نور: هههه 😁😁الطبيبة: اوكي سالينا هاكي مسحي الكريشة وتبعيني..سالت و تبعاتها وجلسات معاهم..الطبيبة: كولشي مزيان ابنتي ...عندك شهر و شي ايام و غنعطيك شي فيتامينات بقاي تاكليمهم و خودي دواك فوقتو وتهلاي فصحتك ...اصلا جسمك رياضي كنضن ماكلتك صحية مغنحتاجش نوصيك ههه ليلى: هههه اه بالصح شكرا دكتورة ...الطبيبة: العفو حبيبة موعدنا الشهر الجاي...ناضو ...بغاو يمشيو بعدما ودعوها ... وهي ترجع نور..نور: دكتورة عندي غير سؤال اخير هههالطبيبة: تفضلي ابنتي...😊😊جبدات نور داك الفنيد وقالت...نور: هاد الحمل مكناش مخخطين ليه و كنت كنشرب هاد البيلول واخا هكاك وقع الحمل..الطبيبة:عطيني نشوف..حلاتو و كباتو فابديدها وعرفاتو سير بلاص...الطبيبة: هادا ماشي البيلول ديال القرعة هادو راه هرمونات .. شي بدل ليك البيلول مع الهورمونات..نور تحلو عينيها وزادت فقصة على الاخرى وبدات كتبسم بالزز و خداتو من عندها ... وودعاتها دارت لقات ليلى دايرا ايدها على حنكها ورميساء شادا كريشتها و عاضا على فمها حابسة الضحكة...نور :ضحكي تهجريه نتي....رميساء: ناري صرعك المسحوطة شي افكار كيطيحو عليه ...ليلى: هههه صافي خليها عليك ... حتا يجي ابنتي وانا نعاونك عليه...نور: غابلاتي حتا يجيني...😡😡رجعو البنات للفيلا و لقات معاهم ايلى حتا وصلات العشية جا ياسر و معاه عصام نيشان لفيلا نور عارف رميساء غتكون معاها دخل لقاهم مجموعين فالحردة سلم عليهم كاملين وجلس معاهم ... و عصام عند ختو .... ليلى: انا غنبقا معاك احبيبة حتا يجي زاين...نور: ما كاين لاش تماما غير غتبعدي على خدمتك ... انا قادا براسي وزايدون خويا و رميساء حدايا.. ياسر: عندها الحق اخالتي ...بلا متبرزطي معاها ... ليلى: واخا احبيبة على خاطرك ... مهم انا غنمشي دابا ..ناضو سلمو عليها و وصلوها للباب حتا ركبات فلوطو ديالها و مشات و بقاو مجمعين فالجردة ....ياسر: مشيتي لطبيبة كولشي مزيان..نور: اه عندي شهر...ياسر: ايوى غادي يخصك تردي البال لماكلتك و عنداك ديري بحال هادي ... غير كتخشي فوجها...رميساء: كتهدر عليا 😠😠ياسر: ههههه وينو كتعصب عليا 😂😂نور: هههه غنرد بالي...رميساء: اه كيفما رديتي بالك مع...نور كتقرس فيها تسكت...ياسر: حيدي نتي لهيه كملي احبيبة اش مخبيا تاني...رميساء: هاد الحمالة غير مقولبا فيها..😂😂😂 زاين كدب عليها وبدل ليها الفنيد بالهورمنات وضربها بصقلة حتاحملات 😂😂ياسر: 😂😂😂😂😂😂 مسخوط والله تا كنقولها هو لي كيعرف ليك...نور: بلا متزيدو عليا تا نتوما... شوفو والله ويعيط وتقولوها ليه تا نتفاهم معاكم...ياسر: بيناتكم اش دخلني انا 😂😂😂 و قولي ليا دابا مشهيا شي حاجة متقوليش ليا المزاح حتا نتي ...نور: لا بغيت غير لي باط لي كيصايب ليا زاين...😍😍ياسر: قولي ليا كيف كيدير ليهم هاد لي باط ...نور: اجي معايا ...مشا معاها و رميساء بقات مع عصام جاب تمارينو كتخرج معاه..... نور كتوريه وهو كيصاوبهم ليها و كيفما بغات....فاش سالا حطهم ليها و جلست تاكل تادخلات عليها رميساء و كلات ليها نصو و ياسر مقابلهم كيضحك ...وهما مدابزات حتا سلاو بقاو معاها شحال عاد مشاو عشات عصام وطلعاتو ينعس... وهي هبطات للتحت طاقيا gاع الضوااو و شعلات تيفي كتفرج حتا عيط ليها زاين...زاين: حبيبة ديالي ...نور: ياله مفكرني..😠زاين: و الله احبيبة مالاقي كيف ندير ليك غير صبري احبيبة ... ايوى اش كديري...نور: والو تعشينا ومجانيش النعاس هبطت كنتفرج فواحد الفيلم فيه غير الدبيحة والقتيلة وحدا غضرها واحد دوزات عليه من ودن لودن وشربات دمو وقطعاتو طراف طراف وكلاتو و لي بقا لاحتو للكلاب والضبوعة...