الفساد
بارت5 زينب الموسوي
باليل انتظرت احمد يرجع للبيت من زمان مشايفته وحاچيه وياه يرجع متاخر دوم
هلو حمودي هلو عبورة شلونچ مشتاقلچ
اي صدوگ مشتاقلي حتى من اخابرك تگلي بعدين تعرف اني شگد احبك ومتعلقه بيك
لچ اني هم احبچ وحتى من اتزوج ماراح احب مرتي بگدچ
الله يخليك الي يارب ومايحرمني منك شلون شغلك
الحمد لله انشالله الانتخابات راح تكون لصالحنا الشارع كله ويانا
احمد الناس تگول احنا خربنا البلد ماعمرناه واحد صار يكره الثاني ويخاف منه
عبورة احنا استلمنا العراق وضعه تعبان يراد وقت يله تبين النتائج
احمد بس انت التورط نفسك بدم وخطف ومااعرف شنو
لا عبوره وداعتچ مااسويها
اتذكر من چنه ازغار علمونا ميجوز قتل نفس حتى لو كافر فدوه لعينك خليك بس بحماية بابا
هو اني بحمايه بابا ومسؤول عنهم وبس
الله يحميك خويه
زين اني هم اريد اطلب منچ طلب عيوني الك حمودي
عبورة امي بكل مكان تشتكي من تصرفاتچ ولبسچ جاريها وغيري ستايلچ احنا هسه حياتنا تغيرت كله ناس چانت عايشه بالخارج ومستويات وعيب تظل تگول عنچ هالحچي
يعني عيب عليها لو عليه شلون تحچي عليه گدام الناس
هذا طبع امي وعبورة البسي مثل البنات
مااحب هاي الملابس مااعرف امشي بيها
ليش عبورة اشو انتي دوده ضعيفة تتعودين عليها الله يخليچ مااريدها تحچي عليچ والعالم تظل تشوفچ بالعين الزغيره مااتحمل والله
لخاطرك انت اگلك حمودي اليوم رحنا وي سائق جديد تعرفه
اي ايهاب من عشيرة ابوي وابوه معدوم وخوش عائله ليش شبيه
مابيه شي بس حتى مااخاف من اصعد وياه يوديني للمدرسه دورات
لا تخافين نعرفه
كلش زين
زين اني باچر عندي دورة بيت صديقتي الصبح ياخذني
هسه اخابره واگله بيش الساعه
١١الصبح .... ..
خابره امي تروح بالتسعه مااعرف وين ويرجع عليه لان بيت صديقتي قريب گعدت الصبح لبست الملابس الجديده رحت على غرفة امي اخذت مكيب ولفيت الحجاب لفة مرتبه ونزلت امي تشوفني
لچ هاي شنو هسه صرتي بنتي بعد انشوفلچ زواج يرفع الراس
ماما بعدين الزواج هسه خلي اتريگ شنو هذا الاكل كله اليوم
صديقاتي اليوم جايات على الريوگ بالعشره يوصلن سلمي علبهن وطلعي للدورة
زين انتي مو عندچ طلعه
لا ردت ايهاب يجيب الاكل من المطعم وجابه وظل ينتظر برا حتى يوصلچ اخاف ميلحگ يروح ويرجع
ييعني هو برا هسه
اي برا ينتظر
ماما اني بعد ساعه على دورتي والولد برا شيسو ي خطيه خليه يدخل ينتظر بالاستقبال هو مو تگولون گرايبنا
وشعليه برا السيارة تبريد
بس عيب ماما هذا كرايبنا
ميصير يدخل خليه برا
لعد اروح من وكت لصديقتي نسولف ننقل دروس
والنسوان الجايه اريدهن يشوفنچ
من ارجع الگاهن واسلم عليهن
اي بس قبل لاتدخلين باوعي على روحچ بالمرايه يله تسلمين مو الحمرة مفطره بشفتچ
صار الله وياچ طلعت للسيارة شبيه گلبي يدگ وليش افكر شراح اگول الطريق للسيارة صار طويل وايهاب ليش يباوع هو اني گوه امشي
السلام عليكم
وعليكم السلام وين تروحين
