(سناء) أغمي عليها من شافت (مودة) واقعه في الٲرض
(ياسر) بقي زي المجنون ما عارفه يعمل شنو
قال لي (مؤيد) يجري ينادي جارتهم تكون مع( سناء)
رفع ( مودة) جري علي العربيه طلب من (منى) تجي معاهو عشا تسند أختها.
عشره دقائق وصل لى أقرب مستوصف ليهم.
(مودة) فقدت دم كتير نتيجة لقطع شريان يدها الشمال لأنها ما كانت متوقعه رد فعل (أيمن) أكون كدة'
أول ما وصلوا دخلوها غرفة العمليات بسرعه الدكتور طلب يلحقوها بدم لأنها فقدت كتير لدرجة دقات قلبها ما منتظمة.
(منى) ما جفت دموعا من هم في البيت لاقيت ما وصلت أمها للمستوصف بعد فتحت طوالي جات وارهم .
مسكت ياسر من يدو جرتو لمكان بعيد من غرفة العمليات.
_ياسر أنت عملتا شنوووو ضعيت البت ضيعتها كنت بتعرف البحصل شنوو لو ما لحقتها المستشفي في الوقت المناسب.
_سناء عليك الله الفيني مكفيني ما تزيدي علي.
_قولتا لي أيمن شنو خليتو يرسل كلام قاسى زي ده لي مودة.
_ما تذكري إسمو قدامي وبعدين عرفتي كيف هو قال حاجه لمودة.
_هاك أقرأ..
مدت ليو التلفون 'النص الرساله بقول:( مودة البينا إنتهي وياريت تاني ما تتصلي علي بتمني تنسيني زي ما أنا ح أنساك طريقنا ما واحد ما بقدر أتحمل يحصل مشاكل بينك وبين أهلك بي سببي أعتبري البينا ما حصل مع السلامه مش الدنيا دي أنا طالع منها عشان اريح الناس مني) .
عاين لي (سناء) وقال:
_خلي يموت للجحيم إن شاء الله هو وكل الزيو.
_ياسر ولو مودة ماتت كنت ح تعمل شنو.??
_سناء !
_ماشه أشوف بتي .
_سناء يعني أنا المذنب خاته فيني اللوم.
_إنتهي الكلام ياسر بس بتي تبقي كويسه بعدين .
_بتك بعدين سناء عايني لي في عيوني وفهميني بتتكلمي بالطريقه دي ليه.
_إنتهينا يا ياسر داير تتطمئن عليها أرح.
_ماشي يا سناء.
(ياسر) بالرغم من طريقة ( سناء) وجعتو بس ما أخد الكلام بجد لأنها زعلانه علي بتها لكنو خايف الحصل أكون بداية الخلاف بينهم
ودة الما دايرو يحصل ومستعد يعمل أي حاجه عشان جدار بيتو ما يقع.
يتبع......
