بحبك زي ما بحب جو الخريف

الجزء 10

صحيت الصباح ما قدرته اقوم علي حيلي كنت تعبانة شديد خالد جاني ف الغرفة قال ل صباح الخير افتقدتا كباية الشاي البتلحقيني ليها ف الباب وكركبتك ف المطبخ البتصحيني بيها كل يوم دي ..ابتسمتا ليوو ..امل مالك الليلة معرقة كداا ..جا لمس راسي..داا شنو انتي محمومة كداا لي البسي توبك نمشي الدكتور ومن متين محمومة ول م اتكلمتي ...خالد اانا كويسة مجرد حمة بس..لا م كويسة عايني نفسك شاحبة كييف قلتا ليك ارح الدكتور دا امر ما اقتراح يلا قومي البسي مسافة اسخن العربيية .. لي اول مرة حسيتو خايف علي كداا استغربته لانو م كان خوف طبيعي بس قلتا اكيد مشاعر شفقة م اكتر

لبستا توبي مشينا العيادة الدكتور فحص لي و قال دمها بسيط وم متغذية كويس م عندها شي تااني لازم تهتمي ب نفسك وصحتك وانتو عرسان لما يكون البيبي جااي يلقاك هلكانه كداا وقعد يضحك نظام بتظارف وكداا طبعا قربت ادمع عشان انا من زمان كان نفسي يكون عندي طفل من خالد وشبهو وخالد طبعاا اتحرج شديد( الدكتور صاحب خالد قرا معاو الثانوي هو قرا طب وخالد هندسة)ادانا فايتمينات ومقويات ..طلعنا من العيادة خالد غشا كفتيريا شاال اكل وعصاير ورجعنا البيت اجبرني ع الاكل واكلني ب نفسوو وجاب لي ادويتي بلعتهااا وقلت ليو تصبح ع خير قاال لي الليلة نومي معااي ف غرفتي عشان لو تعبتي او احتجتي لي شي بالليل اكون جمبك قلتا ليو لا انا كويسة وتعبانه م اظن اصحا واطمن لو احتجتا شي بتصل ليك خلي جوالك فاتح حسيتو زعل وقال لي طيب ح اامر عليك كل شوية اطمن عليك ..ومشي كلو واحد ع غرفتوو ..

كااان نفسي انوم معاو وف حضنو بس م ح ينفع ف النهاية مشاعر شفقة منو وسعادة موقتة م حابة اعيشا عشان ح تعذبني اكتر ف الفراق واصلا بديت اتعمد اني م القاو واتجنب نظرات عيونا لما يتلاقو حتي ريحتو بقيت اتجنب اشمهاا بقيت احاول ابعد منو بكل السبل كداا افضل لي وليهوو و

ختيت راسي بالمخدة وفكري يودي ويجيب ويااعالم بكرة الحيحصل شنو

يتبع....