هكا دازو شهراين ..... كولها كان جالسها زاين مكافأة ليه على مجهودو ... رميساء وصلات ل8 اشهر كرشها زادت كبرات مابقا غي شهر على ولادتها ياسر مسايس معاها ولات حساسة بزاف وغير خايفة .... ياسر ديما كيهدنها ويطمنها بلي كولشي غيكون بيخير ... ولا ديما معاها فالتمارين و يوغا لي غيسهلو عليها الولادة لا هي لا الكوبل لاخر ديال نور ديما كيحضرو معاهم وكبوجدو ريوسهم للولادة و حتا كيفاش يعتانيو بلي بيبي... ومسؤوليتهم.... اما نور تاهي كرشها غاماكتكبر وتقريبا واصلة لحجم رميياء .... ولات كترض بزاف مؤخرا واي حاجة كتعيفها وتنوض خاطرها زاين ديما راش المعطرات والملطفات و حاط الروايح فاي بلاصة كتكون فيها... غير باش تبقا مهدنة حيت كتبقا ترد اي حاجة كلاتها ... وتاهو جايب عرام الكتوبة على مراحل الحمل، الولادة وما بعد الولادة و حتا اثناء الولادة... وقطع التصاور من الكتاب حيت مبينين كيفاش كتم الولادة و حوض المرأة كيتوسع .... واخا بقات مصدعاه باش يوريها ... هي ورميساء ديما مخالفين على شي حاجة ويرجعو يتصالحو بوحدهم ... الدراري لي ولاو كيطيبو البنات متقلات مكيقدروش يبقاو واقفين... العائلة مخنتينهم و كل مرة مسيفطين ليهم شي حاجة مهليين فيهم ....مكاين غير الراحة ولي بغاوها كتوصلهم حتا لعندهم... اليوم جا زاين من الخدمة بكري باش يدي نور للطبيبة...خرجات معاه فاللوطو ... واغاديين كيدردشو حتا وصلو وهبطو ...دخلو تسناو شحال نوبتهم حتا دخلو ...عايناتها و لقات كولشي مزيان وطبيعي...حتا سولها زاين... زاين: دكتورة ... نور ولات كترد بزاف وكتعيف كتر من القياس وكتكون عادي حتا كينوض خاطرها و ترض ماكلتها مابقاتش كتبقى فمعدتها... الطبيبة: اااه كيوقع هادشي فاش البيبي كيكون عندو الشعر ... لي بيبي ديالك انور عندهم شعر داكشي علاش كيوقع ليك هكاك...غنعطبك شي حاجة تنقس عليك وتهدنك شوية اما راه معندك مديري ابنتي ... صبري حتا تولديهم....نور: اوكي ...زاين: شكرا دكتورة...ناضو معاها وعطاتهم اسم الدواء لي بهدنها .عطاتهم تصاور لايكو و دعوها ومشاو..رجعها زاين للفيلا و عاود رجع لخدمتو...دخلات عند رميياء لقاتها متكية كتفرج...نور: طبابوزة اش كديري....نور قالتها لي ماشي طابابوزة...جلسات حداها ناشرة رجليها ...نور: مالك ...رميساء: قنطت ... و مليييت بغيت غير امتا نولد... ولا كيتحرك بزاف ...نور: ضروري راه الشهور الاخيرة كيولي نشيط...و حتا نتي خاصك تحركي شوية المشي غيعاونك...اتصال...رميساء: شكون...نور: هادي جيداءجيداء: وا فبن الحلوفات ...نور: الحلوفة هي ختك...رميساء: ديري السبيكر نعاونك...جيداء ههههه واش فيكم ميتحرك اولا غتبقاو ...غير مسرحات...مور: انا معاك نشوفو هادي لي حداية...رميساء: اوكي غير منتعطلوش ...فين بعدا...جيداء : هههه هملت عماد هاد الايام مع القراية و حسيت بيه مقلق واخا مبغاش يبين ليا... داكشي علاش بغيت نضور براسي شوية ونتهلا فيه راكم عاارفين...نور: هههه هاي هاي على الناس...رميياء: عرفتي هاد الحلوفة عندها واحد ابلان يتلف ليك الراجل...جيداء: بالصح وساكتة البغلة...😠😠نور: هههه ميسحابش ليا ....