😡😡😡زاين: اهيا السلامة ياربي طفي احبيبة داكشي وطلعي ترتاحي احسن ليك من داكشي غياتر عليك... راه تا الطريقة باش كتعاودي كتخلع 😂😂نور: زعما عمرك غضرتيني ... غير gر راك بعيد عليا كغندبحكش...زاين: لا احبيبة ... نتي كولك نغضرك واخا ندور العالم كولو مغنلقاش وحدة فمقامك احبيبة ديالي...نور: ايوى هكاك ... و شي حاجة اخرى ؟؟زاين: شنو هي هاد الحاجة الاخرى..نور: صافي والو...زاين: ياله نخليك احبيبة ... تصبحي على خير وطلعي نعسي باركة عليك من داكشي... نور: واخا... قطع زاين بقات كتقلب تا طاحت في فيلم رعب و جابت شيبس وجلست تفرج وتاكل.... حتا قرب الفيلم يسالي وحسات راسها بدات تخاف... طلعات للبيت و تخشات ففراشها ...نعسات ....حتا كتفيق و كتلقا شي حاجة ممفهوماش شنو هي فوق سدرها و جسمها مقبوط مقادراش تحركو بحال الى رابطها و شافت فيه كان كيغوت فوجها مكيقول والو غير كيغوت و هي قلبها بقا كيخبطط بالخلعة ....حتا ناضت كتشهق و شعلا الضو بالزربة بدات كتقبل جنابها مخشية فبلاصتها مقدراتش تنوض بدات تبكي و كتفمر فير فزاين كون كان معاها ...هزات تبلي عيطات لياسر و هي كترجف...ياسر غير شاف صورة نور فتيلي ناض قفز...ياسر: حبيبة اش عندك ضاراك شي حاجة...نور: اهئ اهئ لا اجي عندي دغيا متعطلش عليا ..😭😭ياسر: واخا واخا غير تهدني...رميساء ولا نعاسها تقيل مفاقتش ... مدارش الحس وهبط كيجري غير بسروال السيرفيط ولاح عليه غير تيشورت لبس كلاكبطتو دخل لفيلتها طلع كيجري لقا الضو مشعول جلس حداها زتخشات فيه كتبكي...ياسر: نور مالك احبية اش عندك...😨😨نور: اهى اهى حلمت حلمة خايبة...ياسر كيدوز على شعرها وظهرها: عاودي ليا اش فيها...نور: عاوداتها ليه...ياسر: ههه غير بوغطاط هداك صافي احبيبة مكاين والو ....هاكي شربي...عطاها شربات كترعد خدا من عندها الكاس حطو ومسح ليها دموعها وعاونها ترجع لبلاصتها تكاها كيدوز على شعرها و هي رتاحت .... بقا معاها شحال كيطيب نعاسها حاول يهضر معاها باش ينسيها و يجبها النعاس وداكشي لب وقع نيت من ديما كان هكا كيتعامل معاها ختو وحافضها نعسات مخشية فيه ....خلاها حتا دخلات فالنوم العميق عاد ناض بالشوية ....باس راسها وخلا الضو مشعول ورد الباب بتلشوية وهبط دغيا قبل متفيق الجنية الاخرى....
داز شهر .... زاين كيعيط لنور مرة مرة ...نور توحشاتو كل شوية تجبد ورقة وتخيلو قدامها وترسمو ...العائلة كل ويكاند بجيو عندهم ... ياسر شاب بيناتهم كل مرة مخاصمات و كيعاودو يتصالحو غير بوحدهم نور كل مرة اش باغة شيباتو بوحمها ...رميساء كريشتها بدات كتبان ولات عندها 4 اشهر.... باقي مقالو لزاين والو ...كيعيط ليها كتبدا تبكي عليه توحشاتو بزاف و هو اكتر ... جيداء و عماد رجعو من شهر العسل... وجاو شافوهم ماقاوش زاين ولكن فرح عماد بخبر حملها حيت متاكد غيعاونها باش تشفي جرح امها... اما الكوبل ديال لؤي واناستازيا كانو جاو عندهم ...وودعوها حيت غيسافرو لفرنسا حيت غندو ميدار ومنها نيت يخطبها بشكل رسمي من واليديها...تاهما باركو ليها الحمالة...اما واحد جينيونغ غابر ليه الاتار كيعيطو ليه البنات مكيجاوبش...عارفينو فكوريا.... اليوم فايقا نور كتكسل ...هبطات للتحت فطرات... عصام عند باه ...الويكاند هادا...خرجات لبرا الجردة عطات للكلاب الماكلة ريكسا كرشها تاهي بانت...و غلاضت حتا هي... غير بالماكلة والخنات لي دايرا ليها نور...كان الصهد نور بقات متكية فالمرجوحة كتصنت لعظامها... و شادا كتاب ديال زاين كتقرا .... حتا دخل عليها جينيونغ كيتسلت وهي معايقاش جاها من لور وهو يدفع المرجوحة حتا طارت بيها ...