رميساء ناضت ليه وتاهو وقف بعد: ومازال زايد فيه..معامن تشاورتي لمك..اويلي عمري غنيت قدام شي حد غنغني قدام لا فاك كاملة ..اويلي على المسخوط ولد الحرام..😭😭
جينيونغ: غير جربي ماصعيبة غير البدية وانا عطيتها الكلمة متقولوش لا...
نور: انا موافقة..رميساء هادشي فرصة اصاحبتي صوتك واعر غير تيقي فراسك.😋😋.
رميساء جلست: ماعرفتش وبعدا الدراري موحال يبغيو.
نور: يبغيو علاش ميبغيوش..
رميساء: من نيتك..بحال الى مكتعرفيهمش..
نور: صافي خليهم عليا..
رميساء: غنشوفو هاد الحريرة فين غتوصلنا..😤😤
جينيونغ: معندك مناش تخافي راه كايينين وحدين اخرين غيبريفورميو تاهما..وحتا انا معاكم..
رميساء:صافي غير سكتنا .😤😤.
نور شافت فالساعة مهم انا خارجة..
رميساء: فين ؟ تسناي ها ياسر جاي يرجعنا..
نور: لا عندي شي غراض ...
رميساء: وتسناي تا انا خارجة ..
ناضو البنات سلمو على جينيونغ..وخرجو...ووقفو برا قدام لا فاك..
رميساء: شنو هاد الغراض لي عندك ؟
نور: عندي موعد مع عماد..غنولي نتبع معاه...
رميساء: بالصح..كيفاش حتا بدلتي رأيك.😮..
نور: غير دايرا لخاطر لياسر وزاين..
رميساء: اااه بالصراحة مزيان منين وافقتي..
نور: شنو زعما حتا نتي كيبان لك بلي انا ماشي طبيعية.
رميساء: لا ماشي هكاك غير المشاكل لي دوزتي فصغرك ممكن يأترو فك راك شفتي خالتي سمية مسكينة..ونتي فاي وقت ممكن تكوني ام يعني خاصك تتستاعدي لهادشي..مهم نتي غير تبعي معاه مزيان وراه عماد دكتور ناجح هو لي عاوني حتا خرجت من الازمة لي عاودت لك عليها تانا مبغيتش نتبع معاه وهو لي قنعني..
نور: ممم زعما الى فالمستقبل ولدت بنت واش غيوقع ليها كيفما وقع معايا؟
رميساء: بطبيعة الحال لا..نتي مختالفة عليها و عاد غتبعي مع عماد وغيكون كولشي مزيان احبيبة ومتنسايش حنا كولنا مساندينك ومعاك😋😋..
نور عنقاها: شكرا بزاف احبيبة..
رميساء: شحال عندي من نور الهدى انا ..سوبر وومن ديالي...ههه
نور: ههههه حمقة..😄😄
رميساء: ها راجلي جا😊😊...
ياسر وقف بلوطو وخرج عندهم سلم عليهم...
ياسر: حبيباتي ..مالكم معانقين انا ماعلياش الله..
نور عنقاتو: هههه ها ديالي..
رميساء بغات تقرب: وها ديالي..
ياسر: لا خلي ديالك نتي حتال الدار.😜.
رميساء خبات وجها بشعرها ونور بقات كتضحك..
نور: رخف ليا على صاحبتي نتا ...شوف مسكينة كيف تزنgت...
ياسر: هههه وينو كتحامي على صاحبتها.😂.ياله ركبو..اجي عندك دابا رونديفو راه عاد عيط ليا عماد..
نور: اااه غادة دابا..
ياسر: ياله ركبي نوصلك..
نور: لا غنمشي فتاكسيي...غير سيرو نتوما ..
ياسر: متأكدة...
رميساء: غتمشي بوحدك ؟ تي خليه يوصلك..
نور: غير سيرو اصلا ماشي فطريقكم..
