زاين داخل كيقلب قلب الكوزينة و الصالات والبيوتة التحت عاد طلع للفوق دخل للبيت و لاح شكارتو من هول الصدمة من داكشي لي شاف... دخل لقا البيت كولو عامر بلي بورطري لي دارت ليه .... زاين مرسوم فجميع حالاتو وبالالوان و البيت حيوطو كلهم عامرين مخلات حتا قنت و لي شايطين محطوطين فوق الطبلات دخل شافهم وحدة وحدة والدموع فعينيه خايف تكون وقعات ليها شي حاجة حيت مستحيل تحمل مزال صدمة اخرى حضر وشاف مزيان اش وقع شهور هادي ... و خاصة نور متعلقة بيه بزاف تفكر اخر نعار فاش مشا وخلاها كتمرغ ليهم فالرض و خوها كيسكت فيها ....لقا دموعو فوق خدودو... هبط كيجري دخل لفيلا ياسر مكاين حتا شي حد ...زاد تعصب وخاف ....او فين هادو ولات غير فكرة وحدة فبالو هي نور طارية ليعا شي حاجة ... دخل تاني لفيلتو ظايخ غيتفرgع بالخوف والخلعة ... دخل قلب على شي حاجة لي تبين ليه فين ممكن يكونو ملقا والو ...و تم خارج من الفيلا واتى العيا عليه وجهو حمر مزنg و خطواتو متداخلة بالعيا طبيعي ياله فاق من الغيبوبة مدازت يوماين حتا ركب فطيارة و جا نيسان كيقلب على مراتو....اما عند نور متكية على الجاجة اللور و كلابها فجنبها...و ياسر سايق و كيطل عليها من المراية ورميساء كتمسح دموعها ...شد فيها ياسر باش تهدن وتسكت ومتاترش على نور... دخل باللوطو للفيلا و هبطات نور سابقة وكلابها فجنبها و ياسر ورميساء وراها....غير سمع زاين حس اللوطو خرج كيجري ووقف كيشوف .... بانت ليه جايا من بعيد حادرة راسها والهم باين على وجها.... هز راسو غمض عينيه وتنهد لاح كولشي دوك الفكار الخايبة مردش البال لكرشها حيت كانت لابسة الكحل.... حمد الله منين شافها واقفة على رجليها .... شافوه ياسر ورميساء بقاو مبهوضين لور ..و الكلاب شافو زاين بداو ينبحو وينقزو .... هزات نور راسها تشوف لقاتو بعيد واقف كيشوف فيها ووجهو احمر بالبكا... بقات واقفة مصدومة واش حقيقة اولا خيال قلبها غيسكت شاداها الدوخة و الفرحة والخوف والراحة كولشي الاحاسيس تخلطو عليها ... دارت شافت فيلسر بحايلا كتسولو واش نيت واقف تما ...اومأ ليها براسو ضاحك زعما اه.... ضارت عند زاين ودار ضحكة وحل لبها ايديه.... محسات حتا هزوها رجليها كتجري من جهدها مداتهاش فغوات ياسر لي لور ....ياسر: نوووور بالشوية متجرييييش😨😨وصلات عندو وتشعبقات عليه هزها بين ايديه زيرها عندو ...وهي لاويا عليه ايديها ورجليها ...وشعرها مليوح فوق وجهو .... و وجهو فعنقها وسدرها وهي حادرا راسها كتشم ريحتو من عنقو ... مهضروش ومتكلموش ....مكيسمع غير تنهيداتها و فومها كيقول ااااه ....ااااي ...وهو زايد مخشي فيها كيزير عليها...زاين: سمحي ليا سمحي ليا احبيبة ...موفيتش بوعدي..نور: متهضرش سكوووووت 😭😭😭سكت زاين وهي مخشية فيه مباغاش طلقو وهو معنقها هكاك وغادي جاي بيها بقاو شحال هكاك و رميساء بدات تبكي عنقها ياسر كيبرد فيها....