ونور بدات تشد جنابها وكتغوت .... شافتو كيدفع ومشرg بالضحك عليها.... نور: وا الحماااااااااار و البغااااال وقف الزمر 😱😱.....مااااماااا😭😭دخلات رميساءدخلات رميساء وسمعات الغوات ديال نور تخلعات فالاول ...ولكن غير بان ليها جينيونغ و هي تهز عصا حداه و نزلات عليه بيها حتا قفز ياله غتزيدو وهرب ليها كيحك فيها... و رميساء وقفات المرجوحة وهبطات نور منها و تبعاتو بلا جرى ... وهو شاد راسو غيموت بالضحك...نور: واللهما غنجري غتجيبك الايام عندي 😠😠 ولد الحرام طيرتيها مني... تمات راجعة فين كاينة رميساء..جينيونغ تابعها: مالك ماشي من عوايدك ... ههههه مبقا فيك مايجري 😂😂😂وقفو تما عاد حقق فرميساء وهما يخرجو عينيه...جينيونغ: واتاافااك😱😱😱 اش داكشي رميياء: اش غيكون بيبي 😂😂جينيونغ: او امتا وقع هادشي غبرت عليكم 3 اشهر رجعت لقيتك درتي بيبي....وقولي ليا حتا نتي انور😂😂نور شافت فيه و ضحكات ضحكة فشكل وهو يجمع الضحكة ...جينيونغ: حتا نتي😱😱😱نور: ياس هي عندها 4 اشهر وانا شهراين...جينيونغ: ههههههه ناااري الدراري مساهلينش مجا فين يدور العام حتا تقلوكم 😂😂😂نور: زمو لانوض نهرس ليك داك الوجه قول ليا فين غبرتي هاد 3اشهر نصحابك غمتي وهنيتيني منك...😒😒جين: هههه لا وراك والزمن طويل... اما الغبرة مشيت لكوريا و الى كنتي كتعيطي ليا من النمرة ديال تما راه بدلتها حيت مشا ليا التيليفون... نور: اه بون...رميساء: هي مبقيتيش كتمشي لافاك...جين: لا بان ليا بلان اخر ...نور: تاحنا مزيان منين جيتي...جين: اش كاين...رميياء: تا حنا خرجنا من لافاك...جين: اصلا مفاليديتو تا خرية 😂😂😂😂نور: اللقوة ناري و يعرف ياسر غيبقا يخرا علينا فوق راسي... اصلا مكناس كندخلو وشكون داها فشي اكزام حتا نتا ...اصلا حنا عندنا مستقبل فجهة اخرى المواهب ديالنا خاصنا نوريوهم للناس...جين: هادا رايي تانا ... عاد كنت مدوز واحد الكاستينغ فكوريا و تختاريت فيه حيت خوكوم بوقوس وتختاريت سي بلاص...رميياء: غير حيت مخلط و اخا كوري فيك النكهة ديال العرب اكيد هادشي لاش ختاروك😏😏جين: دابا نتي عند بالك سميتيني بهضرتك و زعما راك قصفتي جبهتي و لكن الغزالة راك غير شكرتيني و عتارفتي بلي انا بوقوص غير بالفن و اصلا هادشي لي قلتي بالصح وربي خلقني هكا مدرت والو لراسي ..ياله تفرgعي دابا....رميساء خسرات وجها حيت عطاها العصير...نور: ههههه دابا اشنو كيف كتشوف المسابقة مغنشاركوش فيها حيت غنكونو بكروشنا وبطبيعة الحال ميمكنش داكشي علاش انا و رميساء مغنشاركو حتا العام الجاي... وانت الى بغيتي تشارك بوحدك مغنحبسوكش...جيم: جيت تانا على قبل هاد الموضوع تانا نغنشاركش جاتني فرصة نمتل دور تانوي فواحد المسلسل فكوريا غنبدا الشهر الجاي... وحنا راه فرقة الى غنشاركو فالمسابقة غنشاركو كاملين ....نور: واااو العفريت درتي بلاصتك...مبروك عليك اصلا هادشي غيعاون فرقتنا بما انك غتكون معروف غيكونو الانظار على فرقتنا...😍😍😍جين: الاستغلال هدا 😂😂😂رميساء: ههههه اوى صافي تهنينا دابا .... خلينا نحتافلو بيك....جبن: راه الحفلة خاصها تكون عليكم نتوما لي وليتو امهات وانا مسابق خبار هادي هي الصحبة مصدقتووش..نور: راه نتا لي غبرتي غبرة وحدة .... رميساء ناضت جابت الاعاصير وشي كيك فالتلاجة و جلسو كيتحتو ... حتا وصلات 12 ودخل ياسر و عصام سلم عليه وعرضوه للغداء تغدا معاهم وخرج و تا ياسر وعصام رجعو ....والمشونرات كينشو الدبان ...عيطو لياسر خداو الادن وخرجو يتساراو مشاو للمول مخلاو مشراو و الماكلة لي دازو عليها يطحنوها... حتا تعاشات العشية ورجعو لقاو ياسر وعصام كاينين و دايرين القلية وكيتفرجو دخلو البنات و جلسو معاهم و بقا ياسر كيبقشش اش شراو ... و شبع فيهم ضحك حيت كاينين شي حوايج شراوهم وماعرفوهمش .....