بعد تردد د.عمو خالد بداا يتكلم
-ما عارف اقول ليكم شنو بس انتو ناس مومنين بالقضاء والقدر امل ي بتي خليك قوية (وبدا يتمتم)
خالد:(بانفعال)ف شنو امل مالا عندها شنوو
-امل اعذريني ي بتي م كنت بتمني ف حياتي اوريك خبر زي داا بس انتي اتضح بعد الفحص عندك ككك ناا كانسر ف الرئة(سلطان ف الرئة)
اتووقف الزمن لمدة 5دقاايق علينا م حسيت الا وحبوبة واقعة وعمو كمال بصحي فيها وبنادي ف الممرضين عشان يرفعوهاا اما بالنسبة لخالد بدا يبكي ويتنحب زي النسوان انااا بقيت واقفة ف النص بعد شوية قويت نفسي ومشيت ل خالد حضنتو علي وبقيت اصبرو فجاءة لقينا المرضي البرة كلهم واقفين جمبناا و بدعو لخالد ربنا يشفيهو ويعافيهو ي بتي اصبري الله يرفع ليك راجلك وفي البتحسر صغير وجاهل وسامعة الجكس بقول وواي المز دا كلوو عياان ياحرام م يستاهل ياربي مالووو رقدوو سلطة طبعا(قايلنوو هو العيان😂)
.... حبوبة ودوها العنبر رقدوها هناك وادوها درب مشيت قعدتاا جمبها وبستهاا في جبينا وهي نايمة بس االمرة دي بقيت اعاين ف وشهاا اتعمقت ف ملامحاا لاحظتا لاول مرة للتجاعيد المرسومة فوق جبهتاا والسبيبات البيض الفي حواجباا لاول مرة اعرف انو حبوبة عندها شامة سوداا نهاية وشهاا واكتشفت انو حبوبة دي حلووة شديد😍 ....خالد جا بخطوات ثقيلة وحزين لابد حدود قمتا علي حيلي جريت حضنتو تاني وبكينا الااتنيبن و كاننا م ح نشوف بعض تااني واحساس الامان ف اللحظة دي لا يوصف برغم الحااصل..
د.عمو كمال نادانا ف المكتب عشان يتكلم معانا بخصوص العلاج وكداا
-ياامل ي بتي الطب اتطور وكل مرض وليو علاج ماتخافي واتوكلي علي ربك وانا ح اعمل كل الحاقدر عليوو ان شاء الله
واثناء م نحنا بنتكلم كداا جات الممرضة وقالت لينا حبوبة فاقت وبتسال عني وانا طلعتا مشيت ليهاا وخليت خالد وعمو بيتكلمو
خالد:حالة امل كيف والمرض اتطور لي ياتو مرحلة وفي امل تتعالج وتبقي كويسة
د.كمال:ياولدي م اكذب عليك امل بدت تدخل ف المراحل االمتقدمة من المرض مشكلة السلطان صعب الزول يكتشفو ف المراحل الاولي لانو بدايتو مافيو اي الم الا ف مراحلو المتاخرة وامل شكلهاا اتجاهلت الموضوع والاعراض الحستا
خالد:قول لي اي شي بس الا امل تموت ي عمي انا ممكن اعمل شي ح اسفرا برة تتعالج هنااك بس تبقا لي كويسة
د.كمال: انصحك بالسفر للخارج هناك الطب متطور هناا انا ممكن اقوم بالازم واكتر بس اجهزتنا هنا زي م عارف م حديثة هناك الاجهزة افصل ونسبة الشفاء اعلي لانو امل حاليا اتخطت مرحلة الكيماوي حلنا الوحيد عشان ننقذا لازم نعمل ليها عملية وباسرع وقت قبل الرئة التانية تتضرر وربنا يقسم ليها الشفاء ياولدي
خالد: ح تعيش صاح ف امل انها تعيش لانو امل لازم تعيش ي عمي
د.كمال:نحنا ح نعمل العلينا والباقي كلو ع ربناا ويستحسن تكون معاي هناا ف المستشفي عشان تكون تحت المتابعة لو حصل اي مستجدات وخليك متفائل ياخالد وقوي نفسك وشد حيلك امل محتاجة ليك
...رجعنا البيييت بس م زي كل يوم المرة دي كانت مختلفة عن سابقيتاا واول م دخلتاا مشيت اتوضيت دخلت غرفتي قغلتها علي وصليت ودعيت وفتحت المصحف وبديت اقرااا اتجاهلت كل اصوات البكا البره بتاع نسوان اعمامي والجيران وحبوبة اولم طبعاا حسسوني كاني متا خلاص .. الزول الوحيد الحابة اتكلم معاو حاليا لنداا هي الوحيدة البقدر افضفض ليها بدون قيود لندااا توومتي ونصي التاني بس ياتراا ح تستقبل الخبر داا كيف ...
يتبع.....
أنت تقرأ
بحبك زي ما بحب جو الخريف
Romance📝 بقلم: ف عتمة الليل والقمر ف قمة الشووق والشجن يااادووب مرااااكب ريدناا جاات وبداية نهايتناا اابتدت #بحبك_زي_ماا_بحب_جو_الخريف