زاين حس بشي حاجة قاسحة بيناتهم و بعدها حطها فالارض والاستغراب بادي على وجهو ... وهي وجها احمر بالبكا شادا ايدو كتشوف فيها ...حط ايدو على كرسها وتحلو عينيه بالصدمة هز تيشورت بانت ليه الكريشة خارجة وبيبضة ... هبط على ركابيه قدامها و وايديه ب2 على كرشها حط فمو عليها و دموعو دايزين حس بالبيبي كيتحرك ...هز وجهو شاف فيها و لقاها كتلكي و تبسم ليه...زاين: واش ...واش هادشي لي كنشوف بالصح 😍😍نور: اه بالصح.... ممشيتي حتا خليتي طرف منك فكرشي...... اولد الحراااااااام😭😭😭زاين وقف عنقها بالجهد وهي مخشية فيه كتبكي.... كيدوز على سعرها ووجها و يبوس راسها وحناكها وكيسكت فيها.... حتا وقفو الكوبل لاخر حداهم ...طلق نور وشد ختو عنقها وهي تا هي مخشية فيه...رميساء: على سلامتك اخويا ... الحمد الله على رجوعك لينا توحشناك وخلعتينا عليك...😢😢😢زاين: شششش انا معاكم احبيبة ... ههه الكريشة كبرات 😍😍رميياء: ههه😛😛باسعا وداز لياسر تاهما تعانقو...ياسر: حمد الله على سلامتك اخويا ... خلعتينا عليك..زاين: الله يسلمك اولد عمي 😆😆ياسر: راك غادي تخلص شحال من بلان ديرها فبالك ..وكيشير لختو...دار زاين شاف فيها و جرها عندو كيضحك...نور خواو بيها رجليها بين ايديع وهما كيضحكو حتا سخفات بين ايديه وشدها بين ايديه دخلها للفيلا..
سخفات و طلعها زاين لبيتهم... الكوبل لاخر بقاو التحت... هز ياسر التيلي وعيط لعلي...ياسر: عمي...علي: يالاباس اوادي ... واش البنات بيخير..ياسر: خلار الحير اعمي زاين راه فدارو جمع طولشي واجيو...علي: بالصح ...امتا جا ... واش هو بيخير...ياسر: واقف على رجليه حمد الله راه عاد جا...علي: حمد الله ياربي انا غنفرح لاخرين ونجيو دابا...ياسر: احنا كنتسناو...قطع ياسر وعنق رميساء من الفرحة...اما الفوق زاين هز الريحة شممها ليها و رش عليه شوية الماء عاد فاقت ...زاين: ههههه غتحمقيني نتي...نور عنقاتو : توحشتك 😢😢زاين: متكونيش بحالي احياتي...مور: فين كنتي علاش غبرتي عليا شهراين معرفنا عليك والو ..😢😢زاين: خلي هاد الهضرة من بعد ... خليني نصرط بعدا فرحة ولدي ولا بنتي ... اهلا بابا ... كنتي معدب ماماك فاش مكنتش اه ؟؟ هز راسو لقا نور كتكمع دابا منين رتاحت عاد حلا ليه النعاس ....قادها وخشاها فيه وتكا حداها...وايدو محيداتش من كرشها....بقا حتا داتو السهوة معاها....بقا حتا داتو السهوة معاها.... بعد ساعة كانو الاخرين التحت كيوجدو الغدا ... ياسر كيصايبو ورميساء حداه كتعاونو... حتا دخلو العائلة كولشي كيجيرو ويقلبو بعينيهم عليه ....علي : فين هو؟؟ليلى: فين ولدي اياسر...ياسر: غير تهناو راه الفوق ...كيرتاح ... اجيو جلسو حتا يفيق...ليلى: مقدراش نصبر اولدي...