ياسر باسها: واخا احبيبة انا من بعد غنعاود نعيط لك..
نور: اوكاي..
رميساء: باي حبيبة😊..
نور: باي..
ركبو ومشاو ..تيلي ديال نور كيصوني..
نور: الو حبيبة ..
زاين: غزالة ديالي ؟ فينك؟
نور: قدام لا فاك ..غنشد تاكسي نمشي لرونديفو..
زاين: تسنايني غنجي..
نور: بلاش ازاين عندك الخدمة اصلا انا وقفت تاكسي دابا منين نسالي نعيط لك..
زاين: واخا ...مهم بيناتنا تيليفون😊 ..
نور: باي
زاين: باي حبيبة...
ركبات نور فتاكسي حطها قدام المصحة لي خدام فيها عماد ..كانت مصحة كبيرة للامراض النفسية..بريفي وماكايجي ليها غير شكون وشكون...
دخلات سولات ريسيبشن على جناح عماد نعتات ليها وطلعات فالدروج حيت كتخاف من الاسانسير..وصلات ودخلاتها اسيسونت..
عماد: اهلا اهلا..
نور: لاباس😊.عماد: حمد الله مالك كتنهجي..
نور: طلعت فالدروج..ههه.ناري مكيتقاداوش سخفت..
عماد: وملك مطلعتي فالاسانسير ؟
نور: مكنحملوش.😒.
عماد: مممم وكتخافي من العلو ؟
نور: اه ...عماد: حتا جيداء بحالك ..هاد الفوبيا شائعة..ولكن ههه تانتي غنديرك فبالي.😏.
نور: كيفاش غديرني فبالك.😳.
عماد: من بعد وتعرفي 😏...
نور: اوك..
عماد : بنتي ليا شحفانة بغيتي شي عصير..
نور: وي الى كان ممكن..
عماد: هي الاولى..
عيط لهاديك وجابتو ليها..
عماد: ايوا دابا اجي معيا..
ناضت نور تبعاتو خرجها للبالكو ديال المكتب كيطل على الجريدة ديال المصحة..كان داير فيه جليسة زوينة وكان كرسي على شكل رولاكس ..
عماد: ياله ترجاي ليا هنا..
جلسات نور وترخات كيف قال ليها...وجلس هو قدامها.
بقا كيشوف فيها شوية وقال..
عماد: نور عاودي ليا على حياتك ..كان شاعل التسجيل قدامها ..وجالس عادي بحال الى غير كيدردشو وهادشي ميحسسهاش بلي غير كيدير خدمتو..وهي تاخد راحتها اكتر...
نور: ممم منين غنبدا..
عماد: منين ولداتك الوالدة ديالك...
نور: اوكي...انا منين تزاديت لقيت عندي ام واب واخ....وعاودات ليه من طق طق حتال السلام عليكم..كانت كتعاود ونبكي وتنخصص وهو مخليها على راحتها وكل شوية يمد ليها كلينيكس اولا الماء ...
عماد: هادشي لي دزتي منو ماساهلش ونتي قوية انور ..هادشي ممكن يعرفو الواحد من اول لقاء ..خاصك تحملي مازال..الدنيا راها كولها مشاكل..ولكن الطريقة باش كتواجهي مشاكلك ..ماشي صحيحة..
نور كتمسح دموعها: كيفاش ماشي صحيحة..
عماد: قولي ليا بعدا علاش كتحتافضي بمشاعرك و مشاكلك داجل علاش نتهربي ومكتواجهيش..
نور: الى تشكيت غيبدلو ليا شي حاجة اولى غدي يرجعو ليا هاد السنين كاملة لي ضاعت وانا محرومة من حنان الاب والام..ياسر خويا الشخص الوحيد لي كان ضامني لصدرو من غيرو مكانش..عشت الوحد منين مشا للكوريا عشت سينين بوحدي كنعس ونفيق بوحدي في حين ماما كاينا وعايشا انا وياها فنفس المدينة..ولكن مقادراش ماقادراش نقرب ليها ولا نحس بيها مستاعدة ندير اي حاجة غير تعنقني وتقولي بنتي...
