ناضت مور كتعرج...هزات الساك والوراق و التيلي وهبطات كان زاين مجبد فالصالة كيتفرج...حتا دازت من قدامو وقال...زاين:تفوتي 7 نجيب مك فينما كنتي..نور: خنزرات فيه ومشات...لقات ياسر جاي هو و رميساء تاهي قالت ليه بلي خارجة... ياسر: اجي لمك نتي لهنا.😒😒😒..نور: ناري مكتنساش...ياسر: راه غير كنجمعهم لك ...باقي قضية الgارو مهضرنا فيها....😡😡😡نور: وباراكا عليا غير الحلوف لاخر بلا منزيد عليا حتا نتا...😤😤😤ياسر: نور كنهضر معاك ...من ايمتا رجعتي ليه اولا قولي ليا عمرك قطعتيه ياك؟ تقت فك انور ونتي كديري لي بغيتي ورا ظهري...😡😡نور: ماشي هكاك اخويا غير .....مكنكميش ديما غير لا كنت مستريسيا ....مبقيتش نعاود عافاك سمح ليا...😦😦😦ياسر: سيرو دابا من بعد ونهضرو ...داز من حداهم ودخل عند زاين...ونور دارت بقات متبعاه وبقا فيها الحال...نور:دابا هادا مالو..😤😤😤رميساء: تفكر الموضوع كان مقلق منك راه غير تلف ...بقا فيه الحال من داكسي لي درتي ..او شخال ونتي موهماه بلي مبقيتيش تكمي و فالاخير يعرف بالصدفة....نور: اوووف هادشي لي كان ناقصني طلعي طلعي... طلعو البنات و ديمارات ودازو على دار جينيونغ وهبط بقا حال فمو فالفيراري وبقا مدابز مع نور تخليه يسوق وحلفت لاتقلعات ليه عارفا سوقانو جاهل كتر منها هي...جين: السم الله يحضر السلامة تي خلينا نجربو...نور: الا...وتقووول...جين: وياله غير زيدي السرعة راك غادا على البيض حشومة فحق الفيراري...نور: لا اخويا لي عضو الحنش يخاف من الحبل مفيا لي يتخاصم مه راجلي تاني...جين: منين غيعرف الله يهديك😞😞...نور دارت طن فراسها وشافت فرميساء: اه بالصح ديك المرة منين عرفني زدت السرعة...رميساء: اويلي بالصح ...واقيلا اللوطو مراقبة...هههه بطبيعة الحال هاداك راه الظابط العمراني😂😂😂نور:بدات دور فعينيها: بحال والو يكون داير كاميرات هنا..رميساء: ههههههه مسخوط..عند الدراري....ياسر: غنتاصل بيهم نشوف واش وصلو لا يكونو دخلو ريوسهم فشي مصيبة انا راه فينما يخرجو كيبقا بالي مشغول...زاين: متخافش ماكتيفي لاب راه باقين غادين فالطريق ...و السرعة المحددة هي هاديك...اش بان لك نتجسسو عليهم شوية...😈😈😈ياسر: تمجهدتي علينا اساط..😂😂😂زاين:على لي عندو بحأل ديك غليفلة ديال ختك ميخدمش القوالب...ياسر: كي شتش ختك غمطفراه ...راه كضرب تا هي غا من التحت واخا نور لي ديما مزعماها....زاين: ههههههه سمع سمع جين قال ليها نزيد الفيتاس ومبغاتش ههههه ها هي بدات دير عقلها...ياسر: هههه العجب...سمعهم كيهضرو على الكاميرات...ونور كتقلب عليها..زاين: بنات الحرام دكيات عاقو هههههههياسر: علا اش كيسحاب لك هههههه فرفارات اله يحضر السلامة ...زاين : ها هما وصلو ههههه غنقطع شفتي دابا رتاحيتي...ياسر: راك عارف ختي مفيها تقة ...زاين: داكشي هلاش درت ليها هاد الاجهزة تجسس...وصافي زيد فيه الماتش بدا...