فاق زاين سمع الحس فالدار بدل حوايجو غطا نور باس راسها وهبط... دخل عليهم مجموعين فالصالة...ناضو كولشي فرحانين بيه تلاحت عندو ليلى كتبكي فحضنو....ليلى: الله باربي الله ...حمد الله منين رجعت شفتك اولدي...زاين: انا معاكم الوالدة ...علي عنقو: حمد الله على سلامتك ... خرجتيها منا..زاين: سمحو ليا الواليد 😦😦عنقوه واحد واحد وكل واحد فيهم خدا حقو ... وجلسو كل واحد كيسولو فجيه...فاقت نور تاهي من الحركة لي فدار ناضت قافزة منين ملقاتوش حداها خافت تكون غير كتحلم.... هبطات هكاك حفيانو كتجري وتعيط... زاين زاين... حتا قىبات للصالة عاد سمعها ناض بالزربة خرج عندها كيقول انا هنا ... جرها عندو باس حناكها و دخلها معاه و جلسها بجنبو هي مسلمات على حد مهضرات مع حد غير لاسقة فيه وحاطة راسها على كتفو وكلهم كيشوفو فيها ويضحكو وحتا زاين...علي: خرجتيها من مك اولدي...😦😦ليلى: ولكن ماشي بحال ديك المسكينة لي واحلة فروحها...سيف: اه بالصح هي لي كلات الدق...زاين بقلق: علاش اش وقع....😨😨ياسر: لهلا يوريك ... شيباتني اصلا النهار لي عرفنا الخبر ... بقات غير ضور ممرتاحاش حتا عرفنا بلي وقع انفجار ...مشينا قربلات الدنيا تما... بالغوات والبكا... حتا سخفات ...زاين ربط غولاشتو وشاف فيها...نور: واش ضروري تعاودو ليه هادشي 😒😒زاين: لا كمل ...ياسر: ديناها للسبيطار عند عماد هو لي عرف يهدنها ... و من داك النهار وهي محمقاني كل مرة سالتا تمشي للكومييارية تقربل ليهم الدنيا تما وبعد النوبات كتضرب واشوف وبكرشها اعباد الله انا راه هزيت ايدي مع هاد البنت...نور كتغمز فيه و تعض على شفايفها يسكت وهو كيزيد يكحل ليها الضوسي وزاين غاما زايدا غوباشتو تربط..ليلى: ايوى ماشي لخاطرها حبيبة ديالي راها باقا صغيرة وحاملة من الفوق راه ضروري غتحتاج راجلها..سعد: و فين كنتي غابر هاد شهراين كاملة... زاين: كنت فكوما.....نور: كوما😢😨😨😨زاين: اه .... منين سالينا المهمة معرفتش كيفاش حتا وقع شي انفجار من تما معقلت حتا فقت هادي يوماين... وقالو لبا شي ناس لقاوني فالطريق هربانين وهزوني معاهم حطوني فالسبيطار ومشاو ومن تما وانا هكاك حتا فقت...سيف: وا شحال قلبو عليك تحت البناية لي طاحت و فلاو تما كامل مكانش حسك...زاين: اه السبيطار لي كنت فيه خارج المدينة لي كنا فيها داكشي علاش ...علي : ايوا الحمد الله غير منين رجعتي بصحتك...زاين: ايوى الالا نور اش هادشي سمعت...نور: عافاك بلا متبدا ياله جيتي وخليني غير نشبع منك اما الحسابات تانا عندي منفضي معاك...رانيا: ايوى اخويا منين نيت حساباتكم عامرين غنزيد نعمر ليها الضوسي نيت..😂😂زاين: زيدي مزال اش كاين عارف طاسيلتها متقدرش تحلس بلا مصايب...نور كتحلف ودير ايدها على عنقها زعما غندبحك... وهادشي ورا زاين...رانيا : ايوى سمع اخويا...