ياسر: العار دابا هادي عرفتوها شنو هي..رميساء: قالت لينا هاديك ديال الرضاعة وهزيناها...نور: ولكن ممفهوماش كيفاش غنحتاجو هاد الالة فالرضاعة...ياسر عارف حيت عندو مع التيكنولوجيا:...ياسر: ههههه هادا كتبرونشيه مع البريز وهاد العيبة كتلصق فيها شي اناء راه عاطينو ليك ... و هاد الرس كديريه على سدرك و كتوركي على هاد البطونة و كتبدا تعصر الحليب...باس الى خارجة اولا غادا لشي بلاصة تدي فالرضاعة بلا متحرمي ولدك ونتي برا...نور: ويلي ويلي ويلي على شوووهة اش هاد العجب تانتا جالس كتشرح ليا😱😱رميساء: هههههههه خرجات من المول هازاه فايديها😂😂😂نور: شكون لي باينة فيها حاملة ....غيقولو غير هازاها لبنت لي حداها...رميساء جمعات الضحكة وياسر تلاح بيناتهم كيضحك...بقاو مجمعين وناضت نور لفيلتها غير بوحدها عصام بغا يبقا عند خوه ...عيا فيها ياسر تبات عندهم مبغاتش...خرجات دخلات وطلعات معاها الكلاب يونسوها... تشهات الجاكوزي سخناتو ودخلات حيدات حوايجها وخلات الباب محلول مكاين لي يدخل عندها بقات مخشية تما ساهية كتفكر و الكلاب حداها بقات شادا فكرشها و كتبسم كتفكر فاليام لي غدوز مع ولدها وراجلها...كتبسم حتا صونا التيلي كان زاين...زاين: توحشت مراااتي...نور: تانا توحشت راجلي ...شهر راه داز واللهما بقا فيا ميصبر😒😒زاين: غدا غنفدو الخطة لي قلت لك الى نجحات غنكون عند مراتي قبل مدوز السمانة غير دعي معايا احبيبة....نور: الله يعاونكم و يحفضك ليا ياربي..زاين: امين.... اش كدير فنيكيشة ديالي ... نور: فالجاكوزي كنرخي عضيماتي...زاين: شهيتي اووف مكرهتش نكون معاك 😟😟 قطعي غنتاصل بيك فيديو بغيت نشوفك ...نور؛ واخا...قطعات وعيط و خلاتو... مجاوبات حتا عيط شي 5 المرات.... عارفاه غيتعصب باغا ترد ليه الدق غير بالفن...زابن: علاش تعطلتي😡😡نور: ههههه مالك معصب ...زاين: باقا تعاودي بحال هاد الفعايل نخرج لطاسيلتك من التيليفون😡😡 ... بعدي التيليفون شوية..😍😍نور: ههههه لا ملابساش...😏😏زاين: وا بغيت نشوف عارفك مالابساش...😍😍نور: الاااا كون نحشم ...زاين: ولاش غنحشم كولشي ديالي😜😜نور بعدات شوية ودغيا رجعات...نور: باركة عليك ...😉😉زاين: مفعايل ماوالو ... فيكسي البورطابل مشفت والو..نور: الا بعد مني ... سير قضي الى عندك شي شغل..زاين: مال حبيبة واش عيانة؟؟😯😯نور: شوية ...زاين: واش ضاراك شي حاجة ... واش كتجيك الدوخة ..كتردي ؟؟نور: الا غير وجع لي غيgل.. بغات تقتل ليه اي امل حتا يرجع وتفديها فيهزاين: لي غيgل ؟؟؟ متاكدة ... 😨😨نور: ههههه نوريك...زاين : مكرهتش ..نزر: سير فحالك راك سخنتي...زاين: واخا ... واش الوجع جاك قاسح تاني ...شربتي دواك...نور: اااه شربتو ... زاين: واخا احبيبة رتاحي و تهلاي فصحتك...نور: واخا احبيبة ...زاين: ياله قطعي ونوضي باركة عليك دابا تشيري ليا ههه...نور: هههه واخا...قطعو ب2 ناضت نور دوشات و تهلات فراسها و خرجات ... هبطات للتحت دارت سوندويش وطلعات لبيتها ... تخشات فالفراش و شعلات التيلي وجاكسون وريكسا طالعين حداها فوق السرير ....كتاكل وتفرج حتا شبعت و عيط ليها خوها كبطمن ومنعها تفرج فشي فيلم خايب بحال البارح...قطعات معاه و نعسات ...الغد ليه ...نور جالسة على اعصابها كتفكر فزاين لي فالمهمة ديالو اليوم...اليوم تنفيد الخطة ياربحة يا دبحة ... رميساء حداها كتهدن فيها وهي التوتر مسيطر عليها ... نور: خاطري ممهنبنيش ارميساء...نور: كوني هانيا احبيبة خويا قدها و قدود دازو عليه اكتر من هاد القضايا وفامريكا ...