بحبك زي ما بحب جو الخريف

الجزء 07

من اصبحنا جريت ع الحماام استحميت ولبست لي بجامة صغييرة كداا ع اساس انو خالد طلع الشغل وبعديهاا اطلع اشوف قصة موضوعنا انا ولندا وبس مع طلعتي من الحمام كداا القي ليك خالد ف وشي طبعا الشعر مبلول والبجامة فظيعة😭الليلة امشي وين انا ي ربي وهو وقف عاين ل مسافة كدا اول مرة يشوفني بالمنظر داا😂 بقيت زي الكديسة الصابة فيها مطرة راسي داا م رفعتو🙈بقيت بفتش ف باب غرفتتي ب وين و من الخجل بقيت اطاقش م خليت طربيزة ولا كرسي م شووؤتهم واخيراا انتهي بي الامر اني اطقش الحيطة ع اساس انها باب غرفتي😭طبعا خاالد فكاها لي ضحكة لي اخر ضرس ياخ شميتو ليك شم😂😂 دخلته الغرفة وانا برجف لفحتا توبي من السرير وجريت ل خالد وهو خلاص طالع ع الباب ناديتو ياخالد عاوزاك تاني ضحك وقال لي خشي جوا عشان م يجيك التهاب قلتا لي طيب بس انا عايزة منك حاجة قال لي اتفضلي ي ستي قلتا ليو عايزة رقماا عاين لي كدا😳 وبدا يتمتم ..م فهمتا رقم مممم منو ..رقما هي رقم حبيبتك💔 قال ل لي عايزة ب شنو يعني..عايزاو ي خالد اثق فيني وم بخذلك عاين ل مسافة كداا قال ل طيب برسلو ليك ف مسج بعد شوية ف تلفونك ابتسمتا ليو ودخلته طبعا خاف اني اخرب عليوو ههههه(بس هو م عارف انو ماف زول بخرب ع روحو) دخلته قفلتا بابي علي اتصلته بي لنداا واصريت انها تمشي معااي هي كانت رافضة بس مع اصراري وافقت جهزتاا طبعا كالعادة عبابة سوداء (حالة حداد😂)بس ف انتظار المسج انتظرتا مسافة طويلة وخلاص يأست انو خالد يرسلو لي لي ي خالد عدم الثقة داا بعد خلاص قررتا انسي الفكرة اسمع صوت رسالة فتحتها لقيت خالد كاتب الرقم+(اسف ع التاخير بس انشغلته ونسيتك) هههههه وين الجديد م انت طبيعي ناسيني اصلا و شلت شنطتتي وااجرت لي امجاد ومشيت ل لندا ف الكافي البنتلاقا فيو عادتا انتظرتا5دقايق وجات

سلمت علي وكلمتها بالانا ناوية اعملوو بعد نزاعات وصراعات معاها سكتت وجارتني وانا متاكدة انها م اقتنعت بس قنعت من انها تخليني اغير راي ف الموضوع مشكلتي ف الحياة عنادي داا بس حاليا الوضع مختلف وانا كدا كداا م عندي خيار غيرو

المهم طلعت الرقم من المسج عشان اسجلو بس طبعا اتذكرته اني م عارفة اسما قمت سجلتو ب (..) وعملت اتصال و م كل جرس بدخل بحس بي قلبي بتقطع معاو بعد الجرس الخامس فتحت الخط وقالت الوووو انا هنا حسيت ب دوخه وهبطتا قامت لندا مسكت يدي حتي قدرت اتماسكتا ورديت ليها ي هلا اسفة ع الازعاج بس انا عايزاك ف موضوع مهم وبخصك جداا ممكن تجيني ف (.......)وف الزمن الانتي ح تكوني فاضية فيوو قالت ل ايووا انتي منو طيب واي موضوع انا م فاهمة شئ قلتا ليها بعد تجي حتعرفي وفصلت الخط طوالي وو نظرا ل خاصية الانجذاب الشماري الانثووي😂ح تجي ح تجي.. لندا قالت لي اها كيف قلتا ليها لندا كل العارفاو البت دي عندا صووت مفترض تبقي مزيعة ف صباح الخير ي عرب وتاني م تساليني من شي وقعدنا نضحك مع بعض قلبي مييت ياحليلي😂 😂

يتبع.....