ضحى: ايوى الله يقدرك على فعل الخير اختي😂😂😂رانيا : امييين..... مراتك اخويا حاملة هادي 4 اشهر و مكانتش كتشرب دواها .. مكانتش كتاكل ... و حتا الرونديفوات مكانتش كتمشي ليهم...زاين: واااايلي...ياسر: اه نعياو فيها انا وخالتي ولي فراسها فراسها الى ممشاتش للكوميسارية كتبقى مخشية فالبيت مكنعرفوها اش كدير....نور: شتكم تحاميتو خويو قلبكم شتو عامر زيدو مزال...😬😬زاين: لا مزيان مزال عندك الفم لي تهضري اش كنت كنوصيك فالتيليفون ...اه..نور: واش لخاطري واش انا راجلي معارفاه فانا ارض و نعيش حياتي بحال الى مواقع والو...صافي دابا كنين رجعتي لينا لي قلتوها نديرها...زاين: بزز من طاسيلتك...رميساء: نور وراه بالصح الاهمال ديالك راه ظاهر ...شوفي كرشك قد كرشي تقريبا ...انا 6 اشهر ونتي ياله 4 اشهر راه خاصها تكون اصغر عنداك يكون شي مشكل فالبيبي...كولشي بدا يشوف ويقارن...ليلى: عندها الصح كريشتك ابنتي اكبر شوية من قياسها...سيف : غيكون غير البيبي مترفش بحال باه...زاين: راه غنوض نفرشخ مك نتا...😂😂سيف: تفرشخني شتي ... خوك الكبير خاصك تحتارمني😒😒نور: على زاين صغر منك ... مباينش نتا مبرهش عليه..زاين: الله يرضي عليك احبيبة😂😂😂سيف: سكتي نتي ... راه غنوض نطوعك مع نيت تكورتي بحال والو تكوني كتبومباي😂😂😂نور: بزاف عليك اراس الطبل ... الحولي لاخر....سبف: اللهم حولي اولا كورة😂😂😂علي شير على سيف بمخدة: تفرق ليا من بنتي ...لاش كتفقص فيها العجل ...اش قلت ليك داك النهار...نور ضحكات ضحكة شريرة ليه و كولشي بدا يضحك ... وزاين مطلقاش بقا متكبها على سدرو وهو جاس مفرع غير بشورط و تيشورت ... حتا ناضو البنات وجدو الغدا حطوه و تجمعو يتغداو ... مجمعين و كل واحد حاضي مرتو تحت عينين ليلى و علي لي كيتغامزو ويضحكو... بقاو مجمعين معاهم حتا نقصو واحد واحد و نيت يخليو زاين يرتاح.... حتا بقاو رميساء وياسر لي جالسين فالجردة...زاين؛ دابا احبيبة عندك 4 اشهر ... يعني فاش مشيت كان عندك شهر ... واما مجايب للدنيا خبار😍😍نور: اااه ياسر: ناري ياخويا نتا درتيها وانا وحلت فيها ... زاين: هههههه علاش...ياسر: الوحم .... تاهي اكتر من رميساء غير وحدة كتجبد غير الغابرات و الاخرى تنوضني نصاصات الليل نطيب ليها...اين: ههههههههه بالصح احبيبة...نور: اه .... توحشت لي باط لي كدير ليا ... ههه كترشق ليا عليها بالليل كنعيط ليه يطيبها...زاين: بصحتك احبيبة صافي انا جيت غنولي نطيبهم لحبيبة ديالي...ياسر: شت هادو بداو يتمعشقو عليا نوضي احبيبة تاحنا عندنا ميدار ...و غمزها...رميساء: ههههههه ياله بسلامة...ناضو مشاو ....نوض زاين نور جلسها فوق حجرو...بدا يبوس ليها وجها كامل وكيضحك...زاين: خخخخ شحال توحشت هاد الريحة...😍😍نور: ههه انا لي توحشت ريحتك... و ضحكتك وتعصابك و بسالتك و طيابك..زاين: صافي غير هادشي متوحشتيش ...