نور كانت كتهضر حتا دخلات فحالة هستيرية ..كلامو جدها وبدات كتهضر وكلام يجبد لاخر وهي منتابهش بلي بدات كتفتح قلبها..
عماد قرب ليها ومسح دموعها: صافي صافي ..بركة عليك اليوم ...*نوضها * اجي معايا..
ناضت وجلسو فالمكتب ..عطاها كلينيكس مسحات وجها والكحل لي داع ولات كولها حمرة..
عماد: حصة اليوم دازت مزيانة ..بداية موفقة..مهم الحصة جاية نديروها نهار الخميس اش بان لك ..
نور: اوك..مهم انا غنمشي دابا..
عماد: اخي غنهبط معاك..😊.
داز من حداها وحط ايدو عل كتفها..كيطبطب عليها..
غير حلو الباب بان ليهم زاين غادي جاي ..غير حلاو الباب شاف فيهم زاين ..بقا كيشوف فنور لي وجها دبل على كيف كان فالصباح..
شافها وحل دراعو ليها وهي قربت ليه دفنات وجها فسدرو وتاهو خشاها فيه خباها بين ضلوعو كيبوس راسها ويدوز ايدو على ظهرها..شاف فعماد وعماد غمض عينيه وفتحهم..هضرو غير بالعينين ..مسح زاين ليها عينيها وقال ليها تصبقو للوطو..
هي مشات ..
عماد: بلا متشوش عليها البداية كانت مزيانة ..ضروري مغدوز من فترة خايبة فالاول ولكن ان شاء الله غيكون كولشي مزيان😊..
زاين: يعني حالتها مصعيباش😔😔..
عماد: كون هاني من جيهتها..
زاين: واخا شكرا بزاف اصاحبي...
عماد: ولاش كاينين صحاب ياله تلاح ..
زاين: هههه الله يعون..
هبط زاين بجرية ..حل اللوطو لقا نور باقا كتبكي..
جرها لعندو وبدا يطبطب عليها..
زاين : وباراكة راك طيبتي ليا قلبي..دموعك غاليين عليا احبيبة😔😔 ..
نور: ماشي بايدي مبغاوش يحبسو😭😭..
زاين كيلعب فشعرها: بغيتي نبدا نبكي ليك تانا هنا ونقلبوها مندبة..
نوربعدات وبدات تنش على وجها : صافي انا غنسكت..اهئ اهئ باقي فيا البكية..وبدات تبكي تاني..
زاين بقا كيشوف فيها وكيعض ضراسو: لهاد الجرجة هادشي متقل عليك..
نور: سمح ليا ماشي بايدي..
زاين جرها لعندو وعينيه غرغرو: بكي حتا تشبعي احبيبة انا معاك..بقاو هكاك حتا حس بيها بدات تعيا..
زاين: بغيتي نمشيو لشي بلاصة؟
نور: وخدمتك؟
زاين: بقات لبويا غير الخدمة دابا نتي الاولى..
نور: لا غير سير لخدمتك..انا غنرجع للفيلا..اصلا ياك كنتي فالخدمة اش جابك..
زاين: بقا بالي مشغول علك مقدرتش نصبر ..
نور: اممم صافي غير سير لخدمتك..غنرجع للفيلا اصلا حاسة براسي عيانة ..
زاين: صافي غنرجع معاك..الى مشيت للخدمة غنبقا حتال العشية ومغنخدمش فخاطري.😒.
نور: ايوا صافي ديني معاك😋..
زاين: فين ؟ للكوميسارية 😮؟
نور: اه ..
زاين: لاواه السمقمق..😤.
نور: واللهتا ندير عقلي ...منها تخدم وهاني معاك فبلاصة متبقا مبرزط معيا..ياك عندك الخدمة غير فالكوميسارية اليوم ؟
زاين : اه..