جلسو الدراري كيتفرجو ...والبنات كيدربو على الاغاني لي غيقدمو وحتا الرقص....بقاو شي 4 سوايع ....وصلات 6 عياو وخاصهم يرجعو ركب معاهم جين لور تاني وصلوه و مشاو حتا وصلو لطريق الغابة نور و رميساء غادين مقشبين فالغناء و الحيحة حتا حسو بريوسهم ضربو شي حد ...عند الدراري شافوها دازت 7 وباقي مجاو شعل زاين لاب لقا لوطو واقفا حدا الغابة ناض قفز كيعيط لنور ومعاه ياسر والو طافي عيطو لرميساء لقاوه مشغول ...متشداتش ليهم ..طارو ركبو حيت متحركاتش لوطو وخافو لاتكون طاحت اوبان بيهم ...ركبو فلوطو جرية وحدة لعندهم متبعين gps حتا وصلو ولقاااو......هبطو الدراري من لوطو لقاو البنات قدامهم خارجين من الفيراري...و كيحاولو يفيقو واحد الشخص سخفان ..زاين: مال هادا...😨😨ياسر: ضربتوه😠😠نور كتبكي: والله ما عرفتو منين خرج ليا...كنت سايقة حتا لقيتو قدامي....زاين: صافي سكتي دابا ...ياسر هزو معايا نديوه المستشفى....ياسر: زيد ...ياله تحناو يهزوه وهو يدير راسو كيفيق...حيت اصلا مبيه والو..رميساء: اووف حمد الله هاهو فاق..ياسر كيضرب فيه ...صاحبيي واش صافا؟ هو كيحاول ينوض ..........: اه اش وقع...نور: والو غير تلاحيتي ليا قدام لوطو مالك مكتشوفش😡😡رميساء: اويلي سكتي مكتشوفيش فيهةمسكين معارف اش واقع😦😦 زاين: نوض نديوك للسبيطار..هو: اه ؟ لا راني بيخير ...ناض ودار راسو كيعرج...ياسر: لا راه تقدر تكون تهرستي ياله معانا.. غير نشوفوواش مزيان....هو: لا اخويا بلا متعدبو ريوسكم...زاين: اش وصلك هنا مساكن حد فهاد الجوايه...هو: اه راه تودرت فهاد الغابة من الصباح وانا كنقلب منين نخرج حيت لوطو ديالي طاحت اومبان وكنت كنقلب على شي station و والو ملقيتش وتلفت....ياسر: مغتلقاش هنا ...واش لوطو بعيدة ...هو: والله ما عرفت ...توضرت غنكون بعدت...زاين: تعطل الوقت دابا وظلم الحال مغتلقاهاش...ياسر: ياله معانا حنا ساكنين غير هنا وغدا نقلبو على الاوطو....نور كتغمز لخوها زعما لا... وهو تجاهلهاهو: لا مبغيتش نبرزطكم...زاين: ما كاين موشكيل راه مراتي لي ضرباتك واجبنا نعاونوك...وكنعتادرو ....نور كتهضر ورميساء كتقرص فيها تسكت : لا راه هو لي تلاح هو لي خاصو يعتادر ...زاين حمر فيها...وياسر قال: سكتي نتي من بعد ونتفاهمو...نور دورات راسها بالزعفة...زاين: ركبو نتوما سبقونا....نور طلعات فهاداك و ركبات هي ورميساء وديمارت ..عاد ركبو الدراري ومعاهم هاداك اللور...وصلو ودخلو نيشان لفيلة ياسر...والبنات حطو الوطو فالفيلا ديال زاين..وهبطو يمشيو عند الدراري..رميساء: اويلي مالك مع السيد مسكين كيبان ضريف ضارباه و زايداه بالتخنزير و تقابيح😡😡😡نور: متقوليش ليل حتا نتي تيقتي ديك التمتيلية انا هاداك متسرطش ليا... وهو لي تلاح قدامنا انا متاكدة والله تا فراسو العجينة...😤😤😤رميساء: زدتي فيه..زيدي خلينا ندخلو و من الاحسن لك تسكتي بلا مطلقي ديك الهضرة تاني.😡😡...نور: اوووف زيدي زيدي.😒😒..دخلو البنات ولقاوهم جالسين فالصالة وجلسو معاهم..ياسر: مهم كيف قلنا لك سمح لينا على هادشي لي وقع.😒😒..هادي لي ضرباتك ختي ولي معاها مراتي..ديما دايرين لينا المشاكل ...نتمنا تقبل اعتدارنا...هو: لا ماشي مشكل كان الظلام غتكون غير مشافتنيش😊😊نور كتدير فيه شوفات ديال التشكيك...