لي فيها العصابات ديال المعقول ماشي البراهش والخيش بيش لي عندنا...نور: زعما...رميساء: غير تهدني احبيبة... نوضي نخىجو للجريدة شوية ...خرجات هي وياها خرجات الماكلة كتقلب على الكلاب ملقاتهومش بقات هي ورميساء كيدورو لور فالفبلا حتا دخلو للبيت فين كيباتو وبانتىليهم ريكسا ناعسة على جنبها وجاكسون جالس عند راسها ...وكانت كتنفس بزربة و باينة غتولد...نور: مالها..😱😱رميساء: واقيلا غتولد...نور: اش ندير نعيط لبيطري...رميساء: بلاش كيوادو ريوسهوم الى تعطلات نعيطو ليه ....نور واخا...جلسات قدامها كتدوز على كرشها كتماصي ليها ورميساء كتgوgلي على ولادة الكلاب ... بدات كتماصي ليها مزيان حتا بدا راس الاول كيخرج ... عاوناتها نور بتوجيهات رميساء حتا خرجاتو...رميساء: حيدي عليه رحم دغيا انا غنجيب مقص...نور: دوزيه فوق العافية بعدا..مشات رميساء ونور كتنقي للجرو وجهو و ريكسا كدور وجها تلحس فيه ... ولكن باقا باينة عيانة ... جات رميياء وقطعات الحبل و نور حطاتو عند راس ريكسا وكان كحل و عينيه زورق بحال جاكسون...مدازت 20 د حتا بدا يخرج لاخر ... ونفس العملية دارت مع لاخر خرج شهب و عينيه قهويين بحال ريكسا نضفاتو وقطعات الحبل وحطانو لريكسا بدات تلحس فيه و خلاتهم يرضعو وجاكسون جالس كيلحس فيهم تاهو ...نور ورميساء كيشوفو ويتبسمو عجبهم داكشي نضفو البلاصة و جمعو داكشي من تما ... رميساء: وينو شحال زغيورين ....كيووت هادشي اختي...نور: هههه بالصح .... يحليلي ولدتها .... وليت قابلة تاني غنولدك هههههرميساء: بزاف عليك حتا تولديني نتي ... مالي شايطة على راسي...نور: ههههه ياك لمك ... واخا هاهي فك...رميساء: سيري غسلي ايديك بعدا راه عامرة دم...نور: ياله نخليو العائلة السعيدة ياخدو راحتهم...رميساء: ههههه ياله ..خرجو البنات و دخلو للفيلا غسلات نور وجلسو يتناقو حتا دخل ياسر كيف العادة تغداو وجلسو يعاودو ليه فالمغامرة لي دارو ... حتا خرج ومشا رجع لخدمتو وكل مرة تمشي طل عليهم... و كتبقى و محبستش من التفكير فزاين....حتا وصل اليل و جا ياسر جالس معاهم مبقاش كيخرج بزاف الى جا من الخدمة كيبقا معاهم بزاف... ياسر: نور هاد التوتر ممزيانش ليك ... راه غينجحو فالمهمة ان شاء الله راك عارفاه....نور: المهمة راه كانت فالصباح علاش باقي معيطش 9 الليل هادي...😢😢ياسر: كوراه مشغول راه ماشي غيسالي غيعيط لك...تليفونها كيصوني...ياسر: ها لي قلنا..
نور: الو...عز: مدام نور ... نور بدات تبكي باقي مقال والو ....وخطف ليها ياسر التليفون ووقف...ياسر: شكون معايا...عز: شكون معايا فين مدام نور...ياسر: انا خوها... اش واقع...😨😨عز: خاصكم تحيو ضروري....قطع وشاف فيها لقاها كتشوف فيه والدموع فعينيها..نور: متقولش ليا وقعات ليه شي حاجة😭😭ياسر: معرفتش خاصنا نمشيو عندهم...دخلات نور كتجري لبسات جاكيط وخرجات ركبات لور ورميساء فالجنب وياسر سايق ... هزو معاهم عصام حطوه عند باه بعدما بقا يسولهم وشرحو ليه اش كاين... طارو للكوميسارية غير وقف دخلات نور كتجري و ياسر كبغوت عايها من لور ورمبيساءتاهي كتغزل بالخلعة غير وصلات للمكتب ديالو لقات الدنيا مقربلة وكانو علي وليلى جالسين و سعد وسيف تاهما كاينين ... ليلى باين فيها الخوف وكتبكي شافت نور ناضت عنقاتها... نور: فين راجلي اش وقع 😭😭سعد: تهدني انور ... احنا غنشرحو ليك...نور: هضرووووو فين زاااين...ياسر: طلقونا اش واقع ...😡😡عز : الصباح فاش كانو فالمهمة دازت مزيان و نجحات الخطة ديال زاين و تمكنا نشدو الراس ديالهم و حجزنا عاى كولشي و فالوقت لي كان خارج زاين وشي ظباط من المبنى وقع انفجار لي مكناش ضاربين ليه الحساب ... وعرفنا بلي واحد من الخلية هرب و بغا ينتاقم و يقتل راسو وكولشي معاه.... و ماتو شي اعضاء من الخلية و تصابو بعض الظباط حيت كانو قراب و ...