بحبك زي ما بحب جو الخريف

الجزء 16

امل مالك ي بتي م بتااكلي وعيونك شاحبة كداا اشربي الشوربة دي تسندك حبة

-حبوبة م عايزة

ي بتي نان لو اتشاكلتي م راجلك معناهاا تموتي كداا بكرة ربنا بهديو وبجي يصالحك

-م عشانو بس انا مرهقة م عارفة لي واما بالنسبة ل موضوع خالد خلاص انا قفلتاا صفحتو للابد وم عايزة زول يفتحا لي تااني

داا كلام زعل ساي بكرة لو جا تجري ليو جري هههه

-حبوبة انا عايزة انوم صحيني لي صلاة العصر طيب

وقبل م انوم جاتني لنداا

-اامل مالك قلقتيني عليك ي بت بتصل ف تلفونك ل يومين م بتردي واخر النهاية ماف زول رداا وتاني قفل جيتك بيتك ضربت الجرس كتير مااف زول فتح لي واتوقعتك تكوني هنا الحمد لله لقيتك ومالك شكلك عيانة كداا احكي لي م طببعية خالص انتي الحاصل عليك شنو

..احكي ليك لي عشان تمشي توري خالد

-اوري خالد داا كلام شنو وبعدين من متين انا قاعدة اوري بي اسرارك

ههههه من متين من اللحظة المشيتي قلتي لي انا بحبو من17سنة انتي عارفة زلتيني وصغرتيني قدامو قدر شنو ياخ انا القاعدة معاو ف بيت واحد م كلمتو تجي انت تكلمي لي لو عايزة اكلمو بعرف اتكلم والله وم ح اوكلك نيابة عن نفسي وع العموم ي حسافة عليك ي صحبتي وهسا اتفضلي لاني تعبانة وعايزة انوم

-امل دقيقة خليني افهمك الحاصل(مصدومة وبتبكي)

لنداااااا لا تفهميني لا افهمك اطلعي برة عايزة انوم انا م ح اكرر كلامي داا تاني

-ع العموم حبيت اعزمك زواجي انا وسامي وجيتك اشاركك فرحي (وهي بتبكي)

اممممم الف مبروك ربنا يتم ليك علي خير وبعد لندا مشت نزلت الدموع الكنت حابساهاا وانا بتكلم معاها وفجاءة حسيت بارهاق شديد لدرجة اطرافي نملو وبديت انزف من خشمي حبوبة جات تشاكلني عشان شافت لندا طلعت زعلانه مني لقتني بحالة تانيه بدت تكورت ولمت اعمامي ونسواتم والجيران😂...(حبوبة طبعا حسهاا عالي متفجرات بس)

بعد م عملو لي جلكوز(سكر وملح محلولين ف موية)وانا ارتحتاا حبة بس اصرو علي امشي المستشفي ل عمو د.كماال وفعلا مشينا وعملناا فحوصات عامة وبقينا منتظرين النتيحة ..

...

&خالد ولولا قااعدين ف شقتم الجديدة ولولا تشيل وتتكلم وتحكي بس خالد م معاها حستو سارح بعيد عرفت انو بفكر ف امل ا وعايزة بي اي طريقة تبعداا من تفكيروو وتجذبو ليها بس بطريقة زكية

-بيبي رايك شنو اعمل ليك الجاتو بالفراولة البتحبو انت ومن يدين حبيبتك وكمان عندي ليك مفاجاءة حلوة ح تعجبك الليلة