نور: هههه يخ تفو ..ياله جيتي... مالك عقاك غير تما..زاين: لي شافك دابا ميعرفكش 3 اشهر هادي... كنتي تفيقيني من النعاس و تنوضيني من ماكلتي و نسيتي نهار كنا جالسين فالطبلة ... تلفتي ديلمي ... و كنت نجي من الخدمة عيان مكطلقيني حتا تخوي لطاسيلتي الركابي ... دابا ولات يخ ...😂😂نور: ديك الساعة كنت كنتوحم عليك ....زاين: كيفاش كتوحمي عليا تاني...مور: داباىعقلتي رميساء فاش كانت كتوحم على ياسر مكانتش كتحمل ريحتو ومكتحملش يقرب ليها...اوى انا ضدها توحمت عليك ديما ريحتك فنيفي و كنت كنتشهاك بزاف داكشي علاش 😂😂زاين: اححححح الله على الوحم شحال دار معايا المزيان شنو دابا مبقيتيش كتوحمي عليا...نور: عفا الله وطلق سراحك...زاين: ولكن نتي لا احبيبة ... الوحم ديالي عليك مكايساليش 😜😜نور: لا دابا بيناتنا بيبي ... حشومة راه ولا كيسمع الاصوات ..اش بغيتيه يسمع اااي اححح...زابن: هههههههه والله الى توحشت داك الصويت ...😍😍نور: كون تحشم...هههه زاين: اري بوسة .... انا علاش كنتشاور ... اجي لهنا...بعزها معاه اكتر و دخل معاها فقبلة ... حنينة بنينة زويييبنة (استغفر الله العلي العظيم ههههه كتخيلوا😂😂😂 تخيلو تخيلو ) طلق زاين فومها حمر كيوزوز و بقا كيشوف فيها وجها خاوي مفيه حتا نقطة الماكياج وشعرها لي طوال كحل بزاااف طايح على ظهرها ووجها و زاين مضارب معاه يشوف وجها ... عينيها كبار زورق كيبريو بالفرحة وعاد الحمالة لي مزادتها غير جمال على جمال...زاين: زيانيتي العفريتة 😍😍نور: اويلي كون تحشم جاكسون وريكسا كيشوفو فينا (لي تفكرات كبور والشعيبية نصرفق مها بلا متخصرو لينا الجو 😂😂)زاين: كنهضر بالصح زيانيتي و زدتي بياضيتي واواحد العوينات كيبريو عندك ... وليتي بريئة وغير ديال البوساان...نور: مالي كنت خايبة 😠😠زاين: هههه لا نتي من ديما كنتي زوينة احبيبة انا قلت زدتي زيانتي متبقايش تعوجيها راه غنضرب مك... باش حسيتي فاش عرفتي راسك حاملة...نور جمعات الضحكة تفكرات الانتقام و بقات تمعشق ونسات راسها ... جمعات الضحكة ووقفت قدامو زاين مفهم تالعبة...زاين: احبيبة اش عندك 😞😞نور: وقف نهضر معاك...وقف زاين وقرب ليها .... وهي تعطيه بزوية للكرش حتا عواج .... و هي تركلو لور ديال رجلو خواو بيه طاح الارض كيتعصر جابت عصا كملات عليه ولكن ضرب خفيف ...نور: انا تضحك عليا ....انا تخورني وطلع معايا بصبع ها...زاين: حبيبة ...اححح تهدني ...متعصبيش غنشرح لبك...نور: اش غتشرح محملني اولد الحرام بلا خباري ها ... سري انا لي مخشية تحتك بالنهار والليل ... وعند بالي كنشرب البيلول و دايرا فيها مطورة ساعة الموسيو مبدل لبا الفانيد وعاطيني الهورمونات... زاين: احح رصاي... كيدرتي تا عقتي بيهم الجنية ...