نور: كماااال..علي كيهضر وغالباه البكية: بنتي بعد الانفجار مبقاوش لقاو زاين و حيت المبنى طاح و كاين احتمال يكون تحت الانقاض... راهم كيقلبو عليه دابا...نور طاحت للارض وتجمعو عليها كيهزو فيها وهي كتبغي وتمرغ ليهم فالارض...نور: لا لا لا لا ماشي زاين ياربي الا زاين والله تا نموت وراه ... جيبوه ليا ... فين زاين غير كتكدبو عليا البارح قال لبا غيرجع قبل متدوز السمانة .... ياسر تحنا عندها شاد ايديها ومعنقها: نووور تهدني احبيبة غيلقاوه...غيلقاوه بلا متعصبي راسك... راك حاملة...ليلى: الله ياربي الله ولدي 😭😭علي عنقها كيسكت فيها ... و الدراري شي مع نور شي مع رميساء لي كتنخصص وراهم...سيف: نور متخافيش اختي غيلقاوه و انا لي غنمشي نجيبو...نور: انمشيو عندو عافاك ....ياسر خويا ياله نمشيو نقلبو عليه...ياسر: فين غتمشي حماقيتي زاين غيرجع تفايلي بالخير...نور : 😭😭😭😭 زااااين بغيت زاين مشات ماما ودابا زاين مغنصبرش منقدرش نعيش بلا بيه ...ناضت بالجهالة بدات ترون داكشي وتغوت و ياسر تلاح عليها عنقها من لور حاكم ليها ايديها باش متبقاش تحرك وهي كتغوت وتنتر عليه و مبقاتش قادرة تحرك حيت ياسر حكمها ...بقات تعصر والخرين وياسى كيهضرو معاها ويهدنوها حتا سخفات....هزها خوها طاار بيها للسبيطار مشات معاه رميساء وليلى ...و سيف و سعد وعلي بقاو فالكوميسارية... دخلوها للمستشفى فين كاين عماد عيط عليه ياسر وجا كيجري عندهم دخل قلبها عرف عندها انهيار عصبي بكات وغوتات بزاف ... دق ليها برا ودار حياب انها حاملة و خلا ممرضين فالباب تحسبا لاي طارئ و خوها وليلى ورميساء بقاو برا كيشرحو لعماد اش وقع لي تاهو تصدم و نتابو الخوف على صاحبو ...بانت ليهم كتفيق ووقف ليها عماد عند راسها ...غير حلاتهم واستوعبات اش واقع بدات تبكي ليهم وليلى تكاتها فحصنها كيهدنوها لا تصعر تاني و عماد كيهضر معاها...عماد: نور اول حاجة غادي تهدني حيت نتي حاملة والبيبي ديالك تقدري تعرضيه للخطر ياك .... والى عرف هادشي زاين غيتقلق منك... باش ميتقلقش غاديا تاخدي نفس طويل وخرجيه ياله ديري معايا...دارت نور لي قال ليها ...عماد: مزيان سمعي زاين كنعرفو بسبع رواح كيخرج منها كيف السعرة من العجين ... نتي غير تهدني غيبان غيبان لي كيهم دابا صحتك و صحة الجنين اوكاي..نور اومات ليه براسها...شافها تهدنات و قال للاخرين يخرجو ... وخلاوهم بوحدهم جلس قدامها...عماد: نور خاصك تكوني قوية ... على قبل ولدك ... الى نهاريتي بحال كيف قبل منضمنش ليك البيلي ديالك واش غيبقا... هنا فين خاصك توقفي على رجليك ومتخلي تاحاجة تفشلك خاصك توقفي مع عائلتك و تساندو بعضياتكم ... فكري فامور ايجابية .. ومتخليش افكار الخايبة تسيطر عليك رته مقالوش ليك مات راه غير مفقود غيلقاوه انا متاكد غير لي كنصر ليك عليه متفقديش قوتك و اعصابك ...نور: واخا غنكون قوية ...عندك الصح خاصني نوقف على رجلي... عماد: هادي هي نور لي كنعرف رتاحي دابا حيت دgيت ليك برا ترخيك...نور: لا خاصني نمشي...عماد: اش قلنا ... نور: واخا... تكات و هو خرج وهضر مع لالاخرينودخلو عندها .... طمنو عليها حتا نعيات بقاو معاها ليلى ورميساء و ياسر رجع للكوميسارية...رجع عندهم و لقا علي محيح عليهم تما حيت باقي موصلاتهم حتا خبار ... الدراري حداه كيهدنو فيه بقاو تما حتا طلع النهار ووالو مكاين تا خبار عليه ...