صافي نتلاقاو ونقولك اش ديري...جيداء: واخا انا غنتسناكم...نور: اوكي...... قطعات....رميساء: خاصنا نقولوها للدراري..نور: انا غنتاصل بزاين و تاصلي نتي ياسر....كل وحدة عطاها المواقفة ووصاوهم يردو البال ويرجعو بكري...لبسو البنات الصيف هدا كل وحدة داربة شميزة خفيفة مبردة مع صندالة وجامعين الشعر شفنجة ركبو فالوطو وديمارات نور ... وصلو لدارها هبطات عندهم كتفرفر سلمات عليهم و طارو للمول...دخلو اول حاجة شراو شنو خاص من تقدية واللوازم و قالت ليها تهز الكلاص و تكتر النكهات ومن شرحات ليها اش دير .. حطو تقدية فالوطو و طلعو تاني للبوتيك ... بغات تاخد سواريا فالاحمر ومعرية من الظهر ولاسقة على السدر زهادا اختيار رميسلء جات نور قالت لا خودي الكحل مشبم وسيكسي مبين وممبينش كيخلي بنادم فضولي يعرف اش تحت منو ... بقاو نور ورميساء مضاربات شكون تاخد و يعيبو فاختيارات بعضياتهم حتا لقاو جيداء خلاتهم وشرات شوميز هي gاع مشبكة فالاسود وكلها فتح ...شراتها وخلاتهم مناgرات وراها حتا تبعوها...دخلو للصالون والسبا .... تهلاو فريوسهم ترخاو و تهلاو فبشرتهم و المسائل ... من بعد ....مشاو للصالون يقادو الشعر ...حتا البنات صايبو شعرهم ...نور: عافاك ا انسة ديري ليها الميكاب تاهو .... شي سموكي فالكحل يكون مطرطق ...رميسلء: الا انور من احسن دير ليها ميكاب سيكسي وخفيف فنفس الوقت حيت مغيبغيهاش تكون مجلخة بزاف... نور: ولكن السموكي كيعطي نظرة فيها التقة ..وكتكون متيرة .. وعاطية هيبة لمولاتها...رميساء: ولكن الى كان كتير...جيداء: سكااااااااات اااااو مال جد بوكم الكلب فرعتو ليا راسي هاد النهااار اااو ندمتونا gاع واش بغينا نتشاورو معاكم .... منين حملتو وكتر فبك النgان والصداع ... اوووف يالطيف ...مغندير لاسموكي لاخرى منقدرش نخرج مطعرجة تال الدار وغنديرو الراسي ...اوكاي ياله زمووووووه😡😡سكتات لقات رميساء ونور حالين عينيهم مصدومات عمرها تفرgعات عليهم... دارو لعند بعضياتهم وخنزرو فبعضياتهم وقلبو وجاهم زعما مخاصمين.... كملو دامشي ساككتين مبقاوش هضرو غير جيداء لي مرة مرة تهضرهم سالاو وخرجو لقاوها 8 العشية ...بداو يزربو حيت تعطلو بزاف من 3 وهما خارجين .... وصلو جيداء وودعوها والبنات بقاو مخاصمين رابطين الغوباشة ب2 مكيشوفوش لجهة بعضهم وصلات نو قدام الفيلة وخرجات رميساء ردخاتو عليها ودخلات ..نور: ودييه معاك😡😡رميساء: سيري تخرااي😡😡دخلات نور للفيلة ديالها وحطات اللوطو فالباركينغ وداهلة واعفة حتا لقات زاين وياسر ب2 قدامها...ياسر: اش هاد التعطيلة فين الاخرى...😠😠نور: وانا مالي راها فالفيلا...مشا ياسر...زاين: اش قلت ليمدك انا متفوتيش 5 جاياني تال 9... واشا باغا تصعريني تاني...😡نور: بلا متعصب عليا لي فيا يكفيني... تمات غادا..زاين: اجي لهنا باقي مكملت هضرتي...نور غادة: وا بعد منييي...دخلات وتبعها زاين طالعة وهو وراها كينgر....زاين: نور كنهضر معاك وقفي ...مالك اش كاين...نور: والو ...دخلات للحمام...زاين: غتحمقني 😠😠▪▪▪▪▪ياسر: رميساء ....فين تعطلتو ...رميساء: داما الوقت ونسبنا راسنا وصافي ....