زاين: قولينا شنو سميتك...هو: جمال المرنيسي.. زاين: متشرفين انا زاين وهادا ولد عمي ياسر و هادي ختو ومرتي نور وهادي ختي رميساء...هو:متشرفين..ياسر: فين كنتي غادي حتا وقع لك هادشي...هو: كنت مسافر للرباط على قبل شي خدمة...ووقع ليا المشكل...والله الى من 12 وانا كندور...ياسر: اااه من 12 بزااف غتكون عيان...... نوضو نتوما وجدو شي حاجة دغيا...ناضو البنات ونور غير عاقدة الغوباشة ...مشاو للكوزينة حيدو التجاكيطات وتعاونو وصاوبو العشاء..ونور غير كتبرgم ورميساء كتسكت فيهاحطوه وتعشاو ....وبقاو كيتحتو بيناتهم والبنات غير كيشوفو وساكتين...سلاو العشاء وجمعوه البنات ومشاو للكوزينة...ياسر: غتكون عيان وباغي ترتاح اجي نوريك فين تنعس..😊😊😊جمال: شكرا بزاف عدبتكم معيا 😊😊ياسر: مكاين لاعداب لا والو ...مشا وراه فين ينعس فبيت الضياف وعطاه بيجامة ديالو سد الباب وخلاه...وهبط لقا البنات مع زاين فالصالة...نور: كيفاش دخلتي واحد غريب للفيلا حماقيتي؟ياسر: واش نتي عاطبا السيد و كتهضري من الفوق😠😠زاين: نوور مفهمتش تانا مالك معاه...ضاربة السيد و خوك لي متحمل مسؤوليتو و من الفوق كتهاجمي فيه 😤😤😤نور: تاحد مقاليه يجيبو لعندو هاداك داير موتة حمار والله تا هو لي تلاح قدامي...زاين: رميساء واش هو لي تلاح نيت ؟رميساء: ا ا ممتاكداش كنا مزكين مرضيتش البال...ياسر: ها لي قلنا ..نور سيري لدارك بﻹ منصدق داير فك شي حاجة😠😠نور: ها هي غادة ....تيقو فالبراني حتاىغدا تلقاو شي مصيبة ولا شي بلان وقولو نور الهدى قالت 😡😡😡مشات نور...زاين: انا غادي الله يعاون ولكن متيقش 100% حتا نتا رد البال....ياسر: ولا عليك غير تبع ديك الحمقة....زاين: تصبحو على خير...تبع زاين نور لقاها دخلات للفيلا دخل تاهو وطلع تابعها فالدروج حتا دخلو لبيتهم وسد الباب..زاين: نور مفهمتش هاد التصرفات ديالك علاش هاد العصبية...نور: زاين....انا واخا نكون معرت اش كندير وانا سايقة عيني مكتحيدش من القدام وداك خاينة تلاح قدامي انا متاكدة...بلاتي لنفرض انا مشفتش....هو تاهو ماشافنيش ؟ الفيراري كاملة بصداعها والضو لي شاعلاه عاد صداع الميوزيك لي كنت طالقة هادشي كولو مرضش ليه البال....ومشفتيش فاش قلنا ليه المستشفى و هو ينوض بحال الى سمعنا .... وعلاش سخف مدام مبيه والو هادا وراه شي حاجة و غتوقفو على كلامي...زاين: كولشي هادشي لي قلتي عندك فيه الصح دخلتي فيا الشك..مهم متشغليش بالك ياسر قاد بشغالو اصلا الفيلات ب2 مراقبين واخا يبغي يدير شي حاجة مغيقدرش ...وعاد هو من حالتو باينة فيه ملعق منضنش ناوي يسرق....نور: تانا فكرت هكا..مفهمتش شنو ممكن يكون باغي...زاين: اووووه hold on babe شتك نغمستي فالدور يقدر تكوني ظلمتيه ويكون نيت مظلوم مهم سيري دوشي ودوزي تنعسي راه واقلة القصص لي كنعاود لك على خدمتي بداو ياترو فك...😂😂😂نور هزات حوايجها و حطاتهم فوق السرير وهزات البنوار و تمت غادة للحمام وكتنفخ...نور : نتوما غير لي بغا يهضر معاكم كلكم سلعة وحدة😤😤😤ودخلات خلاتو كيضحك عليها كيعصبها ويبقا يضحك عليها بدل حوايجو ووحل فتريكو وبقا هكاك كيتسناها تخرج تلبسو...