قالو ليهم يمشيو والى عرفو غيتاصلو بيهم علي مبغاش ولكن جروه الدراري بزز.... ورجعو و ياسر باقي مشاف النعاس من البارح رجع عند ختو لقاهم ناعسين كاملين باس راسها وحط راسو حداها حتا داتو السهوة بعد شي 2 ساعات فاقت نور لقاتهم فايقين حداها سولات هوها وجاوبها بلي كاين... ناضت وقالت ليهم خاصها تمشي .... ياسر شدها بالزز و قال ليها بلي معندك مديري تما ...راه علي ورجع ... جابو ليها الفطوىدر هي ورميساء بززوه عليهم ..جا عماد تاهو طل عليها لقاها مزيان وسمح ليها تخرج بعد محاضرة ديال المصائح والتوجبهات ...داهم ياسر لفيلا علي لقاهم كولشي جالسين و علي غير التيليفونات كيغوت على هدا وهدا ناضو البنات ضحى و رانيا جرو نور ورميساء جلسوهم والدراري كيطبطبو علبهم ... وكولشي على اعصابو حتا عيطو عليهم من الكوميسارية ...ناض علي و الدراري كاملين ...نو: غنمشي معاكم...😢😢علي: بنتي جلسي مع البنات احنا غنتاصلو بيكم...نور: لا مسوقيش غنمشي ...ياسر: غير خليها راسها قاسح...ركبها ياسر حداه ومشاو اما اللنات وليلى بقاو فالفيلا...دخلو كيجريو و دخلو للمكتب جلسو قدام عز...وهو كيطرطق فصباعو...علي: هضر دغيا لقيتوه...عز: للاسف ملقينا حتا شي اتر ليه قلبنا المكان مزيان ووالو ...نور: لاااا ميمكنش 😭😭😭 عز: تمنيت كون قدرنا نجيبو اخبار احسن من هادي...دازت 15 اليوم الحال باقي هو هو نور و رميياء رجعو مع ياسر للفيلاتهم ...بقا عليها تجي تبقا معاه ولكن مقبلاتش كتفكر فاش وصاها زاين "نرجع نلقاك فدارك" كدير بوصيتو واظطر ياسر يجلس معاها هو ورميساء ....نور مفقداتش الامل عارفاه غيرجع و حتا كلامو قبل ميمشي كان كيقويها فاش شدها فالبيت وقال ليها يوقع لي يوقع متفشليش بقاي قوية ...هاد الكلام عاطيها شحنات ايجابية (الفيزيك ) و عاد البيبي لي ديما كتفكر ليه ... فاقت اليوم بكري من النعاس لي اصلا غير كتغفو ماشي شي نعاس ... ناضت مشات بالتخبية ركبات فلوطو ديالها نيشان للكوميسارية دخلات للبيرو بلا مدق...دخلات للبيرو بلا مدق...نور: اش درتو لقيتوه...عز: مدام نور صبري عافاك راه كولنا قايمين بخدمتنا..نور: كداب الى قايمين بخدمتكم فين راجلي دابا بلعاتو الارض ؟؟؟ دخلو شي ظباط اخرين....نور: علاش مدايرينش خدمتكم..... علاش باقي ملقيتوه...نور نفاعلت وتعصبت من البرود ديالهم و دارو بحال الى غير كيسايرو وحدة مقلقة على راجلها... متحماتش نظراتهم ... ومسات راسها حاملة وبدات تزوي و تركل و تخبط .تعاير وتسب حتا نطق واحد مكيعرفهاش ياله دخل مفاهمش اش واقع...هو: اييه البرهوشة ... مانا على الضسارة ... عز خرج فيه عينو: هادي راه المدام العمراني حتارمها..😡هو تقاد فالوقفة و بدا بهضر معاها برسمية وحادر راسو.: سمحي لينا امدام الله يصبرك من جيهتو ...نور غير سمعات هاد الهضرة ضرباتو للركبة تحنا شادها ونزلات عليه بمرفقها خشاتو ليه وسط السنسول حتا فشلاتو...نور: راجلي ماماتش وغيرجع وغنقول ليه بتفاهم معاك .... مدايريينش خدمتكم مزيان .... قلبو ديك البلاد دار بدار وشوفو المستشفيات و الكوميساريات و شوفةدو واش خطفوه شي بقية من العصابة تحركو واش اما غنقول ليكم اش غديرو ...عز: خدمتنا دايرينها مدام نور...دخل ياسر ... وجرها شاف بنادم راعف و كيتوجع حداه وخرجها بعدما اعتادر منهم..ياسر: نور واش حماقيتي اش درتي..😡😡نور: مادايرينش خدمتهم ... مكيقلبوش عليه😭😭ياسر: باش عرفتي راه كولنا كنتسناو بحالك ...صبري احبيبة غيرجع ليك ... تخشات فيه نور كتبكي ... عنقها وركبها فالوطو معاه حتا يرجع يجيب ديالها وداها للفيلا .... مشات للبيت وهزات حوايجو كتشم فيهم وكدوز على كرشها حتا غفات...هكا داز شهر ونصف ...