بحبك زي ما بحب جو الخريف

الجزء 06

ردت ع تلفونا بعد المكالمة التالته واتفقتا معاها نتلاقا لبستا عباية سوداء وطرحة سوداء وجزمة بيجية وشنطة بالبيج وكانت الحنة عايزة تطلع من يدي باقي اثراا بس ..وصلنا المحل الحنتلاقا فيو سلمت عليها عاينت ل من فوق ل تحت وقالت ل دي هسا خلقة عروس😒 .. لندا انا م عروس..كيف م عروس😳 ..عديل كدا م عروس لندا عايزة احكي لي حاجة بس م تتعاوري لي وتنفعلي فاهماني..امل قلقتي بي احكي سريع ..حكيت ليها كل الحاصل معاي فجاءة جات حضنتني لما نفسي اتكتم😂 وطبعا العالم كلو وجه نظرو لينا وبعاين 😅💔وبدت تبكي باعلي صوتا كيف يعني ي امل لي انتي عملتي شنو ف حياتك عشان يحصل ليك كداا انتي خالد ده بتحبي من عرفتك م عندك حاجة ف لسانك غيرو بتستخسري ف نفسك الاكل والشراب والطلعات عشان توفري من مصروفك وتشتري ليو هدية وتهديها ليو بالدس ل يعمل ليك كدا الحيوان الحقير التافه..بس حضنها دا حسسني ب طاقة م عادية حسيت ف زول ح يواجه معاي وانا م براي قعدتها ف كرسيها لندا شوفي انا اتختيت ف الامر الواقع خالد دا قنعت منو خلاص م ح يحبني م ح يحبني خليو يعيش حياتو مع البحباا ويعيش مبسوط انا اصلا م مكتوب لي الفرح وبعدين ح اكون مبسوطة لما هو يكون مبسوط وياحبذا لو الفرح دا يكون ب سببي انا ..امل انتي جادة!تستغني عن حبك بالسهولة دي وترمي نفسك ف النار كدا روحك دي م حقتك بتهون عليك بالسهولة دي دا لو سامي كنت ح اقرقشو ب سنوني ديل انتي مفروض تمشي بيتكم طوالي وترمي لي دهبو وحاجاتو ف وشو لقاك ف الكوشة هو وبدت تاني تبكي ههه لندا انتي مجرسة اكتر مني كدا لي انا راضية ياخ😂 ..امل م بهظر معاك لندا الموضوع حسمتوو انا واتي لازم نفكر ف حل عشان يرجعو وانتي ح تقيفي معاي فاهمة وجيت حضنتهاا وبكينا شديد ودموعنا اختلطو مع بعض لندا انتي الله يخليك ل بس ..وبعدا جيت راجعة البيت لقيت خالد قاعد بتفرج ف كورة سلم علي مبتسم وقال ل كيفك وكلمتو اني لاقيت لندا وبدا يتونس معاي لاول مرة بعد العرس يتكلم معاي كدا(ع قول انصاف البدورك ف مصلحة من يشوفك ليك يبتسم😂😂)..وحلف الا يعمل الشاي هو بس الشاي طلع رهييب عديل😍.. الزمن سرقنا مع الونسة لحدي الساعة11جات وانا نعست خلاص قلتا لي ماشة انوم مشيت صليت العشا ورقدته ف سريري غلبني انوم بديت اتقلب واتذكر لما كنا بنتونس وبنضحك ولما يحكي كيف بنفعل ويقيف وتاني يقعد ونظراتو واسلوب كلامو واي حاجة فيو 🙈 وفجاءة سرقني النووم من دون م اشعر ..ووباكر عندي موضوع طويل ومرهق ..

يتبع....