حلات الباب وخرجات كتنشف شعرها لابسة بينوار ...نور: مقدرتيش تلبس تاني...زاين: اجي عتقي راه وحلت...قربات ليه نور هزات ليه دراعو غير بشوية باش ميتعgرش و بدات تخشيها ليه فالكم و هو لقاها عريانة قدامو بدا يحل ليها البينوار وهي كتسدو وضربو لايدو ..نور: وصافي رصا 😡😡😡زاين: هههههه دوش مبرد فيك والو باقة مكشكشةنور: خشي ايدك دغية خليني نلبس...زاين: صافي هههه..... بلا مديري ليا الباندا...نور : علاش خليها...زتين: لا غير مبرزطاني...نور: على خاطرك....هي مشات تلبس وهو تخشا فبلاصتو جالس حاضيها كتدهن لي كريم و تنشف شعرها لبسات طفات الضو وجات تخشات حداه وهو باقي حاضيها ....زاين: اجي لبلاصتك...نور : و راني فبلاصتي....زاين: لا (كيشير لسدرو) ها بلاصتك..نور: غضرك ايدك غير نعس انا غنشد فك...زاين حمر فيها...وهي تصوخرت عندو ولاحت رجلها عليه .حطات راسها على سدرو وهو دار ايدو فخصرها ونعسو..اصبح الصباح ...اليوم الاتنين زاين باقا عندو سيمانة ديال الراحة...فاقو ولبسو و فطرو وهادشي نور كتنقز لزاين عند راسو باش يزرب ويمشيو عندهم..زاين: تي مالك طاسيلتك فرعتي ليا راسي...كون كانت شي حاجة كوراهم عندنا دابا...نور: واخا هكاك...سلاو و خرجو لعندهم لقاو غير رميساء لي كاينا...زاين: فينهم؟رميساء: قبايلا فاقو ...فطرو ومشا معةياسر يوصلو لطونوبيلتو ومن تما غيمشي...نور: بهاد السهولة ....ممشا ليكم والو ...مطرات حتاشي حاجة ؟زاين: غتسكتي حسن لك....شتي السيد مسكين ظلمتيه هكاك نور: وااالو وتقول انا ديك الدخلة لي دار لينا ممقنعانيش...رميساء: لا لا نتي والله تاحماقيتي...نور: زيدي قدامي راه تعطلنا...ونتا ازاين اش غدير ...زاين: غنخرج جاكسون ونتمشا شوية راه قنطتنور: اوكاي بيب احنا مشينا ركبو فالفيراري وبقا متبعهم زاين حتا مشاو وخرج جاكسون وخرج تا هو ...من بعد رجع وصاوب الغدا البنات سلاو الحصة ومشاو يدربو بقات غير 4 ايام للايفنت...سلاو وصلو معاهم جين و رجعو....لقاو زاين مطيب الغدا رميساء مبقاش ليها الوقتةفين طيب ...تغداو مع نور وزاين...ياسر: ايوا الالا القافزة ....اش وقع السيد نيت لوطو ديالو كانت اومبان وديتو حتاةخدا المازوت و عمرها ومشا....السيد درويش مسكين ونتي دايرا لينا فيها قافزة حتا سمح ليا مسمعها منك😡😡نور: واش غنبقا نعاود كلامي ...صافي غلطنا ياله بقيتي على خاطرك...زاين: صافي دابا لي وقع وقع و ولي تردي البال راه داكشي لاش قلت لك متفونيش 7 كيضلامةالحال ومتعرفي اش يخرج فطريقك...و الى طرا لك هكا عمرك تخرجي من لوطو عيطي ليا انا نجي ...نور: واخا...شافت فرميساء......اويلي بشوية علك نتي....رميساء: ناري اخويا طيابك بنييين...زاين: ههههه على اول مرة دوقيه.😂😂😂.ياسر: ياك ؟ و انا عمرك قلتيها ليا....رميساء: طيابك نتا عادي😒😒....ياسر: وعنداك تطلبيني نطيب لك تاني...نور: سبحان مبدل الاحوال هادي هي لي كانت تقول طياب ياسر مكاينش بحالو...رميساء: بدلت رايي😑😑😑تغداو واول مرة ياسر و رميساء لي مناgرين....