بحبك زي ما بحب جو الخريف

الجزء 02

عدت الايام والعرس اتحدد بعد 25يوم وبدت تجهيزات العرس الكتيييرة ديك واالشيلة جابوها ل الماخمج كنت مبسوطة شدييد صحبااتي بدو يوصوني اعملي داا وم تعملي داا صدعو بي يااخ😂بس فرحتي م كملت خالد كان م بتصل كتير خلال الفترة دي وحتي لو اتصل سلام م اكتر لزوم الواجب وكدااا بس قلت بعد العرس احتمال ربنا يحنن قلبو علي ويحبني واصلا داا الشي المصبرني ..وف لحظة سرحاني ديك حبوبة نادتني ي امل ي بتي تعالي عاد نسابتك جو وجابو ليك الدهب المهم م عرفت ادخل وين من الفرحة طوالي مشيت سلمت عليهم وجيت راجعة بعد شوية كداا مشو وجري عشان اشوف دهبي و حبوبة تشيل وتحضني اخيرا كبرتي وبقيتي عروس وتمشي تخلي حبوبتك وبدت موال البكي ههههه ي حبوبة بجيك كل يوم م تزعلي انا منو لي غيييرك ي جميل انت هههه يلا بكشي حبوبتك العجوز الخرفانة واضحكي عليها ..هههه حبوبة اتي لسا صغييرة ياخ حتي مفكرة اشوف ليك واحد من اصحاب العريس ديل نعقد ليك معانا 😂😂قوومي طيري من وشي ي بت بلا يبلاك

وعدت الايام وجااا اليوم المنتظر مشينا الكوفير انا ولندا وطلعت عثل بسسس 😍المهم خالد جاا ومشيناا الصالة والعرس خلص طبعا امي جات من السعوديةة وبكيناا كتييير لما جيت اوعدم كنت بين زعلانة وفرحانةة وركبناا العربيةة وبدت تبعد حبه حبه بقيت اشوف ناس حبوبة رهااب رهاااب وان شاء الله م يكون اخر وداااع

وصلنا الشقة الحنقعد فيها شهر العسل جيت امشي الحمام خالد قال لي طلعي العشا جعان قلت لي حاضر(زعلني طبعا بالله ف عروس بتخدم ليلة دخلته)المهم سكتا و مشيت جبتا العشا اكلنا ولملمت العدة ودخلت استحما وطلعت اتفاجا بيو ماف ف الغرفة قلت احتمال طالع وجاي غيرت وعملت ااي شي من ريحة العروس حسب م وصوني😌 لما اتاخر خفتا عليو قلت اشوفو مالو حصلت ليو شي ولا حاجة وطلعت بس اشوفو ليك راقد ف الكنبة بره ف االصالة ومتغطي وعامل نفسو نايم لما حس اني فتحتا الباب طوالي قغلتوو وم قفلتي ليو نزلت مني دمعةة حاااررة عرفتا انو خالد م لي وانو البينا مجرد ورقة من غير ااي رابط روحي💔💔 وعرفت انو هنا بداية ماساتي وحبي ليو زي جو الخريف وزي المطر بدي الفرح بدون م ينتظر ااي مقابل.. قعدتا ف سريري بدون روح بدون امل وبدون حياة قعدتاا ف ضوء اللمبة الخافت وبفكر ف المجهول ...

يتبع....