#مدخل_أول
- علي غفلة منا قد تلتقى قلوبنا رغمآ عنا'
.تعلن عن قيام مهرجان من نور يأخذنا بعيدآ عن ظلمة الحياة' نرقص طربآ علي وتر الهوى..
-كن قريبآ فإن للأيام أشواك لا ترحم وأن قلبي حافي دونك..
-ذات نظرة منك شيدت داخلي قصورآ من المودة بقلبى إلى الأبد..
#مدخل_ثانى.
الإنتقال من مكان الأخر ليه أثر كبير في حياة كل زول 'ممكن يغير كل شى في لحظه واحده.
كتير الإتولدو برا السودان رجعتهم الظروف بطريقة أو بأخري .
فى منهم السمع بالسودان كأسم ما بعرف عنو شي
صدق بالفطرة كل الكلام السمعوا عن بلدهم سمع ما عارفين عنها شي ناس جواهم بكون راسمين ليها صورة جميله بتمنوا يجوا يشوفها.
وغيرهم ما بتمني يرجع نهائى .
---------------------------
#البدايه.
بطلة قصتنا( مودة )
تاريخ ميلادا يوم 7/3/1998 في مدينة الإمارات عاشت هناك لحدي ما إمتحنت الشهادة أهلها قرروا العودة للوطن بعد سنين كتيرة من الغربه.
مودة فرحة أمها وأبوها الأولي عاشت في دلال كل طلبات مجابا ما بتعمل إلا البعجبا
عندها أخت واحده(منى) أصغر منها بي ثلاثه سنوات وأخ (مؤيد) أصغر من (منى) بي أربعه سنوات..
أمها (سناء) ردست هندسه( تصميم دأخلى) ما إتوفقت في الشغل بعد زواجا سافرت ..
أبوها(ياسر) طبيب (أسنان) بعد جوا راجعين فتح عيادة قريب لبيتو في (الصافيه)
__________
مودة الوضع ما كان عاجبا بتعاين لكل حاجه حتي الناس البتلاقيهم خاصه أهل أمها الفي البلد بطرف عينا
مع إنهم ليهم سنتين وكم شهر من جوا راجعين لكن مودة رافضه نهائى تمشي (الجزيرة) معاهم. وفى الجامعه بعد سنه حتى قدرت تكوت صدقات برضو من بعيد حدهم البنيشات.
أمها وأبوها إتفقوا إنهم لازم يقنعوها تمشى معاهم لأنها مؤجزة وفرصه تشوف أهلا يمكن تغير رأيها عنهم وعن البلد ..
.................................................................
(سناء-ياسر)
كانوا في الصاله (ياسر) مشغوله بالجريدة الجابا معاو بعد مشي جاب حاجات الفطور اليوم كان جمعه ما عندو شغل
(سناء) كانت بتحضر في برنامج الصباحي (BN fm) في قناة (النيل الأزرق)
_سناء المرة دي أنا ماشى معاكم البلد أحضر عرس الولد ده شينه مني كل مناسبه أعتذر ليهم سبب بتك دي.
-والله كلامك زاتي ما عندي كلام أقولوا ليهم لو سألوا عنك حتي لما أعتذر ليهم بشوف في عيونهم العتاب والله.
_كدى أمشى إتكلمي معاها بهداوة كده إنت عارفها طبعها كيف 'قولي ليها خالا وبناتوا جاين من السعودية وعمتا نادية برضو يمكن توافق .
-طيبن بحاول معاها المرة دي بكل طريقه لازم أسوقا معاى أمي عايزة تشوفا..
(سناء) قامت من الصاله قالت تتكلم مع بتها قبل ما تجهز الفطور.
(مودة) قاعدة في نص السرير مشغلة موسيقي غريبه في لاب توب بتاعا
وفي يدها التلفون دأخله(الفيسبوك)
الغرفه جايطة كل حاجه في إتجاه .
_ياابت لمتين الفوضى ح تظل في غرفتك كبرتي ما كل يوم أنا ألمم ليك حاجاتك.
(مودة) رفعت عيونا إنتبهت الأمها وأقفا في الباب .
وقفت الموسيقي
_ماااماتي إتفضلي مالك واقفة في الباب.
_ههههههه ما تقولي لي من قبيل أنا بنبح ساي.
_والله ولا إنتبهتا ليك أها قولتى شنوو??
_ولا شي.
(سناء) قعدت جمب (مودة) هي بتقول.
_ناس خالك جااين رأيك شنو نلاقيهم.
-وواوو بجد خبررر حلوو خليهم ينزلوو عندنا.
_مش كده بس وعمتك برضوو جااية .
_يااخ ح تكون أجمل أجازة لازم يقضوها معانا.
_لا يا شاطرة الإجازة في البلد ما هنا.
-ااااووف كلو إلا ده خليني بتكلم معاهم.
_لالا إتفقنا أنا وأبوك نمشي هناك بتكون اللمة أحلى.
_ااايووة ما تقولى كدة بتمني ليكم إجازة سعيده .
-المعنى!! !.
_ما متحركة خطوة من البيت.
_ما على كيفك كل مرة بقنع أبوك يقعد وبكذب علي حبوبتك بمية كذبه عايزة تشوفك.
_حبوبه كل يووم بتكلم معاها تانى شنو وبابا بقعد لشغلوا.
_لا أبوك ماشى معانا.
_ماما عليك الله ياااخ البلد دي بكرها.
_يا بت بتكرهي حاجه قبل ما تعرفيها.
_سااي كده بعرفها كريها.
_طيب أكرهيني أنا وأبوك لأننا منها ...
(سناء) طلعت من الغرفة بسرعه إتعمدت تزعل عشان (مودة )تغير رأيها
(مودة) مشت تتكلم معاها رفضت تعاين ليها عشان تتكلم معاها.
مشت لأبوها عشان يدخل بينهم رفض قال هي الزعلتا وهي البتراضيها.
(مودة) ما عندها حل غير توافق ..
يتبع......