بيت صديقتي قريب وين كليه الإدارة والاقتصاد والقانون اكو مشاتل هناك بيتها بس وديني اول اشتري قرطاسيه
صار وين يامحل
اي محل قريب تندله
اتصلت بصديقتي گتله راح اجي من وكت باوعت على ايهاب بالمرايا التقت نظراتنا سوا دنگت رديت باوعت ابتسمنا اثنينه
الدورة ١١ليش رايحه من وكت
عندي دروس ناقصه انقلها من صديقتي وحتى متبقى واگف بالباب تنتظر
ماعندي مشكله انتظر
مااحب احد ينتظرني الانتظار مو حلو وبعدين بسوريا چنا نمشي مسافات اطول بدون سياره
بس هنا ماكو امان حتى تمشين
اي صدوگ وبعدين وين تروح من توصلني
لبيتكم ومن تخابرين اجي عليچ
انت تعال ١٢اني مااخابر
ترى عادي اني السائق مالتكم لازم عندي رقمچ
انت مو السايق انت گرايبنا
معناها لازم اخذ رقمچ
خزن رقمي بالموبايل
هسه اگدر افتح اغاني لولا
شعاجبكم من هالاغاني
لعد شلون يخلص الطريق وهالازدحام والهورنات هاي عبالك زفه
شغل اغاني بكيفك
وصلنا لمحل نزل وياي اشترينا وصعدنا المحل لوداني عليه كان طريقه عكس طريق صديقتي لازم نرجع من جديد سألني
شلونج بالدراسة مستواچ زين
اقرا بس الكل يگول ميبين مستواچ الا بالامتحانات
صحيح بس لاتخلين كل جهدچ هسه خليه للاخير
الله كريم اني من يجي طاري الامتحانات اخاف
اذا تخافين متحصلين شي
انتم الولد متخافون هنيالكم
متعرفين تسووين براشيم
يمه لو اموت مااسويها
تصدگين بالسادس انطيت دفتري لصديقي حلي سؤال كامل بالكيمياء
عزا والمراقبين
شمدريه تبادلنا الدفاتر وحلي السؤال ورجعه
ونجحت بالكيمياء
نجحت وتخصصت علوم كيمياء
ياغشاش
اذا هي مليون مركب ومعادلات شيحفظهن
من وجاي راح اصيحلك غشاش
اني صوچي گتلچ لعد مااگولچ شسوينا بالرياضيات
الله عليك شسويت
حليت الاسىئله سويت قابل
عابتلك عبالي شمسوي
عابتلك شنو
اسفه موقصدي
لاعادي گوليها بس بيناتنا
كلمة بيناتنا فكرت بيها شنو قصده وليش ديطول الطريق وصلني كلشي ماافتهمت من المحاضرة بالي مو يمهم شوكت تخلص وارجع وي ايهاب مرات ناس تعاشرهم سنين متحس بوجودهم ومرات شخص اول متشوفه ودك الدنيا توگف وتبقى تسولف وياه من رجعت وياه عرف اني مااطلع الا للمدرسه والدورات وگال ميصير البنات الي بعمرچ يتمنن يطلعن وصلت للبيت صديقات امي گالبات البيت ملهى ولازمات التلفونات وينصبن على الولد وضحك وسوالف وجوهن وجوه الشياطين مابيها ذرة ايمان باليل عرفت امي تستخدم شخصيتي على الفيس بوك اي واحد يدخل الها على الخاص تگله اني طالبة سادس واسمي عبير وتعلق تعليقات مال بنات مايعه ومسميه روحها بالفيس عبير الجنه نزلت حچيت وياها
ماما شنو هاي عبير الجنه وعمري ١٧وطالبه سادس
تسليه عبورة ننصب على الناس
قصدچ على الولد ماما ترا ذوله كلهم شباب اعمارههم اقل من عشرين
واني شعليه بعمرهم يدخلون خاص اريد اتعرف انصب عليه
وكروب السادس اعدادي شتسوين بيه وتگولين اني سادس
لچ يگولون الاسئله تتسرب هنا
ماما لو الاسئله تتسرب چان ابوي مخلاني دورات وجابلي الاسئله وليش اسمچ عبير ليش انتي...يتبع