اححح 😂😂😂نور: يسحاب لك مغنعيقش ... درتي لي فراسك ممشيتي تا درتي ليا الكرش اولد الحرااام خليتي رميساء كتشفا عليا وضحك عليا ...زاين: ههههه صافي احبيبة باراكة عليك .... سمحي ليا غمتعصبيش ليا راك هازة ...نور لاحت العصا: بعد مني gاع متبقاش تهضرني ولا تقرب ليا .... 😭😭جات الدور وهي تغوت شادا كرشها...زاين ناض دغيا وشدها ...زاين: مالك احبيبة واش الوجع .... كضرك شي حاجة...نور: ركلني برهوشك .... معارت مالو كنحس بيه كيضرب فgاع الجوايه...زاين: مالك حاملة باخطبوط...😂😂😂نور: بعد مني ... متهضرنيش وداك البيت مغتباتش فيه😡😡دارت نور .... وجرها زاين كيضحك عنققها من لور خاشي وجهو فعنقها كيبوسو...زاين: ههههه الا هاديك ضربي غوتي وخاصمي حتا تجري عليا من بيتنا لا... هاديك لا ....نور: الى بغيتي نسمح ليك دير ليا لي باط 😠😠زاين: وكان دابا يوجدو... 😂😂نور جراتو من ايديه ياله زيد....مشاو للكوزينا ....و جلسات تما و هو كيطيب ليها... حتا سلاه و حطو قدامها وجلسات تسرط و هو كل شوية يبوس حنكها وهي كتاكل كيف البنيتة الصغيرة...زاين: ايوى يالالا نور .... اش داكشي عاودو ليا عليك..نور: ها؟؟ وصافي راك عارف... مقدرتش نصبر على فراقك ... اصلا يستاهلو كولشي ديك العصا لي عطيتهم بردت فيهم هوايشي...زاين: واخا هكاك .... نتي حاملة وباركة تنقزي ليا وكون وقعات شي حاجة ليك اولا لبيبي... و علاش هملتي صحتك ... دابا تصوري تكون واقعة شي حاجة لبيبي مسمعتيش الوالدة كتقول كرشك كبر من الحجم الطبيعي.... نور: سمح ليا مكنتش بخاطري😔😔زاين: ممم غدا الصباح غنصبحو على طبيبة...متبعا عند طبيبة بعدا ماشي طبيب..نور :اه طبيبة...زاين: مزيان ... اوى عجباتك...نور: مممم بنينة حسن من ديال داك الجلاخة كان كيساوبها لبا بعينبه مسدودين مرة مكتر لبا الملح مرة البزار ... ومكانش كيكتر ليا التشييز .زاين: ههههه واخا عليه دتبا نتفاهم معاه...نور: عنقني....زاين عنقها حتا عصرها بين ضلوعو ....نور: اي اححح قلت عنقني ماشي بجغني ... اححح هاهو كيشتف تاني 😠😠زاين هبط وجهو لعند كرشها هز التيشورت ديالها وحط ايدو عليها وودنو...كيحس بيه كبتحرك وقلب زابن كيتحرك معاه وهي ممساياش كتاكل... زاين احساس الابوة بدا كيدخل معاه حاس بالفخر من هادشي لي عندو وعندو راه حقق كولشي كان كيحلم بيه ومكايناش شي سعادة كتر من هادي لي عايشها دابا قاطع تفكيرو شي حاجة دخلت ودنو الاخرى ...قاطع تفكيرو شي حاجة دخلت ودنو الاخرى ...خشا يدو ولقاها نقطة من صوص ديال لي باط لي كتاكل نور هز راسو فيها وقال...زاين: من نيتك دابا نتي😒😒نور: مالك...اش درت لك 😌😌زاين : هانتي شوفي بعينيك...نور: ههههه اويلي سمحلي احبية مشفتكش...زاين : وا مسحي... مسحات ليه نور بالمنديل وهو استاغل قربها ليه و باسها وهي كضحك...نور كملات المسيح ورجعات تاكل ...