بحبك زي ما بحب جو الخريف

الجزء 05

قال لي انا لما كنت ف تالته جامعة حبيت لي بت من نفس كليتي بس هي كانت اولي يادوب اتلاقينا صدفة ف شرح وحبة حبة بقيت تجي اشرح ليهاا اي شي م فاهماو علاقتنا اتطورت من صداقة ثم حب حبينا بعض شديد ووعدتا اني اجي اخطبا لم اتخرج واشتغل وهي كانت مخلصة لي اخر لحظة كنت متامل انوو موضوع زواجنا داا يتنسي اصلا العرف ده ماف داعي ليو من اساسو مفروض نحنا كبار يخلونا نختتار الزول الحابين نعيش معاو لكن كبار العيلة اصرو وكلمتا بس هي م رضت قالت م عايزة ضل مرة قدام راجلا لما عرضتا عليها تبقي زوجة تانية بس ياامل م ح اقدر اعيش من غيرا حب 7سنة مستحيل ينتهي بالسهولة دي انتي لو كنتي عشتي التجربة دي وحبتي زول7سنة كنتي حسيتي بي وب معاناتي انا م عايز اظلمك كنت اتي ف النهاية بت عمي وف مقام اخواتي وم برضي فيك الشينة بس نحنا اجبرونا ع الزواج داا و انا متيم بيها ارجوك افهميني وقدري موقفي الله يخليك سكت وم عرفت ارد ب شنو بس اتالمت لما شفت عيونوو مدمعة والعبرة خانقاو حسيتو قدر شنو بحب البت دي حسدتها واتمنيت اكون مكانااا فعلا الدنيا حظوظ نحب الما بحبنا ولما نلقي البحبنا القسمة م بتجمعنا اه دنيا غريبة المهم طلعتا غرفتي قغلتا عليا بقييت افكر ف كلامو ضحكت لما قال ح تحسي بي لو حبتي زول 7سنين هو م عارف اانو انا من17سنة بحبو من ما انا طفلة عمر 5سنين عمري م نسيت اليوم داك يوم جيت كان الجو مغيم والدنيييييييا خريف كنت خايفة وحبوبة ماسكاني من طرف يدي وقالت ل اعمامي ونسوانم واولادم اسمعو هنا امل دي تاني بتي وانا ح اربيهاا م عايزة زول يزعلا ولا يسمعا كلام فارغ ويلا ي امل امشي العبي م عيال عمومتك وفعلا مشيت وبدينا نلعب فجاءة اسمع صوت الرعد والمطرة بدت تنقط خفت شديد جيت اجري خالد مسكني من يدي وقال لي ي هبلة تعالي م تخافي حبوبة قالت الرعد بعيد وم بجي للاطفال عشان نحنا بريئين والله بحرسنا انا هنا اطمئنيت وابتسمت لاول مرة من جيت و بقيت كل م اخاف من صوت الرعد بمشي اقيف جمبو حتي لما اتشاكل م اولاد عمي ويضربوني هو بجي بدافع لي حتي لو كنت غلطانه ولا م غلطانه بقا ل ستار وامان وحماية بقيت قليلة الادب وقوية وم بخاف من زول لاني متاكدة ح يقيف معاي ويضارب لي بس هو مافيش عيني م برفعا خوافة ساي😂💔يلا الاحساس داا كبر جواي م كنت فاهماو هو شنو بس لما كبرت وبقيت ف الثانوي حتي عرفت اترجمو وعرفت اني بحب خالد بحبو لحد الموت وبالنسبة لي عكاز عماي ..

اتذكرت الحصل ده ف لحظات بس رغم اني كنت صغيرة بس م نسيت كانو ربنا الهمني م انسااو عشان احبو بس قلت كلو ل خيير.. المهم قررته بعد معاناه انوم ..واصبح الصباح مشيت ل غرفتو لقيتو طالع الشغل لابس بدلة الشغل لونا اسود ب كرفته بيضاا دوبتاااا دوبان 😂🙈احييي ي قلبي م علينااا جيتو ي خالد اناا فكرته ف الموضوع بتاع امبارح امممم بلع ريقو اهاا قررتي شنو.. اني اساعدك طبعا اتفاجأ.. جادة ي امل اتتي احلي زول طوالي جاا حضني ل ووهلة كدا وو حسا ب نفسو ااتحرج😅قال لي اسف انفعلته قلتا لي م مشكلة وطوالي جريت🙈انا متعودة لما اخجل طوالي بجري م عندي قوة مواجهة😂😂طلعتا من غرفتو بديت افكر كيف اقدر ارجع خالد وحبيبتو لي بعض وبعد يعدي كم شهر ل زواجنا اطلق وامشي ل حبوبة اقعد جبنهاا للابد لانو انا داخلة ف لفة غلط وواجب علي اتخارج💔😂😂

بديت افكر وم عرفت اعمل شنو شلت تلفوني اتصل ل جزمتي😍لنداا م عندي زول غيرا يدبر معااي لندا دي حليف استراتيجي لي😂لازم ادخلا ف كل مصايبي ورفعت التلفون وانتظرت لحدي م دخل جرس ...

يتبع....