بحبك زي ما بحب جو الخريف

الجزء 04

جا الصباح صليت ودخلتا المطبخ قلتا اجهز اكل حلوو تعبنا من الاكل الجاهز لكن لقيت كمية من الحاجات ماف مشيت اصحي خاالد عشان يجيبم لي و عايزة اضرب الباب كداا سمعت صوت همس ختيت اضنيني ف الباب واسمع خالد بتكلم حبيتي امس حلمته بيك انتي عروستي لابسة فستان ابيض طويل وكنتي طالعة اميرة وكناا مبسوطين شديد مع بعض والطرف التاني برد بس انا م سامعة طبعا وخالد ردا مستحيل نسيب بعض انا م بقدر استغني عنك انتي فاهماني ح اتزوجك ح اتزوجك انتي ح تبقي مرتي وام عيالي انت عارفة كدا من الاول وامل مجرد زوجة عشان العرف حقنا ف العيلة بس انتي حلمي ...

انا م قدرته اتم االباقي دي المرة التالته قلبي يوجعني كداا اول مرة لما ابوي سندي اتوفي والتانية لما امي قررت تتزوج وتعيش حياتا ودي التالته بس كان من نوع اخر وجعع تاني وغريب علي بس م بكيت م عرفت ل م بكيت اتصلت ب لندااا جزمتي😍وينك انتي اووو عروس الموسم الشوووق يااخ يعني اتزوجتي ونستيناا كداا ..هههه معقول انساك انت الجزمةة بتاعتي يااخ ههههه جزمة اتي دي ي كلبة 😅لنداا انتي وين مضايقة حابة احكي معااك .مالك حبيبتي المضايقك شنو انا ف السوق عايزة اشتري لي حاجات كداا عشان ساامي قرر يجي يخطبني اخيرا😍..ووواااااي جااادة ل م كلمتيني يا كلبة.. انتي وين كنتي قافلة تلفونك وم حبيت ازعجك عشان انت عروس وكداا😉 ...(ياريت لو تعرفي الحصل لي م كنتي ح تقولي عروس)هههه خالد كيف صحي اااا اه الحمد لله كويس.. خلاص تعالي ل السوق نتلاقي هنااك ومنها تعزلي معاي حاجاتي وكداا.. م بقدر اطلع انتي تعالي ل ف البيت عازمااك موية😂 موية ي جلدة😂😂لو م عايزة افتح الله😂لا جاية دي موية عروس لازماني🙈 ههه تمام يلا سريع

بعد شوية لندا وصلت اتونساا كتيير كانت طايرة من الغرح عشان ح تتخطب ل سامي حب حياتا م حبيت احكي ليها عن الحاصل لي عشان م اخرب ليها فرحتاا وانا فرحتا ليها كتير لدرجة نسيت مصايبي مجرد م طلعت اكتساني الحزن تاني مشيت ع غرفة خالد لقيتو فاتح االابتوب وباين عليو الزعل كان بشوف ف صورة بت جميلةة جداا مجرد م جيت قفل اللابتوب سلمت عليو قلتا ليو ممكن اقعد قال ل اتفضلي قلتا ليو عندي موضوع حابة اتكلم معاك فيو ممكن ..قال ل ممكن

خالد انا عارفة من اول يوم من زواجنا انك م معاي وحاسة بتهميشك لي طوالي سكت ونزل راسو للارض عاينتا ليو وختيت اصابعي ف نهاية راسو ورفعتو لي وقلتا ليو خالد ارفع راسك وعاين ل ف عيوني انت راجل والراجل عمرو م بنزل راسو خليك شامخ وواجهني انا قوية استحملت اكتر من كداا وانا ختيت رمااد ع جروحي وضغطتا عليها وجيتك هنا فممكن تحكي لي الحاصل طلعني للنور ياخ وريني مصيري وانا وين وموقعي شنو عايزة اعرف منك

قال لي حاضر ح احكي ليك بس اوعديني م تزعلي وتقدري موقفي واقيفي معاي انتي اختي يااامل مش الاخوان بقيفو م بعض ف المحن اخخ من كسرة القلب من الكلمة دي بس مشيتا .. طيب يلا احكي وبدا يحكي وم كل كلمة بقولا لي كان بقتل كل الحاجات الحلوة الجواي وكل احلامي من الطفولة و بديت اسمعوو وهو بتكلم وقاال ...

يتبع.....