(إيمن) عدل وقفتو بغضب جدع الكرسى بعيد نظراتو زي النار.
عاين في عيون (مودة) قال :
_ لو كان دة راجل الضربني والله الليلة إلا تتشال جنازتو أول شي'تانى شي زول بسيء للبقدم ليو مساعدة معناها ما عندو زرة إنسانية ولا ح في يوم ممكن يساعد غيرو 'ثالثآ تصرفك دة بدل علي حقيقة تربيتك يا متعلمة أقسم بالله ..
_كفاية محاضرات قايل نفسك منو عشان تسيء لي تربيتي وأنت منو أصلا عشان تقدم لي مساعدة وأقبلا منك.
_بطلي غرور في الفاضى الناس الشايفاهم أقل منك ديل هم في الأصل أحسن منك بألف مرة
شكلهم الما عجبك ده فيو قيم عمرك كلو ما ح تفهمي لأنك ما اتربيتي علي الأساس ده.
_أسكت ..
_ناوية تضربني تانى ..
_وأضبحك كمان لو جيبتا سيرة تربيتي تاني
في دقائق الخبر وصل لي (سناء-ياسر) جوا جارين يشوفوا الحاصل شنو (مودة) رفعت يدها عايزة تضرب (أيمن) وقفتا (سناء)
_مودة يا بت الواقحة دي شنو كمان ضرب.
_ماما.
-بلا ماما معاك كيف تسمحي لي نفسك تتصرفي مع الضيوف بالطريقة دي.
_بس يا ماما هو غلط فيكم ..
_ياسر أسند بتك دي خلينا نتكلم جوة كفاية فضايح.
_لا يا سناء مافى كلام هنا راجعين البيت هسى.
_بابا.
_ولا كلمة أرح يجهزو شنطكم..
(سناء) ما ناقشت (ياسر) في قرارو لأنو كان غضبان شديد لو زادت كلمة بتحصل مشكله.
جهزت حاجاتم في ربع ساعه قبل ما يطلوعوا أم (سناء) الحاجه (عرفه) طلبت من (سناء وياسر) يجوها ضرورى دايراهم في موضوع.
(سناء) خافت شديد قامت بسرعه
تشوف الحاصل شنو ..
أمها كانت قاعدة في الراكوبه معاها (عثمان) أخو (سناء) بتونسوا وبضحكوا طمنت شوية جات قعدت جمب أمها في الأعنقريب .
_خير يمه الحاصل شنو ??
_أكيد خير يا بتي ياسر يا ولدي واقف مالك أقعد البنبر جمبك
-سمح خالتي عرفه .
-المهم عشان ما أخركم أدخل في الموضوع طوالى.
_قوالي يا خالتي.
_أخوك عثمان بدور يخطب مودة لى ولدو بشير الفي الهند..
(سناء) إتخلعت ما كانت متوقعه كلام زي دة ومودة بت متين عشان يعرسوها.
(ياسر) إنتفض من مكانو زي العاضي عقرب الخبر كان مفاجىء بالنسبه ليو.
رجع قعد مكانو براحة قال:
_والله يا خالتى عرفه ما عارف أقو ليك شنو .
_ما تقول شي هسي. فكر بعدها قول قولك.
-خلاص طيب يلا يا سناء الزمن.
(سناء) رأسي جايط بتفكر في الموضوع بكل الإتجاهات ما لاقية حل ولا كلام تقولوا قالت بعد ترجع بيتا تشوف البحصل المشكله الكبيرة بتها من سابع المستحيلات توافق علي حاجه زي دي....
يتبع......