ياسر: شفتكم ب2 ماشي تال لهيه تخاصمتو تاني😑😑رميسلء: هي لي كتجبدني اياسر ... ياسر: راه غير وليتو حساسات و التوتر لي كيخليكم تنفاعلو صبرو على بعضياتكم شوية ...رميساء: صافي انا مغنبقاش نهضر معاها 😠😠طلعات رميساء و ياسر بقا كيشوف فبها حتا دخل للكوزينا دار ليها عشيوة خفيفة و طلعو عندها لقاها بدلات ومتكية كتفرج...ياسر: جاك الجوع احبيبة...رميساء: جيتي فوقتك...عطاها وتكا حداها كباكلو ويتفرجو حتا سلاو خدا من عندها البلاطو هبطو وعاود طلع.. لقاها باغا تكا و شادا ظهرها...ياسر: صبري صبري...رميساء: عيييت ياسر: عارف احبيبة مبقا والو...اجي ندير ماساج لظهرك... مغتقدريش تكاي على كرشك غادي ديري بحال الى غتسجدي وخودي الوضعية لي تريح ...رميساء وخا...دارت لي قالت ليه وجاب زيت البيبي ودهنو على زرها بعدما حيدات تيشورت وحلات الاندر وير وبدا كيماصي ليها ظهرها وكيركز على المناطق المحيطة بخصرها هي ترخات وعجبها الحال ....حتا قنعات وناضت ...سد ليها سوتيامات و جات تلبس تيشورت وقال ياسر..ياسر: هههه شفت هادشي عندك تنفخ...رميساء: وراه جسمي كيتهيأ للرضاعة اش كيسحابلك...ياسر: ااااه دابا السيتيرنة ديال الحليب كتعمر😂رميساء:بزاف عليك حتا نكون سيتيرنا ....ياسر: واجي نديرو الافتتاحية للمحلبة 😂😂😂رميساء: غدير الزمر ...عيانة...ياسر؛ والله احليبة لاتفكيتي مني ياله ناخد حق ديك 40 يوم لي غنصومها...رميساء: حرام عليك...ياسر: متخافيش احبيبة راه مزيان ليك تيقي فيا 😜😜...عند الكوبل لاخر...خرجات نور من الدوش لبسات بيجامة وهبطلت عند زاين لي طلب بيتزا وجلس هو وعصام والتاحقت هي بيهم ...سلاو العشاء و طلعات نور خوها نعساتو و دخلات البيت عاد طلع زاين لقاها مخشية فالناموسية ... و غسل سنانو وجا تكا حداها هي كتلعب فالتيلي وهو شد كتاب كيقرا ... بقات هكاك حتا نعسات... حيد ليها التيلي وغطاها وكمل قرايتو....حتا كتبان ليه كتقلب وغديا تنعس على كرشها ...حتا حط الكتاب وشدها دغيا ...زاين: اوب اوب اوب غتبجغيهم...ناض وهو شادها وهي مغيبة جلس قدامها على ركابيه ورجعها على ظهرها قاد ليها الوسادة ووقفها ليها شي شوية ودار وسادة اخرى تحت ىجليها باش ظهرها كولو يتحط فوق النموسية وترتاح وميضرهاش...وعاد تكاليها ومتبقاش تقلب على كرشها ...تكا حداها وطفا الضو و شد ايديها وحط ايدو على كرشها كيحس بيهم كيتحركو ونور كتحرك تاهي و هو كيشوف ويضحك حتا نعسو....اصبح الصباح.... رميساء فايقة مبزمة ... كلا ليها الحلوة واخا مبغاتش ... ولكن ماشي هادشي لي مقلقها مقلقة على نور...دخلات دوشات حتا لقات ياسر معاها مبقاش كيخليها دوش بوحدها ..حيت كيخاف تزاق ولا شي حاجة مهم عاونها بالخف حتا خرجات ورجع دوش ...هبطات رميساء دارت الفطور كتسناه يهبط...نور نايضة كتكسل مكاينش زاين حداها.... ناضت غسلات وجها و قادات شعرها بدلات حوايجها وهبطات كان غير زاين حيت عصام جا باه وداه حيت شدو العطلة الصيفية ... زاين: فقتي النعاسة...نور : النعاس هو نتا...جلسات...وكب ليها زاين العصير وحطو ليها .... وحط ليها سوندويش البيض... غير دارتو في فمها ولدات تبوع تاني...