بحبك زي ما بحب جو الخريف

الجزء 17

زي الساعة4:30كداا واثناء ما انا بصلي ف صلاة العصر كداا خااالد جا سامعة صوتو برة بتكلم مع حبوبة وم كنت حابة اتكلم معاو لولا حوبة جابتو لي ف غرفتي(احييي ي حبوبة😂😂)

دخلتو وحبوبة زولة فاهمة طلعت خلتنا برانااا

-امل كييف

تمااام

-(مدنقر راسو للارض م قادر يعاين لي ف عيووني) امممم م عارف اقول ليك شنوو انا ي امل اس

(قاطعتو)م تقول حاجة ي خالد انا وانت ماف حاجة بينا تتقال وصحي وينا ورقتي القلتا حتجيبا لي ف اقرب فرصة وان شاء الله الفرصة دي حتجي متين منتظراها بفارق الصبر

-خالد(صوتو ملان عبرة وخلاص عايز يبكي)امل بس اديني فرصة اسمعيني فيهاا

اديك فرصة!! ليي انت المرة الفاتت اديتني فرصة ولا سمعتني كل العملتو ضربتني وطردتني حتي م راعيت لي عمك الميت دا هه بلاي خلي الميتين انت ل بتو اليتيمة الحبتك 17سنة ي خالد م راعيت -امل بس اسمعيني ابوس ايدك اسمعيني واحكمي (وبدا يبكي)

خالد م عايزة لا اسمع ولا احكم ولا يحزنون نحنا انتهينا خلاص هههه و هو اصلا نحنا بدينا عشان ننتهي و حاليا كل العايزه منك ورقتي اخر طلب مني ليك وتاني حاطلع من حياتك بكل هدوء زي م دخلتها واطمنك م تخاف ما زول من العيلة ح يعرف سبب غير انا وانت م اتفقنا وخلاص

-م ح اقدر ي امل

ح تقدر ولو سمحتا اطلع برره

-امل

خالد بره

-حاخليك تهدي شوية ونتكلم مرة تانية بس ياامل بقيتي قاسية وكانك ماا انتي

💔💔

طلع وطلعت رروحي معاااو

-بديت انزف تااني من خشمي وحسيت بجسمي بدا يتورم والارهااق ماشي زايد علي بقو علي اتنين الم نفسي وجسدي وفاضل يوم ونتيجة االفحص تظهر بس يارب اجعلو خيير

&عدااا اليووم دااسريع وجا اليوم البعديو يوم النتيجة

مشينا المستشفي لي عمو كمال واثناء م نحنا كنا قاعدين منتظرين دورناا اشوف خالد جاي من بعيد جاي داخل ومتجه عليناا(نبضات قلبي بقو ماشين ف زيادة❤)

-حبوبة لي كلمتي خالد

ي بتي دا راجلك لازم يجي ياهو سندك ف الدنيا دي م تقسي قلبك عليو

-ااي بس ياحبوبة كان تستشيريني حتي تكلمي

ي بت هوووس كلمتو وخلاص سدي حلقك ياهو وصلنا م يسمعك

*السلام عليكم

وعليكم السلام ياولدي ان شاء الله طيب

*الحمد لله يمة كويس امل كيفك وبقيتي كيف

- تمااام

تاني ندهو اسمي عشان ندخل للدكتور

كنا كلنا متوترين حبوبة وخالد اكتر شي وانا اخف منهم(م عرفت العيان منو فيهم انا ولا هم😂😂)

بس الماطمنا توتر عمو كمال(الدكتور) وكان خايف يورينا النتتجة وف وشو بانت هموم الدنيييا كلها وبقينا ف حالة خوف وصمت رهيييب هنا انا عرفت انو الجايني دا م هين وحادخل مرحلة تاانية في حيااتي وشكلهاا ح تكون مرحلة صعبة علي بس م اظن ااصعب من الانا مريت بيووو ....

يتبع.....