسچ لابو ناصر
ظلينا الطريق كله منحچي سوا وكل ماواحد يدگ هورن بالازدحام ايهاب يسبه ويغلط عليهم فتح اغنيه لنانسي عجرم انت ايه وگلي سمعيها لو بعدچ تستحرمين من الاغاني عايشه ويه مجرمين وتستحرم رجعت للبيت فتحت الاغنيه واول مرة ابچي على اغنيه فات اسبوع ايهاب يودي رسائل كلها غضب ولوم ويختمها جبانه ماتستاهلين احبچ بليله چنت وحدي اتصلت عليه ماادري ليش
ايهاب ممكن نحچي اني وياك بدون لوم وعتب وانهزمي وجبانه الله يخليك
احچي شبيچ
تدري راح يصير شهرين مشايفه اهلي
وهمه ذولي اهل لاتشوفيهم احسن
تتصور راح يجي يوم ونكون سوا اني وياك
اگدر اجيبه هذا اليوم باچر بس انتي توافقين
والله انت لو ماموجود بحياتي ماعرفت شلون اعيش
انتي بس حچي تخافين تسوين شي
البكالوريا راح تبدي الشهر ا
لجاي
وتمتحنين لولا
ليش متدري مو امتحنت ونجحت الاولى على العراق ابو ناصر يگول
لاتجيبين طاريه بعدچ تحبيني
الله الي يدري بمحبتك
وشلون تگدرين تسلمين نفسچ ليليه لواحد ثاني
هو اني ناقصتك حتى تذكرني روح يله حتى انت صاير مكروه
لاتسدين التلفون احبچ وذابحتني الغيره لو ما هذا الكلب انتي هسه مرتي وعندي مو عنده شگد ناويه تتحملين
ماادري
انطيني عهد متخليه يلمسچ بعد لان اني بعد مااتحمل اتصورچ ويه رجال غيري
صعب اخاف منه
انطيني عهد ويوم الي تخونين العهد لاتردين على اتصالي واني افتهم گولي اعاهدك وخليني اعرف انام
راح يضربني وياذيني
ليش هو الضرب والاهانه اصعب من الي ديسويه بيچ
لا والله مو اصعب اعاهدك راح احاول واذا مگدرت اني مااتصل
بيك ونساني وشوف حياتك
ثاني يوم اجه ابو ناصر گتله مريضه گال اوديچ للدكتور جاوبته مو مال دكتور ليش متعرف البنات تتمرض كل شهر
واجتي ليالي غيرها رحت للدكتورة ونطيته الي كاتبه الدكتورة عرفني اتحجج وظل يغلط ويرجع يعتذر ويجيب هدايا گتله مااحبك واهلي غصبوني...يتبع
