نور دورني فالكوميسارية..
زاين: ههه وراك ذايرا فيها ما مرة ما 2
نور: هههه ولا دوك المرات غير...بغيت ندور ونشوف البلايص لي هنا كيف دايرين..
زاين: تكمشي لا ..
نور: واعافاااك ...واللهما ندير شي مصيبة كنواعدك..
زاين بقا كيشوف فيها: كتواعديني..ديري شي حاجة واللهما نعقل علك...
نور: واخا..
زاين: زيدي..
خرجو من المكتب ..وهي شادا دراعو وهو لي داز من حداه كيدير ليه التحية ..نور حداه غير كتشوف و فيه وكتبسم عجباتها هاد الشخصية و زاين غادي وكيوريها البلايص ولكن مكيدخلهاش غير كيوريها تشوف وصافي..وراها بزاف البلايص وكلها باش متخصص..
نور: اجي عندكم البلاصة فين كتدربو ..
زاين: اه علاش كتسولي...*دارت فيه نظرة البرائة *
زاين: ههههه لا والو زيدي قدامي غندير لدارك..
نور: عافااااااااك ...حلمي نجربو عاففففاك..
زاين : لا انور هي لا زيدي قدامي..
نور: الى قبلتي ...غندير لك ديك المفاجئة لي مكتابتش..
زاين حتا كان غادي ووقف ودار عندها بشوية ودار فيها شوفة شيطانية..
زاين: اش قلتي غديري؟
نور: صافي راك عارف بلا منبقا نعاود فيها..
زاين: هههه واخا..
نور: الله يعطينا وجهك..
مشا زاين وتبعاتو دخلو لواحد البلاصة كاينة التحت شوية...دخلو وهي بقات كتدور فعينيها عجباتها البلاصة كانو معزولين فيها بحال الشكل ديتال البولينg وكل بلاصة فيها فين توقفي و فالاخر ديالها كاين واحد المجسم بحال بشري غير هو ديال الخشب..
نور: واااو سعداتكم ...يخخخ كن غير درت البوليس تانا.
زاين: هههه عجبك ..
نور: ااه ...جرب قدامي وريني كيف كدير ..
زاين دار واحد النضاضر صفرين ودار الكاسك ليه وليها ووقف قدام تما ضرب 2 ضربات جات وحدة فالراس والاخرى فجيهة القلب..
نور حلات فمها 2 ضربات كافية باش تقتل فالبلاصة كون كان هادك المجسم بشري..
نور: واااااو كيف درتي ليها ...نتا خطر ...2 ضربات نتا بان ليا عمرك زgلتي شي حد..
زاين: على كنلعب انا هنا..
نور: انجرب..
زاين منتيقش فك ..
نور: غير تيق فيا غنتبع تعليماتك مغندير والو..
زاين : واخا اجي هنا..
نور جات وقفات قدامو دار ليها دوك النضاضر وعاود رجع ليها الكاسك...هز ايدها قادهم كيف خاصها تشدو..ووراها كيفاش تشدو وعلاياش تورك..ونور لي قال ليها كديرو بالحرف..الطلقة الاولى شد ليها ايدها وورك هو بصبعها جات وسط الراس..
نور: خليني نجرب بوحدي دابا..
زاين هبط ايدو وشد خصرها..وهي طلقات شي فالكرش شي فالكتف شي وسط السدر..
نور: هههه كون كان بنادم كوراه ولا بحال شي بغريرة..
زاين حيدو ليها: ههه باركة عليك هانتي جربتيه ..ياله زيدي قدامي..
نور: ههه اوك..
جرجو من تما وطلعو للبيرو..
زاين: سيري للفيلا رتاحي شوية..
نور: نتا باقي معطل ..
زاين: مغنتعطلش احبيبة 7 العشية هادي ...واحد الشوية ونلحق عليك...هاكي هاالكونطاكت ديال لوطو تمشي هك ولاهك نجيب مك من شعرك...والسرعة متفوتيش الحد ...
نور: اوك اوك ..
زاين باسها : ياله هزي حوايجك وساكك ..
هزات نور تجاكيطتها وساكها ..خرجو مشادين طلعها لوطو وعاود باسها و عاود وصاها..
نور: صافي ...ههه تيق فيا شوية..
زاين: لي عضو الحنش يخاف من الحبل..
نور: ههههه مقبولة منك احبيبي..
زاين: ياله تلاتحي خليني نمشي لخدمتي..
نور: اوكي باي ..
بقا واقف حتا ديمارات ومشات..عاد دخل...
نور فطريقها دازت على سوبر مارشي ..وهبطت تشري اسلحة الgيرا ديال الليلة..