نور وزاين مقشعو تا لعبة ممولفاش ليهم....سلاو الغداء و ياسر رجع لخدمتو اما البنات جمعو الماعن و مشاو وطلعو لا صال يكملو التدريب وزاين بقا التحت كيتفرج...نور شعلات الموسيقى وبدات هي و رميساء يشطحو ومتبعين نفس الحركات....بعد ساعة وقفات رميساء وجلسات لور...نور: مالك...رميساء :عييت باركة عليا غير كملي نتي...نور: ياكما مريضة ...رميساء : لا احبيبة غير عييت نستاراح شوية ونكمل معاك...😊😊نور: واخا الى بغيتي هبطي ديري ليك شي حاجة كوليها...رميساء: اااه جاني جوع...هبطات رميساء مشات للكوزينة ودارت سوندويش ودارت فيه طروفة الشكلاط المر ديال نور...ومشات جلسات حدا زاين كيتحتو هي وياه...نور قنطات بوحدها وهبطات عندهم لقاتهم مجمعين وجلسات معاهم...نور: شتك كتبنني اش درتي فيه تانا بغيت..رميساء: فيه شكلاط...نور وقفات : نااااري اشمن شكلاطزاين: هههه قودتيهاا..رميساء: تي مال مك راه غير شكلاط.😡😡..مشات نور كتجري للكوزينة لقاتها حلات الباكية كاملة....وهي ترجع ليها ...ناض زاين يفك ووقفات وراه رميساء كتاكل وتبنن وتقلي لنور فالسم...ونور صعرات مكتحملش لي يشاركها فيه و عزيز عليها تاكلو يوميا ....كتشوف فرميساء كتفقصها وتاكل وهي غمكتزيد تجنن وتنقز لزاين فايديه وهو كيبرد فيها وكيضحك...زاين: صافي غنمشي دابا نجيبو لك مال مك صاعرة على والو😂😂😂😂...نور: ولا بغيت ديالي..شحال وانا نخطط ايمتا ناكلو وهي تجي طgني فيه ...شكلاطي مسكين شوف كيكاتاكلو فالخبز تكرفصات عليه😭😭😭😭رميساء: ممممم ممممم اش هادشي بنيييين مممممنور: وطلقني نريش مها....(زاين شادها كيضحك شافتو مغيطلقعاش وبدات تدعي) يهبط بالزحمة ان شاء الله.... يوحل لك فالركابي.. بغيتو يدير لك سريسرة وتكوني فزنقة حس الخلا مكاينش ....الله يلgيها لك ابنت الحرام من فعايلك....😭😭😭😭 بنت الحرام كلاتو كولو...زاين: ههههه صافي صافي دابا نشري لمراتي غير سكتي...دخل ياسر...اش واقع هنا مالكم حاميينها...زاين: جابك الله دي عليا مرتك...مناتفات ليا على الشكلاط...نور: كلات ليا الشكلاط المر ديالي😭😭😭ياسر: ههههه و نتي ملقيتي ماتاكلي غير شكلاط هاد المهاوشة هههه ديك الساعة قوليها انا نجيبو لك...رميساء: بعد مني متهضرش معيا ...كتاكل عاقدة غباشتها...ياسر: ههه وزيدي قدامي ...لاحول...مشات رميساء مع ياسر ونور بقات جالسة مربعة ايديها وعاقدة الغوباشة ...جرها زاين عندو ...زاين: هههههه وينو على التقليقة ...سعدات هاد الشكلاط لي دايرا عليه هاد ألحالة....نور: قلب عليا اصاحبي تانتا....😠😠زاين: صاحبي ؟ واش انا مجوج بمراتي ولا بعشيري...نور: بحال بحال...زاين: دابا نوض نوري لمك بحال بحال كيف دايرا...نور: ياله نمشيو نتقداو راه خوات التلاجة...زاين: ههههه القوالب قولي عينك فالسقاطة...كون معرفتك كتشربي الفنيد كون قلت هادي كتوحم..نور: ونوض...ناض زاين لبس على وعدو وسعدو وتاهي ركبو فالفيراري ديالها حيت هو باقي مكيسوقش ...ومشات طايرة وحيت هو معاها مسموح ليها دير لي بغات ولكن غير كيوصلو للطريق العام كيقول ليهاتنقص الفيتاس....