نور: ايوا صافي معندك لاش تقول لا..
زاين: افف واخا ...
ديمارا زاين لوطو..وصاg باتجاه الكوميسارية..هي شعلات الموسيقة وبانت ليها بواط ديال لوطو حلاتها..
زاين: سدي تما اش بغيتي فيه😤😤 ؟
نور خشات ايدها وجبدات الفردي..😱
زاين : سدي هاداك اش بغيتي فيه ؟
نور: اووووه ادن هنا فين كتخبيه..
زاين: رجعي داكشي ماشي ديال اللعب ...
نور: تقييل..واش عامر ؟
زاين: نجربو فيك تشوفي واش عامر؟ تي رجعيه من البسالة..
نور بغات تجهلو...حطاتو على راسها..وشافت فزاين..
نور؛ زاين بسلامة..
غير قالتها وهو يحبس الطوموبيل حتى مشات وجات وتسمعات زيييييط فوسط الشانطي وناس غدايزين بلوطوات وهما واقفين الوسط...
زاين نطرو من ايدها :واش لمك جهلتي...واش حاطاه على راسك واش باغا تقتليني...
نور: calm down i was joking
زاين: الى joke بالنسبة لك فانا لا..وكن فلت لك الزمر اش غندير فراسي انا اش غندير ؟ راه بوليس معنا وكيغلطو ..بقا غير نتي..
نور : صافي سمح لي انا غير بغيت نضحك معاك..
زاين خنزر فيها ورجع كيسوg ...وحجبانو مقرونين وكولو حمر بالغوات...هو سايق ونور كل شوية كدور عندو..كتبغي تعتادر تاني وكتراجع حيت باينة معصب ..
وصلو قدام الكوميسارية هبط وهي تابعاه لي داز من قدامو كيدير ليه التحية وزاين غادي بمشيتو الرجولية كيف العادة مخنزر معاجبو حال..كولشي داير ليه الحساب وكيحتارمو..
دخل للمكتب ديالو وتبعاتو نور سد الباب وجلس فالبيرو ديالو...ونور غير واقفا كتشوف فيه كتشوف كيفاش تراضيه عرفات راسها زبلاتها معاه...
هز شي وراق كيقلب فيهم..قربات ليه نور خيداتهم من ايدو وجلسات فوق رجليه وعنقاتو بايديها..وخشات وجها فعنقو..
نور: زاين عافاك سمح ليا والله مقصدت نقلقك..مكيعجبنيش فاش كتقلق مني وكتجاهلني..
زاين: نتي ديريها قد راسك وجي تخشاي فيا..
نور: صافي سمحتي ليا..
زاين دور راسو زعما لا..
نور باستو فحنكو..
نور: ودابا..
زاين دور راسو تاني..
نور عاودت باستو ولكن قربت لفمو..:ودابا ؟
زاين عاوتاني نفس الحركة..كيقلب على حاجة اخرى
بقات هكاك حتا وصلات لفمو...وهي تشدو من حناكو ب2 وهي تجمعهم وباستو في فمو كتحيد فمها تشوف فيه وتعاود تبوسو طيباتو مسكين..
نور: واصافي متزيدش فيه ..على انا نتاحر ونخليك ورايا امبوستاحيل ...الى مشيت شكون غيحمقك..ويخليك تابعو كتجري بالكلاكيطا..
زاين تهز بديك الضحكة الرجولية ومرجع راسو لور وتفاحة أدم طالعة هابطة..
زاين: هههههه عارفة راسك محمقاني بعدا..
نور: حتا نتا ممخليش من جهدك..
زاين: مالك لي بغيتيها كتاخديها ..راخي ليك اللعب ممزمتكش...اش بغيتي اكتر..سيري طلي على الناس كاين لي كيتزوج كيدير لمرتو الزيف وكاين لي كيحجبها مكيشوفها غير هو ..كاين لي كيgلسها من الخدمة والقراية gاع..