ناض داها لطواليط حتا خوات و غسلات وجها ورجعها...زاين: مشربتيش الدواء؟😠😠نور: نسيتو😒😒زاين: نتي غتحمقيني شي نهار ...طلع دغيا جابو ليها و شربو ليها وجلس قدامها...زاين: ف راسك كاين واحد conversation باقي مكملناها ...نور: غتبدا تاني ...زاين: اه اولا تعطلتي الراجل فالدار ومرتو مداخلا تال 9 و شنو ديك الفاسون لي هضرتي معايا بيها الى كنت كنهضر معاك متعوديش دوري وجهك وتخليني داوي بوحدي راه قلة الادب هاديك😡😡😡نور: خليت لك هاد الفطور gاع...زاين: والله ومتكمليه حتا نوض لوالديك بالصندلة...نور رجعات جلسات مغوبشة فيه و عينها في عينيه وكتخنزر...زاين: بقاي تحنزي....فااااطري...هزات نور كتامل وتخنزر وهو حابس الضحكة شاد الطابليط كيقرى الاخبار ومقابلها بنصف عين حتا ناضت خرجات للجردة ..دخلات لبيت فين كاينين الكلاب وجلسات كتلعب معاهم وغبرات تما....و زاين هبط لاصال يتريني اليوم السبت مكاينا خدمة... ▪▪▪▪▪ ياسر: ياله صافي غتبقاي مقلقة ليا هكاك نوضي نصالحكم....رميساء: لا هي لي خاصها تعتاذر 😒😒ياسر: حبيبة متقسحيش راسك ..غنتقلق منك...ىميساء: واخا...جرها ياسر ...ودخلو للفيلا السقيل مكاين حس تا واحد ...ياسر: فين مشاو هادو...رميساء: كوراهم فالكوزينا...مشاو للكوزينة ووالو مكاينينش ...رميساء : هادو واقيلا خارجين....حل ياسر التلاجة يشرب الساعة لقا طاسة فيها المخللات الكورنيشو والزيتون و كولشي مشتقاتو مشرملين فالحار والعطرية...ياسر: 😍😍😍جبد الطاسة وجلس هو ورميساء هاك بالاك حتا سلاوها...وهو يدخل زاين...زاين: 😱😱😱😱 واااايلي...ياسر: واعرين هاد المخللات معندكمش شي طاية اخرى😁😂😂زاي شد الطاسة كيقلب: كليتوها كاملة عرفتو شحال وانا قاني على هاد الطاسة ... عطاتها ليا مامات عماد هي لي كتصايبو .... اش غندير دابا...شنق على ياسر....زاين: جبدو...ياسر: هههههه منين راه سرطتو اصاحبي دابا نشري ليك شي 2 كيلو😂😂😂زاين: لا بغيت لي كان فالطاسة ...رميساء: اييييه طلق منو قالك غيشريه ليك...زاين: سكتي نتي ...اصلا تا نتي واكلاه معاه ياله جبدو... رميساء: ايييه طلق ليا راجليه شوف كيقجيتيه...زايين كيقلي السم : الاااءح مطالقوش...رميساء : واخا....جراتز من شعرو هبطاتو لعندها و بقات تنتف فيه و هو قداش مقدر بدير والو حيت حاملة ...ياسر لور عاجبو الحال...ياسر: عطيه احبيبة ...غير بشوية على الكريشة😂😂 زيديه نتفي مزياااااان بردي غدايدك جاب ليك الله فين...زاين: اححح ...طلقي لمك غنفوت فيك شي ضربة...رميساء مهبطاه تال عندها وهي قصيرة شادا ليه شعرو كتنتف وتضرب...رميياء: هاك انا تشنق ليا على راجلي هااااااك😡😡زاين: نووووووور نوووووووور نووور الهدىىىىىىنور : اش واااااقع هنااا..😡😡زاين: حبيبة😍😍زاين: عتقي احبيبة ...عتقي...نور حيدات ايدين رميساء من راس زاين ورجعاتو وراها و هو شاد راسو ...نور: ااااه شتك كتنتفي ليا راجلي يسحاب ليك مكاينش لي يحامي عليه😡😡رميساء: ياك خوبا وندير فيه لي بغيت😡😡نور: خوك ؟؟؟ واخا......طارت على ياسر لي مكواني كيضحك... غفلاتو هبطاتو شانقة على عنقو شاداه وتاهي كتنتف ومغزفة تاهي لقات فين تخوي ...رميساء كتفك: طلقي منو ...