وصلو وهبطو ..دخلو ومخلاو ماهزو نور كتهز غير السقاطة والماكلة البيو ....وزاين غير وراها مخليها هي تولا الموضوع وفينما يبان ليه هو شي حاجة باغيها يلوحها فالشاريو...سالاو وخلصات نور بالكارط ديال زاين حيت عارفا القن ديال لي كارط ديالو كاملين ...هزو داكشي ورجعو للفيراري عفطات عفطة وحدة طالقا الزدحة و هو حداها مرولاكسي ...واخد راحتو فينما يوقفو فشي سطوب كيبغي شي واحد يتبسل عليها كيلقا الحلوف مشبح حداها قداش ....تا واحد ما كيزعم يهضر معاها..وهي واخدا راحتها حاسة براسها مالكة الدنيا وهو حداها ...وصلو هز معاها داكشي ودخلو يستفو كل حاجة فبلاصتها....حتا صاوبو العشاء و تعشاو وجمعو مواعين وطلعو للبيتهم ياكلو الديسير احم احم..اما الكوبل الاخر بعدما تعشاو طلعو للبيت ...ياسر خدام فالبيسي ورميساء دوشات وخرجات تلبس...لبسات وتخشات فبلاصتها ...ياسر شافها غتنعس طفا البيسي وناض عندها تكا حداها وخشا وجهو فعنقها...وقال...ياسر: شتك غتنعسي...رميساء: نعس تانتا...حبستك.😕😕..ياسر: لا مفياش.....توحشتك...رميساء: سير بعد مني ياله دوشت ومعندي خاطر..😤😤.ياسر تقلق: واخا الالا 😤😤😤😤نعس ياسر مقلق منها....والكوبل لاخرين عيشين الرمانسية...اصبح الصباح...ياسر كيفيق فرميساء لي باقةغاطسة فالنعاس...ياسر: رميساء نوضي احبيبة ...باسها فحنكها وهي كتحرك مبغاتش تفيق...رميساء دفعاتو على ظهرو رجعاتو .... وتخشات فيه ودفنات وجها فعنقو وهو كيدوز على شعرها... و كيهضر معها... ياسر: نوضي الكسولة...رميساء هزات راسها مخصرة وجها بالنعاس وحتا من ريحة ياسر لي معاجباهاش...رميساء: اشمن ريحة داير خايبة...😒😒ياسر: هههه ياك نتي لي جبتيها ليا وعزيز علك نديرها 😏😏...رميساء: دابا مبقاتش عاجباني 😡😡متبقاش ديرها...وناضت دخلات للحمام...وهو بقا كيشوف مفهم والو من تصرفاتها...حتاةناض تاهو ودار روتينو الصباح..▪▪▪▪▪ عند الكوبل لاخر لي زاين فايق وكيلعب فوجه نور وكيدوز شعرها على نيفها وهي كتحكو وكتدور وجها وهو كيشوف فيها ويضحك...حتا هز التيلي وبدا يصورها كتعجبو فاش كتصبح بعد شي ماتش بالليل ....ديما كتصبح موردة و حنيكاتها مزنgين و وجها كيشرق خاصة مكديرش ماكياج فاش كتبغي تنعس معاه ...و فاش كيساليو كتكون فاشلة مكتقدرش تلبس وكتنعس هكاك...كيشوف فيها كتصبح بريءة و موردة بحال اول مرة كتولدها امها...كيصور فيها و لحمو كيبورش من شدة الفرحة لي كيحس بيها و حبيبتو لي دق قلبو اول مرة شافعا بين ايديه دابا و ديالو وكتبغيه .... مكرهش يبقا هكاك يشوف فيها ...وهي هكاك معيقاش بيه قدامها وكيصورها ....هز ايدها وباسها وبقا طالع مع ايدها حتا وصل لعنقها وهي تبورش خبات عنقها وحلات عينها....لقاتو غياكلها بعينيه وديما نفس الشوفات لي كيدير فيها كيطلعها ويهبطها كاملة وبنصف ابتسامة كيحشمها بهاد الشوفة جرات الغطا وخبات وجها وهو كيجرو ليها كيضحك.. زاين: ونااااري مي غتسكت لديلمي القلب....نور: راه نتا لي غتسكتو ليا بدوك الشوفات...زاين : وحيدي الغطا بعدا ونهضرو...