نور: اشنو زعما غدير ليا هادشي..
زاين: ههههه عارفك الى درت لك هادشي عاد مغتجهلي وتصعري وتزيدي فقباحتك..اللهم خليك هكا ..
نور باستو فحنكو: نموت فراجلي انا..
زاين: وينو على راجلي ..عاودي قوليها..
نور: راجلي وحبيبي وقلبي وعمري وحياتي...
زاي شد قلبو: احح اقلبي بغات تسكتك ليا..
نور: يسكت لعدوك لي ميبغيك...
زاين: لا لا هادشي بزاف عليا مبقيتش قاد..حلاوتك زايدة وغتقوتليني بيها مفيهاش..
نور: هههه
جرها زاين ودخلو فقبلة ..حتا دق شي حد ودخل ..كان واحد من البوليس لي تما غير شافهم وتوتر..زاين تعصب جر وجها خباه فسدرو وصعر ..
زاين: مالك مدرم ..قلت لك دخل؟
.....: سمح لي شاف ..
ضرب الدورة وخرج سد الباب..
نور: ههههه قبيح..
زاين: واش كيسحابلك كنلعب معاهم هنا كيفما كنلعب معاك ...هاد الخدمة كتبغي الصرامة والانظباط..
نور: هادشي لي كيعجبني فك..كدير لكل حاجة بلاصتها مكدخل شي فشي..
زاين: زيدي مزال اش كيعجبك فيا اخر..
نور: لا هادوك اسراري بيني وبين راسي..
زاين: اهااه..ونوضي عليا دابا ..خليني نخدم..واكلة بعدا؟
نور:كليت فلا فاك ؟
زاين: عارف ديك كليت ديالك كيف دايرة..
عيط لهاداك لي برا ووقاليه يجيب من المكعم لي قدامهم شي سالاد وسوندويش الكفتة وعصير ..
نور: وزيد معاه الشكلاط..
زاين: هههه راك غتغداي اش من شكلاط الله يهديك..
نور: جيبو ليا ماشي سوقك..بغيت سنيكرز وكيتكات ..
زاين: تآمر الميرة ديالي بشي حاجة اخرى..
نور: لا غير هادشي..
زاين: صافي جيب ليها هادشي ..ومتعطلش..
....: واخا شاف..وخرج..
زاين: وسيري جلسي تما خليني نخدم..
نور: واخا..
جات تنوض وعاود جرها لعندو...
جات تنوض وعاود رجعها لعندو ..سرق بوسة وناضت كتضحك..هو خدام وهي كتدور تبقشش ليه فالمكتب عامر بالتخربيق تهز هادي وهادي مخلات تاحاجة فالتيقار وكل شوية تسول على شي حاجة..
جلسات فالفوتوي قدامو..تقابلات معاه ..كتشوف فيه مركز مع خدمتو..والمكتب كولو ابيض مضوي وذارب فيه الضو...كان كيبان وسيم وهو كل شوية يحك لحيتو ويرجع شعرو بايدو ...
نور كتشوف فيه وكتبتاسم..نتضت خدات ورقة وقلم ورجعات لبلاصتها دارت رجليها فوق الطبلة ...وبدات ترسم فديك اللوحة لي قدامها..زاين عمرو فشل فانه يلهما ويجعل عندها رغبة انها ترسمو كولشي فيه كيجدبها..بقات هكاك ..صقلو ب2 وكل واحد مشغول بداكشي لي قدامو..
حتا دق هاداك وقاليه زاين يدخل..عطاه داكشي وخرج..
زاين: نور ..
نور مهياش هنا كترسم مرداتش لبال لتعياط ديالو
زاين: والقايدة..تجمعي gلسي مقادة ..اش كديري..
نور: ها ؟ والو اش بغيتي..
زاين: هاكي غداك..
نور: ونتا ؟
زاين: غير كولي انا واكل..