اويلي طلقيييه😡😡نور: خوووويا و ندير فيه لي بغييت ياله حيدي لهيه😡زاين: الله يرضي عليك احبيبة ...يخلي ليا الحبيبة ديالي لي كدافع على راجلها.... جايين حاgريني فداري ... عطيه وزيديه😂😂😂😂 ياسر: نتفتيني البرهوشة .... هداااي..رميساء: صافي غير طلقيه ..... جرات نور ولعداتها عليه وتاهي دارتو وراها...نور: ياله شرحو ليا دابا علاش كنتو محاميين عليه ..زاين: كلاو ليا طاسة المخلل ديالي كاملة.... 😠😠نور: 😱😱😱 كولها كولها ؟زاين: اه احبيبة ومنين دافعت على راسي شوفي اش دارو ليا ...عطاها وجهو كيتبوحط عليها... لقات فيه قميشة تحت عينو...نور: ويلي ويلي على وجه حبيبي كيف ولا.....ياك اسليعفانة.... وصلنا للقميش...رميساء: هو لي جبدني لاش يشنق عليه كان يهضر بفمو..😠😠نور: من حقو المخلل عزيز عليه... ونتوما سفيتوه كامل راه ماشي غير دقتوه راكم لحستوه انا فقصتوني😠😠رميساء: صافي مكناش عارفين ... بلا متبقاو ...ياسر: اوووب ششششش غتبداو تاني زيدي نتي قدامي ...باينة مغتصالحوش هاد الساعة اللهم تبدلوها بوحدة اخرى...زاين: ياله هز عليتدا مشتك و برا😂😂😂ياسر: والله لا بقات فيك جبتي الصداع وتصوخرتي لور..نور: سييير فحالك ..باقي كتحلف...خرجو .... و دارت نور عند زاين شدات وجهو..نور: ويلي على الحلوفة اش دارت ليك...😟😟 اجي نداويها لك لاتبقا مطراسيا...مشا معاها كيضحك جلساتو وجابت الاسعافات ...هي كتمسحها ليه و تعقمها وهو حاضي وجها ... مسحاتها بالكحول و دارت بومادا باش متطبعش ودارت ليه سبارادرا غير سالات كمش فومو كيقرب باش يبوسها وهي تورك ليه عليها ...قسحاتو وشدها..زاين: اححح وعلاش درتي هكا ...حماقيتي...نور: جاي باغي تبوس... باقي منسيت التوبيخ ديال الصباح.... باقا مخاصمة معاك و سير بعد مني 😬😡😡ناضت خلاتو شاد حنكو وكيضحك... وباش يراضيها خاصو يدير شي حاجة ...هز التيلي و تاصل بشي حد وطلب شي حاجة ... وطلع دوش و لبس حوايجو وهبط عندها...لقاها شادا آلي واليكس كتلاعبهم.... وباواتهم جالسين فالارض حداها... جلس حداها زاين... زاين: اش كدير حبيبة ديالي...نور: بعد مني زاين: والى مابغيتش...جا يعنقها وهي تنوض ليه ريكسا واقفة قدامو كتنبح..نور: هههههه ياله حيد من حداية...زاين: مال هادي تاهي 😠😠نور: هههه منبن ولدات ..فبنما كنكون حداها مكتخلي حد يقيسني ... ودابا ياله نوض قبلىمتلاح عليك كيف دارت لياسر واحد المرة...زاين: لا صافي تهنيت من واحد جاتني مرتو ...كيفاش عاوتاني هاد منقربش ليك ... دابا نربط والديها فشي قنت نوريك منقربش ليك...نور: هههه كالم داون غير كنهضرو ... اصلا غير هي وgانتها بعد النوبات gاعما كتسوق...زاين: بلاتي ...ناض وجاب ليهم الماكلة وداها لبيتهم تبعوه وسد عليهم تما...نور: وا لا ازاين متسدش عليهم...زاين: اصلا عندنا منديرو...الجرس فالباب برا ...حلو ودخلو شي عمال هازين الغرس و كولو ورد بانواع والالوان ...نور: اش هادشي..😍😍زاين: خليزة اش بان لك 😂😂😂.... صافي اخويا حطوهم هنا... واجي معايازاين مشا معاهم للباب يخلصهم ونور جلسات تقلب وتشمشم....حتا دخل زاين...زاين: عجبوك😊😊😊نور: وااو بزاف غنغرسوهم هنا...