نور جراتو وخلاتو على نصف وجها بحال النقاب كتطل عليه...زاين: وحيديه بغيت نشوف تزنيgة...كيفاش دوك الشوفات اشمن شوفات كندير 😂😂نور: راك عارف كتبقا طلع فيا كاملة كتحشمني هكاك وكتخلي قلبي كيخبط مكنعرف اش ندير...زاين قرب ليها وشد فوجها ايدو شادا حنكها كامل ...وقال ليها....زاين: متكونيش بحالي الغزالة ...الى كان قلبك غير كيضرب انا راه كيبغي يسكت وكيخلي داتي كولها كتزدح معاه..😍😍.نتي راه معندك حتا فكرة حبك اش داير فيا...كنبغيك يا احسن ماوقع فحياتي ... باسها فجبهتها ...نور كتلعب فلحيتو بايديها وهو شاد ديك اليد وكيبوس كفها...نور: انا لي كنبغيك اكتر احبيبة حاسة براسي اسعد وحدة فالدنيا وانا معاك وبين ايديك .....الى طلبوني نفديك بروحي نديرها 2 مرات بلا منفكر...شكرا حيت دخلتي لحياتي...وعنقاتو .....عمرك تخلى عليا..زاين : نتخلى على روحي ومنتخلاش عليك ... وليتي بحال لادروg بالنسبة ليا الى مشفتكش قدامي ...ومسمعتش صوتك كنحس براسي مقطوع..وناقصاني شي حاجة...ههه قالت لك نتخلى عليها...😏😏😏 نور : ههه ونوض عليا لانتعطل...زاين: بقاي متمشيش اليوم باقي مشبعت منك...نور ....واللهما كرهت لك احبيبة ولكن العرض بعد غدا و خاصني نركز عليه.. كترنا التدريبات هاد الايام الاخيرة...زاين: اووف على هاد الافنت لي خارج ليا من عودي ...نور ...هههه بعد غدا غيدوز ونتهناو ب2 ..ناضو دوشو ب2 نور عوناتو يحيد الفاصمة الجرح بدا يبرا ....خرجو لبسو حوايجهم فطرو وخرجو تلاقاو مع الكوبل لاخر....كان باين فيهم مخارgين سلمو على بعضياتهم وركبو البنات ب2 وياسر ركب مشا لخدمتو...وزاين خرج يتمشا فالبحر كيف العادة دازت الحصة والتدريبات رجعو البنات وتغداو مع زاين و جا عندهم حتا ياسر ....نور: زاين غنمشيو فالعشية عند الطبيب يطل على كتفك..زاين: علاه اليوم ؟ نور : اه ياسر: رميساء ؟ نمنك هاد العشية نخرجو؟ رميساء: لا غير سير لخدمتك انا باغا غير نعس...ياسر بقا كيشوف فيها ...و رجع كمل ماكلتو ونور وزاين شافو فبعضياتهم حسو بالمشاحنة بيناتهم...كملو غداهم ياسر رجع لخدمتو و رميساء مشات لفيلتها مشات تكات كتفرج وتاكل...اما الكوبل لاخر مشاو للطبيب لي متبع معاه لقا بلي تحسن ونصحو يولي يحرك ايدو شوية باش تعود ....خرجو من عندو و مشاو كيتسركلو مشادين ....دارو حتا شبعو ورجعو فحالهم ....بقاو على الضحك والرمانسية حتا تعشاو ونعسو ....اما الكوبل لاخر كيحاول ياسر يقرب ليها ولا يضحك معاها كتنفرو و تبعدو وماعاجبها حال وهو حار معاها مافهم والو ...ولا كيفاش يتصرف معاها.. خلاها على راحتها حتا بغاىينعس وجرات عليه كتحس براسها ما باغاش تشوفو ....رميساء: سير للبيت لاخر و نعس ريحتك محاملهاش فينما ندور نشمها...😡😡ياسر: واش حماقيتي راه دوشت 2 مرات ....وهاد الريحة مبقيتش قستها فين كتشميها واش كتفلاي عليا 😡😡😡؟ رميساء: واش كنكدب عليك دابا ....اهى اهى اهى خرج مبغيتكش تنعس حدايا ياله....بدات تبكي وتركل ليه فوق السرير...ياسر: صافي صافي هاهو غادي...بلا متبكي..خرج وخلاها ...وهي بقات كتبكي واخا دار ليها خاطرها ...