بحبك زي ما بحب جو الخريف

الجزء 21

وف طريفنا للمستشفي شفت محل بيتزا قلتا لي خالد انا عايزة اكل بيتزاا 😍😍..لندا:دايما نفسك فاتحة😂😂..خالد:لو بتعزمينا انتي انا م عندي اي مشكلة ..انا:خالد م بتخجل انت قاعد مرتك هي التدفع😂😂 ...من قلتا كدا طوالي فرمل وركن علي اليمين وعاين لي ف عيوني شديد اول مرة اقول الكلمة دي اول مرة نحس اننا راجل ومرتو مع انها اتقالت عفوآاا ومن دون قصد بس كانت حلوة ومعبرة ❤..خالد ابتسم لي وهو بعاين جوا عيوني وانا طبعااا م عرفت امشي وين وااي من الخجل والعولاق😂🙈لاول مرة احس انو خالد بدا يتقبلني ..المشكلة بحس انو احلامي بدت تتحقق بس م عندي رؤية مستقبلية ليهاا عارفين يعني شنو حياة بلا احلام دي الحياة الانا بقيت عايشاهاا ومعاصرهاا حياة جامدة وباهته ومافيها اي الوان زي افلام الابيض والاسود ..

خالد :يلا انزلوو وصلنا المحل بس سريع م ح نتاخر

انا:خالد انت مالك واقف لينا قصبة ف حلقناا ااي شي ممكن استعجل فيو الا الاكل😂

لنداا:انتي ي امل خايفاك تاكلينا لو م لقيتي ليك اكل😂

انا:اطمني م باكل نواشف😂

امل:فعلااا م ممكن نواشف تاكل ليها نواشف احسن تغييري🌚

انا:يلا مووتي وادردقي اسوي بيك شنو😂

لنداا:😒سخييفة

خالد:ي بنات بطلو نقاار هسا برجعكم

لا ي خالد خلاص اسفين ومشيت بوووست لندا ع خدهاا نظام بعتذر ليهاا وكدا وهي لسا مهنبكة وزعلانه😂

لنداا طبعا بتتغاظ سريع خصوصي لما اقول ليها نواشف بتغيظا الكلمة دي بس قلبها لبن مدة زعلا5دقاايق بس وبترجع😂..دخلناا المحل وطلبنا البيتزا انا اصلا م نفسي في بيتزا ولا حتي اي اكل بس حبيت اعكس اني كويسة وقوية لاني شفت ف عيونم الشفقة علي م عايزة زول يشفق علي عايزاهم يعاملوني طبيعي زي اي زول حبيت اكسر نظرتم المكسورة لي حبيت ابين اني لساا بخييير انا لساا ثابته وم اتهزيت وحاكون ثابته وح اناضل للنهاية ..طلعنا من المحل وانا خلاص حسيت بالتعب اتخلخل جواي واستوطني بقيت اشيل حيلي بالقوة وم احسسم اضحك بالقوة واهظر واتكلم واتعاور عملتا حاجات فوووق طاقتي اكتشفتا نفسي بارعة بالثمثيل .

...&عدت الاايام سريع وجا يوم السفر مشينا االمطار اتفاجئتا ب كل دفعتي منتظراني هناك وبدعو فيني ودعو لي ارجع بالسلامة عداا لندا كانت واقغة مننا بعيد بتعاين لي وبتبكي بس انا جريت عليهاا وحضنتها وطلعت من رقبتا سلسلة (دلايتاا عبارة عن جزئين دائرين بتفتحو و بتقفلو مع بعض ف واحد من الدائرة مختوته صورتي والتانية صورتا)

-تتذكري يامل السلسلة دي لماا اشتريناهاا من محل الهداياا داك والاتنين اتشبكناا فيها واحترنا منو الحتلبسا فينا وف النهاية عملنا قرعة ووقعت علي خلاص شيليهاا معاك عشان تتذكريني بيهاا وح انتظرك ي امل اياك تخزليني وم ترجعي ...