زاين: اه نديرو الحياة فهاد الجردة و نيت باش فينما تحسي بالردان اجي هنا ... وشمي الهواء بنسمة الورد... راك قهرتي داك النيف بالروايح... نور عنقاتو: شكرا احبيبة ناري سعداتي بيك...زاين: هههه هي سمحتي ليا....نور: ههههه بلاتي نفكر...زاين: راه غن...نور: هههخ صافي صافي مسامحاك ... حتا نتا سمح ليا جيتي فطريقي وتعصبت عليك تانا...زاين باسها غير متعاودوهاش....نور: واخا باله خلينا نخدمو .... عند الكوبل لاخر.....ياسر: هههههه دابا علاش كتبكي...رميساء: حيت تخاصمنا تاني ومتصالحناش..😭😭ياسر: ههههه واللهتا غتحمقوني و ملك متصالحتي معاها علاش بقيتي تخاصمي وتغوتي عليها...رميساء: منعرف راه مبقيناش كنتفاهمو مبقيت فاهمة فينا والو واكن صاحبتي وختي هاديك مبغيتش علاقتنا تخسر ...ياسر: مغتخسر والو ... نور واخا تشوفيها كتهاصم معاك ولكن متفرقش عليك...رميساء :بالصح باسر: ااه ... وياله نشوفو شنو نديرو للغدا....دوزو لي الكوبل النهار عادي تا وحدة مامشات عند لاخرى حيت كل وحدة ملاهيا مع راجلها...سلات نور هي وزاين الغريس وعمرو الجريدة ودوزو النهار مع بعضهم .... حتا سلا النهار و نعسو بحال ديما...اصبح الصباح ....ناضت رميساء باغا تدخل للطواليط شافت المgانة لقاتها 6 الصباح... ناضت للطواليط ... وهزات التيللي تحسبا للطوارئ حيت يوماين شادها القبط ...دخلات بقات تعصر ووالو بغات تنوض ولكن كتحس بداكشي كاين ومبغاش يخرج...بقات شي نصف ساعة ووالو ... عيات متعصر ...بغات تقولها لياسر تفيقو ولكن مقدراتش حشمات منو ... طاحت ليها غير نور فبالها هزات التيلي عيطات ليها....التيلي كيصوني عند نور ..هزات بعينين مسدودين جاوبات...نور: الو..رميساء: نور عتقيني...نور قفزت: مالك اش عندك...😨😨😨رميساء: راني في طواليط ..فيا القبط عييت منتعصر ووالو وكرشي بدات ضرني من هادشي...نور: وفين ياسر رميساء: ناعس حشمت نقولها ليه..نور: واخا واخا صبري غنمشي لشي فارماسي ...نشوف ليك...رميساء: عتقيني عافاك دغيا مقادراش نصبر...نور: واخا واخا...ناضت نور لاحت عليها غير كاب... وهزات كونطاكت و حطات ورقة فبها انا عند رميساء وهبطات زربانة ..ركبات اللوطو و مشات فارماسي.... هبطات ودخلات...نور: يمحي ليا عافاك بغيت شي دوا للقبط و مياترش على الحوامل... و يكون مفعول فوري.......: اوكي... عطاتو ليها خلصات نور ورجعات منيرة... حتا وصلات ودخلات للفيلا ياسر ...طلعات فالدروج و دخلات للبيت بان ليها ياسى مجايب للدنيا خبار دقات فالحمام و جاوباتها رميساء وحلاتو ليها ودخلات عندها...رميساء: جبتيه..نور: هاكي شربي هاد السيرو وصبري شوية...رميساء واخا حلاتو وزgفات منو...نور: هاه هاه شوري بغيتي تحطي صوبة ...رميساء: اختي يوماين ما درتها حاسة براسي تبوشيت...نور: سكتي الله يرحم بااك...رميساء: اوووف ها هي جات...نور: بلاتي بلاتي نخرج.... 😱😱رميساء: طوووووووووووز..نور: ايييو الله يلgيها لك...خرجات نور قبل متبوع تاهي....وقفز ياسر فاق...ياسر: نوور ؟ اش كديري هنا...نور: ناعس ومرادش البال لمراتك.... 😠😠ياسر ناض : مالها ... اش عندها فين هي..نور: راها فطواليط ...كان عندها...