اصبح الصباح....فاقو لي كوبل ... دارو الروتين الصباحي كيف العادة... اما ياسر طالع ليه الدم معاجبو حال...فيق رميساء ولكن مبغاتش تنوض خلاها على راحتها لبس وخرج...تلقا مع نور جايا عندهم ومعاها زاين...نور: صباح الخير خويا فين رميساء.😊😊..ياسر: راها الفوق باقا ناعسة..زاين: نا موالفاش ليها.. نور: غنطلع نشوفها...طلعات نور...زاين: ياسر؟ مالك كاينةشي مشكل....ياسر: انا براسي ماعارفش رميساء تبدلات فتصرفاتها... فبنما نقرب ليها تنفرني البارح gاع حلفت لانعست حداها.... خايف نكون زربت عليها وتكون هي خدات قرار متسرع فزواجنا ...كيما كان الحال راها باقا صغيرة تقدر تكون تنادم معاها الحال ومبقاتش باغاني....زاين:بحالك بحل ختك دغيا كتخرجو فيلم.😂😂😂...ماشي زدتي فيه ... راه تلقا غير العيا ديال التداريب راك شفتيهم مكيساليوش...غير خليها على راحتها راه ختي هاديك و عارفها...ياسر: واخا اسيدي غندير بهضرتك و نخليها على راحتها مهم راني معطل دابا الله يعاون...زاين: الله يعاون..ركب ياسر مشا وزاين دخل لفيلتو...عند نور لي طالعة فوق الفراش كتفيق فرميساء...نور: نوضي العشيرة ما غاداااش...رميساء: خليني عليك انور مفياش...نور: رميساء؟ مالك مبقيتيش عاجباني هاد الايام اش واقع لك...ناضت رميساء جلسات : مبيا والو ..😒😒😒نور: ومال ياسر لاحظتها فك وليتي غير كتقمعيه ولي دارها لك مكيعجبكش ...هادشي ماشي ديالك..رميساء: اووف معرفتش انور مغنخبيش عليك ....تانا مبقيتش فاهما راسي .... اويليىفينما يقرب ليا مكنحملوش ريحتو هضرتو ضحكو كولشي ولا كيجيني تقيل...😭😭😭😭 واش صافي مبقيتش كنبغيه غنتسطى انور والله ياااير اعباد الله ياسر لي كنموت على التراب باش كيمشي... هاداك لي ريحتو كدوخني...هاداك لي كنموت وانا بين ايديه ....مبقيتش حاملاه يقرب ليا...نور قولي ليا عافاك واش صافي مبقيتش كنبغيه...😭😭😭كنت ديكا كنقول عمري نقدر نسا اولا ينقص حبي ليه شوفي اش واقع دابا (تفرgعات بالبكا)عنقاتها نور: صافي صافي احبيبة غير تهدني كيوقع بحال هادشي بلا متخافي يمكن غير خاصك ترتاحو شوية من بعضياتكم ...حاولي متحاكيش معاه و متبينيش ليه هادشي باش ميتجرحش تاهو كنتفهم شعورك ولكن تاهو معندو دنب مسكين شفتيه شاد معاك الخاطر وممخصصك من تا حاجة...رميساء: عندك الحق بقا فيا مسكين جريت عليه البارح من البيت و 3 ايام مخليتو يقيصني..😭😭😭.نور: صافي مسحي دموعك مرحلة وغدوز ان شاء الله...رميساء: يا ربي...نور: بان ليا ما فيكش لي بمشي لافاك...نجيبو جين هنا ندربو عندي ؟ رميساء: اه مفيا لي يمشي...ناضت رميساء لبسات و خرجات مع نور لفيلتهم جلسات تفطر وزاين حداها و نور ناضت تعيط على جين...زاين كيدوز على شعرها وهي كتاكل: رميساء؟ حبيبة خوها...عندك شي مشكل؟ مريضة؟ رميساء: لا معندي والو 😐😐😐زاين: ومالك نتي وياسر...رميساء: ساعة للله وصافي زاين: رميساء ردي البال ...ياسر عمري شفتو مقلقك ولا منقصك من شي حاجة ...مديريش شي تصرف يخسر علاقتكم...راه كيستاهل غير الخير منك ..رميساء بدات تبكي: وصافي بلا متقجر عليا...