و هو بقا حاضبها حتا سلات ... وهي ترجع جالسة لايحة كل رجل لجيه و متكية على الكورسي ومخرجة الكرش قدامها و حطات ايدها وقالت...نور: ااااح الله ...gرااااااااع.......تgرعااتزاين: ههههههه عرgتوها.... 😂😂نور: حمد الله 😛زاين: وا نوبتي انا باش نعرgها😜😜نور: هههه حتال الليل ... دابا يقدرو يجيو شي حد حشومة ميلقاوناش...زاين: ماشي سوق...الجرس فالفيلا...نور: ها لي قلنا...😂😂😂 نوض نشوفو شكون..زاين: زيدي ياله😠😠ناضو وصلو للباب حلوه وهو ينقز عليه عماد معنقو تا لاحو و بدا يعطيه غير بالضحك وزاين تاهو كيتمرغ معاه فالارض كيدابزو و عماد معارفش زاين كيبرد فيه الهوايش حيت قاطعو... السيد ياله بداتو لي مكتعلم جا لاخر خرج ليه فبلانو... بقاو معابزين بالضحك و نور تعانقت مع جبداء كتبارك ليها رجوع زاين ... تا هي مكانتش كتفارق معاها فينما يجي عماد تجي معاه...جيداء: انوضو ادوك الحلالف من تما ... بقات فيا ديك الارض مسكينة...😂😂😂نور: خليهم واجي ندخلو ...😂😂😂دخلو البنات... و هو حتا تدفع الباب عاوتاني و دخلو رميساء وياسر مبدلين ناشطين ماشطين و كيفرنسو ... غير بانو ليه الدراري مرغين فالارض.... هزو الدراري ريوسهم بان ليهم فرس النهر جاي... تبشلخ عليهم حتا غوتو ب2 .... كل واحد فيهم تقل من لاخر...رميساء تخشات حدا البنات كيضحكو حتا ناضت ليهم نور...نور هزات المظلة محطوطة حداها و هي تنزل عليهم...نور: نوضو على راجلي ياله فايق من الكومة غدخلوه لوحدة اخرى...رميساء: اااه شتك كضربي غير راجلي ضربي راجل هادي تاهو...جيداء: اويلي تكايسي ليا على فار الدقيق ديالي بافا باغاه😂😂😂زاين: زيديهم احبيبة....احححح ماشي انا .... نور: نور: سمح لي حبيبة.... هاك نتا نوض ياله نوض عليه .... باغين ترزيوني فيه ...ياسر: هداي لمك .... راه غنوض لك...ناضو الدراري ....بالضحك ... بارك ليه الرجوع وديك الهضرة وخرجو يتبردو فالجردة...عماد : ايوى هم ونزاح اخويا والله ... غير منين رجعتي كامل هادشي لي بغينا... زاين: الله يحفضك اعشيري...نور: نخليوكم نصايبو شي حاجة و نرجعو...ياسر: وا سيرو وباتو تما....نور: سي تخرى😡😡ياسر: راه غنوض لمك...مشاو البنات ب3... وبقاو الدراري...عماد : عاود ليا سيف كولشي والله تا فلتي طيرتيها منا...زاين: ماشي لخاطري اخويا غير فقت جيت نيشان...ياسر: اوى الحمد الله ... بعدا غير ختي رجعات فيها روه كانت بحال شي ميتة...عماد : واخا هكاك ملاحظتوش مطراش ليها كيف وقع فموت مها...زاين: كيفاش...عماد : كيف قلت ليك ... الحمالة راه كان عندها دور راه كان فيها ميحيح اكتر ملي دارت ولكن ديك غريزة الحماية لجنبنها كانت كتهدنها... وعرفتي ازاين باش كنت كنتبتها... 😂😂زاين: هههه باش...عماد: بيك.... كنقول ليها ولد زاين هاداك غيتقلق منك لاوقعات ليه شي حاجة ... وهي كانت كتسمع كلامي ...