رميساء من الداخل: سوكتييييي...نور: اويلي على نسكت راه راجلك اولا يعرف غير يدير الولاد راه خاص يكون معاك فكولشي...ياسر: دابا غتقولب مالها اولا غندخل عندها انا نبيتنور: راه غير شدها القبط يوماين هادي و شدها الوجع وجبت ليها الدواء...ياسر: وعلاش مقالتهاش ليا...خرجات رميساء...ياسر: مالك ماقلتيها ليا ... رميساء: حشمت منك...😔😔ياسر: هادشي مافيهش حشمت و دابا نور تاهي خارجة والصباح هادا ...انا مجبد هنا اش كندير اخر مرة تصرفو هكا....نور: مهم انا غادا..رميساء عنقات نور: سمحي ليا عدبتك وفيقتك من نعاسك نتي لي كنعول عليك ...نور باستها فحنكها: متقوليش هكاك احبيبة ... وكتبقايش تحشمي منو راه راجلك وهادشي عادي يوقع ... ياله رجعي رتاحي ... ونتا اخويا تهلا....باسر: واخا احبيبة ردي البال لراسك...هبطات نور ...ورميساء جرها ياسر يعطيها شي محاضرة...دخلات نور للوطو ترجعها لفيلتها...دخلات و حطاتها زتمت داخلة لقات زاين ياله خارج من الفيلا كيقلب...زاين: فين كنتي 😡😡نور: عند رميساء راه كتبتها ليك فورقة...زاين: مشفتهاش ...اش بغات...نور: والو غير شدها القبط و جبت لبها الدواء...زاين: على فين ياسر؟؟نور: مقدراتش تقولها ليه ... وعيطات ليا...زاين: على نتي حسن منها تانتي متقلا الى مقدرتش تقولها ليه قوليها ليا انا نجيبو ...خارجة ليا مع 6 الصباح باغا تصعريني تاني...نور: واش هي حشمات من راجلها ومتحشمش منك نتا كتسطى عليا...زاين: واخا حملتي راك باقا كطيري فراسك...نور عنقاتو: وا صافي غير حتاجتني نقول ليها لا تنا متخافش عليا باقا ندردg.زاين: صافي زيدي دخلي فحالك...دخلات نور مع زاين طلعو للبيت ... نور رجعات تنعس و زاين قال ليها غيهبط يجري شوية ... دازت شي ساعتين ورجع تلاقا مع ياسر وقاليه يجيو يفطرو عندهم...دخل زاين يفيق نور تهبط لقاها فاقت ... و مبدلة ...دخل يدوش وهي هبطات تدير الفطور ... حتا دخلات رميياء و ياسر عندها للكوزينة وجايبين معاهم البتيبان و شي حاجة للفطور...رميساء: عنقات نور و هي خدامة كطيب...نور: فاتك الحال ..رميساء: الدواء مزيان لي جبتي ليا يخليك ليا المنقدة ديالي.... كون ماجيتيش كون خرج البيبي و داكشي لاخر موحال واش يخرج...نور: ههههه ضحكتيني...ياسر: ياك مخاصمين 😂😂😂 وا حتا المصالحة متصالحتوش نيشان رجعتو ...نور ورميساء فدقة: مالشي سوقك...ودارو كيتقارصو تاني حيت قالوها قد قد....خلاهم ياسر وخرج كبضحك جلس فالجردة ولحق عليه زاين بعدما وكل الكلاب... وجلس معاه جابو البنات الفطور والدراري كيهزو من عندهم قبل ميوصلو للطبلة وكيحطو جلسو البنات مقابلات وكل وحدة حدا راجلها ودايرين باراسول على الشمس ... كياكلو ويتحتو مسكتوش موضوع ورا لاخر حتا ...نور: وهووووو ههههه ناري..زاين: مالك...نور عرات على كرسها ورجعات لور ...نور: شوفو...بانت ليهم كرش نور كتموج بفعل حركات لي بيبي و كيبانو اطرافهم فاش كيضربو الكريشة ... و باينة كيتحركو بزاف... زاين: هههه شفتي رجيلة شحال صغيورة😍😍😍 او لهاد الدرجة كيضربو شوفي كرشك كولها كتحرك..ياسر: دايرين لينا كومبا تما😂😂 .... باينين قباح غير من هاد الركيل لي دايربن باز ليك اخويا انا هدا عندي مهدن بحال ماماه...