نور غير كتفيق كتمشي تحيح عليهم فالكوميسارية وتبرد هوايشها فبنادم ... وهما حانيين ليها الراس حيت مرات زاين العمراني وبنت عائلة العمراني ديما ياسر تابعها وباقين معاها فالفيلا... رميياء ولات عندها 6 اشهر كرشها زادت كبرات ...و نور ناهي كرشها كبرات وبانت ...عندها 4 اشهر بدات كتحس بالجنين ديالها ...ديما خوها مضارب معاها تاكل و يديها للطبيبة ديالها وهي مقسحة راسها... مبغاش كتقضي النهار غير فبيتها تشم ريحتو وترسمو ولي رسماتها تعلقها فالحيط ... اي لحظة تفكراتها معاه وكولشي تفاصيلو و تقاسيم وجهو جسمو وجهو ضحكتو عينيه سنانو ناعس فايق معصب كيضحك مخنزر مقلق فرحان كولشي رسماتو وجهو محفور فداكرتها مكتنسا حتا تفصيل فيه... كتدعي الله ليل ونهار يرجع ليها ... ليلى ديما جايا عندها وحتاىالبقية وعماد كيزورها كل 3ايام كيراقب حالتها غير بالفن ... حيت ممكن تدخل اكتئاب تاني والامر غيكون صعب حيت حاملة...خارج افغانيستان ...فمستشفى... كان زاين مسرح فباياس بالاجهزة التنفس على وجهو .... بدا كيحل عينيه شوية بشوية الرؤية غير واضحا كايبان ليه غير الشعاء كيعمي عينيه ... طارت الممرضة كتعيط على الطبيب جا وعاين حالتو قلب عينيه والضغط والنبض كولشي مزيان ... بدا كيهضر معاه وهو لحد الان مستوعبش ...عطاوه وقت فين يرجع حركة لسانو ...داز شوية الوقت رجع عندو الطبيب عاود قلبو لقا حالتو كتحسن ... وهضر معاه بالونgلي .. حيت باينة فيه اجنبي...الطبيب: باش كتحس مزيان؟زاين: اه مزبان ... من امتا وانا هنا ...واش وقع ليا...الطبيب: هادي شهراين باش جابوك كنتي مضروب فراسك و دخلتي فغيبوبة... ولي جابوك قالو بلي وقع شي انفجار و فاش كانو هربانين هزوك وصلوك هنا ومشاو فحالهم...زاين: انا خاصني نخرج ضروري .... الطبيب : نتا ياله فقتي من الغيبوبة خاصك ترتاح... على الاقل اسبوع😊😊زاين: لا بزاف عندي لي كيتسناوني يعلم الله اش واقع فيهم خاصة مراتي...الطبيب: اااه مزوج ... واخا ولكن حتا الغدا دابا لا ...زاين: واخا شكرا دكتور...الطبيب: هدا واجب...خرج الطبيب وبقا زاين كيخمم... فالعائلة ومراتو بالخصوص خايف تكون وقعات ليها شي حاجة ...داز داك النهار كيتينا الغد بشوق ...اصبح الصباح فايق زاين بكري ... جا الطبيب عندو قلب الظبط والمساءل و سمح ليه بالخروج ضبر ليه مايلبس وعطاه شي حاجة الفلوي عاونو بعدما عاود ليه شكون هو ومنين جا ... خرج زاين مشا للسسيفارة حيت عارف الاوكيل مغيلقا تاحاجة ديالو ...كانو السفارة تاهما عارفين بخبر اختفاء زاين ... فرحو بيه وشكروه على مجهوداتو و حمدو الله على سلامتو ... ضايفوه باشىيبقا عندهم بيما رتاح لكن هو مبغاش طلب منهم يرجعوه حيت معندو لاوراق لافلوس ...وبطبيعة الحال وافقو وطلب منهم مايقولو والو حيت بغا يفاجئهم....مشا ركب فطائرة خاصة فطريقها الى المغرب...اليوم فايقة نور بحال ديما خاسرة لبسات سروال مقطع كحل و تيشورت gري مع الكريسة تهز ليها شوية كطل من التحت ... مبقات كدير لاماكياج لاوالو ...خارجات كتسلت كيف العادة و تبعوها الكلاب حيت مبقاوش كيفارقوها منين ولات ربكسا ام وولداتها نور ولا عندها واحد الحس ديال الحماية لي قرب ليها كتبغي تعضو اولا كتبقا تنبح فوجهو مبقاوش كيقدرو يوصلو نور الى كانت ريكسا بحايلا حسات بلي هي حاملة ومحتاجة لي يحميها... هاد المرة ركبات طاكسي حيت ياسر خدا ليها الكونطاكت مشات تاني كتغوت وتحيح عليهم... حتا جا ياسر و معاه رميساء خلاها فالوطو وجر نور بكلابها دخلها لاوطو كيخاصم عليها ....فهاد الاتناء زلين دخل للفيلا كيجري وفمو فيه غير نور الهدى العمراني ...ولكن لقا الدنيا ساقلة ومكاين حد ...