ياسر: ههههه علمتيها درس ازاين عمرها مزال تقلقك... زاين: ههههه تخاف متحشف هاديكعماد: ههههه واخا هكاك هاد المرة كانت اقوى ... دارت بنصائحي ... و حاربت وبقات متفائلة...ياسر: بالصح كانو لي كيعزيوها فيك فالكوميسارية ونهارهم كحل هادوك لي كيديروها هههه شرشمات بنادمزاين: مراتي اللبؤة ديالي هاديك ... 😍😍دخلو البنات حطو القهوة والاعاصير وماجاورهم...وكل وحدة شدات بلاصتها حدا راجلها...كب لبهم زاين و مدو لكل واحد ... كياكلو مجمعين...زاين: ايوى كيف جاكم الزواج... جيداء الفلفلة حارة ولا والو...نور: هههههههه ويلي ويلي..جيداء: حااااارة ياخويا...😂😂عماد: ههههههه على اللعب فبه الضحك...نور: ايوى مهلي فيك بعدا ولا غير الفم...جيداء: فار الدقييق ديالي ممخلي ماكيجيب ليا لهلا يخطيه عليا...رميياء: حبيبة شوف جيداء كدلع راجلها و كتقول ليه فار الدقيق اش نقول ليك نتا...نور: قولي ليه طووبةزاين كان داير كاس العصير في فمو رشو كيف الستا بقوة الضحكة لي شداتو... والخرين خراو خداهم بالضحك ...ياسر: راه غنوض لمك نتي .... من الصباح ونتي تقلبي على خلا عشتك...نور: من الصباح ونتا جالس عليا غنوض لمك غنوض لمك وشي نوضان مشناه...😒ياسر دار رايو تحنا يجبد الكلاكيطا وهي تخشات فزاين...نور: اويلي غكانضحك و نتا درتيها بالصح... اصلا مالي كدبت عماد زعر فار الدقيق و نتا كحل طوبة...زاين: تي سكتي 😂😂😂 ينوض ليك هاد المرة منك ليه...ياسر: غخليها ... كتقلب عليا نوض نشتف عليها...زاين: تشتف عايها نشتف عليك...رميساء: تشتف على راجلي نشتف عليك...عماد: تشتفي على عشيري نشتف عليك...جيداء: تشتف على صاحبتي نشتف عليك...كولشي دار عند هاديك لي جبدات هاد الصداع كامل كيتيناوها دافع على شي واحد فبهم ... لقاوها كتشرب فكاس الخوخ و تشوف فالكاس وتبنن...شافت فيهم كولهم حاضينها وقالت...نور: هاد العصير بنين...زاين: ههههه عفريتة...تمو جاين الكلاب و جروهم...نور: اهلا اهلا الكيوتيز دياولي فين غبرتو عليا...هزات الصغار و جلسات حدا زاين كتبوس فيهم وزاين خدا واحد ...زاين: اش هادشي نسيت بلي خليت ريكسا حاملة ...نور: انا لي ولدتها...😍😍زاين: بالصح هههه اش سميتيهم...نور: لي عندك دكر سميتو اليكس...و هادي لي عندي الفنيكيشة ديالي سميتها آلي..زاين: ههههه الله يصلح...هدا كحل بحال باه و هي بحال مها...نور: اه...جيداء: عطيني آلي ...نور: سيري فحالك ولادي هادو...جيداء: شري ليا شي واحد ا عماد..عماد : ههه ان شاء الله ياله الظلام راه طاح خاصنا نمشيو... وقفو...نور: جلسو حتى تعشاو ...عماد: لا اختي ياله نوصلو بكري... مرة اخرى ان شاء الله...زاين: ان شاء الله شكرا على كولشي...عماد: هاداك راه واجب ... نور راه ختي.. ياله بسلامة سلمو عليهم ومشاو...نور جلسات تلعب مع الكلاب و الاخرين مجمعين ... حتا عياو وودعوهم ومشاو ...