ياك احبيبة...رميساء: ههههه باز لبك انور انا كيتحرك ولكن ماشي بزاف هكاك...نور: غير حيت 2 داكشي علاش ... حط زاين ايدو عليهم كيعجبو يشوف فكرشها ويحس بيهم...ناضو ياسر ورميساء عندهم موعد مع الطبيبة غتحدد ليهم موعد الولادة... مشاو وبقات نور وزاين ... ناضت هزات الماعن و دارت الغدا يطيب... خرجات للجردة لقات زاين جالس فالزعلولة غير بسماطي وشورط وكينش ...نور: الصهد اليوم...زاين اجي جلسي حيدي من الشمش ...جلسات نور حداه ...زاين: انا مقادش نصبر على هاد الصهد ناض و تلاح هكاك فالبيسين و بقا غادي جاي فيه حتا تجبد مع الحيط وطلع حيد السماطي ورجع تلاح حتا وقفات نور قدامو ..نور: شهيتيني فيه...زاين: لا غير سيري تgلسي غتعومي بكرشك ....نور: عافاك ...😟زاين: واعر عليك سيري ريحي...مشات نور و جلسات فين كانت وربعات ايديها وبقات كتشوف فيه مخنزرة...عام شوية زاين هز رايو لقاها كتنش تاهي ...بقات فيه مقدرش يخصر ليها...زاين: ياله اجي هبطي ...نور😍😍 بلاتي نطفي على الغدا ونجي...مشات زربانة كتفرفر طفات على الغدا وطلعات كتجرب للبيت...طلعات نور ولبسات دوبياس والكاب وطلات راسها فايكخون على الشمش و لاحت عليها كاب وهبطات... خرجات عند زاين غا هز راسو وتصدم...زاين: شفت تسفحتي😠😠نور: مالي غنعوم بحوايجي... وزايدون كاينين غير انا ونتا ممعانا حد والى جا غير شي حد غيكون غير خويا ورميساء ...زاين: واخا شوية وغتخرجي ...حيدات الكاب ووقف زاين مد ايدو تهبط....حتا هبطات و عنقاتو وكتلعب برجليها فالماء و هو شادها مقابل وجها كيضحك ...نور: الله دابا عاد رتاحيت هههه زاين باس حنيكاتها...نور : غير طلقني كنعرف نعوم....طلقها زاين و بدات تعوم وتحوم عليه وهو متبغدعها عجبو شكلها وهي هكاك كتعوم ....دخل جاب عصيرات باردين و2 كاسكيطات كوحل .... دار وحدة وخرج دار لنور واخا كتعوم وجلس على الحيط داير رجليه وسط الماء كيشرب عصيرو و كيشوف فيها...زاين : هههه عاجبك الحال...نور مقلوبة على ظهرها و مرخية و كريشتها كطل من الماء ...نور: اه ...زاين: وا باراكة عليك ...نور: لا باقي مقنعت...زاين: ماشي سوقي مغنهضرش دابا ...يشدك الكلاماج نهبط نكمل على مك...نور: ههههع سمعتوه احبيباتي باباكم قبيح كيهدد فماماكم مسكينة امتا تخورجو دافعو عليا ...هبط زاين عندها و وقفها قابلها معاه وحاوطات رجليها عليه كتشوف فيه وتضحك وهو عينيه غير في فمها...دخلو فقبلة من بعد بقا هازها هكاك وجلسها قدامو وعطاها العصير...كتشرب وتلعب رجليها كيف الدرية الصغيرة وهو مقابلها كيضحك شد كرشها وتحنا باسها... اما الكوبل لاخر خرجو والطبيبة حددات ليهم الولادة بعد 3 اسابيع... خرجو و مشاو لريسطو تغداو ومن بعد رجعو للفيلة... هكا دازت اسبوعين الاحوال هي هي ...كانت جالسة نور وزاين و رميساء و ياسر كيتغداو ...حيت اليوم السبت مدوزين النهار مع بعضهم ...كيالو ورميساء ماشي هي هاديك معندها شهية للغداء وكتخس بشي تقلصات فكرشها ناضت تتمشا شوية ...غير وقفت وبانت ليهم حادرة راسها كتشوف فسروالها لي باين فازg و هما تحلو عينيهم