نور ناضت وخدات من عندو ورجعت لبلاصتها كتاكل ولايحة رجليها فوق الطبلة مفرعاهم..
زاين: هههه هأديت الgلسة كتخليني نفكر فشي امور..
نور: ههههه ديها فخدمتك المنحرف...
زاين: وهي الى gلستي مقاد راك كتشتتي ليا التركيز..
نور تقادت: ها هي ..
زاين: هههه حمقة..
نور بقات هكاك يالت ماكلتها جمعات داكشي لاحتو ..وكملات رسمتها..وغبراتها فساكها ..وبقات كتدور حداه..وجلسات ليه فوق البيرو..
نور: اش كدير..
زاين: غير كنعمر شي تخربيق ..
دق شي هاداك..
....: شاف كاينين واحد 2 مدابزين جابوهم دابا..
زاين: دخلهم..نور تgعدي gلسي لور منسمعش حسك...
ناضت نور متجاوبتش معاك..جلسات تما فين قال ليها ودخلو دوك 2 حالتهم حالة كانو مضاربين..وقفوهم قدام زاي كيترعدو حيت فايت ليهم جاو واحد المرة من قبل عندو..
زاين: مالنا نتوما اش كاين..
.....: والله اشاف مدرت ليه شي حاجة ديما كيتاهمني بلي كنسرق ليه السلعة ..
.....: اييه كتسرقها ناس شافوك..
....: شكون هاد الناس وريهم ليا..
.....: بلا مدير ليا فيها بلي شريف وديك راني عارفها..
.....: *شنق عليه* انا بزاف عليك الحيوان ..
زاين: واهيا نتا وياه واش يسحابليكم باقين فسوق طلق منو نتا وياه..
هما مسمعوش وهو ينوض ليهم عطا لواحد للوجه طيحو راعف ولاخر ضربو للرجل ركلو حتا عواجت ليه الوقفة..
زاين: لبوكم الكلب انا كنهضر ولا لا ..السيبة عندي هنا اولا اشنو..
نور لور غير حالة فمها فيه شخصية اخرى عند زاين..شخصية قبيحة و عدوانية..بقات غير مقنتة تما كتشوف فيه كيسلخ فيهم...
زاين: اش غندير معاكم نتوما هاد 2 كل مرة جاييني مدابزين على شي مصيبة..وكترونو الدنيا مهرسين الجاج والحالة داكشي تاع باكم...ديك المرة دوزتها ليكم هاد المرة غنهبط والديكم فين ترباو...
.....: الله يرحم لوالدين واللهما نعاودو...
......: سمح لينا اشاف واللهما نعاودو ..مبقيناش ندابزو..
زاين: اجي هبط عليا هادو..
جاو داوهم...وزاين رجع جلس ..هز راسو يشوف نور لي نسا وجودها ..لقاها مكمشة تما كتشوف ..ناض زاين لعندها..وجلس حداها..
زاين: هههه مالك قلستي..
نور: مماليش..
زاين: هههه شفتي وجهي لاخر..
نور: اصلا كانت عندي فكرة على وجهك لاخر اصلا متوقعة منك..
زاين: كيفاش متوقعة مني ؟
نور: زعما فاش كتعصب عليا كتولي واحد اخر ..ولكن لاحظت ههه هاداك الضرب لي كتعطيني راه والو قدام هاد القتلة لي عطيتيهم...
زاين: هههه علاه نتي تقدي على هاد الضرب اصلا حبيبة منقدرش نأديها داك الضرب غير ضحك بالنسبة ليا..
نور: اممم ...حطات راسها على صدرو..وزاين كيدوز ايدو على راسها ..
زاين: مليتي ؟
نور: لا
زاين: هزي لوطو ورجعي للفيلا غنرجع انا فتاكسي..
نور: غير خليني معاك ..
زاين سكت وبقا كيدوز ايدو على راسها ...
نور: دورني فالكوميسارية..
